Timor Leste kada tinan la kurang husi falta foos no daudaun ne'e mosu krize presu foos maka'as iha merkadoria Timor ninian.Tinan-tinan populasaun Timor sempre kurang foos nune'e duni politika Governu AMP ninian tenta atu rezolve liu husi fahe tratores ba pouplasaun sira. Tratores sira ne'e balun maka hahu uza daudaun hanesan haree iha imajen ne'ebe jornal ne'e hasai iha sub-distritu Vemase.
Ministru Agrikultura deklara ona objetivu husi fahe tratores sira ne'e atu hasae liu tan kapasidade importasaun foos husi Vietnam maibe semana ne'e mos foos tonelada rihun tolu nolu hatun iha ponte kais Dili no iha foos mos kurang iha merkadu Nasional hodi halo presu foos semo ba lalehan nia klaran.
Maioria populasaun Timor Leste moris ho vida toos no natar nain maibe ohin loron ita bele nota katak jovens barak maka halai ba buka osan dollar tolu iha kapital Dili hodi husi ferik ho katuas sira maka servisu iha natar sira.
Ita lahatene hafoin politika fahe tratores ba natar nain sira iha area rural pelumenus hasa'e ona kuiletas populasaun ninian hanesan buat ne'ebe maka Ministeiru agrikutural espera.
Tuir kalkulasaun populasaun Timor ne'ebe ho total mais ou menus milaun ida rihun lima nolu resin lima ne'e se loron ida han dala tolu maka kada fulan bele gasta toneladas rihun sanolu resin ida liu.
Sekarik hanesan ne'e oin sa Governu atu halo komunidade sira nia kuileta sei diak liu tan kada tinan atu evita osan milaun habokur kompania no komunidade hakilar nafatin foos menus hodi halo Ministeiru Turizmu no Komersiu ulun moras. (TS).
No comments:
Post a Comment