hafoin de investigasaun iha Prokuradoria da republika
Hafoin de detein suspeitu ne'ebe deskonfia halo trafiku no uza drogas iha hodiseik lorokraik ohin PNTL lori ba Prokuradoria da republika hodi halo akuzasaun.
HORSEIK –lorkarik, rai besik nakaras
Polisia Nasional Timor-Leste (PNTL) hala’o pasa revista iha Hotel Timing kongese kaptura ema hirak ne’ebe deskonfia uza hela droga ne'ebe ikus mai parte seguranca deskobre mos envolvimentu ema artista
Timor-oan ida ho naran inisial JFXG.
Artista timor -oan ho ninia belun feto nain rua
akompaha ho PNTL intelijensia,iha loron
kuarta-feira (12/12/12)maijumenus tuku
16 : 45 otl hakat ba Ministeriu Publiku (MP) hodi hato’o sira nia deklasaun
kona ba sira ninia envolvimentu iha atividade droga.
Hafoin presta tiha
deklarasaun tuir lolos akuzadu nain tolu ne’e atu tuir kedan prosesu julgamentu dahuluk iha
Tribunal Distrital Dili (TDD) maibe la kongese tan prosesu investigasaun ne'e rasik lori tempu balun nune'e julgamentu preliminaria tuir ajenda sei hala'o iha loron aban.
“Ohin sira labele tuir prosesu julgamentu tanba
tempu liu ona. Ne’e duni adia ba aban (13/12/2012) dadersan tuir oras serbisu
nian” informa ofisial Ministeriu Publiku parte seguransa. (**)
Primeiru Ministru RDTL, Kay Rala Xanana gusmao dehan nasaun Timor Leste dadaun ne'e ema estranjeiru sira uza sai hanesan fatin ba transit droga husi Afrika no Amerika Latin hodi liu ba nasaun vijinus sira hanesan Indonesia ho Australia.
Antes Aviaun Merpati ne'ebe lori Primeiru Ministu ho ninia komitiva too hikas iha Dili kalan ida antes (18/11) mais ou menus tuku 19:00 Oras Timor Leste ninian ajencia seguranca nasaun ne'e kaptura ona ema sidadaun Indonesia nain rua ho inisial EP ho HH.
Xanana dehan lia hirak ne'e iha Aeroportu Nicolao Lobato Dili, hafoin fila husi ninia vizita durante loron sanolu ba Indonesia ho Haiti.
Wainhira to'o iha aeroportu Dili Xananaa hakat liu sala de entrada hodi haree ho matan suspeitu EP ne'ebe ninia fu'uk naruk maibe oin taka metin ona ho hena metan. Minutu ruma ho mane Indonesia ne'e PM hakat liu fali ba sala de viajen ne'ebe iha kuartu ida feto Indonesia ho naran HH sulan hela hamutuk ho kokaine liu Kilo lima.
EP mana Indonesia ida ne'ebe moris iha Java maibe durante tempu barak ninia laran hela iha Bali. Nia mai ho aviaun liu husi Denpasar Bali iha loron 31/10/2012 hela loron ruma iha Dili depois liu kedan ba Singapora hodi hala'o viajen ba Kolombia.
Kolombia hanesan ema hotu hatene katak nasaun ne'e produz droga maka'as tebes. Iha loron 13/11/2012 EP to'o hikas iha dili hodi ba hela iha Hotel ida iha Kolomera. Dezde momentu ne'eba kedan parte intelijen hahu deteta ona EP ho ninia komunikasaun tomak.
Tuir informasaun ne'ebe jornal ne'ebe obtein husi ofisial bo'ot ida iha kuatel PNTL dehan katak ajencia seguranca nasaun ne'e halo kedan kapturasaun ba sidadaun Indonesia ne'e wainhira hetan ona evidencia forte iha loron 18/11/2012 hafoin hetan tan kurir feto Indonesia ida ne'ebe ho ninia naran inisial HH.
HH mai ho aviaun Batavia air iha loron sabadu. Hafoin tun iha Dili nia mos ba hela iha hotel hanesan ho suspeitu mana EP ne'ebe ninia fuuk naruk. Ohin HH kaptura husi PNTL hamutuk ai moruk Kokaina liu kilo lima.
Aimoruk hirak ne'e halo pakote didiak no uza sistema klandestinu ne'ebe diak atu hanesan ho sistema ne'ebe uluk Timor oan sira uza iha nasaun ne'e hasoru TNI.
Ema balun kestiona kona ba autenticidade ba trafiku droga liu husi Timor Leste maibe tuir jornalista senior ida ne'ebe uluk involve iha halo filmajen ba trafiku droga entre pakeistaun ho dimarka nia dehan, "iha momentu ne'eba ema sira ne'e exporta droga liu husi aviaun maibe tau iha karpetu ninia laran."
Problemas droga mai husi Kolombia ka afrika tama to'o iha Timor Leste hamosu duvidas tan ba kestaun ne'e liu husi aeroportu internasional bobo'ot ne'ebe maka iha kapacidade hodi deteta bagazen sira maka tama husi ex-Ray.
Maibe tuir trafiku droga ida ne'ebe kaptura iha loron 20/10/2012 iha aeroportu kamera Tempo Semanal konsege kaptura duni katak suspeitu refere ba klaim ninia bagazen ne'ebe mai husi Singapora hafoin to'o loron rua suspeitu ne'e hela iha Hotel Central Dili.
Autoridade Timor Leste Timor servisu hamutuk ho BNN husi Indonesia hahu kaptura suspeitu trafiku drogas liu husi Timor Leste ba Indonesia liu ona ema nain sanolu inklui sidadaun afrika do sul nain rua ho eupeia balun iha Teritori Timor Leste no Indonesia rasik.
Maske Nune'e situasaun trafiku droga hakarak nafatin uza aeroportu Timor Leste sai hanesan fatin furak hodi transit ba lala'ok importa no exporta droga ninian.
Iha retratu ne'e hatudu PM Xanana iha kuartel PNTl
wainhira ba observa ai moruk droga sabu2 ho
suspeitu nain lima iha fulan kotuk (foto Dilma)
Iha loron ohin (18/11) dala
ida tan autoridade Timor Leste ne’ebe servisu ho meus ne’ebe minim tebes hatudu
tan dala ida katak sira konsege kaptura suspeitu trafiiku droga feto ida ho
mane ida ne’ebe lori hatama droga tipu Heroin liu husi Timor Leste.
Mane ne’e ninia naran EP,
sidadaun Indonesia ne’ebe durante ne’e hela iha Bali tama mai TL iha loron hat
kotuk.
Suspeitu ida seluk feto ida
ho naran inicial HH ne’ebe foin to’o iha nasaun ne’e lori ho Heroin liu kilo
nen. Autoridade sira kaptura ona ema sira ne’e no priende mos ai moruk aat sira
ne’e.
Dalai da tan nasaun ne’e sai
hanesan portaun atu droga tama sai husi Singapora mai Dili depois maka manu
ajente droga sira ne’e mai foti lori fali ba nasaun seluk hanesan Indonesia no
mos fatin seluk.
Wainhira jornal Tempo
Semanal koko konfirma ho Diretor Servisu Interlijen Nasional (SNI) Cirilio
Cristovao dehan, “kalan ne’e iha servisu balun ne’ebe aban mak bele ko’alia Mas
servisu la’o di’ak hotu.”
Letratu n'e monstra heroin ne'ebe priende
ona husi parte autoridade iha tempu uluk.
Timor Leste hetan ameasas
boot tebes husi trafiku droga tan ba tuir observasaun dezde fulan agusto to’o
Novembro atividade trafiku drogas ninia volume aumenta ho kapturasaun ba ema
sidadaun Indonesia iha rai ketan ho Dili besik nain sanolu no sidadaun husi
Afrika do sul nain rua.
“Ha’u hanoin ema estranjeiru
sira ne’e hatene ita nia frakeza entermus de seguranca no lei ninian. Nune’e
duni husu atu nain ulun sira tau atensaun maximu ba ajencia de seguranca labele
foo prioridade de’it ba dezenvolvimentu seluk maibe haluha tiha seguranca
estadu ninian,’ dehan ema ne’ebe besik liu ba ajente hirak ne’ebe servisu ba
area ne’e.
Timor Leste ninia lei fraku
nune’e maka foin lalais ne’e suspeitu sira ne’ebe kaptura iha Dili, iha fulan
oetobru tranfere ba BNN hodi lori ba julga iha Indonesia.
