Wednesday, 24 March 2010

Tempo Semanal Exclusif: Segunda Feira Rogério Lobato Livre totál

Rogeiro: Ha'u la'ós lakon ha'u nia família tomak para hare Timor moris iha korrupsaun

Hafoin de simu sentensa no tama kadeia Bekora iha loron 08/08/2007 Rogério Lobato sai husi Timor leste odi ba halo tratamentu saúde iha malasya. Dezde sai husi Timor Leste Rogério seidauk fila hikas mai Timor Leste tan ba hala'o tratamentu ba ninia saúde no agora halo hela ninia bisnis iha rai li'ur.


Atu rona intervista no Rogerio Lobato, download iha kraik.

Lobato in Europa

Tuir prosesu númeru 82/06 ne'e esplika katak, “Arguido Rogério Tiago Lobato kondenadu ona ho pena prizaun tinan hitu no fulan neen.” Maibé Tuir eis Ministru Interiór ne'e katak, “ha'u rekoñese katak prosesu ne'ebé sira halo ba ha'u ne'e prosesu polítika tan ba ha'u la
oho ema ida. Mas tribunál foo sentensa ida ne'ebé ha'u la aseita sentensa ne'e maibé ha'u respeita tan ba ida ne'e organ soberania Timor nian.”

Nia dehan tan ba respeita ne'e maka nia hakru'uk ba desizaun ne'ebé tribunál “nao kerdizér ke ha'u aseita.” Nia husu ba Prokuradoria da Repúblika atu, “labele iha buat rua hanesan depois dois medida s. Nune'e ha'u hanoin katak loron ida ha'u tenke husu da pena. Maibé ha'u sei la husu revizaun de pena ba tribunál ida ke agora ne'e ha'u ladún konfia. Tan ba ha'u hare katak interferénsia iha justisa ne'e demais.”

“Ita hein katak Timor ne'e loron ida sei iha instituisaun sira maka forte para hodi defende ema hotu nia interese.” Esplika kona ba situasaun moris nian Rogério durante ne'e nia dehan, “ha'u sempre hetan apoiu barak husi ha'u nia família liu-liu ha'u nia kaben no ha'u nia oan sira. Ha'u sente katak difikuldade ha'u hetan duni maibé ha'u nunka atu hakru'uk ba ida ne'e no ida ne'ebá para atu husu favór liu husi korrupsaun para hodi hetan buat ruma. Maibé ha'u
hanesan sidadaun ida ha'u halo ha'u nia vida simples." “Ha'u hanesan ema ida ne'ebé lakon barak no sempre liu husi difikuldade barak iha ha'u nia moris. Ha'u lakon ha'u nia família hotu
iha funu laran. Nune'e ha'u hetan susar maibé ha'u nunka dezanima maibé ha'u sempre optimista no hare ba oin.”

 Surat Noticificao husi Ivo Valente
Tuir dokumentu ne'ebé jornál ne'e konsege asesu relata katak, “aguido ne'e hahú kumprimentu pena iha loron 22 fulan Juñu tinan 2006 (konforme likidasaun de fls. 1397).”

Loron ida antes atu selebra restaurasaun independénsia TL (20/05/08) ba dala neen, Prezidente da Repúblika DR. José Ramos Horta foo perdaun tinan 3 no fulan sia, hanesan metade husi pena maka dekreta ona iha artigu 1 n. 2 al. A, ne'ebe refere husi diploma ne'ebá katak metade husi pena totál fulan 22 ho loron 15, bainhira to'o ona iha loron 07/05/2008. “Tuir termu de kastigu nian tinan tolu fulan sia ne'e maka remata ona iha loron 22/03/2010,” hakerek iha dokumentu númeru 1685. Komenta kona ba desizaun ne'e alin husi Saudozo Nicolao dos Reis Lobato ne'e dehan, “ne'e katak apartir agora ha'u hanesan sidadaun ida
100% livre. La iha tan situasaun ida ke dehan katak ha'u la'ós 100% livre. Apartir 22 de Marsu ha'u kumpre ona pena. Ha'u hatudu ba ema hotu iha Timor katak ha'u iha lei nia okos. Lei maka iha ema hotu nia leten.”

Iha momentu hanesan eis fundadór Falintil ne'e ho oin triste hodi dehan, “ha'u sente katak ema balun iha Timor hakarak halo dehan sira iha lei nia leten, maiske sira dehan ba ema katak sira kumpre lei.” Nune'e duni hahú husi loron 22 fulan Marsu tinan 2010 Rogério Tiago
Lobato hala'o kompletu ona ninia liberdade kondisionál, hanesan haktuir iha notifikasaun loron 21 fulan Maiu 2008 ne'ebé asina husi Juis internasionál Ivo Nelson de Caires Batista Rosa. Hafoin hetan liberdade kompletu ona Rogério daudaun ne'e halo hela bisnis iha rai li'ur hodi sustenta ninia família no mehi katak loron ida osan ne'ebé nia konsege koleta sei lori fali mai Timor Leste.  “Ha'u halo ha'u nia bisnis iha rai liu. Ha'u la halo iha Timor maibé halo iha li'ur. Ha'u halo bisnis mas tuir regra s hanesan bisnis internasionál. Ha'u nia bisnis ne'e halo liu-liu iha médiu oriente, Europa, Amérika no Asia. Nia promete ba ninia família tomak ne'ebé soe isin ba ukun Rasik an ne'e hodi dehan, “bainhira ha'u sei hetan osan mós sei hetan osan ne'e ho kosar been rasik. Nunka sei hetan osan ho meius ne'ebé lad'iak ka ilísitu ne'e la loos.”

Rogério Tiago Lobato hanesan oan terseiru husi Mestre Narciso Manuel Lobato moris iha Likisá ho Felismina Alves Lobato ne'ebé moris iha Maluru Cumo, Uatu Lari, Vikeke ne'e hanesan úniku sobrevivente hafoin ninia maun Prezidente Nicolau Dos Reis Lobato hamutuk ho na'in sanulu resin rua seluk mout ba rai hodi sosa libertasaun ba nasaun Timor Leste maibé povu barak maka sei moris ho kiak no balun riku liu fali. “Ha'u hakarak hateten katak se loron ida ha'u hetan duni meius husi servisu ne'ebé ha'u halo daudaun ne'e maka ha'u sei tau fali meius ne'e iha Timor.”

Nia lamenta ho emprezáriu nasionál balun ne'ebé manan tender boboot iha Timor Leste hodi sai fali osan ba sosa uma iha bali Indonézia no rai subar osan ida banku estranjeiru balun.
Rogerio ne'ebé dezde husik hela Timor Leste iha loron 08/08/2009 ate loron 22/03/2010 sempre akompaña situasaun iha rai laran maibé suku ninia ibun tan ba kestaun liberdade kondisionál. Maibé agora hanesan sidadaun sira seluk nia mós hahú loke hasai lian kona ba situasaun balun iha nasaun ne'e. “Naturalmente ha'u hanesan sidadaun Timor nian
ida ne'ebé lakon família tomak ba Timor. Ha'u mós iha direitu atu ko'alia kona ba saa ida maka mosu iha rai ida ne'e tan ba dezde ha'u sei joven too agora ne'e ha'u sempre hanoin Timor i foo buat ruma ba Timor nia di'ak. De forma ke hanesan Timor loron ida ha'u sei foo ha'u nia opiniaun kona ba oin saa ida ha'u hare situasaun agora iha Timor. Ha'u rona buat tebe tebes dehan iha korrupsaun barak.” “Ha'u rona katak oras ne'e ema barak iha Timor iha osan barak mas dehan osan sai hotu husi Timor. Sira tau osan iha indonézia no tau iha
fatin sira seluk. tan ba saa ida maka sira ta'uk tau osan iha Timor? Kerdizér ke osan ne'ebé sira hetan, la'ós osan ne'ebé sira hetan ho sira nia kosar been, osan ne'e la'ós osan moos. Osan ne'e fo'er.”

Alin husi Eis Primeiru Ministru no Prezidente da Repúblika Nicolao dos Reis Lobato ne'ebé foo nia ulun ba Inimigu tesi hodi lori Ukun Rasik aan ba Timor Leste ne'e dehan, “Ema barak mate iha Timor la'ós tan ba atu hamoris korrupsaun. Ema mate ba Timor para Timor ne'e atu sai rai ida ke di'ak, rai ke ema hotu bele respeita malu, rai ida mak ema hotu bele iha liberdade atu ko'alia saa ida de'it maka sira hanoin.” “Ha'u la'ós lakon ha'u nia família tomak iha Timor para hare Timor moris iha korrupsaun nia laran. Ne'e buat ida ke la di'ak.”
Ha'u mós rona katak ema balun ke uluk la iha buat ida i oras ne'e iha buat barak no riku. Ha'u la kontra buat sira ne'e maibé ha'u so kontra kuandu riku soin ne'ebé sira hetan ne'e la'ós liu husi meius ne'ebé loos. Ha'u kontra riku soin ne'ebé sira hetan ne'e, la'ós hetan liu
husi meius ne'ebé legais no meius ilísitu. 

Rogério Lobato ne'ebé moris iha loron 25/07/1949 ne'e la'o dada nia oan feto Felismina nia liman akompaña husi ninia kaben no oan mane rua tama ba igreja bali nian hodi partisipa iha misa. Nia informa katak nia sei fila mai Timor Leste iha tempu ruma nia laran.

3 comments:

Anonymous said...

Asuuuu: ami hare o vadiu hela iha portugal, o dehan fali o moris arasca,
arasca sahh fali o nia avo ida....
mate bian sira mate ne,o lalika mai rekere fali sira dehan o nia familia terus ba timor....merda,ema timor barak mak nia familia mos mate ba timor,no ba funu hodi ita sai independencia ne!.....
o nia kidun solorr, mak hodi o fahe kilat ba povu hodi atu oho padre no populaçao nebe contra imi.......
realidade ne barak looos....
no mos o la cumpre o nia senteça nebe tribunal fo ba o ne!..mak povo ami povo ida,,
aii nai maromak mak hatene deit ona,,kal ami mos mate duni iha cadeia!.....lekeraok,
O NE MATE BIAN SIRA MAK BABEUR ONA O!....NEBE O SAI LALOS ONA!....

HUSI: MAUBERE ASU AIN TIMOR LESTE!
Pois,

Anonymous said...
This comment has been removed by a blog administrator.
Anonymous said...

maubere nia oan la kolia hanesan o,o pasti milicia ida nia oan asu lasan ten