MNEC Internet Exclusif: Zacarias Husu Rezignasaun Liu Husi SMS, Xanana Husu Hatama Lalais

Zacarias (Minister of Foreign Affairs) Threatens to Resign to the Prime Minister by SMS, Xanana asks him to do so quickly.

Karik ho rezignasaun Prezidente PSD, DR. Zacarias Albano da Costa husi ninia kargu hanesan Ministru Negosiu Estranjeiru sei lori impaktu lahok ba ai riin governu Xanana ninian.  Tuir fonte jornál Tempo Semanál Fidedigna s iha Konsellu Dos Ministru hateten katak Ministru Negósiu Estranjeiru no kooperasaun (MNEK) DR. Zacarias Albano da Costa ameasa atu husik ninia kargu tan ba iha diferensa hanoin balun ho Primeiru Ministru Kay Rala Xanana Gusmão. Ministru Zacarias haruka sms ida ba gabinete do Primeiru Ministru iha loron 27/03/2010 hodi informa katak, “Bainhira ha'u fila sei husu reuniaun ho Primeiru ministru antes anunsia publikamente ha'u nia rezignasaun,”Fonte Fidedigna iha konsellu Ministru s Timor Leste sani hikas Sms husi Ministru Zacarias ninia ba Jornal ne'e. Fonte ne'e esplika diferensa entre lider governu ho ninia membru ne'e
mosu tan ba Ministru Negósiu Estranjeiru no Kooperasaun ne'e boikota hanoin ba husi ninia ulun boot. “ Ne'e hatudu katak Ministru Negósiu Estranjeiru DR. Zacarias Albano da Costa dezafia autoridade Primeiru Ministru Kay Rala Xanana nian bainhira nia la halo tuir ulun boot IV Governu Konstitusionál ne'e ninia orientasaun. “Primeiru Ministru hakarak embaixadór sira nu'udar tinan tinan, normál mai hotu tuir reuniaun ho parseiru dezenvolvimentu maibé tinan ida ne'e Ministru Zacarias boikota. Ne'e boikota interese nasionál.” Iha soru mutuk Konsellu dos Ministru loron 31/03/2010 mós Primeiru Ministru husu atu DR. Zacarias realiza lalais ninia ameasa ne'e. Husi fonte s Fidedigna s iha mós konsellu dos Ministru hateten ba jornál ne'e katak primeiru Ministru hateten, “haruka ita boot nia rezignasaun mai.” “Ministru Zacarias ameasa atu halo rezignasaun ne'e beibeik ona no hahú husi haruka mensajen ba vice Primeiru Ministru Lugo,” fonte ne'e alega.

Bainhira jornál ne'e halo konfirmasaun ho Ministru Negósiu Estranjeiru no Kooperasaun via telefone iha (01/04/2010) husi Bali DR. Zacarias hateten nia sei sei halo komentáriu tan ba nia iha feira s no sei ba halo tratamentu saúde iha Singapura no fila iha dia 06/04/2010 mak ko'alia uluk ho PM maka sei hato'o ba jornalista sira. Husu kona ba mensajen SMS ba Primeiru Ministru DR Zacarias hateten katak, “ha'u prefere la ko'alia tan ba ha'u seidauk ko'alia ho Sr. Primeiru Ministru, ha'u sei iha hela feira s i dia seis (06/04/2010) ha'u fila i dia seis maka ha'u ko'alia kona ba ida ne'e.” Nia hatutan katak, “ha'u la hatene hodi seik (31/03) saa ida maka Sr. Primeiru ko'alia iha konsellu dos Ministru s tan ba la partisipa iha ne'ebá. Nia hatutan katak bainhira nia seidauk ko'alia ho Primeiru ministru maka nia, “nein konfirma nein dezmente, maibé ha'u too dia 6 depois ha'u ko'alia ho Primeiru Ministru, ha'u hanoin depois ko'alia ho jornalista sira.”

IV Governu konstitusionál forma husi bloku Aliansa Maioria Parlamentár (AMP), ne'ebé halibur husi partidu  CNRT, PSD, ASDT, PD no Undertim. DR. Zacarias Albano da Costa mai husi partidu Sosiál Demokrata no iha kongresu partidu ne'e ninian hili ona nia sai hanesan Prezidente partidu refere ne'ebé rezulta partidu ida ne'e lakon ninia membru balun hodi hasees ba Partidu Dezenvolvimentu nasionál (PDN). PSD iha kadeira neen iha Parlamentu nasionál karik ho rezignasaun ida ne'e bele doko governu AMP ninia ukun. Iha hein no haree took.