Monday 2 August 2010

Udan Boot Estraga Produtu Lokal Populasaun Tilomar Hetan Ameasa Hamlaha

Breaking news 02/08/2010
Udan boot dezde hodi seik too oras ne'e daudaun tuun iha parte suai estraga populasaun ninia produtu. Bee mota ne'ebe sulin husi mota Tafara salin sai tama toos no natar populsaun ninian hodi lori no estraga hare, foremungu, forekeli no ai farina. Administrador sub Distritu Tilomar, Joao Amaral ba Tempo Semanal dehan apela ba Governu centra liu-liu Ministeiru solidadidade sosial atu halo vizita lalais ba fatin refere hodi hare no tenta buka solusaun ba problema ne'ebe populasaun hasoru.
"Ha'u husu atu miniteiru ne'ebe kompetente atu bele tun lalais mai iha loron 2 ka 3 nia laran hodi ajuda lalais populasaun sira se la'e populasaun bele sofre hamlaha boot tan ba iha fulan tolu ikus ne'e mosu dezastre hanesan dala tolu ona no populasaun ninia hasil panen mota lori hotu," dehan Joao.
Nia mos akresenta katak relatoriu nia hatoo ona ba administrador sub-distritu ne'ebe daudaun ne'e halo hela servisu ruma iha kapital nasaun ne'e. "Ha'u hato'o ona relatoriu ba administrador Distritu no Administrador dehan hato'o ona relatoriu ba leten maibe to'o ohin loron ami seidauk hetan resposta ruma husi parte kompetente inklui Ministeiru obras Publika," lamenta Joao.
Tuir Administrador Sub-Distritu ne'ebe baliza ho Rai ketan Indonesia ne'e dehan katak bee la'os lori de'it ai han populasaun ninian maibe bee mos tama uma populasaun sira nian.

No comments: