Raul-KD Hakna’uk Domin, Dezembru Tribunal Deside Kazu Devorsiu Raul-Atha

Hafoin de hatene relasaun seriu husi Raul ho KD, Atha husu devorsiu husi ninia kaben maiske antes ne’e, inan ba oan na’in haat ne’e halo esforsu atu defende unidade ninia uma kain. “Ami trata ona devorse iha tribunal dili, i depois de devorse raul bele kaben ho se se deit mak nia hakarak, nia gosta ne dereito ninian i nia atu kaben iha ne be deit konforme nia, “dehan Atha iha intervista eskluxivu ho TS foin lalais ne’e.

Uma kain ne’e naksobu daudaun ona maibe juridikamente sei iha hela prosesu nia laran no tribunal foo daudaun tempu fulan tolu ba parte rua, atu hanoin antes martelu juiz nian sei dere desizaun ikus ba kazu devorsiu ne’e. “Kasu ne’e iha tribunal tan ba ami kaben rezisto, por isso tenki devorse liu husi tribunal. Ami hatama iha julho dia 6 no 7 de Setembro liu ba ne’e, ami nia julgamento primeiru i Segundo dia 21 de desembro agora, final (ultimo julgamento),” dale Atha.

Wainhira fahe malu iha tribunal, dala barak sei tesi mos kona ba direitu no responsabilidade balun inklui fahe riku soin no oan sira nia futuru nune’e karik Atha mos ezije fahe riku soin husi kompania sira nian maibe ho hamnasa nia dehan, “ ba dereito ida ne’e, ita bele husu langsung ba raul.” Maibe “ba oan tribunal mak sei deside, i ita la iha direito ba deside ne’e tuir lei ita nian.....maibe dezde primeiro hau husu kedas para oan hela ho hau. Ba sasan hanesa harta gono gini ami (hau ho raul)resolve interna para lalika lori ba naruk iha tribunal.”

Falta fulan rua de’it desizaun tribunal ba kazu divorsiu Atha ho Raul vigora no KD sei kaben ho Raul hafoin haree surat devorsiu nune’e Atha dale, “ha’u soe Raul, hau la mo’e maibe se nia la hetan raul nia moe boot. Ha’u kompriende ida ne’e, nu’udar tuir hau nia hanoin no sentimentu hanesan feto ida. Ba Raul mos hau sente nia nu’udar mane ida mak estraga tiha ema seluk nian uma kain e buat sira ne lekar tiha ona ba ema hotu entaun nia mos tenki iha responsavilidade ba ida ne’e. Hela ba hau ho hau nian oan sira atu ses husi sira nian problema no sira nian moris para sira bele felis e kontente!”

Maiske sei bonita no ninia penampilan sei dada mane barak nia atensaun maibe Atha hakarak fahe ninia domin ba nia oan sira de’it. “hau nia bathin ohin loron ba hau nian oan deit,” dehan atha.
Shechah Salem Sagran ne’ebe dezde sei ki’ik hanaran istimada ho Atha ne’e, monu domin ba Raul dos Reis Lemos, iha tinan 2001 tan ba tuir nia katak, Raul hatudu hadomin tebes. “Atu dehan sai domin ninian, ne mos lori tempo naruk mak foin Raul iha barani atu hato’o ninian sintido domi ba ha’u. Buat barak mak nia tenta halo para bele hetan hau nian domi,” Atha relembra.
Maromak nia kreatura na’in rua ne’ebe lanu hela iha domin ne’e, kaben iha 2002 maiske naton ne’eba Atha iha tiha oan feto ida ho oan mane ida. Tuir feto ne’ebe lori oin mistura india, arabe no portu ne’e dehan nia simu Raul Lemos nia domin la’os tan ba haree ba status ekonomia ka social. “Hau simu raul nian domin la’os tamba nia riku ou rikasu nian oan maibe ami komesa buat hotu husi zero,”Atha relembra.
Nia esplika katak nia ho Raul ne’ebe ikus mai harii Kompania boot Atramor foufoun moris ho negosiu ki’ik hanesan, “komesa husi hatama manu tolun i faan ba mercado no loja....faan super mie no mina....loke butique/loja....halo apartemento fo aluga no seluk tan....maibe buat sira ne balu lao ladun diak e para....balu ema sunu tiha iha 2006. ami komesa ho ami rua nian osan oituan mak iha e ho ajuda husi kredito MANDIRI NO BNU.
Domin bele lori hakmatek maibe domin mos lori susar ba Atha hafoin Raul venda tiha ninia domin ba Artista Kanta Pop Krisdayanti (KD). Iha celebrasaun aniversariu referendum ba tinan 10 ne’e sai fali dezastre naksobu ba uma kain Raul-Atha tan ba emprezariu bo’ot na’in husi Atramor ne’e hili domin husi KD ninian. “Hau foin hatene husi infotaiment Indonesia, naton kd ba dili ba kanta iha dia 30 de agusto 2009,” dehan Atha.
Maiske nune’e iha momentu dahuluk Atha sei la fiar lian anin katak Raul ho KD hala’o hela klandestina domin iha Timor Leste. “Kuando komesa, hahu primeiro hau la fiar katak raul bele husik ninian domi ba hau nudar fen no labarik sira....i hau fiar katak kd mak atu estraga ami nian uma kain tamba ne mak hau sempre foo suporta ba labarik sira katak sira nian aman nunka atu husik sira so para feto seluk maibe ho tempo hatudu katak hau sala hanoin e sala fiar ba raul,”Atha arepende.

Hanesan feto tenta resolve problema ho ulun malirin hodi koko buka hatene seriedade husi arista papan atas Indonesia ne’e. “Hau tenta e konsege koalia iha telemovel ho kd maibe nia hatete ba hau katak nia lakoi husik raul,” Informa Atha.
Iha parte seluk nia mos husu ba ninia kaben patraun husi Atramos ne’e katak karik informasaun sira ne’e loos maibe, “desde primeiro, raul sempre haruka hau hein i dehan katak ne gosip bosok ten to’o ikus sai iha infotaiment sira hamutuk iha maumere, nia labele bosok tan ona.”
Maiske Atha ho Raul fahe malu ona maibe sira iha responsabilidade hamutuk balun nune’e, “ami sei iha kontakto tamba ami iha oan i nia sustenta nafatin ba ami to’o ohin loron.”
Iha loron 21/07/2010 hafoin de konferencia de imprensa iha Jalan Radio sul Jakarta emprezariu Timor oan Raul rei malu ho ibun iha kru kamera nia oin. Tuir mai Estasaun televizaun hanesan Indosiar, Trans 7, Trans TV, ANTV, no SCTV publika sai. Estasaun sira ne’e hetan xamada de atensaun maka’as husi Komisi Penyiaran Indonesia Daerah (KPID) Jawa Tengah ninian i individu balun hato’o keixa kontra Raul ho Krisdayanti ba Polisia Metro Jaya.
“Ida ne mak tuir los sira labele hatudu lai....la presisa atu respeito ba hau nian sentido tamba saida mak sira hatudu ne hamonu sira nian an rasik. Maibe nudar aman ida tuir lolooss respeita ba oan sira nian sentido sa tan sai iha publica televisao ema hotu hare e dala barak hau nian oan fila husi escola tanis tamba perguntas no ledekan(goza)husi sira nian colega liliu ba labarik rua kiik ne’e.”
Atha terus tan ba vitima husi domin KD ho Raul ninian ne’e tenke buka meus atu foo apoiu fali ba ninia oan sira. “Gracas a deus hau konsege atura situasaun ida ne’e i foo suporta mental ba sira too ohin loron sira bele toman e halo sira nian moris normal fali ona,” inan husi oan nain haat ne’e dale
Atha iha ninia surat ba diretorat criminal publiku Polda Metro Jaya, loron Kuarta (4/8), fen husi Raul dos Reis Lemos ne’ebe la’os ona segredu namora hela ho Artista Krisdayanti ne’e dada hikas ninia keixa ba polisia ho numeru Pol:LP/1205/IV/2010/PMJ dit Reserse Kriminal publiku Polda Metro Jaya ho data 12 Abril 2010.
Atha hatama Keixa kontra Artista Yuni Shara hodi alega Krisdayanti nia bin ne’e halo difamasaun maibe iha ninia surat retira keixa ba Polisia Indonesia Shechah argument katak , Raul ho Krisdayanti hatudu ona hahalok ne’ebe ladun di’ak iha publiku hodi rein no hakuak malu ema barak nia oin ne’ebe haree mos husi Raul nia oan nune’e mos Krisdayanti nia oan sira. Maiske iha momentu ne’ebe Raul sei hanesan ninia kaben.

Tuir Atha katak foun-foun ninia oan sira hetan sofre barak hafoin publiku haree iha infoteimen ne’ebe hatudu filmajen Sr. Raul ho KD ninia oan sira ba eskola ninia eskola maluk dehan ami haree o labarik sira ne’e nia aman maka rei malu ho KD hodi soke labarik sira moe id ala balun tanis maibe, “agora sira komesa toman ho situasao ona i bele simu buat saida mak monu ba sira nian leten.....sira mos komesa abitua ho moris nu’udar single parent(inan besak mak iha sorin loron-loron).”
Nia esplika katak, “kiik rua ne’e mos komprende ona katak aman agora feto seluk nian ona, ne’ebe sira mos ladun chateia i husu sobre sira nia aman. sira mos agora felis ho moris inan mesak iha sorin. oan mane boot agora halo hela skripsi....oan feto(segunda filha) agora semester 5. oan mane triseiro filho agora kls 5 SD e oan feto(ultima filha)agora kls 2SD.”

Tuir nia katak hafoin Raul ho KD publikamente hatudu teatru rein malu Raul nia oan ki’ik na’in rua hetan goza husi ninia eskola maluk sira maibe hanesan feto single parent Atha iha receita di’ak liu hodi ajuda ninia oan sira, “yang terpenting adalah bahwa anak2 adalah segala galanya bagi seorang ibu single parent... jelaskan pada anak-anak bahwa mereka adalah harta dan hidup kita sehingga mereka pun merasa bahwa mereka begitu penting buat kita. Bahwa antara ibu dan anak harus saling mendukung saling mengerti dan saling mengasihi. Tunjukkan bahwa kita kuat sehingga anak-anak pun akan merasa kuat...respek dan bangga sehingga mereka menjadi percaya diri. Segala permasalahan diusahakan agar bisa dibahas bersama antara ibu dan anak sehingga selalu ada keterbukaan dan jangan menutupi apalagi membohongi keadaan atau situasi sebenarnya.”

Tuir noticia iha Media Indonesia Raul ho KD sei kaben iha tinan oin no isu dehan kazamentu ne’e sei halo iha Timor Leste maibe KD insiste to’o hare ona surat divorsiu ninian maka bele deside atu kaben ho Raul, Shechah dehan, “Nu’udar feto ida hau komprende se, kd lakohi husik raul. Tan ba hodi raul mak ninian laen soe tiha nia i lakon ninia oan. Tan ba mos raul maka ohin loron ninian karier monu i tan ba raul mos ohin loron ema barak trata aat nia. Para bele foti ninian oin "uituan" nia tenki kaben ho raul.”

Feto ne’ebe hatudu ninia laran luak no pronto simu lakon ba ninia feto maluk KD ne’e hato’o lia menon ba ninia feto maluk iha Timor Leste katak, “sebagai istri kita wajib bersabar menerima cobaan bila suami selingkuh dan berusaha dan berdoa untuk mempertahankan rumah tangga.berikan waktu untuk mereka sadari kekeliruannya tapi apabila mereka tidak sadar2 juga apa lagi sampai merendah kita sebagai istri maka tunjukkan bahwa kita juga bisa hidup sendiri dengan status yg jelas.kalo mereka lelaki bisa maka sesungguhnya kita perempuann lebih bisa dari mereka karena sesungguhnya seorang perempuan itu lebih kuat hadapi hidup dari seorang pria ingat bahwa"sebuah negara yg kuat karena adanya wanita2 yang kuat".sesungguhnya hidup sendiri itu lebih damai dari pada hidup bersama tapi tidak ada kesetiaan dan kehormatan.bangkit...angkat kepalamu dan melangkah dengan senyum di bibirmu.kebahagiaan itu ada dalam diri kita sendiri orang lain hanya pelengkap.AKU BANGGA TERCIPTA MENJADI SEORANG WANITA!hau mos hatoo hau nian agradese boot no obrigada barak ba maluk feto timor oan tomak no rede feto mak fo atensaun no suporta boot ba hau nian kazu.”

Jornal ne’e tenta ona atu halo klarifikasaun ba Raul Dos Reis Lemos maibe la konsege tan ba tuir infoirmasaun katak emprezariu nasional ne’e iha hela Indonesia no ninia telemovel la ativu maiske nune’e jornal ne’e husik hela mensajen ruma maibe ate agora seidauk hetan resposta husi Sr. Raul.