HADAU MALU RAI MAUN-ALIN REZOLVE HO KATANA EVARESTU LAKON MORIS

Tempo Semanal-Ermera, 21.01.2011

Vitima Evaristo Soares tinan 49,ho nia kaben Hermenegilda Martins husi suco Railako Kraik,aldeia Fatukado,sub-Distritu Railako,Distritu Ermera iha loron sanulu resin tolu fulan janeiru tinan rihun rua sanulu resin ida(13/01/2011)iha tuku 09:00 otl kalan vitima nain rua hetan ataka husi ninia Maun-alin rasik(MRC,MG,JC) ne’ebe mak rejulta vitima nain rua monu iha fatin akontesimentu tanba kanik todan.

Tuir sasin nebe mak hatoo husi xefe Joventude suko Railako kraik,aldeia fatukado MOISES KODI esplika katak iha tuku sia kalan hau rona ema haklalak. Haklalak ne’e mai husi suspeitu nia uma ne’ebe ho distancia metro 50 resin ba vitima nia uma. Iha altura ne’eba hau rona ema balun hakilar dehan”hau mate ona,” momentu ne’eba hau halai sai mai, tanba hau nia uma ba fatin akontesimentu metro 15, entaun hau too iha fatin, hau hare deit vitima nain rua Evaristo ho Hermenegilda monu hela ba rai ho kanek todan. I altura ne’eba hau hare deit MRC mak hamrik hela kaer ai 5x7 iha ninia liman. Ema seluk hau laduun koeinese tanba kalan, entaun momentu ne’eba tan ba tauk hau halai sai ho metro 40 hodi kontaktu ba xefe do suko liu husi telefonemas. Hau informa kedas kazu ne’e ba xefe suko, I hau rasik to dereitamente ba xefe suko Domingos nia uma.

Tuir xefe Joventude ne’e, nia hatene katak kazu ne’e akontese tanba hadau malu rai entre sr.Evaristo ho Mrc.

Entertantu iha parte hanesan tuir xefe aldeia Fatukdo Joao Clementinho haktuir katak kazu ne’e akontese iha ninia uma oin, altura ne’eba iha kalan tuku sia hau iha hela uma laran, la kleur hau rona ema hakilar,entaun hau halai sai mai hau hare vitima nain rua monu ba rai, entaun hau hakilar dehan”agora hau telephone ba polisia task force, entaun ho ida ne’e sira komessa husik malu.

Tuir xefe aldeia ne’e nia hatene kazu ne’e akontese tanba hadau malu rai ne’ebe ho ninia luan besik hectares neen(6 hk). Tuir Joao nia kompriensaun katak toos ne’e durante tinan naruk Sr.Evaristo mak hadia hodi kuda aihan. Maibe iha fulan hirak liu ba familia MRC la sastifas hodi buka problema ho Sr.Evaristo, entaun kazu ne’e mai too autoridade suko atu rezolve tuir kultura no dalan familia ninian. Nia haktuir katak iha altura ne’eba parte rua konkorda atu rezolve tuir dalan familia ho kultura, maibe wainhira atu tama ba rezolve tuir kultura, husi suspeitu(MRC) la participa, maibe husi Sr.Evaristo soares pronto ona atu resolve, “tanba kazu ne’e husi parte suspeitu la participa entaun ami la konseque rezolve, I husi parte autoridade suko, intrega fila fali sasan ne’ebe mak husi parte Sr.Evaristo nian.

Kazu ne’e ami hatoo ou levanta ba autoridade Sub-Distritu Railako. Maibe husi parte autoridade sub-distritu dehan problema ne’e hein lai tanba iha sub- distritu okupado ho servisu barak, entaun ami hein deit.

Entertantu rejultado husi acontesimentu ne’e, iha data loron 15/01/2011 lokoraik Vitima Evaristo Soares husik iis ba dala ikus iha Hospital Nasional Guido Valadares Dili (HNGVD), I vitima ninia feen oras ne’e hetan hela tratamentu husi familia iha uma Railako (suko Lihu) tanba hetan baku iha parte ulun no isin lolon.

Mate isin Evaristo Soares iha data 16/01/2011 lokoraik entrega husi parte Hospital Nasional Guido Valadares ba familia matebian atu halao prosesu funeral. Tuir informasaun ne’ebe mak jornal ne;e hetan hatudu katak kazu ne’e agora dadaun tama ona ba prosesu tribunal, no suspeitu nain haat nebe mak deskonfia involve iha kazu refere oras ne’e polisia kaptura tiha ona. (TS/E T O)

Osan Incentivu Suko Osso-ala Lakon Eis Lider Komunitariu Deskonfia Korrupsaun

Tempo Semanal-Baucau ,22.01.2011

Maiske Governu kontente ho percepsaun index korrupsaun husi transparensia internasional deklara raking kmanek iha fulan sanolu resin rua nia laran maibe lider komunitariu nain sanolu ninia osan incentivo lakon to’o agora la hatene paradeiru hodi hamosu du’un malu ba tun sa’e.

Kazu ne’e mosu iha area rurais no lider komunitariu sira ne’e ameasa atu lori ba Parlamentu no Primeiru Ministru.

Iha loron 10/01/2011, João Sebastião Ximenes, eis xefe suko Osso-ala sub distrito Vemase distrito Baucau hateten duante tinan rua fulan sia la hetan osan incentivo, enkuanto suko sira seluk hetan hotu osan incentivo no osan agradecimento nian.

Eix Chefe suco ne’e informa katak uluk camat Vemase Thomas Freitas promete ona ba eis xefe suco no Concheilo suko inklui koncelho Juventude sira katak atu selu osan agradecimento nian ba sira maibe liu ona fulan resin problemas selu osan mos seidauk realiza. Tan seidauk iha komunikacaun ba malu, tan ne’e, “ami konsidera katak osan lakon ona. Ami hamutuk ema nain 10 ne’ebe mak hanesan servicu iha suko ossoala nia laran too agora seidauk hetan ka la simu osan ne’e,” dehan eis Xefe Suko Osso-ala.

“Pesoalmente hau hanesan eis xefe suko hamutuk tinan rua nian, enkuanto hau nia kolegas sira seluk balun tinan rua no balun tinan tolu,” dehan Joao.

Eis autoridade lokal suko Ossoala ne’e informa katak iha Governo anterior nia, kada fulan sira simu osan incentivo dólar $ 15.00 koncelho du suco no koncelho Juventude hot-hotu hetan hanesan, hafoin aumenta tan entaun Xefe suco aumenta ba 35.00 dolar enkuanto koncelho sukos hot-hotu hetan $ 25 dolares amerikano kada fulan ida.

“Iha dia 14 de Novembro 2010 nia laran, hau hamutuk ho kolegas sira ba too iha administrador distrito António, nia oin atu konfirma. Wainhira konfirma administrador hateten ba ami katak osan ne’e entrega hotu ona ba administrador sub distrito Vemasse senhor Thomas Freitas,” nia deklara.

“Depois ami mos hatan katak seidauk selu ba ami. Entaun iha duni ami ho kolegas sira nia oin administrador distrito António Guterres telefone ba administrador sub distrito senhor Thomas Freitas. Iha telefone nia laran senhor Thomas Freitas hateten ba administrador distrito nia katak problemas ida ne’e hanesan bikan no kanuru mak tarutu tan ne’e imi tenke fila fali ba sub distrito hodi rezolve.”

“Wainhira too mai sub distrito la konsege rezolve tan ba ida ne’ebe mak halo konta ba Osan hanesan bendahara, eis xefe Aldeia Flávio la marka prezensa maibe ami sira seluk no koncelho sukos hot-hotu hadir, momento ne’e iha dia 17 de Novembro 2010 nian.”

“Iha loron ne’e ami marka fali tempo ba dia 29 de Novembro 2010 iha suko Ossoala, aldeia Bahasae nian. Wainhira too iha ne’eba kontinua la realiza nafatin atu rezolve tan ba camat sira iha preokupacaun ida entaun too agora la realiza nafatin.”

“Osan ne’ebe ami ezija ne’e hanesan pensaun ninia, alias incentivo suko ninian. karik halo kalkulasaun deit osan ne’e hamutuk kuase oitu centus dollar ital. Tan ba iha momento ne’eba osan ne’e so ema ida deit mak halo asinatura, nia mak bendahara suko nian. Enkuanto ami sira seluk ne’e simu deit husi nia, tanba autoridade sira camat hateten ba ami katak lalaok administracaun mak lao duni nune’e entaun ami mos kumpri deit.”

“Karik ida n’e kontinua la realiza mak ami sei ezije ba estado no Governo Timor leste. Tanba ida ne’e hanesan ami nia direito atu hetan. Se karik osan ida ne’e la’os ami nia dereito entaun ami la ezije maibe ne’e dereito ami nia atu hetan.”

“Tanba ami hetan ona ordem husi Bupati katak kuando kontinua la rezolve ami tenke lori ba oin, mas wainhira ami too mai iha camat bikan ho kanuru ne’ebe taruttu ne’e seidauk bele rezolve nafatin.”

“Tan ne’e hanesan eis xefe suco Osso-ala nafatin iha koncensia atu lao tuir prosedur ne’ebe mak iha no konsidera nafatin autoridade sira. Maibe kuando autoridade sira laiha konsiderasaun no konciensia moral atu rezolve ami nia problemas ida ne’e, mak ami iha ona plano atu lori kazu ida ne’e ba oin, bila perlu sei hasoru permeiro Ministru Kay Rala Xanana Gusmão,” dehan ukun nain iha baze ne’e.

Eis xefe suko ne'e informa katak, La’os nia mesak de'it maka sai vitima husi osan lakon nian maibe, "ami ne’ebe mak uluk hala’o knaar iha suko Osso-ala nian kuaze la hetan osan ida ne’e, ema hamutuk Nain 10, mak Naran hanesan, João Sebastião Ximenes, Aquelina ketua Juventude Feto Rural, Abel Freitas xefe aldeia Kai denulale, Domingos Do Santos, Maria Auxiliadora, Bento Do C. Lopes xefe Lolinuno, Domingos xefe aldeia Hoinowai, Hereneu Da Crux xefe aldeia Uma anaiko, Ana Rofina Koncheilho Juventude Feto rural, Duarte Da C. soares.”

Iha Parte seluk eis prezidenti koncelho Feto Rural Aquelina Soarres hateten sira hetan fiar no tuur iha fatin koncelho suko nia hili directamente husi povo.

“Tinan 2010 fulan Novembro iha ordem entaun iha dia 14 ami ne’ebe mak eis suko anterior nia ba simu osan agradecimento nian iha administracaun distrito baucau ne’eba. Too iha ne’eba ami nia xefe aldeia Abel Freitas no Hereneu Da Crus husu ba administrador baucau senhor António Guterres katak ami ne’e atu simu osan agradecimento nian, maibe ami ne’ebe mak hanesan tuur iha estrutura suko nian ne’ebe mak ladauk hetan osan incentivo balun tinan rua no balun liu ida ne’e, ne’e oin sa !!! maibe administrador Baucau hateten katak imi nia osan ida ne’e liu fulan tolu sempre mai foti no ida ikus liu wainhira remata imi nia knaar, osan ne’e imi nia administrador sub distrito vemasse Thomas Freitas mak mai foti. tamba suko hirak ne’ebe mak Vemasse nia hatama hotu ona SPJ enkuanto suko osso-ala mak ikus liu tan ne’e Camat mak foti direitamente,” relata aquelina.

Nia haktuir katak, “iha dia 15 dadersan hau direitamente hasoru camat Thomas atu rezolve problemas osan ne’e maibe camat hateten ita sei resolve iha dia 29 Novembro iha aldeia Bahasae suko Ossoala nian, maibe wainhira too iha ne’eba no halao hotu tiha ceremonia dada bandeira, ami hotu hein atu resolve problemas ne’e maibe la consegue rezolve nafatin tamba bendahara Flávio Freitas la marka presença.”

“Mas iha lia fuan ida ne’ebe mak camat ne’e hateten sai ba hau katak Carimobo iha tiha xefe suko antigo senhor João tansa hau mak simu fali osan, duun malu ba mai deit. iha momento ne’eba hau mos hirus no hatan ba camat katak se lakohi rezolve problemas ida ne’e nusa mak bolu ami mai iha ne’e, diak liu camat lalika marka loron. entaun camat mos lahatan nonok deit hodi fila kotuk lao dadauk.”

“Tan ba ne’e mak hau ho kolegas sira, inklui xefe suko antigo koordena ona atu lori fali problemas ida ne’e ba iha administardor distrito Baucau, para bele hatene tamba momento ne’eba lori kasu ne’e too administrador katak bikan no kanuru mak tarutu maibe too fali mai kraik seidauk hetan solucaun mas camat Thomas nonok deit nune’e too agora.”

Dona Aquelina Soares mos informa liu tan katak ba hau pesoalmente tinan rua fulan sia nian ne’ebe mak lahetan osan ida ne’e, kada fulan simu 25.00 doalares entaun perkiraan hamutuk oitu centus ital.

“Dadauk ne’e ami sei halibur ami nia dokumentos hotu tanba ami tau hamutuk ona no kompleito hotu iha kolegas ida nia uman atu entrega ba administrador nune’e mos ami halo hotu foto kopia hodi lori ba iha Parlamento Nacional wainhira laiha solucaun nafatin.”

“Hanesan sidadaun no povo kiik ida, Hau ladun kontenti tamba administrador sub distrito Thomas Freitas la iha intensaun diak atu rezolve problemas povo kiik nia, satan problemas ida ne’ebe mak boot liu ida ne’e.”

“Hau bele klarifika katak durante ne’e mos administrador sub distrito Vemase nunka marka nia precensa iha edefisio, dala ruma atu ba hasoru nia laiha maibe ninia sekretario deit mak iha ne’eba entaun difícil liu atu hasoru nia, dala ruma mos ninia sekretario hateten ba ami katak nia iha baucau. Hau koalia ida ne’e tamba realidade lao duni nune’e no prova duni katak semana rua tomak nia ba halimar deit iha baucau enkuanto atu servi povu laiha liu.”

“Hau koalia ida ne’e mos tamba wainhira ami ezijei ami nia dereito Camat Thomas Freitas buka sees-an nafatin husi ami, Se dereito ne’e la fo ba ami mos, ami hakarak buka hatene tan dereito ami nia.”
“Hau konsidera ida ne’e hahalok korupsaun, tamba problemas ida ne’e camat Thomas lakohi rezolve no buka sees –an husi ami tan ne’e hau deskonfia osan ne’e sira fahe ba malu ou dala ruma mos osan ne’e camat mak estraga hotu ona ou fahe malu ho bendahara,” Aquelina alega.
Wainhira konfirma ho administrador distrito Baucau António Guterres iha nia haknaar fatin haklaken katak, “Kestaun orsamento ida ne’e hau hatene ona husi xefe aldeia Umo anaiko ne’ebe mak informa mai katak xefe suco Ossoala mak la selu sira nia osan.Tan ba ida ne’e hodi bain rua sira mai iha ne’e hasoru hau, atu impede tiha osan agradecimento nian ne’ebe estado no Governo fo ba sira.”

“Hau Hateten ba sira katak se kazu ne’e sente ba viola ita boot sira nia dereito bele alkansa ba oin tuir processo legal para husu ema nia responsablidade.”

“Maibe parte seluk hau konfirma mos katak xefe aldeia Uaikanasa Suko Ossoala ninian mak momento ne’eba seidauk simu durante nia responsablidade. Tan ne’e muito bein, hau mos hatene ona katak xefe suko mak la selu ema nia osan ba ninia membro koncelho suco sira mas agora xefe suko mak relata fali problemas osan ida neºe entaun hau lahatene fali ona.”

“Dala ruma xefe suko Ossoala mak fila lia tiha, maibe osan agradecemento ne’e xefe suco simu tiha ona inklui mos koncelho suko hotu, enkuanto xefe aldeia Uaikanasa Flávio Freitas mak ladauk simu nia osan agradecemento ninia hamutuk $ 250.00 tanba seidauk marca precensa too agora.”

“Momento xefe aldeia sira, feto rural Nain rua sira mai hasoru hau declara mos katak sira mos lasimu duni osan durante tinan rua no balun, entaun bolu administrasaun sub distrito atu fasilita hodi rezolve iha nível sub distrito atu labele impede pagamentu osan agradecimento xefe suco ninia $ 300.00 dolar ne’e.”

“Ami mos hatudu dalan nafatin katak, se sira la satisfas ba ema ida nia hahalok kona ba dereito ida ne’e no kondena ema ida nia dereito, tanba incentivo ne’e hot-hotu tenke hetan entaun sira tenke hatudu evidencia ruma kona ba regras normais publiko nia atu bele lao tuir via legal hitam di atas putih ida, hodi aprezenta nune’e bele hatudu lia loos ba ema hotu.”

“Kuando la hatudu faktos ruma signifika ita bosok, ita nia-an rasik entaun wainhira ema ida serviço fali bele halo tuir, ne’e hahalok ida ne’ebe ladiak tan nia mos bele banati tuir nafatin hodi hateten katak uluk ema halo karik diak nusa mak hau labele halo tuir.”

Komenta kona ba informasaun husi eis Xefe suko Ossoala ne’ebe dehan nia foo poder ba Xefe aldeia Flavio maka hanesan tezureiru adminitrador ne’e dehan, “Informacao ida ne’e so xefe suko ossoala mak hateten loso tanba nia rasik manege iha ninia sucu laran.Los duni momento neba laiha funsionario administracao du suco no laiha mos bendahara.alende mos momento neba laiha nomeacao dereita husi administracao sub distrito hanesan bendahara sucu nia.”

“Se sira indika malu hanesan tezoreirus suko nian ne’e xefe suko mak orgaun maximo suku nian. Entaun nia mak tenke responsabliza, ba aktus ne’ebe mak xefe suko ne’e assume nia responsablidade. Tan ne’e mak husu ba konchelo du suko hotu atu tuur hamutuk para bele rezolve problemas ida ne’e hodi husu bendahara ne’e ninia responsablidade.Tan ba ne’e mak husu ba konchelho administrasaun suko nian atu tuur hamutuk husu responsablidade ba bendahara atu hatudu dalan ba nia hahalok.”

“Administrador informa katak se la selu osan iha tinan rua nia laran bele sura katak osan ne’e lubuk ida no barak tanba iha momento ne’eba kada ema ida husi $ 15.00 sa’e ba $ 25.00 dolares. Mas too agora ema sira ne’e seidauk apresenta nafatin rezultado mai iha administracao distrito.”

“Wainhira administrador Sub distrito Thomas Freitas seidauk iha reazen atu rezolve problemas ida ne’e entaun hau sei kontakto liu husi karta despaicho. Tan ba ita hotu hatene katak iha sub distrito Vemasse nian, iha ema nain rua deit mak kobre áreas refere. klaro katak serviço mos barak entaun labele kobre hotu serviço sira ne’e. kuando vitimas sira hakarak hakat fali mai hau nia fatin, hau bele hatudu dalan diak ba sira atu lao tuir processo legal administracao ninia.”

“Tan ba kestaun ida ne’e ligado ba orsamento estado ninian, kuando ita bolu deit ema ida mai simu tiha osan ne’e hafoin mai bosok ita mos, ne’e ita hot-hotu bosok malu ona.”

“Hau iha inisiativa no komitmentu nafatin atu aijuda vitimas sira hodi processa. Lalika kesar tan ba hau. Maibe mai iha ne’e, perante da Lei hau haruka sira hodi bele rezisto iha ministério publiko através da Policia.”

“Hodi nune’e bele deskobre ema ida nia hahalok, naok ga osan lakon. Tanba osan estado ninia ne’ebe simu husi servidor povu atu hala’o actividade no atendimento suko nian.”

Wainhira jornal ne'e tenta atu konfirma ho administrador sub-distritu vemase maibe la iha fatin no koko komunika liu husi telemovel dehan sei preokupadu hela nune'e too notisia ne'e hatun infelizmente lakonsege hetan ninia deklarasaun.

Iha fulan Dezembru Prezidenti Horta dale katak alegasaun KKN mosu iha nivel hotu-hotu iha Timor Leste hahu husi instituisaun ki’ik liu to’o iha nivel ne’ebe aas liu nian iha nasaun ne’e.

Arte Marsiais Ataka malu Uma Populasaun Lori Todan

Tempo Semanal-Dili, 22.01.2011

Mais ou menus tuku hitu dadersan ohin (22/01) mosu desturbiu ida iha hudi laran suku bairopite, besik akampamentu ISF ninia sorin no palasiu Prezidenti Aitarak laran nia kotuk. Iha akontesementu ne’e, komunidade deskonfia grupu arte marsiais ida maka halo atakes ba bairo hudi laran hanesan jestu ida hodi kontra joven ida ne'ebe baku malu ho arte marsiais ne'e ninia membru ida.

“kazu ne’e akontese mais ou menus tuku hitu dader. Warga sira halo atake mai baku rahun uma ne’e tan ba joven ida ne'ebe hela iha sorin ne’eba, ba baku malu ho Warga sira nia membru ida,” alega sra Mariana hamriik besik fatin uma ne’ebe baku rahun ne’e.

Kazu baku malu entre arte marsiais iha hudi laran bairopite ne’e fila-fila ona no dala balun rezulta halakon ema nia moris no harahun ema nia sasan. Uma hela Jose Caichola ho nia oan mane Jony Caichola nian hetan estragus maka’as husi liu tama too laran inklui dapur ho sasan tein fatin nian rahun total.

Mariana, “Devia ser warga sira ne’e ba buka problema ho ema ne’ebe halo problemas ho sira nia maluk ne’e maibe mai halo rahun fali ema seluk ninia uma.”

Iha meudia nota katak ema husi familias seluk maka aijuda tein no lori hahan ba foo ba familias ne’ebe sai vitimas husi problema grupu arte marsiais sira nia desturbiu ne’e.

Maiske sekretaria do Estadu juventude Desportu halo esforsu ona atu regulha grupu arte marsiais iha Timor Leste no iha loron 23 Juniu 2008 parlamentu aprova ona lei No.10/2008 maibe grupu sira ne’e sei kreia nafatin problemas ba komunidade ninia hakmatek. Lei ne'ebe promugadu husi Xefe do estadu iha loron 04/07/2008 ne'e iha artigu sanolu resin hitu nune'e duni maka governu aplika duni lei ida ne'e bele dehan grupu arte marsiais balun kona ona sanksaun. Ironia maka lei iha maibe iha realidade dalan luan atu ema viola.

“Loloos ne’e governu tenke uza medidas ne’ebe forte hasoru grupu arte marsiais sira ne’e tan ba ho sira nia atividades ne’e bele foo impaktu la diak ba povu nia moris no empata mos ema seluk ninia fiar ba nasaun ne’e nia estabilidade,” hatuir komunidade ida ne’ebe dehan ninia naran Armando hela iha Bairopite besik fatin akontesimentu.

Tuir observasaun patroliamentu PNTL kareta rua para hela iha besik fatin akontesimentu no joven ida ne’ebe deskonfia involve iha kazu baku malu ho membru Warga ida ne’e lori ona ba estasaun PNTL ninian hodi presta deklarasaun.

Dala barak komunidade deskonfia katak membru husi instituisaun seguransa ninian barak mos sai membru ba grupu arte marsiais sira nune’e duni maka iha sira nia atuasaun mosu solidariedade ho grupu ne’e hamosu desturbiu.

“Ha’u haree governu liu-liu polisia ninia atuasaun fraku hasoru ema sira ne’e entaun di’ak liu bolu forsa mai istika uit oan se la’e nasaun instituisaun estadu nian labele kontrola arte marsiais entaun foo deit poder ba arte marsiais maka ukun rai ne’e ba,” Armando soe viadas.

Prezidenti da Republika sempre halo esforsu atu hametin paz no estabilidade maibe grupu jovens ne’ebe hemu lanu buka problema kreia hela dezestabilidade iha capital nasaun ninian too aldeia hanesan kazu ne’ebe akontese iha letefoho, watulari, bobonaro, Vemase baukau iha fulan rua kotuk nia laran.
Iha Tinan kotuk mos grupu arte Marsiais Timor oan sira baku malu iha Jogya hodi rezulta estudante ida mate hodi lori hikas mai TL no iha fulan Juniu PM Xanana kondena maka'as lala'os sira ne'e. (TS)

TL Deporta Sidadaun Indonesia Deskonfia Halo prostituisaun, PNTL Imigrasaun Fraku Ema Ilegal Invade TL

Operasaun konjunta ne'ebe halo husi UNPOL, PNTL no Imigrasaun iha loron 13 fulan Janeiru hamosu pro no kontra. Operasaun ne'e halo ba bar ho hoteis ne'ebe deskonfia hal'ao hela tranzaksaun droga no prostituisaun iha Nada Bar, My Flower, Moon Bar no fatin ida iha Metiaut dili.

Aksaun ne'ebe hala'o iha madruaguda ne'e deskonfia viola mos lei tan ba UNPOL sira ladun kompriende lei. "Ami dala barak mos hala'o ami nia aksaun la tuir leis ne'ebe haruka tan ba problema ba UNPOL sira maka ladun kompriende leis iha nasaun ne'e nune'e duni agora ami mos estuda hela leis iha nasaun ne'e," rekuinese membru UNPOL ida husi portugal ne'ebe husi jornal ne'e labele publika ninia identidade.

Ho aksaun ne'e ladun la'o tuir ukun fuan leis ninian ne'e maka ema ne'ebe deskonfia forte involve iha tranzakasaun Droga hetan livre husi tribunal distritu dili.

Iha parte seluk iha kinta feira semana ne'e, polisia imigrasaun halo deportasaun ba feto nain walu sidadaun Indonesia liu husi fronteira Batugede. Feto hirak ne'e deskonfia uza viztu turista hodi halo prostiutuisaun iha Nada Bar kolomera Dili. Nada Bar rasik hetan buska dala barak ona maibe lakleur deit atividade ne'e restaura hikas fali.

"Ha'u hanoin nasaun ne'e iha leis ne'ebe diak maibe se karik ita mos monu daudaun ona ba mafia hukum ho mafia prostituisaun," dehan joaquin da silva estudante husi universidade ida iha kapital nasaun ne'e.

Nia mos lamenta ho atuasaun lei nain sira ne'ebe ladun kompriende leis hodi foo fatin ba atividade ilegais sira ne'e lao livre.

Iha Parte seluk tuir observasaun polisia imigrasaun sei falta rekursu barak hanesan rekursus umanus, ekipamentus, transporte no komunikasaun. Ho difikuldades sira ne'e komunidade kompriende katak ema ilegais husi nasaun barak maka tama ona iha TL. (TS)

Lasama Triste TL Sai Nasaun Asesor Nian Maibe Governu Mantein ho Rekrutamentu Asesor Internasional

Tempo Semanal-Dili, 21.01.2011

Prezidenti Parlamentu Nasional lamenta ho Orsamentu ne'ebe boot hodi selu vensimentu ba asesor internasional sira maibe nia rekomenda atu buka muda ba asesor Timor oan rasik. Iha diskusaun orsamentu Jeral do estadu ba tinan 2011 nota katak iha kuaze besik departamentu hotu-hotu aloka orsamentu ba foo servisu ba asesoria sira.

"Ita sei presiza duni asesor internasionais maibe ita mos husu ba instituisaun estadu nian hotu-hotu atu ita konsidera buat ida katak ita la'os kontratu mala'e sira mai, atu servisu mesak sein konsiderasaun atu husik hela sira nia matenek mai ita atu para dez anus ita labele dependente nafatin ba asesores internasionais. Mas liu husi sira mai foo asesoria ita nia timor oan sira mos apreende ke aban bain rua tinan sira ba oin ita kala sei presiza sira mas labele barak hanesan agora," dehan Fernando de Araujo.

Lei Timor Leste ninian barak liu maka hakerek ho lian portuges maiske maioria povu rai ida ne'e la iha formasaun iha lian refere. Nune'e duni Primeiru Ministru Kay Rala Xanana Gusmao defende katak relasiona ho asuntu ne'e maka Timor Leste sei presiza nafatin apoiu asesor internasional.

"Area juridiku ita seidauk iha kbiit kompreende. Kuandu ninia espesialidade ne'e maka juridiksaun leis ne'e nia hanoin ba hetan lalais. Se la'e ita ba buka-buka," dehan Xanana.

Primeiru Ministru mos informa katak iha instituisaun Governu ninian balun hahu uza ona matenek nain Timor oan balun. "Hanesan iha Ministeiru Finansas ita halo daudauk ona Timor oan sira. Iha Konsellu Ministru mos iha ona Timor oan balun. Balun iha raea direitu. Ita la'o neiniek. Labele depende de'it no labele korta kedas. Labele depende dehan katak tenke iha estratejia ida. Mediu prazu. Labele korta de'it. Ita la'o neineik. La'o neineik ita troka ho ita nian," Argumenta PM Xanana.

Timor oan sira ne'ebe uluk sai hanesan asesor internasional iha Ministeiru Finansas ne'e mos barak liu maka uza passaporta estranjeiru. Maibe PM ninia lia fuan ne'e kontraria ho faktu balun ne'ebe mosu iha terenu tan ba Timor oan balun hetan tiha bolsu de estudu husi funduz Estadus Unidus da Amerika, Australia no nasaun seluk inklui bolsu ne'e mai husi orsamentu povu ninia Governu la uza nune'e sira ba fali servisu iha inglatera no norte Irlandia.

Maibe tinan ne'e Governu tau tan juta $25 ba funduz hodi dezenvolvimentu rekursu Umanus ninian atu foo bolsu estudus ba Timor oan sira nune'e aijuda hamenus argumentu husi Internasional sira dehan nasaun ne'e sei hasoru krixe de kapasidade umanu hodi foo nafatin benefisiu ba sira nia konta bankaria.(TS)

Portu Temporariu F-FDTL, Deputadu Fretilin Du'un Funsionariu Husu Osan, Julio Pinto Haruka Hatama keixa ba KAK

Tempo Semanal-21.01.2011

Debate orsamentu do Estadu ne'ebe aloka ba Ministeiru Defesa no Seguranca ikus mai liu duni. Iha parte sekretaria do Estadu da Defeza mosu pro ho kontra kona ba osan US$7,100,000 ne'ebe gasta ona US$4,500,000,- ba kompania Australiana ne'ebe ninia reprezentante eis asesor Internasional Timor oan ida iha Dili ne'e maibe to'o agora temporariamente besi ne'ebe atu hari'i portu temporariu ne'e rasik sei bou hela iha portu Dili.

Deputadu Fretilin balun alega katak ema balun besik ba area defeza ne'e husu osan ba kompania ne'e maka empata prosesu konstrusaun ba portu refere. "Husu atu aprezenta ba Kak se karik ema husi defesa balun husu osan ba kompania, keta buka oin iha televizaun de'it ou tan ba sei iha relasaun familiares ho ema balun ne'ebe involve iha kompania ne'e maka halo deklarasaun ne'e. Ha'u hanoin ne'e mosu ona komplitu de interese," dehan fontes jornal ne'e iha instituisaun Defeza Timor Leste ninian ne'ebe husu atu labele publika ninia naran maibe sadik atu deputadu Fretilin barani lori kazu ne'e ba keixa iha KAK.

Iha momentu balun Timor oan ne'ebe reprezenta kompania ne'ebe ninia baze iha australia ne'e ba halo presaun ba komandante komponente Naval no komandante ne'e la halo tuir ninia ezijensia entaun hodi ba hasa'e lia ba ulun boot balun iha nasaun ne'e.

Haree husi lei aprovizionamentu kompania tenke halo ona servisu too porsentu balun maka selu maibe deskonfia katak governu hanesan tauk fali kompania Australianu ne'e hodi la'o ses tiha husi lei Aprovizionamentu.

Tuir Kontratu ne'ebe halo husi Gabinete STA foo todan liu ba Governu Timor Leste tan ba kompania refere libre husi Taxa no Governu foo tan LC ba kompania ne'e maibe kompania ne'ebe ninia reprezentante iha TL maka eis asesor iha gabinete ministeiru Financas ne'e la konsege halo ninia responsabilidade.

Timor-Leste predicted to be one of the top ten fastest growing economies for 2011

Tempo Semanal-Dili,20.01.2011

The East Timor Government put out a press release by announced that, "Predictions have emerged estimating Timor-Leste to top the global scale in accelerated economic growth for 2011, with ten nations announced to rank as the fastest growing economies for the year. From the Economist to the Central Asian newswire, the news spread world wide of those countries expected to achieve the highest economic growth rates in 2011.Timor-Leste was ranked in the top ten for 2008 and reached the highest economic growth rate in the region for 2009."

The major oppositions in Parliamnet rejected the government claim and said the number is incorrect because there are many Timorese still leaving in poor conditions and the basic needs price in TL is increased. But the government responded, "The prediction for Timor-Leste comes after three years of solid double digit growth rates and record petroleum revenue. As of December 17 2010, US$2.172 billion had been collected in petroleum revenues in 2010, 29% above mid-year budget estimations, with the highest sum ever collected in tax revenues by petroleum operators of almost one billion, a 38% increase from 2009. For scale, the 2010 collection of petroleum revenue eclipses the total amount allocated for the 2010 and 2011 General State Budget combined, US$838 million and $985 million respectively."

The Press release stated that, "The growth prediction comes as the Government utilizes the 2011 State budget to launch major investment plans into core infrastructure, human capacity, and sector development."

These days Parlaiment is seating to debate on the 2011 budget which almost a billion US Dollar and government is proposed two new funds for human capacities which millions of Dollars Aids money have been wasted for.

"Two major funds, the Infrastructure Fund and Human Capital Development Fund, will be the vehicles to drive a more streamlined, coordinated and efficient investment into targeted sectors. The initiative was considered necessary to mobilize the economy and fast track human, social and economic development while the young nation of eight years continues to build on institutional foundations."

Xanana Govenment is also planning to build in every Aldeia five houses for the communitty.

"While Timor-Leste remains the highest oil dependent country in the world with non-oil GDP per capita one of the lowest in the region, in 2007 a reformist agenda fuelled by expansionary fiscal policies radically changed the nation’s social and economic landscape. Between 2007 and 2009, 96,000 people rose from extreme poverty, a 9% decrease. Timor-Leste has since become a global case study for post conflict and fragile nations. From 167 episodes of conflict in 81 countries, the average growth rate achieved five years after conflict was 5%, Timor-Leste experienced an approximate 15% growth rate in a relatively shorter time frame benchmarked from 2006.High budget execution rates and reform to Public Finance Management in tandem with the World Bank has been the hallmark to improving economic growth."

"The 2011 State Budget of US$985 million has been passed in generality by National Parliament and is the largest to date to dedicate to rebuilding the nation and the People by providing employment opportunities, education and training opportunities , continued cash transfers for the most vulnerable and increasing food security measures amongst other initiatives. The full Budget period is aired nationally so full transparency prevails as the People now have the opportunity to watch or listen daily to the debates in entirety."

Secretary of State Ágio Pereira noted “Timor-Leste is at the dawn of a new era where our national identity will be served through fostering collectivism and national integration by continuing to stimulate our economy. We are proud of what we have achieved together through political maturity and determination. We have a long journey but are solidly on the path now with peace and stability as the main artery that has and will allow us to continue to grow. We are also very appreciative that the global community is recognizing Timor-Leste’s
achievements.”

Australia Nasaun Boot Sempre Aijuda TL Agora TL Mos Apoiu Fali Nasaun Kangaru

Tempo Semanal-Dili, 20.01.2011

Liu husi Konsellu dos Ministrus Extra Ordinariu iha loron 14-01 2011 IVGovernu konstitusional aprova Orsamentu ho total US$ 500,000,- hodi tulun Governu Australia ho foo apoiu ba vitima husi inundasaun iha Queensland nune'e duni reprezentante Governu Kanberra iha Dili foo agradesimentu.

"Chargé d'Affaires Austrália nian ba Timor-Leste, Suzanne McCourt, hato'o obrigada boot ba apoiu ne'ebé Governu ho povu Timor-Leste fó ba vítima sira husi inundasaun makas iha Austrália, liu-liu ba Estadu Queensland," dehan iha komunikadu de imprensa ne'ebe jornal ne'e simu.

Nota ne'e hatutan katal, "Konsellu Ministru Timor-Leste nian deside iha semana kotuk atu fó $500,000 hodi tulun autoridade Australianu sira atu bele enfrenta dezastre no hato'o solidariedade ho vítima sira inundasaun nian."

“Governu Austrália hato’o obrigado ba Timor-Leste ba kontribuisaun ida ne’e, ne'ebé reflete apoiu ita fó ba malu hanesan nasaun viziñu iha tempu susar ka dezastre nia laran,” Sra McCourt tenik.

Tuir ninia hanoin katak, "Inundasaun ne'e kauza trajédia ba Australianu sira nia moris ho uma kain rihun ba rihun, ho tan negósiu barak maka afetadu husi inundasaun, ida ne'ebé sei kontinua hanesan ameasa boot ba Queensland no Victoria."

Iha parte seluk Prezidenti da Republika antes halo vizita ba Singaopura ho Malaysia iha semana ne'e ba Tempo Semanal iha Aeroportu Nicalao Lobato dili dehan ne'e hanesan jestu de solidaridade ida husi nasaun ki'ik no ki'ak ne'e.

Nia espera katak osan ne'ebe tuir nasaun bo'ot ninia valor ki'ik liu ne'e bele uza hodi tulun vitima sira. "Hanesan dehan iha notisia katak dezastre ida ne'e maka'as duni hodi estraga komunidade ninia moris, ekonomia no sei lori tempu atu rekopera hikas maibe ha'u fiar katak ho akontesimentu ne'e sei halo povu Australianu hamutuk liu tan hodi rekopera hikas sira nia ekonomia," dehan horta.

Nia haklaken katak la iha ema ida mak imajina katak tempu ida nasaun hanesan Timor Leste bele tulun australia. Ulun boot Estadu Timor Leste ne'e mos hodi povu timor Leste ninia naran hato'o sentimentu solidariedade ba vitima dezastre iha Brasil no nia preokupa tebes ho mudansa klimatika ne'ebe hamosu dezastre iha nasaun barak iha mundu ne'e. (TS).

UNPOL TAKA ODAMATAN HUSIK AGUSTINHO EMA BAKU MATE, KUARTEL PPU MALAYSIA HETAN ATAKES

Tempo Semanal Breaking News
Dili, 18/01/2011

Mais ou Menus tuku sanolu resin walu liu minutu lima nolu resin lima familia vitima ne'ebe hetaan atakes no baku mate iha dalan bo'ot komoro besik PPU Malaysia, ninia familias lori mate isin ho konvoi atu ba maliana. Iha ambulansia ne'ebe tula mate isin Agustinho Viegas Barreto akompania mos bis haat nakonu ho joventude sira. To'o iha fatin ne'ebe Agusto hetaan atakes ba ne'e kareta ne'ebe lori mate isin halai liu maibe bis jovens husi bis haat ne'e haksoit tun hodi halo atakes ba kualtel UNPOL/PPU Malaysia ninia iha sorin karuk husi ponte Komoro.

Jovens sira halo atakes tama too kuartel laran halo Membru UNPOL sira ne'e halai rungu ranga no balun halai la ho roupa iha isin lolon. "UN pulnag sudah karena tidak bisa membantu rakyat Timor Leste," hakilar jovens sira maka hirus hela ne'e.

Atakes no invazaun ba kuartel PPU Malaysia ne'e para hafoin hetan atuasaun husi PNTL Task Forse. Tuir Observasaun jornal ne'e jovens sira halai sai husi PPU ninia knuk hafoin hetan atuasaun husi PNTL Task Forse ho GNR.

"Ami hirus sira tan ba matebian ne'e depois hetan atakes no baku husi ema nain haat iha tiga roda ne'ebe faan besik dalan boot ne'e ho ulun kanek, halai mai husu aijuda ba UNPOL sira iha ne'e maibe sira lakohi aijuda nia i hetook aat liu tan seguransa UNPOL sira ne'e taka fali portaun ba nia hodi husik ema na'in haat ne'e mai rasta nia ba baku mate iha estrada bo'ot ne'eba," dehan joven ida mane ida ne'ebe espresa hela ninia hirus ba UNPOL ne'e.

PPU Malaysia hetan konvite husi Governu Timor Leste iha 2006 mai aijuda hapara violensia no tulun Governu hametin hikas lei ho ordem ne'e ninia membru barak maka trauma ohin kalan nune'e sira nia kuartel ninia portaun haleu fali ho arame parapadu no depois masa sai tiha kilat tarutu dala ida iha kuartel ne'e ninia laran.

Eis Petisionariu Agustinho Viegas Barreto hetan sona mate husi grupu jovens ida besik kuartel UNPOL/PPU Malaysia ho Akademia ninia oin mais ou menus tuku ida madruguada 18/01 ne'e fumenta protesta no asaltu kontra UNPOL husi Malaysia iha komoro besik Ministeiru Agrikultura ohin kalan.

Tuir fontes Jornal dehan parte PNTL investiga hela kazu ne'e no deskonfia maka'as suspeitu nain haat ne'ebe involve iha oho eis segundu sarjentu F-FDTL maka iha 2006 hola parte iha petisionariu ne'e oho husi ema na'in haat.
"Tuir informasaun preliminariu hatudu katak kazu ne'e mosu tan ba odiu malu kleur. Ami deskovre katak vitima foin fila husi Kruz jovens iha tasi tolu. Depois to'o iha Akademia nia ohin iha dalan sorin fali iha tiga roda ida faan iha ne'eba no ema na'in haat hemu hela. Vitima hakat ba atu sosa bee maka nia baku malu ho ema nain haat ne'e depois nia koko halai ba diresaun odamatan boot PPU malaysia ninian maka malae sira la aijuda i nune'e ema nain haat ne'e ba rasta mai hodi besi kanu ba tan iha ninia ulun no sona iha ninia kapas hodi hamate nia," esplika membru PNTL ne'ebe husu jornal ne'e atu labele publika ninia identidade.

Fonte ne'e haktuir. "katak iha indikasaun balun maibe ami sei investiga hela nafatin tan ba ne'e hau labele foo liu tan detalhu." (TS).

East Timor Help Australian Flood Victims

Tempo Semanal-Dili, 17.01.2011

Former australian PM Kevin Rudds and Xanana
shakes hands in Dili (Photo File).

The Queensland Premier Anna Bligh has announced a commission of inquiry into the state's devastating floods, as she confirmed the death toll in the disaster has risen to 20 people. The announcement comes as the Premier confirmed a man found in a vehicle in Ipswich last week died of flood-related causes, and another body had been found in Grantham in the Lockyer Valley. There are more than 10 people still missing.

While the Dili government through an extra ordinary council Ministers seating on (14/01) Friday last weekdecided to donnated some amount of $500,000.00 to Australian Flood Victims.

"In the sequence of the flooding that is affecting Australia in a devastating way, particularly the State of Queensland, the Council of Ministers, in an act of solidarity, fraternity and support towards the people and the authorities of that country, approved the financial aid attribution of 500 thousand American dollars, to help overcome the human and material lost," said in a press Released put by the Secretariat of state of the Council of Ministers.

During a joint Press Conference together with Australian Prime Minister Julia Gillard and Federal Treasurer Wayne Swan, the Premier of Queensland Anna Bligh said that every penny from the fund would go to flood victims.

"It will help rebuild homes, replace property, and set Queensland families back on their feet," said Ms Bligh.

"Initial estimates show that well in excess of 28,000 properties have been affected by the Queensland floods and, as our wet season continues, more may follow."

East Timorese have received a handfull support from Australian people during the struggle to get it's independence and the biggest turned out of the Australian ordinary people in the cities in Australia during the 1999 militias violance had put a huge pressure on their government to brought to TL an Australian led INTERFET interventions after east Timorese overwhelming voted out Indonesian soldiers from East timor.

"I think it's time for us to show our self as a nation with moral and dignity. Even many people said we are the poor country in this reason but I agreed totally with the Government decission to send our solidarity to our friend in Australia who hit by these natural disastre," Said Mariana da C. Pereira, a senior high student Bekora Dili. 

She continue send her own message some students in queensland.

"To my dear school friends who may not able to attend their class cause of this flood. I wish they always be strength. And Hopefully the Government could help clean up their schools so allow them to get back to their class," Mariana added. (TS).