Urnas Dom Bosco Too Iha TL

Tempo Semanal-Dili,

Breaking News 18.02.2011

Iha Dili tuku sanolu resin neen loron Sexta Feira (18/02) Aviaun ne’ebe  lori Urnas Sao Dom Bosco tun iha Aeroportu internasional Nicolao Lobato simu Dili. Padre, Madre, sarani sira nakonu iha aeroportu Komoro.

Kritaun wain maka halibur aan hamutuk bispo no membru di Governu sira iha aeroportu simu Urnas Sao Dom Bosco ho basa liman no kanta.

Urnas Dom Bosco too iha Timor Leste ba dahuluk ne’e simu husi Primeiru Ministru Xanana, Bispo Deosese Dili ho padre salesiano no madre sira.

Tuir fontes jornal iha antigo alunus Dom Bosco ninian let dehan eis estudante maioria husi Fatu Maka ne’e halo preparasaun lubun ida hanesan buka koleta osan no atividades sira seluk hodi simu Urnas mata dalan Salesiano sira ninian ne’e. 

Eis estudante Fatumaka sira ne'e ho antusiasmu maka'as foo doasaun hodi kontribui ba loron importante ne'e. Tuir sira nia hanoin katak urnas Sao Dom Bosco sei lori tempu naruk maka fila mai Timor Leste.

"Ida ne'e hanesan oportunidade uniku iha hau nia moris tan ba dala ruma Urnas Dom Bosco ninian sei fila fali mai iha ne'e iha tinan 150 nia laran. Nune'e duni ha'u lakohi lakon momentu importante ida ne'e iha hau nia moris," dehan antigu alunus ida ho naran Ameu. (TS).