Timor nia Tasi okos iha rikusoin Wain no mistériu barak.

Tempo Semanal - Dili, 17/11/2012

Foin dadaun sientista internasionál no nasionál deskobre espésie foun ikan no Ahu-ruin ne’ebé foun ba mundu.

Tuir Sientista naran Rui Pinto ba Jornal ne’e dehan, “espésie ne’e uniku ba mundu no ita hetan deit iha Timor-Leste, nune’e mós ita nia tasi okos sei sai mistériu bo’ot ida ba sientista hotu nasionál no internasionál.”

Tuir Rui esplika katak, “Mistériu seluk ne’ebé grupu sientista Timor-oan deskobre mak iha Pontikais Pertamina nia okos, maizumenus 7 metro profundidade, durante exersisiu ne’ebé mergulhador sira husi programa Coral Triangle Support Partnership (CTSP) hala’o iha loron 16 November 2012, mergulhadór sira husi programa USAID ne’e hakfodak hodi hetan kartuxus kilat musa rihun iha pontikais pertamina nia okos no mós kartuxus esplozivu ho fabriku Brazil nian.”

Iha Tinan ruma kotuk Timor Leste deklara hodi hola parte iha programa Triangle hamutuk ho Indonesia no nasaun seluk tan.

Tuir letratu ne'ebe  fahe husi maluk sira husi programa Coral Triangle Support Partnership (CTSP) mak sei kontinua habelar sira nia esperiénsia luku no kompriende diak liu tan tasi okos Timor-Leste nian, monstra katak ema balun lori involku mamuk husi material funu nian fakar iha tasi laran.

La hatene se mak responsabiliza ba lala'ok fakar material funu nian balun iha tasi. Tuir letratu ne'e hatudu momos katak material funu sira ne'e ninia tinan fabrika ninian iha milenium ne'e la'os rekordasaun husi Funu japaun ka Indonesia ninian.