Povu Ezije Pipeline Mai TL No Xanana Bomba Australia la Fiar Woodside

Iha loron 29/04/2010 Kompania Woodside ho ninia sosiu sira inklui Shell anuncia ona sira nia desizaun atu uza teknologia FLNG ba dezenvolvimentu Greater Sunrise. Intensaun ida ne’e la’os surpreza ba Timor Leste tan ba dezde Novembru 2007 CEO Don Voelte indika tiha ona katak projetu Greater Sunrise, “FLNG ida daudaun ne’e sai opsaun baratu liu no efetivu liu liu iha dezenvolvimentu.

Maiske ulun boot balun nia nanal sei sanak maibe povu hatoo ona mensajen ba Xanana atu lori Pipeline mai TL hanesan Administrador Sub-Distritu Vemasi T. Carvalho iha ninia deskursu abertura ba konsultasaun iha 05/05/2010 ne’ebe monu loos iha akordu referendum, “husu ba Governu tenke dada Pipe Line mai Timor-Leste tanba bele foo benefisiu ba povu no nasaun ida ne’e.” Hahalok de carvalho ne’e hatudu katak isu kadoras greater sunrise hamoris fali ona espiritu unidade nasional hodi luta ba interese nasional hafoin Indonesia sai husi timor Leste.

Greater sunrise nudar rekursu ne’ebe boot liu ba Timor Leste iha futuru no ida ne’e sai parte importante ba dezenvolvimentu nasaun ne’e. “Ho razaun ida ne’e ha’u hanoin mosu konsensu nasional ida husi governu, povu no partidu opozisaun sira katak ne’e importante tebes ba kadoras husi gas ida ne’e lori mai Timor Leste,” dehan Charlie Shiner diretor Lao hamutuk.

Xanana iha ninia resposta besik minutu 30 esplika mapa riku soin iha tasi laran zona ekonomia exluziva no area konjunta Australia ho Timor Leste. “Ita iha riku soin. Fatin ne’ebe ita iha maka ne’e,” PM Xanana hatudu ba projector ne’ebe pinta ho mapa mina iha tasi laran area konjunta entre Timor Leste ho Australia ho area exkluziva Timor leste ninia mesak.

Loloos ida ne’e maka lina ida ne’ebe separa ita nia baliza ita iha klaran ho Australia,” dala ida tan ho lampu verde PM hatudu ba linea media tasi ne’ebe seidauk bele deskute ho Australia tan ba nasaun kangaroo ne’e dada an tiha husi ICJ.

Australia maka ne’e no Darwin iha ne’eba. Sumber (Lina Media) ida ne’e ba iha ne’eba (mapa Timor) no iha ne’e mai iha ne’e (mapa Timor) hanesan. Lina ida iha loos klaran. Tuir direitu internasional ida ne’e hotu (Pm Xanana foo sinal ba area konjunta) ita nian maibe ho Australia sira sai tiha husi Tribunal Internasional de Haya. Ita ba kesar mos sira la iha ne’eba ida. Tan ba ida ne’e maka iha ida ne’ene, area ida ne’ebe (Xanana hatudu ba mapa area konjunta) ita esplora hamutuk.

Ho lampu verde xanana hatudu ba mapa area konjunta Timor leste ho Australia nia dehan, “iha ne’e area ida ne’ebe ita esplora hamutuk. Iha 1989, bainhira bapa sira sei kaer ita, dadur ita, oho ita, Ali Alatas ho Garreth Evans, Menlu Indonesia ho Australia sa’e aviaun ida, iha loos klaran ne’e, hemu tiha sampainia, fui ba ita nia ran leten hodi asina lima puluh persen ba Australia. Tan ba Australia rekonese integrasaun no lima puluh persen ba Indonesia tan nia simu integrasaun.”

Eis lider maximu da rezistensia iha luta ba libertasaun nasional Timor Leste ne’e reitera ho hatudu lampu verde ba area konjunta hodi dale, “Loloos ida ne’e hotu ita nian.”

Primieru Ministru IV governu konstitusional ne’e rekonese ewsforsu tomak ne’ebe halo husi ninia adversariu Dr. Mari Alkatiri. “Ita nia primeiru Governu iha 2002 konsege negosia sembilan puluh persen ba ita I sepuluh persen ba Australia.”

Nia lampu verde hatudu ba mapa area kontunja monu loos iha posu mina ne’ebe daudaun ne’e foo hela reseita mai Timor Leste. “Bayu udang mak ne’e,” nia dehan.

“Ida ne’e ita nia tomak. Ita temi zona ekonomia exkluziva.seratus persen ita maka bele kelola,” lampu verde oan ne’e muda ba mai iha mapa koor kinur fahe ona ba parte neen ho mutin boot ida iha klaran.

Hatudu ba bloku kinur lima iha lima karuk ne’ebe hakerek letra metan ENI, Xanana dehan, “iha ne’e, governu anterior kedas foo ba kompania Italia ida, bloku lima. Sira buka hela hetan boot too iha ne’ebe no iha ka la’e.”

Muda fali ba parte kinur iha lima loos Xanana dale,” foo ba kompania India ida naran Reliance. Ida ne’e mos sira buka hela.”

Iha mutin ne’e seidauk foo autorizasaun ba kompania sira,” nia esplika ho lampu verde pasiar iha parte dijeinu mutin ho letra “Timorese Sovereign Water.

“Iha karaik ne’ebe ita fahe sembilan puluh ho sepuluh ho Australia. Iha ne’e kompania ida naran Oilex (Oilex consortium mak buka hela,” sinal verde hatudu iha bloku verde ia lima karuk besik baliza area ekonomia exkluziva.

Sinal ne’e muda bosok deit monu iha bloku verde seluk besik ba lina media Xanana esplika, “Petronas Malaysia mos buka iha ne’e.”

“Minza mos buka iha ne’e,” Xanana nia liman ho sinal verde ne’e hatudu ba bloku seluk ida iha area konjuta. Nia hatutan katak, “mamuk mutin ne’e seidauk foo licensa.”

Iha ne’e Greater Sunrise,” xanana muda nia lampu verde ba bloku verde iha area liman loos ne’e monu iha lina tasi ketan entre Timor Leste ho Australia ne’ebe sai desputa boot hela nafatin.

“Tan ba ida ne’e maka ita fiar katak kuandu hetan i iha sinal katak iha. Pelumenus dehan katak greater Sunrise dehan iha.”

Planu Estratejiku Dezenvolvimentu Nasional (PEDN) ne’ebe daudaun ne’e PM halo konsultasaun iha sub-distritu 17 iha parte leste ne’e fo importansia ba harii suplay base (baze suplay) iha kosta sul distritu suai, refinaria minarai iha Betanu no Fabrika LNG ba Greater Sunrise iha Be Asu. “Bayu Udang besik liu ita duke Australia. No tan ba ida ne’e maka ENI hetan buat kiik ida naran Kitan, sira mos dehan atu mai suai.”

Iha suai sei iha buat ida ne’ebe kala maluk sira rona ona naran suplai base fatin ba sira nia enjineiru no ekipamentus sira. Suplai base ne’e tuir planu sei kompleta mos ho portu ba roh no helikoptru nia tun fatin. Tuir Xanana Suplai base ne’e sei eleva ekonomia povu kiik sira nia mos. “Populasaun no agrikutor sira mos sei hetan rendimentu barak tan ba ema barak maka sei servisu iha ne’eba. Nune’e sira nia modo tahan, manu no animal sira sei hasa’e sira nia rendimentu.”

Kompania ENI deskobre mina iha area kitan la’os gas nune’e iha PEDN ne’e mos dezeina atu harii refinaria ida iha Betanu area same. “Ida ne’e hanesan izemplu ida dehan refinaria. Atu tama liu ba rai maran no sa liu iha ne’e (tasi laran).”

Xanana dehan presiza estuda izemplu diak ho aat husi ema nian hodi hadia ita nian rasik. Bia foo izemplu Petronas estuda buat diak no aat husi Pertamina Indonesia maibe ohin Pertamina nafatin deit no petronas agora bele investa ona iha mediu oriente, afrika no ohin mos iha tasi Timor. “Signifika katak ita mos tenke apriende buat diak no buat aat. Buat diak maka ida ne’e (xanana nia sinal verde hatudu ba imajen refinaria betanu) karik ita iha ka ita tenke halo, hodi kelola, refina. Tan ba minarai mai ne’e la’os kedan sai diesel, maibe mai tenke tein sai petroleum, sai gazolina, sai diesel, sai oileu, sai oileu pezadu no buat sira seluk tan. Diak liu ita halo maka ita faan ba ema. Duke ita faan brutu deit maka sira halo tiha sira faan fali ba ita, karun liu fali hanesan Indonesia menghadapi daudaun.”

Lampu Verde oan iha PM nia liman loos ne’e semo ba monu iha area Beasu nia leten hodi informa ba populasaun iha Vemase dehan nasaun boot sira buka hanehan nasaun ki’ik no sira hariku aan ho rekursu nasaun Ki’ik sira nian. Tan hafoin rona Woodside ninia anunsiu sira nia opsaun preferidu nia hatuur ona pozisaun TL ninian. “Iha Be asu, ha’u iha lakluta loron rua ka tolu ba kotuk, Sekretariu do Estadu rekursus Naturais ba too ha’u. Ha’u halo karta resposta ida ba Wood Side. Susar tebetebes. Susar tebetebes ita hasoru rai riku sira. Rai ne’ebe boot ona. Dezenvolvidu ona. Susar atu hasoru sira. Ita haree katak iha mundu ne’e funu dala barak, sira temi direitus Umanus tapi di balik itu impaktu adalah kekayaan akyat kecil.”

“Ida ne’e maka bainhira ita povu ida ne’e hamutuk harii estabilidade, hamutuk ho hanoin ida de’it nune’e ita bele forsa, ita bele forte hasoru rai boboot sira ne’ebe riku tiha ona hakarak sama ita, sama ita nia ulun.”

“Uluk ita mesak de’it ema hotu la fiar dehan ita atu manan. Mesak oan de’it (xanana dada nia lian ho tone aas) ita la permite ema sama ita nia ulun no ita manan,” eis komandante em Xefe Falintil ne’e ko’alia ho liman loos hanehan ba nia ulun leten.

Iha realdidade nain sira mesmu dehan hakarak pipeline mai TL maibe sei soke malu iha liafuan, duun malu tan ne’e Xanana apela atu parte hotu-hotu hamutuk hodi luta ba interese nasaun ne’e ninian h. “Maluk sira, bainhira ita han malu iha ita nia uma laran, husi liur mai sama ita dolar didiak hodi ita presiza sira nafatin.”

“Agora, ita tenke hamutuk nafatin. Hamutuk iha hanoin ida ne’eba (Pipeline). Loro-loron ita bele iha perbedaan pendapat maibe respeita malu nafatin hodi ita forte hasoru.”

Xanana husu ba ninia operador projector hatudu fali mapa area konjunta Timor Leste ho Australia. Xanana ninia lampu verde hatudu ba kampu Greater Sunrise hodi dehan, “Haree Bayu Udang besik liu ita. Ita foo tiha ona ba Darwin. No Greater Sunrise besik liu tan ita, sira hakarak tama nafatin. Mas komu ita metin iha ita nia pozisaun dehan atu trava hodi mai ita, sira agora haree fali ona solusaun seluk, iha de’it tasi laran.”

“So para evita katak kreia servisu iha ita nia rain no hadia ita rain. Tan ba ida ne’e, bainhira ita namlele uitoan, bainhira ita la hamutuk hanoin defende ita nia rain envez defende fali lider ida lideres ida. Nune’e ema han ita, ema nauk ita ema bosok ita,” Xanana hakilar ho lian naresin.

Mane foun Australianu ne’e hamoe Ukun Nain Kangaru nian la’os ba dahuluk maibe iha momentu sei tuur hanesan Prezidente da Republika bainhira nia haree kondisaun aat iha eskola sekundaria Laura nia hakilar ukun nain ho kompania husi nasaun kangaroo ne’e nauk Timor Leste ninia mina iha tempu Maubere oan sira ne’ebe susar ne’e presiza rekursu atu hodi dezenvolve nasaun ne’ebe kiak liu iha asia pasifiku ne’e.

“Ida ne’e maka foin daudaun loron tolu kotuk ha’u hakerek ona surat ba Woodside, hodi dehan katak, ami la haluha iha 89 imi fahe ami nia riku soin ba rua kuandu ami sei mate hela. Ami nia riku soin imi fahe sorin ba sorin sorin ba sorin. Ami la haluha katak Australia halai tiha husi Tribunal Internasional Den Haya atu evita ita atu deskute baliza.”

Kompania multinasional sira hamutuk ho sira nia governu sempre uza argumentu katak Governu Timor Leste seidauk halo esforsu hodi halo formasaun no kapasita rekursus umanus ba area petroliferu. “Ha’u dehan omong kosong. Omong kosong tan ba tinan walu besik tinan sia ona, iha Bayu Udang sebelas orang Timor oan de’it.”

Xanana so’e viadas ba Governu Australia ho nia lampu verde hatudu ba kampu mina Bayu Udang ho Greater Sunrise dehan, “ida ne’e sembilan Puluh – Sepuluh no ida ne’e lima puluh – lima puluh, lima puluh ba sira, lima puluh mai ita maka kala lima orang.”

Ho doko ulun ba karuk no loos Xanana dehan ho lian maka’as katak nia lakon ona konfiansa ba nasaun ninia kaben moris fatin ne’e. “Ne’ebe ami dehan ami la fiar. Ami la fiar,” nia deklara.

Governu Timor Leste hatene katak dezde uluk kedan obsaun mai TL ne’e Woodside ho ninia sosiu sira la tau atensaun no kompania Norwegia ida hateten ba Primeiru Governu Konstisional katak kompania Australianu “la Prudente” iha sira nia estudu. Nune’e mos kompania husi Malaysia ho Korea hateten atu hanesan ba IV Governu tan ne’e governu hola inisiativa atu halo estudu rasik. “Ha’u aviza ona ba maluk sira iha Vikeke katak agora iha vikeke iha Timor oan nain sanulu resin haat hamutuk ho ema enjineiru ne’ebe matenek professional tebetebes husi inglatera. Sira iha hela Bee asu ne’eba estuda hela ita nia tasi. Roh rua hein hela sira. Sira estuda tasi loron haat, lima ka neen konforme presiza tan ba atu hanoin kona ba LNG iha Bee Asu,” dehan Xanana.

Ho Lampu Verde leno haleu planta LNG Bee Asu Xanana dehan, “sira agora iha hela tasi laran hodi estuda tasi ninia forsa, atu presiza tau bareira rua proteje bee no laloran.”

“Ita sei ka’er metin nafatin, hamutuk lian ida de’it katak greater Sunrise dada mai ita nia rain tan ba mai ita nia rain foo servisu mai ita. Dada mai ita nia rain foo benefisiu mai ita.

Xanana hatudu foto besik liu nian ida hodi deahn, “ ita iha ida hanesan ne’e de’it ita banga. Banga la’os dehan mai iha ne’e. Banga tan ba ita bele forma ita nia labarik sira.”

Iha konsultasaun PEDN ne’e PM Xanana esplika ba komunidade husi suku hitu iha Vemase kona planu infrastrutura Estrada iha teritoriu tomak, aeroportu, portu, suplay base, refinaria, postu sanitariu, irrigasaun, agrikultura no dezenvolvimentu rekursu umanus ne’ebe karik aprova maka sei hahu implementa iha 2011 ate 2030. PEDN ne’e sei implementa ho US$ 1 billiaun kada tinan no osan sei mai husi fundu Petroliferu. Tuir observasaun fonte PEDN mai husi Fundu petroliferu maka dala ruma sei mosu udansa ba lei Petroliferu ne’e rasik.

Rogeiro Lobato Ba Dahuluk Too Hikas Iha TL

Dili, Tempo Semanal Exkluxivu 04/05/2010

Falta loron haat no Fulan tolu halo tinan tolu, iha tuku 13:29 oras timor Leste roda Manu Liras besik Merpati MZ 8480 ninia roda para iha aeroportu Internasional Komoro Dili. Bainhira odamatan Aviaun loke no servente sira foo dalan, pasajeiru ida hatais kaizaku metan, kalsa ho koor hanesan no kaer ho pasta metan ida iha liman loos hakat sai husi odamatan. Ema ne’e maka Eis Ministru Interior iha primeiru Governu Konstitusional ne’ebe iha 2006 hetan akuzasaun fahe kilat ba grupu Rai Los ne’ebe tribunal sentence no tama kadeia mos sai ba halo tratamentu iha estranjeiru iha loron juramentu (08/08/2007) IV Governu Konstitusional ne’ebe lidera husi PM Kaya Rala Xanana Gusmao.

Rogeiro Lobato akompania husi seguransa sira bainhira lao sai husi Tribunal Rekursu iha Dili Timor Leste

La’o tun husi eskada aviaun tuir iha Rogeiro Lobato ninia kotuk Ministru Defeza DR. Julio Tomas Pinto no Direto Servisu Interjen nasional, Dr. S. Cristovao. Antes sama ain iha aeroporto ne’ebe hanaran tuir ninia naran ninia maun nian ne’e nia muda pasta ba liman karuk hodi kaer liman ho ema balun iha aeroporto ne’eba. Depois entrega nia pasta ba ninia emar ida maka hiit hodi la’o ba sala VIP aeroporto ninian. Too iha sala refere nia sei despede ho diretor Intelijen nasional no kaer liman ho ninia successor Julio Tomas Pinto hodi dehan, “ha’u ba direitament kedan agora.”

Bainhira husu ninia sentimentu fila hikas mai TL ba dahulu Rogeito ne’ebe oin hamnasa hela de’it ne’e dehan, “hanesan Timor oan ne’e ita nia rain nune’e ha’u tenke fila mai.”

Rogeiro Lobato too ohin atu ba partisipa iha funeral saudozu Antonio dos Santos Silva ne’ebe mate iha Dili, loron rua liu ba ne’ebe sei hakoi iha ohin lokraik iha Leorema. “Ha’u ba kedan tuir funeral. Saudozu Silva  mate antes hetan justisa ba ninia feen Maria Helena das Neves ho nia oan nain lima ne'ebe ema balun sunu mutuk iha uma laran iha Maiu 2006 iha komoro, hafoin forsa estabilizasaun Internasional sama ain iha Timor Leste. “Buat ida ke la diak no la loos tan ba nia hein hela justisa ba ema sira ne’ebe oho nia senhora ho nia oan sira mas buat ida la akontese. Maiske nune’e ita hein katak loron ida justisa sei akontese,” dehan Rogeiro Lobato ho lian nakdedar no matan wen nakonu.

Rogeiro sa’e kareta pajeru familia nian ida ne’ebe para hein hela iha VIP aeroporto nia oin maibe kuandu too iha portaun sai husi area VIP ninia jovens balun halai korta karta hodi viva no obriga eis Ministru Defeza iha 1975 ne’e tun husi kareta hodi kaer liman ho sira. Tuir informasaun ne’ebe jornal ne’e rekoila DR. Mari Alkatiri sei akompania Rogeiro Lobato ba Leorema hodi hakoi matebian Antonio dos Santos Silva.

Rogério Tiago Lobato hanesan oan terseiru husi Mestre Narciso Manuel Lobato moris iha Likisá ho Felismina Alves Lobato ne'ebé moris iha Maluru Cumo, Uatu Lari, Vikeke ne'e hanesan úniku sobrevivente hafoin ninia maun Prezidente Nicolau Dos Reis Lobato hamutuk ho maun no na'in sanulu resin rua seluk mout ba rai hodi sosa libertasaun ba nasaun Timor Leste ne’e ba segundu vez ba moris hikas iha rai estranjeiru hafoin Timor Ukun Rasik aan. Iha funu ba libertasaun nasional Rogeiro sai husi Timor Leste hamutuk ho Joven Jose Ramos Horta no Marii Alkatiri iha Dezenbru 1975 antes ofisialmente Indonesia halo agresaun mai Timor Leste.

Loron ida antes atu selebra restaurasaun independénsia TL (20/05/08) ba dala neen, Prezidente da Repúblika DR. José Ramos Horta foo perdaun tinan 3 no fulan sia, hanesan metade husi pena maka dekreta ona iha artigu 1 n. 2 al. A, ne'ebe refere husi diploma ne'ebá katak metade husi pena totál fulan 22 ho loron 15, bainhira to'o ona iha loron 07/05/2008. “Tuir termu de kastigu nian tinan tolu fulan sia ne'e maka remata ona iha loron 22/03/2010,” hakerek iha dokumentu númeru 1685. Rogério Lobato ne'ebé moris iha loron 25/07/1949 ne'e la'o dada nia oan feto Felismina nia liman akompaña husi ninia kaben no oan mane rua tama ba igreja bali nian hodi partisipa iha misa. Iha inisiu fulan Marsu Rogeiro informa ona katak nia sei fila mai Timor Leste iha tempu ruma nia laran.

Asina Kontratu SubSubar No Eis Manajer Hariku Kompaina Mega Tours

Eis manajer Jeral kompania Timor Mega tours ne’ebe agora daudaun kaer hela pasta Ministru Negosiu Estranjeiru Timor Leste, Dr. Zacarias Albano da Costa deskonfia fornese projetu sosa bilete ba kompania ne’ebe mak uluk nia rasik haknar an ba hodi hamosu deskonfiansa koluiu, favoritizmu no konflitu de interese. Kontratu ba kompana eis fatin knar Dr. Zacarias Albano da Costa ninian ne’e ho durasaun fulan 24 hahu husi 13 Outobru 2008 too 13 Outobru 2010 hodi fornese bilete aviaun ba pesoal tomak ne’ebe daudaun ne’e ukun husi eis manajer Jeral Megatour ne’e.

“Dokumentu ne'e mak kontratu nebe Ministeriu Negosiu Estranjeiru halo ho Ajensia Megatours,” hateten iha felizberto ninia email ne’ebe manda ba jornal TS.

Iha loron 13/10/2008 diretor nasional ba Administrasaun Ministeiru Negosiu Estranjeiru, Felizberto de Araujo Duarte asina kontratu numeru RDTL-010 (haree kopia kontratu 1 ho kontratu 2 iha pajina….)

 ho Diretor kompana Timor Mega Tour, Eduardo Fransisco Sanches Massa tan ba hetan presaun husi eis manajer jeral kompania Mega Tour ninian ne’ebe daudaun dulas hela volante Ministeiru Negosiu Estranjeiru ne’e.

“Hau simu instrusaun hosi Ministru Negosiu Estranjeiru hatutan tuir Direktor Megatours Eduardo Massa nebe mak ba hasoru hau iha hau nian eskritoriu iha MNE hodi dehan katan Ministru hakarak atu tengke asina kedas kontratu ida lalais ho Ajensi Megatours antes nia fila mai hosi UN Security Council Meeting iha Nova Iorque iha tinan 2008,” esplika iha pontu numeru rua husi Felizberto ne’e.

Diretor Megatours rekonese nia konvida duni ninia belun Dr. Zacarias ho funsionariu husi Ministeiru han hamutuk hanesan alegasaun husi Felizberto hateten katak,“Ministru Zacarias, hau no Eduardo Massa no Nelson, staff hosi Megatours no mos Direktur Divizaun Finansa, nebe sai tiha ona, Eduado Massa konvida ami ba han subar iha Restoran Sagres Garden. Ministru foo instrusaun mai hau katak, hau mak uniku tenke asina hodi autoriza ema ida-idak ninian request kona ba booking bilhete iha Megatours..” Deputadu balun husi bankada Amp ne’ebe husu atu jornal ne’ebe labele publika ninia naran alega katak Ministru Negosiu Estranjeiru iha ninia interese iha kompania ne’ebe uluk nia rasik sai hanesan manajer jeral ne’e. Nune’e duni lalika duvidas ministru fasilita Megatours ho projeitu aranja bilete ba funsionariu tomak iha ministeiru ne’ebe agora nia ukun. “La iha duvidas katak Sr. Ministru Zacarias fasilita duni kompana Megatours tan ba hanesan sai iha televizaun iha 2006 nia rasik deklara iha televizaun ninia kompana lakon osan barak kuandu turista balun mai ho roo labele tun tan ba situasaun iha momentu ne’eba,” dehan deputadu ne’e.

Deskonfiansa ne’e realsa liu tan husi ema PSD balun ne’ebe servisu mos iha Gabinete Ministru Negosiu Estranjeiru ninian. “Senhor FdC, Ofisial Politiku hosi Gabinete Ministru nian mos foo hatene mai hau katak Ministru Zacarias Albano da Costa iha saham hotu iha Ajensi Megatours ninian laran,” deklara Felizberto.

Eduardo Massa konfeza katak Ministru Zacarias uluk sai duni hanesan manajer jeral ida ba kompana refere maibe rejeita Dr. zacarias sai hanesan asionista iha megatours. “Nia mai kaer iha ne’e fulan tolu ka haat mak ne’e de’it. Hanesan troka ha’u de’it iha tempu badak depois nia tama kedas ba kampana ba elisaun 2007. Kona ba dono ka nain ne’e nusa maka ema sei ko’alia kona ba ida ne’e,” nia ko’alia ho oin mean uitoan.

Iha tempu ne’ebe mak Ministru Zacarias Albano da Costa hetan presaun hosi opozisaun nebe dehan katak, “Ajensia Megatours ne'e dono socio Zacarias nian mos.”

“Atu projete ninian a'an, Zacarias presiza kontratu ida asinadu para atu bele defende nia se opozisaun levanta tan kazu ida ne'e. Hodi nune'e mak nia haruka halo kontratu ida ne'e atu bele justifika katak durante ne'e MNE hola ticket iha Megatours tanba bazeia ba kontratu, maibe laiha ida, no kontratu ne'e halo ikus no subar-subar deit,” dehan Felizberto de Araujo Duarte.

Eduardo ninia parte dehan, “ema kuandu ko’alia hanesan ne’e nia laran ne’e la mos.ha’u sempre servisu hamutuk ho Ministeiru negosiu estranjeiru, ministeiru sira seluk no vice PM nia fatin.

Kona ba deklarasaun iha media katak megatours manan tender Felizberto halolon katak projeitu sosa bilete ne’e tender finjidu de’it maiske iha duni kontratu ida. “Maibe lalos, kontratu ne'e hau asina deit tanba presaun politika, no justifikasaun sira halo tun sae deit para bele foo ba Megatours.”Tuir prosedimentu normal kuandu temi ona tender ne’e presiza anunsiu ba publiku liu husi televizaun ka meius sira seluk maibe ba buka iha file jornal sira mos la iha anunsiu ida mos. “Ikus mai hau sadar katak sira atu uza kontratu ne'e hodi taka katak ne'e laos Zacarias nian ida, maibe tanba kontratu mak MNE hola hotu bilhete iha Megatours.”

Tender projetu koko mos ukun fuan aprovizionamentu maka bele tan iha 2008 Ministeiru Negosiu estranjeiru dala ruma seidauk iha direitu atu halo tender mesak ba projetu folin boot no bainhira hakat ba prosesu pagamentu tenke priense rekezitu balun maibe tan ba kontratu numeru RDTL-010 ne’e deskonfia sofre gribe koluzaun, nepotizmu inklui konflitu de interese maka hafoin asina tiha haksumik hela iha gabeta knua MNE iha praia dos kokeirus no kualker fatura husi Mega Tours nunka aneksu kontratu refere. “Tuir prosedimentu normal, CPV tengke aneksu ho kontratu, tanba ami hatene katak buat ne'e laloos, ami nunka aneksu ba CPV. Jadi, iha Ministeriu Finansa mos la hatene ida; Kontratu bosok ne'e, somente Ministru mak iha, Eduardo Massa no hau," relata eis diretor nasional administrasaun MNE ne’e.

Xefe Departamentu Sistema Integrada Gestaun Finanseiru Diresaun Nasional do Tezouro Jose Alexandre de Carvalho realsa esplikasaun husi Felizberto ninan. “Banhira atu hala’o prosesu pagamentu ruma konserteza tenke prense formulariu CPV,P O, Surat Kontratru, Envois no Sertifikadu ne’ebe relevante.

“Se karik ami verifika mak dokumnetus hirak ne’e la kompletu konserteza tau hamutuk iha fatin ida depois informa fali ba Ministeriu ne’ebe relevante atu halo kompletu hafoin bele prosesu, maibe se karik dokumentu s hirak ne’e la iha entaun prosesu pagamentu labele hala’o,” Dehan Jose Alexandre de Carvalho.

Tuir Diretor Eduardo katak sira iha dividas boot tebes ne’ebe seidauk selu.

Felizberto ho konsiensia tomak katak kontratu ne’e sala tan ne’e maka nia fakar sai ba publiku. “Se hau mak halo ho laran hau sei nunka fo sai ba publiku, tan ba hau mak asina rasik ho presaun politika hosi ministru no ninian ema sira, ikus mai hau tengke fo sai dunik, tanba ba hau la lakon ona buat ida, tanba hau nian kolega diak sira iha MNE loron ida ministru (….) ne'e sei duni sai hotu se ema seluk la troka Zacarias lalais. Nia komesa duni sai ona hau nian kunhada,”dehan Felizberto.

“kontratu ne'e halo tan ba presaun politika no hau ho staff sira nunka utiliza kontratu ne'e depois de asina tiha. Ida ne'e kontratu sabaraut ne’ebe mak Zacarias atu uza hodi proteje ninia an katak Megatours laos ninian no katak MNE hola tiket iha ne’eba tanba bazeia ba kontratu.Ne'e (kontratu) la los. Se laos ninian, entaun diak liu haruka MNE lalika tan hola ticket hosi Megatours,” dehan Felizberto.

Nia alega katak antes asina kontratu MNE ho kompania Megatours ko’alia uluk ona hodi nune’e diretor Megatours fo konsola ba nia atu halo finze hasai surat konvite ba kompana sira seluk submete sira nia kuotasaun maibe foo tempu ne’ebe limete. Nune’e MNE, “haruka karta ida tgl 9 Oktober 2008 maibe tau tiha tgl ba iha tgl 8 Oktober 2008, no husu ba kompanhia sira atu hatama lalais sira nian proposta to'o batas tgl 10 Oktober 2008, atu nune’e ema seluk la iha oportuniudade no Megatours mak hatene uluk tiha no hatama lalais tiha sira nian proposta antes loron taka. Jadi laiha komparasaun ho kompanhia seluk. Sira mak hatama deit no asina kontratu foo deit ba sira. Konkluzaun katak mau tidak mau tenke asina dunik kontratu ida ho sira.”

Maibe Diretor Kompana Megatours Eduardo Massa ba jornal ne’e iha ninia servisu fatin dehan ninia kompana simu karta husi MNE atu partisipa konkursu refere. “Ha’u simu karta. Hanesan be karta atu loke tender kona ba ida ne’e I ha’u mos halo aprezentasaun ha’u nia proposta ba sira,” dehan Eduardo Massa.

“Sr. Felizberto rasik mai ko’alia ho ha’u. Nia maka hodi karta konvite ne’e hodi ha’u foo resposta hodi ba tender ne’e.Ha’u nunka, nunka, nunka ko’alia bu’at ida ho Sr. Ministru,” Eduardo soe hikas todan ba Felizberto nia leten.

Tuir felizberto katak kontratu RDTL -010 budu hela iha gabeta Ministeiru negosiu estranjeiru no subar husi Ministeriu Finansa tanba, “kontratu ne'e la los, tanba fo manan deit ba sira (megatours) hodi la fo oportunidade ba ema seluk ho tempu nebe mak la fo fatin ba ema seluk atu prepara, somente Megatours deit tanba sira preparadu tiha ona.”

Projetu ne’e, “La iha tender ida, se iha tender karik, entaun ne'e tau iha jornal no publika ba publiku atu ema hotu hatene. Buat ne'e la akontese ida. Se iha tender tengke iha presu osan atu bele halo komitmentu uluk antes tender, maibe kazu ne'e laiha ida. Buat nebe mak akontense mak ne'e apapun yg terjadi sira mak tengke hetan dunik. Jadi haruka deit karta ida ba Megatours, STAT (haree kopia surat 2 iha paj…)

no Harvey World Travel, tuir Eduardo Massa ninian hakarak foo prazu ba sira atu hatama expression of interest iha loron ida ho balun ninian laran,” alega Felizberto.

Nia deskonfia eis Diretor Megatours ne’e komete konflitu de interese ho kompana Megatours. “Eduardo Massa sempre telefone direktamente ba iha Zacarias ka Chefe do Gabinete Ministru nian se iha problema kona ba pagementu, no Ministru mak hato'o tutan fali mai ami.”

Hataan ba alegasaun ne’e diretor Megatours dehan lakohi hateten Sr. Felibezto bosok maibe ,“Ha’u nunka kombina ho Sr. Ministru ho Sr. Felizberto rasik,” rejeita Eduardo..

“Sr. Feliciano da Costa mai hau nian eskritoriu no fo hatene mai katak Ajensia Megatours ne'e Ministru Azaka mos iha saham hotu,” nia alega.

Iha momentu ruma liu ba partidu opozisaun kestiona presu bilete husi Megatours ne’ebe hamosu dskonfiansa iha MNE. “Ministru Zacarias mos husu ba hau atu muda lalais Sra. Francisca Menezes ho Sra. Celsatina Magno hosi Direksaun Administrasaun tanba curiga katak sirak mak ba fo sai presu megatours nian ba ema iha liur. Tanba iha tempu nebe opozisaun sira mos levanta kestaun katak presu tiket megatour nian karun lo'os. Felizberto fiar metin nafatin ba ninia funsionariu maluk sira seluk nune’e, “hau fiar hau nian staff sira nunka ba hateten buat sira ne'e iha liur. Sira mos hatene kona ba kontratu arbiru ne'e maibe nunka ema liur hatene, to'o hau mak fo sai ona ba Ita bo'ot (tempo Semanal).”

Diretor Megatours nega mata-matak ninia asinatura iha kontratu ne’eba iha loron 14/10/2008. “Ema hotu dehan katak ha’u asina ona kontratu maibe ha’u seidauk asina kontratu ho ministeiru Negosiu Estranjeiru mesmu iha tempu ne’eba sira dehan ministeiru hola desizaun atu kontinua nafatin ho megatours,” dehan Eduardo ho ulun doko ba karuk ho loos.

Kompana Megatours foo ona bilete ba ministeiru Negosiu Estranjeiru dezde uluk kedan ate 2008 maka formaliza ho kontratu RDTL-010 ne’ebe Massa nega ninia asinatura rasik.

Tuir lista invoice ne’ebe jornal ne’e konsege asesu hatudu katak Megatours la’os de’it aranja bilete aviaun maibe mos halo booking hotel ne’ebe loloos funsionariu sira hetan perdiem kompletu atu selu. Tan ba ne’e iha setembru 2009 simu Felizberto la konkorka ho rejeita atu prosesa invoice megatours hodi haruka surat ida kompana Megatours hodi labele muda item sira ne’e maibe separa tiha. “Iha tgl 16 Setembru 2009, hau haruka ofisio ida ba Eduardo Massa atu labele troka invoice bilhete no hotel sira nebe mak funsionariu sira hotu halo booking, tanba Eduardo Massa mai halao enkontru ida ho ami no iha prezensa ministru nian husu ba ami atu troka tiha invoice booking hotel ministru nian, atu troka fali ba "re-book ticket ka re-issue new ticket atu auditor sira labele hatene. Tanba Ministru Simu tiha perdiem maibe halot tiha hotu iha bolsu no lori fali advance mak ba halo pagamentu ba hotel sira, alem de ne'e mos ministru booking tutan tan hotel hosi megatours. Tanba razaun atu ema labele hatene katak Ministru booking tan hotel liu hosi megatours, mak Eduardo mai husu atu troka tiha invoice balun. Maibe hau la konkorda depois de enkontru no haruka kedas ofisiu ba nian.”

Nune’e diretor Megatours hakerek hikas ninia resposta via surat elektonika email hodi promete aru koriji dunik sira nia fatura maibe nunka entrega too nia lakon ninia pozisaun hanesan esplika iha email iha karaik ne'e:

From: timormegatours@aim.com [mailto:timormegatours@aim.com]

Sent: 16 September 2009 18:39
To: Rosalino Aleixo Soares; megatours.gmf@gmail.com; viamegatours@gmail.com; contabmegatours@gmail.com; zdacosta@gmail.com; secgmne@gmail.com
Cc: Aderito Baptista Lopes; adelina martins; benevides alves; celestino magno; cipriano teme; danilo goncalves; dirce borges; evita abrantes; felizberto de araujo duarte; filomena noronha mesquita; francisca menezes; idalina oliveira; jose amaral tilman; luis gonzaga; luzia soriano; Manuel Marcal Sarmento; maria mesquita; nilton saad; Vicky Tchong; Virginia Costa


Subject: Re: Factura bilhete no hotel.


Sr. Director Felizberto,


Recebemos e tomámos boa nota da vossa comunicação.
Assim, amanhã mesmo, Quinta, iremos de manhã levar as eventuais
facturas corrigidas de acordo com a vossa solicitação, e esperamos que
nos possam esclarecer sobre os compromissos assumidos na reunião do dia
4 de Setembro na presença de S. Exa. o Sr. Ministro Dr. Zacarias da
Costa.


Sempre com estima,


Eduardo Massa


Director

Timor MEGAtours
Head Office: Av. Pres Nicolau Lobato, Hotel Central
Dili - TIMOR LESTE
Tel: (+670) 7235199 - (+670) 3310699
Email: timormegatours@netscape.net


Tuir Felizberto katak se funsionariu ida maka viajen beibeik ne’e bele riku lalais tan ba hetan perdiem bele rai tiha uza maka advance payment ba selu hoteis no nesesedade sira seluk.“Advance ne'e konformi deit Ministru husu liu hosi Xefe Gabinete Maria Jose Fonseca. Bele husu USD$5,000, USD$10,000, USD$15,000, USD$20,000, etc. tergantung deit jadi ami hein foti fo deit. Se osan seidauk hau entaun, ba deve tunsae iha Finansa neba.”

Felizberto hakerek iha ninia email ne’ebe direje ba Tempo seminal ho lian mistura Tetun no ingles. Iha parte ingles nia esplika, “For 2009 budget allocation, MNE only has USD$500,000.00 for its overseas travel expenses USD$100,000.00 has to be transferred from other line item to sustain MNE’s activities overseas. As of 06 July 2009, MNE has spent closer to USD$600,000.00. Virements from the other line items are tantamount to ensure that foreign service continues to carry out its work overseas.Another virement of USD$284,872 to Overseas Travel to cover operating costs from August to December 2009 and early months of 2010. Problema mak ne'e iha deit fulan Agustu osan USD$284,872,000 nebe mak transfere ba tan viajen estranjeiru mohu hotu deit iha fulan Agustu 2009 tanba mezmu osan laiha Ministru hakarak hela deit viajen. Jadi haruka ami ba husu tan Primeiru Ministru atu transfere tan osan sekitar USD$600,000 hosi linha salario e vencimento maibe Primeiro Ministru dehan ba buka meios, tanba tuir lei labele transfere osan hosi salario e vencimento. Jadi, total osan gasta iha 2009 ba viajen estranjeiru mohu iha fulan Agustu mak sekitar kuaze USD$900,000.”

“Iha 2010, orsamentu viajen estranjeiru nian iha USD$900,000, kuandu sira semo tun sae tan entaun bele hotu lalais se laiha kontrola sa tan se lori tan advance barak2. Orsamentu ne'e konsentra ida SEDE nian. Jadi kuandu Dubes no diplomat seluk hakarak uza sira tengke husu autorizasaun ba Zacarias.”

Iha deklrasaun politika partidu PSD iha plenaria Parlamentu hodi defende polimika rezignasaun SMS Ministru Negosiu Estranjeiru, foo razaun Ministru zacarias la aceita atu Embaisador TL sira mai tuir DID hodi pouva gastu ba viajen. Maibe tuir invoice Megatours ne’ebe jornal ne’e konsege asesu hatudu momos katak viajen entre Janeiru ate Setembru 2009, Ministru Zacarias, asesor Joao Tavares no funsionariu balun maka konsume maka’as orsamentu do estadu. Joao Tavares ne’e asesor ida ne’ebe Ministru Negosiu Estranjeiru rasik maka rekruta no funsionariu barak iha MNE la hatene ninia servisu nia lala’ok. Kona ba dispezas ba viajen iha mne entre Janeiru ate iniciu setembru 2009 bele hare iha dokumentos nebe mak Tempo Semanal sei hasae iha aban

Tuir Jaime dos Santos estudante, faculdade sciencia politika iha universidade ida iha Dili apela ba vice PM Carrascalao atu labele hakilar demais maibe pelumenus hatudu netik ninia kbi’it atu hadia organizasaun. “Ha’u hanoin maun Anito Matos de’it maka kantor diak maibe vice PM Mario mos kanta maka’as liu maibe la menghibur ida,” dehan estudante husu labele fo sai ninia naran apalidu kompletu ho ninia universidade.

Nia sadik PM carrascalao ho KAK ninia barani atu investiga kazu ne’ebe mosu iha MNE purke orsamentu boot gasta ba viajen maibe rezultadu maka la iha. “Sekarik osan ne’e uza ba halo eskola ho klinika entau bele ajuda liu tan povu sira iha area rurais maibe gasta ba viajen MNE ho staff balun inklui asesor balun entaun diak liu kansela tiha sira nia viajen,” dehan Jaime.

Nia salienta liu tan katak, “Pm xanana ninia viadas ba Ir. Mario iha Baguia ne’eba ne’e iha razaun duni nune’e ha’u husu vice PM hatudu ninia professionalizmu iha harri administrasaun.”

Infelizmente to’o notisia ne’e hatun Tempo Semanal seidauk konsege hetan konfirmasaun husi MNE Dr. Zacarias. Tempo seminal ba ona iha tempu ruma kotuk ba to’o ona iha praia dos kokerus, koko ona telephone ba ministru ninia ofisial inklui haruka ona sms kona ba esforsu jornal ne’e atu halo konfirma ho Ministru ne’ebe dala balun izola husi ninia PM ne’e.

Atu Subar Bosok No Defende Aan PSD Tula Todan Ba SEKM ho Media

Tuir komunikadu ba emprensa ne’ebe dirije ba emprensa tomak, Konsellu Ministru esplika katak, “iha loron 14 fulan Abríl, tinan 2010, hala’o iha Palásiu Governu, iha Díli, hahuu ho esklaresimentu kona-ba

situasaun Ministru Negósiu Estranjeiru nian, iha órgaun komunikasaun sosiál sira nia oin. Kazu ameasa Rezignasaun SMS ninia gravidade maka’as tebes maka PM Xanana ho laran luak loke odamatan KM ba komunikasaun social. “Tanba mensajen liu husi telemóvel ne’ebé Ministru Negósiu Estranjeiru haruka ba Sr. Primeiru-Ministru, liu husi Gabineti. Primeiru Ministru konsidera katak liafuan hirak hato’o hosi Zacarias da Costa durante prosesu ida ne’e “labele admite, labele tolera, halo afirmasaun ida ho intimidasaun no ladún iha valór”. Primeiru-Ministru dirije ba Ministru Negósius Estranjeirus katak “...ita boot halo sala tanba desizaun Primeiru-

Ministru nian atu bolu embaixadór sira!”. Ikus liu, Zacarias da Costa husu deskulpa ba Konsellu Ministru,” deklara iha komunikadu ba emprensa husi palaciu do Governu.

Deputadu Riak Leman dehan ba jornalista sira iha Uma fukun Parlamentu Nasional katak sira nia partidu mak husu duni ba Dr. Zacarias atu ba haraik aan ba PM. “Ami mak husu duni ba Dr. Zacarias atu ba husu deskulba ba maun boot Xanana,” dehan Riak Leman. Tuir observasaun Dr. Cristopher Samson katak ne’e hatudu arofansia MNE ninian hasoru ninia Primeiru Ministru. “Kuandu deputadu Riak dehan sira mak husu Dr. Zacarias ba husu deskulba ba PM entaun ne’e hatudu nia la husu deskulba ho laran tan ba ema seluk mak obriga nia. Nune’e sei iha problema nafatin iha futuru tan ba arogonsia Dr. Zacarias ninian ne’e,” dehan Diretor Labeh.

Iha Transmisaun direita debate iha TVTL ne’ebe marka de’it prezensa husi Sekretariu do Estadu Konsellu de Ministru Agio Pereira, Hermenegildo Lopes Kupa no deputadu Rui Meneses ne’e la konsege la’o ho didiak tan ba tuir produtor programa TVTL ninian hateten katak sira konvida ona Dr. Zacarias maibe delega fail ba vice PM Mario Carrascalao. “Foun-foun ami husu ba Ministru Zacarias maka atu mai maibe ninia parte dehan Vice PM Carrascalao mak sei reprezenta nia. Entaun ami dehan ba Vice PM katak programa ne’e sei halo gravasaun maibe Vice PM ezije atu halo transmisaun direitu. Entaun ami nia ema balun ne’ebe la’o hela ho Prezidente ami tenke esforsu para mai fail atu atende programa ne’e no ultimo liu ami konfirma hikas ba vice PM ninia gabinete hodi dehan loos ona. Ninia sekretariu husu se se maka sei marka prezensa iha debate ne’e I ami dehan katak Sr. Vice PM, Sr. Kupa no Sr. Sekretariu Estadu Konsellu de Ministru. Entaun ninia sekretariu dehan hein lai nia sei hatoo hikas ba Vice Pm. Liu tiha minutu balun ha’u simu fail telephone dehan Vice PM sei la partisipa,” esplika Nelio Isac. Tuir Hermenegildo Kupa ninia hanoin katak Vice PM most auk atu hetan moe kuandu lia loos ne’e fakar sai ba publiku.

Ho debate televizaun ne’e loke hikas kanek rezignasaun SMS no Partidu Sosial Demokratiku dala ida tan liu husi ninia deputadu sira iha plenaria parlamentu nasional ataka Sekretariu do Estadu Konsellu de Ministru Hemenegildo Pereira. I pior liu tan iha sira nia deklarasaun Politika ne’e mos deputadu Agusto Tara dehan Media sai manipulador tan halo kovertura ba ameasa rezignasaun SMS Dr. Zacarias ninian. Deklarasaun ida ne’e halo deputadu lubun bo’ot ida husi Fretilin hanesan Jose Texeira, Aniceto Guterres, no seluk tan ataka hikas PSD. Nune’e mos deputadu husi PD no CNRT fila kontra bankada PSD. Maibe antes ida ne’e Vice PM Mario Carrascalao mos la aceita ho lala’ok PM ninian hodi loke odamatan KM ba Media no maiske media rasik testamunia Dr. Zacarias rekuinese nia sala maibe Ir. Mario dehan la’e. Ida ne’e hatudu sei iha pluralismu iha governasaun AMP ninia laran. Hatene didiak liu tan mai ita tuir hamutuk intervista exkluxivu Tempo Semanal (TS) via Telemovel ho Vice Primeiru Ministru Mario Viegas Carrascalao (MC) iha sexta feira semana kotuk hanesan tuir mai ne’e:



TS: Oin sa Sr. Vice Primeiru Ministru ninia hanoin kona ba atetude Prezidente PSD ne’ebe buka ameasa deit maibe la barani ho desizaun atu rezignaan hanesan iha ninia sms ba PM iha loron 28/03/2010? Oin sa ita boot nia hanoin kona ba drama konsellu de Ministru Loron 14/04/2010?

MC: Ha’u hanoin imprensa sr. agio mak kontrola. Ne’e duni sira ba iha ne’eba, Sr. Agio maka bolu sira ba ka. Too iha ne’eba, ha’u nia hanoin mak ne’e konsellu Ministru la’os lori fali imprensa ba. Konsellu Ministru ne’e iha ninia porta voz. Vorta Voz mak ba imprensa para ko’alia la’os lori fali ba iha sesaun ne’eba. I depois halo fali hanesan julgamentu publika. Tribunal ka plenariu ka sasan sira ne’e, ba ha’u la konkorda buat sira ne’e.

TS: Maiske nune’e pelumenus prova ona katak foun foun Dr. Zacarias nega maibe hodi seik nia rekunese haruka sms hodi ameasa rezigna husi kargu ministru Negosiu Estranjeiru. Oin sa Ir. Nia haree?

MC: Nia la’os dehan la haruka sms. SMS nia haruka duni. Nia hateten mos ba hau katak nia haruka duni mas husu atu konsidera. La’os be sms liu husi sra. Asesora ne’e hateten katak atu husu rezigna an. Nunka iha rezignasaun ida husu fali ba asesora ne’e. Depois asesora ne’e mos haruka fali be sms ida haruka hateten hakerek surat lalais hateten aturezigna an. Se maka haruka ne’e ka fo instrusaun ne’e? sr. Agio Pereira.

TS: Depois hatene lia loloos ne’e oin sa ita boot ninia pozisaun relasiona ba kazu Sr. Zacarias ninian?

MC: Sr. Zacarias ne’e prezidente Partidu. Hanesan Presidente Partidu nu entantu PSD ne’e hotu-hotu solidu I solidariu hotu ho prezidente. La iha ema ida ke diskorda. Talvez iha ema ida ka rua. Mas partidu hamriik metin, partidu hamriik metin. Partidu kada vez mais boot liu, iha Timor ne’e mak ema komesa tauk ne’e.

TS: Maibe impresaun husi publiku agora daudaun barak mak hatene katak Sr. Zacarias halo hela kebohongan Publiku no hatun dignidade no kredibilidade estadu ne’e ninian. Oin sa ita boot ninia hanoin?

MC. Se maka lori informasaun dehan Dr. Zacarias halo bosok publiku ne’e husi be, Sr. Jornalista sira ne’ebe ke sr. Agio lori ba iha konsellu Ministrus ne’e. Kuandu sira sai husi ne’eba hateten katak Dr. Zacarias husu tiha ona deskulpa no Dr. Zacarias konsidera sala. Ne’e..ne’e.. la loos. Dr. Zacarias deskreve situasaun real. Jornalista sira ne’eba hotu, hatene hotu. I depois kuandu sesaun taka tiha sira nia ema sei iha ne’eba nafatin. Ninia ema sira iha ne’eba nafatin depois lori lia fuan sira husi konsellu de ministru nee….Loloos ne’e labele hetan infiltrasaun sira hanesan ne’e.

TS: Entaun Dr. Zacarias lahusu deskulba ga Sr. Vice Primeiru Ministru?

MC: La’e…la’e…Dr. Zcarias la husu deskulba. Jornalista sira iha ne’eba rona. Jornalista sira hatudu took filmajen sira ne’ebe imi halo ne’e ba ha’u katak Dr. Zacarias iha ne’eba hamriik hhusu deskulba ka konsidera nia sala ga? Nia la konsidera nia sala. Nia deskrefe faktus mak ne’e de’it.



TS: Maibe iha ne’eba Sr. Primeiru Ministru ho liman karuk hatudu ba Dr. Zacarias depois Primeiru Ministru hateten ba Dr. Zacarias katak, “Ita boot sala, “ no Dr. Zacarias rasik doko nia ulun hatudu ninia aceitasaun?

MC: Aceitasaun ida ne’eba la’os julgamentu ida ka tribunal ida.

TS: Entaun oin sa ho Sr. Vice PM sai iha media estranjeiru ita boot lamenta ho Dr. Zacarias nia hahalok?

MC: La’os lamenta ka la lamenta. Maibe ha’u hakarak hateten ba ita boot katak perguntas ne’ebe Dr. Zacarias halo hodiseik(14/04) hanesan Ministru Negosiu Estranjeiru la hetan resposta. Ne’e maka ha’u bele hateten ba ita boot.

TS: Obrigado Sr. Vice.

MC: OK?

Protokolo MNE Ignora no Sama Lasama iha Aeroportu Bali

Iha loron Sexta Feira (16/04) Prezidente Parlamentu Nasional Timor Leste Fernando de Araujo Lasama halo viajen ba estranjeiru via Bali ho aviaun Merpati husi Dili. To’o iha aeroportu Bali la’os hanesan bain bain iha prokolu husi Konsuladu Timor Leste iha illa Dewata ne’e mai hasoru ajuda trata dokumentus no nesesidade nai ulun sira nian. Maibe iha Sexta feira la iha ema ruma husi konsuladu Timor Leste iha bali maka mai ajuda Lasama iha aeroportu nune’e Prezidente Parlamentu telephone fali mai Dili, hodi hakilar ninia xefe gabinete tilun mean.

“Prezidente telephone ha’u husi Bali hirus loos ne’ebe ha’u konfirma fali ho staff sira ida ne’ebe maka trata asuntu,” dehan Dr. Macelino Magno, Xefe Gabinete Prezidente Parlamentu Nasional. Hafoin simu informasaun ne’e gabinete Prezidente Parlamentu nian husu tuir kedan ba MNE. “Ami klarifika kedan ba diretora Jeral MNE sr. Vicky hodiseik (sexta) no nia hateten katak sira nia ema iha hotu dili hodi tuir reuniaun,” dehan Marcelino.

Nia informa katak, “iha de’it ema balun iha ne’eba no partekolu iha konsulladu nian la simu email ruma husi MNE hodi informa ba sira kona ba viajen Prezidente Parlamentu Nasional ninian ne’e maka sira mos la mai aeroportu.”

Bainhira Lasama atrapailadu hela, “sorte be staff local ida nia naran Pak Agung maka iha aeroportu haree fali prezidente maka nia mai ajuda hela.”

Dr. marcelino antes halo klarifikasaun ba MNE nia mos konfirma uluk ho funsionariu Parlamentu nasional ne’ebe trata viajen Prezidente parlamentu nasional ninian ne’e ho MNE. Staff ne’e dehan hato’o ona nota verbal ba MNE no MNE ninia funsionariu ne’ebe simu informasaun ne’e dehan, “ja esta pronto.” “Buat ne’e hanesan bain bain ami sempre hatoo uluk nota verval ba sira depois maka MNE trata ho sira nia ema iha konsuladu Bali.”

Dr. Marcelino lamenta tan, “loron ida ka rua antes Prezidente ninia viajen, begitu ninia vistu kompletu ami informa kedan ba MNE maibe la hatene tan ba sa maka problena mosu.”

Bainhira jornal ne’e tenta konfirma ba Diretora jeral Ministeiru Negosiu Estranjeiru Sra. Vicky Thsong maibe nia la simu telephone no jornal ne’e sms de’it perguntas ba nia. Sra. Viccky resposta dehan, “Marcelino informadu ona kona ba lala’ok ne’e.”

Iha parte seluk Estudante Universidade nasional Dili lamenta ho servisu prokoler MNE ninian ne’ebe ladun tau importansia ba atividade ulun boot sira nian sa tan Prezidente PN. “Ha’u hanoin keta halo ema sira iha MNE ne’e baruk ten ou karik Ministru Negosiu Estranjeiru sei hirus nafatin Prezidente Parlamentu nasional ninia esteimentu ne’ebe husu PM Xanana atu hasai tiha Ministru ne’ebe la Loyal ba PM ne’e maka lakohi informa perjalanan Lasama ninian ba prokolu konsuladu Bali atu ajuda nia,” dehan Januario X. C. Amaral iha Kampus UNTL Liceu Dili iha loron Sabadu. Tuir Amaral katak, “Loloos ne’e MNE hahu hadia fail ninia reputasaun ne’ebe monu tan polimika rezignasaun SMS maibe ho situasaun ne’e Ministru Zacarias sei kreia liu tan deskonfia ba nia katak Ministru Zacarias la loyal duni ona ba lideransa nasaun ne’e inklui Prezidente Lasama.”

Kazu fallansu Prokolu MNE ninian ne’e la’os ba dahuluk maibe karik konsiente ka la’e lala’ok ne’e akontese beibeik ona. Kazu kontreta ida maka mosu iha Viajen Primeiru Ministru Kay rala Xanana Gusmao ba Portugal no Doha iha tinan kotuk mos mosu problema prokoler too obriga ulun boot IV governu Konstitusional ne’e hasai ninia sapatu iha Doha nune’e mos resesaun ba eis lider maximu da rezistencia ne’e iha Portugal la tuir buat ne’e loloos tenke akontese.

Iha Funu Xanana Hatuur Estratejia Guera De Gerrilla No Ohin Hamosu PDN

Hahu loron Segunda (19/04) fulan Abril Primeiru Ministru Kay Rala Xanana Gusmao sei husik ninia kadeira mamar iha Palasiu do Governu hodi tun ba subdistritu 65 atu halo konsulta ba Planu do
Dezenvolvimentu nasional (PDN) ne’ebe nia Prepara iha Balibar durante fulan Tolu nia laran. Xanana anunsiu ninia viajen ne’e iha abertura ba sorumutuk ho Parseiru do dezenvolvimentu iha Merkadu Municipal dili iha loron 07/04/2010.

Durante filan tolu nia laran PM Xanana kastigu aan iha Balibar hodi hamosu Planu Estratejia do dezenvolvimentu nasional no agora atu tun ba baze hodi husu povu ninia hanoin.

Hafoin de baze de apoiu rahun no mosu restruturasaun Laline Xanana lakon fulan rua nia mosu fail mai ho livru “Estratejia gera de gerilia em Timor Leste ne’ebe hakerek ho liman besik pajina atus rua. Bainhira Xanana  reorganiza funu kontra okupasaun Indonesia nia hahu husi Ponta Leste no agora Prmeiru Ministru IV governu konstitusional ne’e hakat tuir hikas ninia ain fatin hodi hahu halo konsulta publiku ne’e iha rai rohan Loro sa’e.

Primeiru Ministru ne’e sente katak Planu Estratejiku do dezenvolvimentu Nasional ne’e atu hodi dezenvolve povu nune’e nia sei lori ba foo hatene ba Povu ki’ik sira maka mai hato’o fail ba ulun boot sira ne’ebe hatais kaijaku iha Dili. Tuir Antoninio Lopes dehan, “Xanana hakarak hatudu ba ema hotu-hotu katak planu ne’e para hodi dezenvolve popusaun ho nune’e maka nia sente importante partisipasaun husi povu ki’ik sira.”

“Ne’e hanesan soku ida ba Partidu Politiku sira ne’ebe hakarak dehan sira maka matenek liu maibe falta de konsiderasaun ba povu.” “Ida ne’e mos kose komunidade internasional sira nia oin ba rai tan ba Xanana sei mosu ho planu ida ne’e husi Timor oan sira rasik.”

Tuir informasun ne’ebe Jornal ne’e konsege asesu dehan komunidade internasional iha Dili tenta atu hatudu sira nia kontribuisaun ba Planu do Dezenvolvimetu nasional ne’e hodi oferese Helikoptru ka Lojistiku balun maibe Xanana rezeitu.

Xanana sei la tama iha Palasiu ne’e durante loron neen nulu resin lima nia laran tan ba konsultasaun ba sub distritu ida han loron ida. Kazu Ministru Zacarias nian resolve ona iha konsellu de Ministru loron 14/04/2010 ne’ebe  Konsulta ne’e hahu husi Distritu Lauten ba too oekuse no reimata iha subdistu Laulara.

Ermera Produz Manu Tolun Maibe Gosta Buy Internasional

Ema barak maka sei hanoin katak iha nasaun ne’e presiza importa buat hotu-hotu husi estranjeiru inklui manu tolun husi nasaun Indonesia ho malaisya. Liu-liu komunidade Internasional husi UNMIT sempre hateten katak produtu lokal ladun iha kualidade diak maibe Komunidade Ermera iha sub distritu Rai lako hahu ona produz manu tolun ne’ebe loron ida bele hetan manu tolun rihun sanulu resin lima. “Ami kontente tebe-tebes katak agora daudaun it abele produz ona manu tolun iha ita nia rain no ami foo konfiansa boot tebes ba povu tomak iha Timor atu bele sosa manu tolun iha ne’e. atu nune’e ita mos bele foo servisu ba ita nia maluk sira ne’ebe servisu ho ami iha ne’e hodi harii ita nia ekonomi ba di’ak,” dehan Octavia da costa Manajer operasional iha manu luhan Boborema.
Bainhira Unmit ho komunidade Internasional sira maka sosa duni manu tolun fuan ruma husi area ne’eba maka sei foo ajuda ona ba familia rua nolu resin hat nune’e sira mos kontribui ba hamenus ki’ak no kreia kampu servisu ba maluk seluk tan. Maibe dala barak ONU sira ko’alia maka barak maibe hahalok la’ek. “Ha’u apela atu sebele konsumidor sir abele hola manu tolun husi fatin ne’e,” Octavia dale.

Atu ba Boborema husi dili antes tama ba Rai Lako Vila sei hakatk liu ponte rua besik natar no liu tiha ponte segundu sei fila ba liman karuk no lori kilometru rua ba iha fatin manu buras nia hakiak ba. Husi dalan boot ba manu luhan ne’e kuaze kilometru rua no sei liu mota ida no sae rai lolon ruma mak too iha vila manu nian ne’e. Bainhira too ona iha fatin refere ita rona manu kanta ho kontente. No funsionariu sira preokupadu hili no halot manu tolun no balun foo han manu. “Hanesan ita hatene bainhira manu luhan besik liu Estrada ka fatin estrundu liu nian manu bele stress ne’e maka dook para manu labele haree ema barak depois kareta mos labele liu ba mai ka tama sai fatin bara-barak ne’e mos bele halo manu moras tan ne’e maka manu luhan ida ne’e dook husi Estrada.”

Ermera agora la’os de’it ona fatin ne’ebe kuinesidu ho Kafe maibe lakleur tan bele kuinesidu mos ho produsaun manu tolun.
La ho ita hotu ninia kuinesimentu maibe iha fatin ida ai laran fuik iha Rail Lako mosu vila produsaun manu tolun ne’e bele naton ba konsumsi populasaun sira nian inklui mos staff unmit sira. Manu sira ne’e ninia kualidade hanesan mos ho manu tolun husi Malaisya no Indonesia tan ba manu buras sira ne’e bainhira sei DOC importa husi Malaisya mai.

Iha fatin ida ne’e hahu hakiak manu iha loron 8/11/2009, bibit ne’e ami foti mai husi Malaisya. Katak ami iha ne’e hakiak hahu husi DOC iha uma tolu. Foun mai total manu hamutuk 24, 700. Agora tama ona iha faze de produsaun maka manu sira ne’e ami muda ona ba Liyer ka fatin produsaun manu tolun ninian. “Mai hahu husi primeiru too ke empat ne’e la mate maibe ida ke lima ne’e toba iha bali entaun too iha ne’e ami sura 200 maka mate. Agora daudaun hamutuk iha manu 24,300 ne’ebe produz daudaun.

Iha fatin ne’e foo ona apoiu ba estadu hodi fornese servisu ba ema nain rua nolu resin haat. Feto nain sanolu resin tolu no mane nain sanulu resin ida. Staff sira ne’ebe haree no foo han manu sira ne’e balun toba iha uma no balun fail toba iha fatin besik manu luhan ne’eba. “Manu hahu tolun iha fulan Marsu nune’e kada loron foi n atinji 64% maka tolun. Manu ne’ebe mai primeiru ne’e hamutuk 64% mak tolun ona no ikus liu nian ne’e foin 15 pursentu mak tolun.

Bainbain ne’e ema hanaran hen lay katak manu ne’e ita hakiak ne’e iha 99% maibe tuir teoria ne’ebe ema estuda ne’e manu ne’ebe produz tolun to’o de’it 95% ne’e kategori ba diak ona. Nune’e iha loron primeiru ne’e manu lima ka neen maka tolun no sei sa’e iha loron tuir mai nune’e bainhira too iha semana 26 bele too iha 95% nune’e manu sanulu hanesan ne’e maka la tolun.

“Agora daudaun ami seidauk bele faan iha merkadu tan baa mi tauk orsida bele persaing fail ho sira ne’ebe faan iha took sira ne’e ho folin karun. Deperente ami ba faan iha Merkadu ho folin baratu nune’e bele hamosu problema tan ne’e maka aagora ne’e ami sei ba hatama iha ami nia agen iha kuluhun, gracia shop.”

Maiske kada loron ida manu hirak ne’e bele produz ona manu tolun hamutuk 15,000 kada loron dezde marsu 2010, maibe iha parte seluk manu tolun estranjeiru sei domina iha merkadu no governu seidauk ajuda atu proteje produsen lokal ninia direitu tan ne’e loloos governu kreia lei ruma hodi bandu produtu husi rai seluk mai hanehan produtu nasional.

“Agora daudaun manu sira ne’e produz ona kada loron rak atus lima no kada rak iha manu tolun 30.”

Ba staff sira tuku hitu dadeer hahu foo malu ne’e duni sira ne’ebe toba iha uma tuku ne’e dader de’it hahu sukat ain ba nia knar fatin.

Iha besik servisu fatin manajer ne’e ninian iha kuartu ida hada nakonu ho karon mutin lubun ida la’os foos husi MTCI maibe hahan manu nian. “Agora dadaun bainhira loron sa’e sira nia hahan aumenta. Agora daudaun sira sei han tonelada 2 katak 2,400 kilogrma nune’e kada manu ida loron ida han 95 grama. Maibe too pontu altu produsaun maka kada manu iha loron id abele han grama 125.”

Manu luhan sira ne’eluzu tebes no haree husi dook hanoin katak eskola ka otel lubun ida tan ba uma sira ne’e halo uniku wituan hanesan uma husi ema Minsn kabau iha Sumatra ninian. “Uma hanesan ne’e iha nasaun sira seluk sira taka toma hotu tan ba uza lampu listrik hotu maibe iha ne’e agora daudaun iha kalan ami uza listrik oras tolu de’it no iha loron ami uza de’it loron matan tan ne’e maka manu nia fatin tenke nakloke no ninia kakuluk tenke aas no loke uitoan para anin tama hodi foo malirin ba manu sira ne’e ka labele manas liu.”

Buat ne'ebe dala barak sai ameasa ba inisiativa sektor privadu mak intervensaun husi produtu estranjeiru hodi hamate sira nia produsaun. Iha parte seluk Komunidade internasional liu husi Peace divident trust hodi ajuda parte sektor privadu no konsumidor sira atu sosa produsaun lokal iha Timor Leste maibe ironikalmente Misaun ONU iha Timor Leste gosta liu importa de'it husi rai estranjeiru.

XANANA SPEAKS

SPEECH BY
HIS EXCELLENCY THE PRIME MINISTER
 KAY RALA XANANA GUSMÃO
AT THE CLOSING SESSION OF THE DÍLI INTERNATIONAL DIALOGUE
 
“Peacebuilding and Statebuilding”
 
Díli
10 April 2010
Your Excellencies
Ladies and Gentlemen,
 
This is a historic day for Timor-Leste.
 
We have been writing the pages of Timor-Leste’s history since we began our struggle for self-determination and for freedom.  We have recorded stories of massacres and heroic deeds, tales of hardship, suffering and conflict, but also tales of victory and achievement - and it is these chronicles that tell of how our People gained the right to Independence.
 
These are pages of history written with blood,  but also with hope, courage and pride.  These pages recount advances and setbacks, errors and lessons learned, conflict and recovery.
 
And today, ladies and gentlemen, we have joined our history with that of other countries with a common past, and we have realised that we are not alone in our Peacebuilding and Statebuilding endeavours.
 
We have joined together with a common voice with nations that have similar histories and situations of fragility, as well as with partner countries committed to assisting us in our great challenges.  In the words of Minister Kamitatu, we have moved from a monologue to dialogue.
 
Hosting the International Dialogue on Peacebuilding and Statebuilding, which will forever be marked by the Díli Declaration, gives our country great pride and emotion.
 
I thank you all, ladies and gentlemen, for the honour we received in being chosen to host this first formal meeting.
 
Your Excellencies
Ladies and Gentlemen,
 
I have personally been inspired, moved and also encouraged by the contributions made at this dialogue.  I am also humbled…
 
It can be easy to breathe a sigh of relief when you begin to show signs of progress, when you achieve a level of apparent stability, because in times of peace we can forget the hardships of conflict.  This may be a reason for the resurgence of conflicts, with the human condition encouraging us to erase from our memory the difficult times of suffering and to move on quickly towards progress.
 
This can cause us to miss some important steps.  In seeking to move ahead,  we risk overlooking the roots of our problems.  In seeking to hasten the healing process of deep wounds, that have not yet had time to properly heal, we start to believe that reconciliation can be possible in a mere five or six years.
 
That is why I am pleased with the common agreement, by both fragile States and development partners, on the need for a long term approach to Peacebuilding and Statebuilding.  And this agreement has been properly reflected in the Díli Declaration.
 
Ladies and gentlemen,
 
We understand from the statements made at this Dialogue, that the deep complexity of issues that constrain conflict or post-conflict countries mean that it becomes impossible to deal with all problems at once.  And we have also learnt that failure to acknowledge the true time it takes to resolve our difficulties may be fatal and lead to resurgence of conflict.
 
On the other hand, if donor countries cease providing ongoing assistance at the first signs of improvement, in stability and economic and social progress, this leaves a void in the processes and programs that have been started, ultimately leading to their failure.
 
It is absolutely necessary to respect the time frame and context of each society.  This is our true challenge, as there are no two identical cultures or circumstances.
 
Nevertheless, each and every society, and each and every People, value Peace as precious.  Humans, both individually and collectively, desire Peace.  It is critical to us all.
 
Regrettably, as many of us know, starting conflict is so much easier than resolving it.  It is easier to make war than to make Peace.
 
War focuses all our energy, and all our effort, on a single goal: to destroy the enemy.  But Peace requires consensus building and reconciliation.  It requires bringing together the aspirations of many to develop a common long term vision – and then to implement it.
 
Peace requires sacrifices in putting the interests of the whole ahead of the interests of the individual.  It requires patience, forgiveness and trust, and most of all, compassionate and strong leadership.
 
Perhaps it is for these reasons that there are so few exceptional individuals that the world acknowledges as pioneers of Peace.
 
But as President Ramos-Horta said so eloquently to this Dialogue, Peacebuilding also requires leaders connected to their People.  And, ladies and gentlemen, even being the most worldly of Presidents, Ramos-Horta is first and foremost close to our People, and to their fears and to their dreams and aspirations. 
 
Ladies and gentlemen,
 
Like some here, I can speak from personal experience that it is more difficult to lead in times of peace than in times of war.  I have been there.  I lived many years convinced that I would never have to endure difficulties as hard as when I led my People during struggle.  But, when I was given the challenge to become the First President of a nation traumatised by war, I realised that the greater struggle would be to build Peace, and subsequently the nation.
 
To join an entire People, that have been scarred from conflict, in the struggle for Peace is more difficult than to achieve unity in times of conflict.  As we know, there are so many legitimate expectations from People who have fought for so many years for the ideals of freedom, equality and development that we can say that achieving true peace also means freeing People from poverty.
 
Ladies and Gentlemen,
 
This is also the challenge of Statebuilding, a process that is inter-related with the building of peace.  As two sides of the same coin, it is important that emergency international support does not withdraw when peace appears to have been reached, and that we understand that Peacebuilding is consolidated when Statebuilding is strong.
 
And so, we must ask how do you empower people who have never known what power is?  How do you build a democratic State, with the participation of all, when People have never known what it means to be free from misery, hunger, ignorance and disease?  In our poor societies, people still kill each other for survival, for simple access to water, food, land, schools and health care.
 
It is, therefore, perhaps easier for us to understand why people also kill for access to political power and control over national decision making, especially in countries with valuable natural resources.
 
One aim of this Dialogue is to find better solutions and to share best practices to address these problems. And if in this Dialogue we do not resolve all the problems affecting fragile States, at least we have taken one more step in this direction of concrete actions.
 
As we have discussed, Statebuilding means a transition not just for countries but for their People.  It can mean transforming militias or guerrilla fighters into soldiers of conventional forces; youth without a childhood of joy and education into responsible adults; hardened resistance activists into professional journalists; and leaders of a struggle into mature political office holders.
 
And many cases presented at this Dialogue demonstrate that we cannot underestimate the challenges, especially when the edifices of the pillars of the State hide its inherent weakness.
 
An example that saddens us deeply in Timor-Leste is Guinea-Bissau.  This country’s achievement of independence inspired our People in their struggle.  The turmoil in this country upsets us greatly  and we feel solidarity for our brothers and sisters in this African nation.
 
Guinea-Bissau has received huge quantities of international assistance in comparison to the size of its national economy and yet it continues to struggle.  And so, we can conclude that this assistance must not have been appropriate to the circumstances. 
 
Ladies and gentlemen
 
This is why all “g7+” countries have emphasised the importance of understanding the need of each country to have a transitional period of their own time and at their own pace.
 
As Ms Bella Bird wisely commented to this Dialogue, the transition from fragility to resilience requires a balanced and flexible approach.  This balance requires fragile nations and donors to be nimble  enough to respond to emerging situations that may threaten recovery, while continuing to address the ongoing root causes of conflict.
 
Life is a process of building knowledge, of learning from experiences, and following our dreams and our visions.  The life lived by citizens in fragile countries is far from easy – not only is it a constant struggle for survival, it can be a challenge to come to terms with new concepts and values.
 
The road towards democracy and development knows no shortcuts.  One must walk the hard road to transform mentalities and achieve social inclusion.
 
That is why the “g7+” countries have asked our friends, the development partners, to walk in our shoes and be aware of our conditions and our needs.  We can then better walk together towards our shared goal of spreading peace and prosperity.  And with our achievements the hopes and visions of donor countries can be fulfilled.
 
I draw hope and confidence from the Díli Declaration.  The development partners and fragile States have recognised that we can both do things better while reinforcing our common shared goal.  We are encouraged by the proposal to develop an action plan and by the determination to take immediate steps to address issues of concern in the delivery of development assistance.
 
The Díli Declaration has committed strong support to the “g7+” institutional grouping as a permanent forum to bring together fragile States in a spirit of solidarity and friendship and allow for better preparation in the international discussions with the development partners.  And I would like to thank Australia for offering today to provide the funding to support this body and I hope that other countries will join with them in this effort.  
 
I am also very pleased that following the inspiring leadership Mr Kamitatu that our own Minister Emilia Pires will take over as co-chair of the international dialogue.  It is not only a matter of pride for Timor-Leste but also a symbol of the responsibility we wish to bring to this process.
 
This Dialogue is part of an ongoing process and I am pleased that the Díli Declaration will guide and inform the international community in its future work.
 
And, ladies and gentlemen, I hope that the suggestion made today, that Díli become a centre for international and United Nations´ conferences, becomes a reality.
 
Ladies and gentlemen,
 
We must all learn from the lessons of our past and remain vigilant and determined in our mission to prevent political violence and conflict.
 
Walking together gives us strength in this mission.
 
Walking together, fragile States and their development partners, can minimise the suffering that results from conflict and extreme poverty.
 
Let us all work together to bring hope and confidence and develop a long term vision for Peacebuilding and Statebuilding in our fragile nations.
 
Hopefully, we can make sure that no more tears of conflict fall on the snow of Nepal’s majestic Himalayas; that no more blood covers the sparkling diamonds of Sierra Leone; that the soul of the people of the DRC reflects the richness of their lands; that the People of Southern Sudan achieve self-realisation; that ‘bridges’ of peace can be built between the islands of the archipelago of the Solomon Islands; and that all our fragile nations can achieve peace and development.  
 
Thank you very much.
 
Kay Rala Xanana Gusmão
10 April 2010

Timor Press Demands Apology from Zacarias.

Timorese newspapers the Suara Timor Lorosae, Tempo Semanal, Timor Post, and Diario Nasional will boycott to cover any story put out by Foreign Minister Zacarias da Costa.  This is because he disrespected many Timorese journalists as a result of his actions subsequent to stories published about his threat to resign by SMS to the Office of the Prime Minister.

In a meeting yesterday these newspapers agreed to demand an apology from the Foreign Minister as a result of his disrespectful attitude towards the Timorese free press", said the spokesman for the newspapers, Jose Belo of the Tempo Semanal.

TL Council of Ministers becomes a Mini Tribunal To Judge SMS Rezignation

On 27/03/2010 East Timor Foreign Minister Dr. Zacarias Albano da Costa sent an SMS to the Office of the Prime Minister Xanana Gusmao threatenting to resign from his post as Foreign Minister.

According to PM Xanana today in the Council Minister to Mr da Costa boycotted the PM's decision to to call all Timorese Ambassadors back to Dili for the recent Timor-Leste Development Partners meeting and the Dili International Dialague

To day East Timor PM Xanana Gusmao slammed foreign Minister after Dr. Zacarias unable to submit his resignation letter as he promised in his Short Message to PM office.

PM Xanana said Foreign Minister Zacarias doesn't have national mission.

Dr. Zacarias threatened to resign by SMS but until today he didn't do anything. He has only looked for scapegoat to blame for his self inflicted misfortune - including the Minister of Finance and the Sec State Council of Ministers.

During the one hour open session of the Council of Ministers to which media were invited to have full acceass Mr. Zacarias said East Timor image during the last two weeks is very bad cause by the media coverage over his SMS resignation. But when face to face with East Timor PM Zacarias doesn't want to loose his job as foreign minister.

Civil society and public figures alleged Mr. Zacarias lied to the public.

"I think East Timor Foreign Minister is a laier because he is not committed to his words," said Hermenegildo Lopes allias Kupa. He still urged TL PM to sack Mr. Zacarias from his post because as a Foreign Minister Mr. Zacarias has lost his dignity, integrity and confidence not only from Timorese people but also from the international communitty. "How come he is representing the interest TL to the out side world while he has no honesty". Kupa said its very important for Mr Zacarias to offer an apology to the public and the media in this country. According to Mr. Kupa the MNEC action catiogorised as a criminal offense. Mr. Zacarias blaming the Timor Leste and he has asked TL Deputy PM Mario Carrascalao to investigate the leaked SMS.

After an open battle on the Council Minister Table Dr. Zacarias still remains as TL Foreign Minister. Mr. Zacarias has asked for apologies to East Timor PM before that in front of the cameras PM Xanana point his left hand to Dr. Zacarias and said, "You wrong?" Mr. Zacarias give a signal of yes. Prime Minister Xanana Gusmao also read out Dr. Zacarias' SMS which threaten to sack tte Secretary General of the Foreign Ministry Vicky Tchong if she really sent the PM message to Timorese diplomatic representatives.