Tempo Semanal-Ermera, 28.01.2011
Tuir informasaun ne'ebe Jornal ne'e simu husi populasaun iha Ermera dehan ohin (28/01) dader mais ou menus tuku ida madruguada sira hakfodak ho kilat tarutu nia tarutu iha parte Fatubesi.
"Ami rona kilat tiru raizadas iha husi fatubesi ninian. Ami tauk loos," dehan Manuel, populasaun ida husi Fatubesi.
Nia hatutan katak sira la hatene se maka tiru kilat ne'e maibe ami husu atu parte seguransa sebele mai buka hatene took akontesimentu ne'e tan ba ami hela izoladu tebes.
"Ami presiza moris hakmatek atu bele halo ami nia vida no ami lakohi ema balun mai estraga situasaun iha ami nia suku," dehan agrikultor ne'ebe husu atu jornal ne'e labele publika ninia naran kompletu.
Iha Parte seluk tuir informasaun katak parte Governu mos rona ona asuntu ne'e no Ministru defeza bolu ona ninian emar sira hodi buka hatene lala'ok refere.
Iha tinan kotuk Prezidenti da Republika deklara katak atu husu atu monta postu F-FDTL ida iha Ermera hodi aijuda PNTL akalma situasaun no trankuilidade iha area ne'eba maibe to'o ohin loron seidauk realiza.
Fatu Besi fatin ne'ebe dook husi distritu Ermera no dala balun mosu konflitu arte marsiais. (TS)
No comments:
Post a Comment