PARTE III : Deskonfia Mafia Halimar Presu Mina Husu Governu Kontrola Presu Mina

Tempo Semanal - Dili, 01/112012

Governu husik autoriza Pertmanima atu domina cerkulasaun mina iha Timor Leste depois hasa'e no hatun folin konforme ninia hakarak. Labele uza razaun merkadu libre hodi foo oportunidade ba pertamina atu hanehan nafatin nasaun ho domina mina. Ironia liu tan Governu ninia kompania Timor Gap ne'ebe harii daudaun ne'e mos servisu hamutuk ho Komapnia refere.

EJIZENSIA ba Governu atu kontrola presu mina, la’os de’it mai husi membru Parlamentu Nasional (PN). Maibe, ejizensia hirak ne’e hato’o mós husi komunidade sira, liu-liu estudante sira. Tanba, impaktu husi presu mina ne’ebé sae makas fó impaktu mós ba sira nia atividade lor-loron nian.

Ezemplu ida mak, bainhira presu mina sae konserteza tarifa transporte mós sae. Ne’e duni, sei afeita mós ba estudante sira ne’ebé uza transporte publiku iha sira nia atividade loro-loron nian.

Estudante Universitariu Nasional Timor-Leste (UNTL) Marcos Hornai hateten, Governu periza kontrola duni presu mina ne’ebé agora daudauk sae makas. Tanba, kestaun ne’e bele fó impaktu ba prosesu ekonomia iha rai laran. “Ha’u hanoin Governu presiza kria politika ida hodi kontrola presu mina, atu nune’e labele fó oportunidade ba ne’ebé hakarak hala’o manipulasaun ba presu mina hodi hasae presu konforme sira nia hakarak.

Relasiona ho mina folin ne’ebé sae makas, Plinio Lewis Gusmão hateten, mundu tomak hatene Timor-Leste riku mina. Maibe, presu mina ne’ebé sae iha rai laran tuir presu merkadu Internasional. Tanba, Timor-Leste adopta hela sistema merkadu livre.

Maski iha semana rua liu ba stok gazolina menus. Maibe, kona ba Gazoel la iha problema. Ne’e duni, ETO kontinua haruka mina ba Sentru Olipezadu Hera tuir nesesidade eletrisidade nian.

“Mina hirak ne’e ami importa husi Singapura no Malasya hodi fornese ba iha sentral olipezadu ho tonelada 3 juta resin”dehan Gusmão iha edifisiu Taibesi Dili.

Iha semana hirak liu ba kompania ne’ebé fa’an mini hetan difikuldade ba gazolina. Maibe, kona ba gazoel ETO la iha problema, tanba durante ne’e mina ne’ebé ETO fornese ba sentru olipezadu Hera estabil hela.

La’os de’it, ETO mak fornese mina ba Sentru olipezadu. Maibé, kompania Nagarzo mós manan tender hodi suplay mina ba EDTL Komoro no Distritu. Tanba, sira mós iha mina ne’ebé naton atu fornese ba fatin hirak ne’e. (**)