LEI TL HANEHAN TIMOR OAN TANE AAS EMA ESTRANJEIRU

Tempo Semanal-Dili 19/09/2012

Lei iha nasaun Timor Leste kontra maka ninia emar sira maibe onra ema estrajeiru no boot sira. Timor Leste sei iha frajelidade iha area lei ne’e bele nota husi diferenca de interpretasaun no implementasaun lei husi lei nain no ninia implementador sira.

Tiga roda halo promosaun ba PDT
 ninia programa iha Dili (Photo PDT)

Kazu kiik ida maka mosu hanesan muda obrigatoriamente ba vendedor sira iha merkadu komoro ka roda tolu iha dalan ninin sira. Governu liu husi ninia seguranca civil, PNTL rame-rame ba gusur maibe ema estranjeiru sira lei halo sira liurai.

“Ami faan iha sorin ne’eba maibe governu dehan ami tenke mai butuk iha lidun ne’e tan ba viola lei,” dehan Agus ne’ebe aijuda hela ninia pai, vendedor roda tolu iha lecidere.

Daudaun ne’e area movimentasaun roda tolu iha Dili husi tempo ba tempu limite ba beibeik.

“Ami hanesan la iha fatin atu bele buka moris iha rai ida ne’e. La hatene se aban bainrua Governu tun fali mai dehan ami tenke sai kala ami tenke obrigatoriamente sai mas Xina sira maka okupa hela trotoar mos governu la book,” Agus expresa ninia laran susar.

Tuir Observasaun emprezariu kiik Xines sira faan lemo hela iha dalan ninin. Harii sira nia kios no faan aifunan masa iha besik stadium ninia sorin maibe Governu la book. Iha parte komoro besik dalan ba lafatik uma ida ne’ebe harii husi ema Filipina ida sei satan hela besik valeta hotel Timor Lodge ninian sorin parte oeste nian maibe parte relevante la dauk hola medidas.

“Timor Leste ninia lei ne’e hanehan de’it maka ema Timor oan maibe ba ema Xines, Indonesia ho Philipina sira Lei Timor ninian la vale ba sira,” dehan Rui Xastro.

Tuir observasaun Lei ba tata ruan kota sei sai segredu ba kuinesimentu komun no komunidade seidauk hatene saida maka lei ne’e. Lei Investimentu sai hanesan borixa bele rasta tuir ida-idak ninian hakarak tan ba investidores kaki lima maka nakonu iha nasaun ne’e no turista sira bele sai asesor ka loke impreza iha nasaun ne’e.