Vice PM DR. Jose Luis Guterres akompniadu husi Ministra Justica, DRA. Lusia Brandao Lobato, Vice Ministru Justica, DR. Ivo Valenti, ministru Estatal Arcanjo Leitu ho DRA. Madalena hanjam Vice Ministru da Saude ho diretores balun hodi lanca kampania rejistu ba labarik iha suku sira dili laran hahu husi idade tinan ida to'o tinan liman.Iha lancamentu ne'e vice PM simbolikamente entrega certifikadu hodi rejistu moris labarik sira nian ba Xefe de suku Bairo Pite depois sei kasu ba suku atus haat haat nolu resin rua iha Timor Leste atu buka rejistu moris labarik sira nian.
Tuir DR. Guterres katak Governu mos sei koopera besik liu tan ho lider komunitaria sira inklui fiar reliajiaun sira iha nasaun ne'e hodi halo rejistu refere.
Iha parte seluk Ministra Justica, Lusia Brandao Lobato fo hatene sai objetivu prinsipal husi rejistu ba labarik sira ne'e maka atu aijuda proteje nasionalidade labarik sira nian, tulun governu define planu ba dezenvolvimentu, tulun Governu atu hatene idade eskolar labarik sira nian no proteze labarik sira nia direitu ba lei no asuntus sira seluk.
Rejistu ne'e sei iha kolaborasaun intituisaun lubun ida hanesan ministeiru Justica, Ministeiru Estatal i ordenamentu do teritoriu, Ministeiru Saude, Ministeiru Edukasaun no seluk tan.
Tuir dadus indika katak numeru moris labarik sira nian aas tebes iha nasaun ne'e. Populasaun Timor Leste ne'ebe maioria katolika sei dauk hatene atu utiliza intercepsaun no igreija bandu atu halo abortu maske sub-subar labarik barak maka mris mai so'e husi sira nia inan sira.
Iha edisaun ruma kotuk Tempo Semanak deskobre labarik barak maka idade eskola maibe tan ba problema ekonomia familias sira ba halo servisu faan manu tolu, supermie iha Ermera. Iha Dili labarik barak buka osan ho fase kareta iha liuron balun dili ninian, faan saburaka no ai fuan sira seluk inklui faan pulsa ho buka kalen aat iha lisu fatin sira iha dili laran inklui tibar ninian. (TS)
No comments:
Post a Comment