Carmelinda deskonfia Doutor Ospital Halo mal Pratika maka Zeclito Grave

Zeclito Camilo Pereira Soares tinan hitu oan mane numeru hitu husi Domingos Rebece Soares ho Carmelinda Pereira Soares deskonfia hetan mal pratika husi Doutor sira iha Ospital Nasional Guido Valadares Dili. Agora daudaun Zeki naran bolu iha uma ninia kondisaun estadu grave liu tan. Bainhira Tempo Semanal vizita ba ninia knua hodiseik iha knua horik fatin iha Tua Ana Laran haree duni Zeclito latan hela iha kulisaun Ajul ida nia leten. Zeclito ninia inan lori ba hetan tratamentu iha Ospital Guido Valadares iha fulan Abril tinan ne’e.

Zeclito han ladun diak no laran sempre sae hela deit nune’e duni ninia mama lori ba halo tratamentu. Maibe tuir ninia mama alega katak, “Iha mal pratika husi Doutor sira hodi foo sala ai moruk bah au nia oan la tuir moras ne’ebe nia hetan. Sira foo fali ai moruk TBC bah au nia oan nune’e maka parteira sira iha Centru la atende hodi haruka ami fila fali ba ospital.”
“Kuandu too fali iha Ospityal Doutora ne’e haruka fali hau lori hau nia oan ba iha bagian Izolasaun maibe infermeiru nain rua ne’ebe tugas iha ne’eba haruka fali ami fila”
Nune’e ha’u lori fali ba Dr. Rui maka hetan fali rujukan ba Ospital hodi halo raisis i tuir X-ray maka rekomenda atu hetan operasaun. Nune’e operasaun halo duni maibe Doutor ne’ebe halo operasaun dehan, “sra rezultadu negative tan ba la hetan buat ruma iha ninia kabun laran. Labarik diak hela i ami suku fali ona.”
Kasian ba Zeclito hanesan jerasaun future ba nasaun Timor Leste ne’e. Ninia aman dehan nia agora lakon fiar ba pesoal saude sira. “Sira maka halo hau nia oan sai hanesan ne’e.”
Domingos triste tebes ba situasaun ne’ebe ninia oan hetan satan ho Doutor sira lalaok maka halo ninia oan mane ne’e terus. Ironia liu tan hafoin operasaun doutor sira dehan sira foti liman tan ba sira labele ajuda tan kiik oan. Liu tan ida ne’e pesoal saude sira informa ba Zeclito ninia mama katak, “araska no la iha harapan.”
Kuitadu tebes kuandu Tempo Semanal hare situasaun ne’e. Nune’e duni ho triste Jose Belo sms ba Ministru Saude, DR. Nelson Martins, hodi informa situasaun ne’e ba ulun boot ba isin diuak nian ne’e. Kasian tebes ba Zeclito ne’ebe future ba nasaun maibe hamriik de’it mos labele.

Ema barak gava loos servisu saude ba labarik sira. Doador sira salin osan barak maibe kuitadu se los maka sei iha fuan atu ajuda lerek Zeclito no hamenus ninia aman nia stress????
Se karik hanesan ninia mama nia alegsaun ne’e mosu mal pratika husi Doutor sira enatun Zeclito iha direitu ba hetan Justica ruma????
Sera ke Zeclito iha direitu atu hetan tratamentu hanesan Ministru ho ministra sira nia familias????
Ita hein hodi haree took karik nai ulun sira iha murak fuan nian......!!!!!!