Tempo Semanal-Dili, 07.03.2011
Breking News
Tuir ajenda Parlamentu Nasional ohin deputadu sira atu vota ba proposta ida kona ba suspensaun ka la’e vice Primeiru Ministru ho Ministru Estatal no ordenamentu do territorio DR. Arcanjo Leite.
Maibe tuir dokumentus ida husi komisaun I Parlamentu nasional ne’ebe lidera husi Deputada Fernanda Lay dekreta momoos dehan sei la iha votasaun iha parlamentu nasional ba proposta suspensaun ba membru do Governu nain rua ne’e. Nune'e sei la iha suspensaun iha dicionariu parlamentu ohin loron ne'e.Kazu kontra membru do Governu AMP sira ne’e halai sai ona husi justica fila ba kruzamentu politika ninian hafoin tribunal distrital Dili rejeita hodi julga alegasaun koluiu hariku aan hamutuk hasoru vice PM DR. Jose Luis guterres iha loron 02/03/2011 no adia ba loron 11-14/04/2011.
Tuir Fontes Tempo Semanal iha Parlamentu Nasional mos dehan katak sei mosu fali mosaun la fiar hasoru Prokuradora Jeral da Republika.
Iha kazu alegasaun kontra membru do Governu AMP tuir fontes refere indika katak sei la iha suspensaun tan ba kazu ne’e politika liu.
Tuir Deputadu ida husi bankada AMP dehan sira iha planu atu hato’o proposta mosaun ida kontra Prokuradora Jeral da Republika ba meja Parlamentu iha tempu badak.
Iha kazu Justica mistura ho Politika ne’e hatudu momoos ona katak orgaun do estadu sira iha nasaun ne’e hahu soke malu no ninia rezultadu ita sei hein de’it. Sera kee Ministeiru Publiku maka sei manan hodi sulan membru do Governu sira ne’ebe kona alegasaun KKN no abuzu de poderes, ka politika maka sei raut taxu hodi husu suspensaun ba Prokuradora Jeral da Republika kona ba lee sai naran ema hirak ne’ebe ministeiru publiku allega ona. (TS)
