Manu Liras Besi Batavia Hahu Semo Bali Dili Ba Mai ho Hanehan Folin Kontra Merpati

Tempo Semanal-Dili, 27.12.2010

Photo Doc Batavia air

Iha dader ida ne’e inaugura tan manu liras besi ida hodi semo entre bali ho dili. Tuir Lourenco Oliviera boot husi kompania Timor oan ne’ebe konsege hatama aviaun ne’e konfirma katak iha tuku sanolu ho balun ohin aviaun Batavia sei tun iha aeroportu komo Dili tan ba hetaan apoiu diak husi Ministeiru Turismo ho komersiu no maske lori tempu Ministeiru Obras Publiku konsege ona hasai licence ba sira.
Loureco esplika objetivu husi hatama tan aviaun seluk mai iha Dili tan ba presu ne’ebe karun nune’e sai obstakulu ba komunidade kiik sira labele sa’e aviaun ba Bali maske iha realidade sira nia oan barak maka eslkola iha Indonesia.

“Hau hanoin atu hatama Batavia mai la’os atu de’it razaun atu buka osan kerdizer ke ita labele halai husi ne’e, i tambein razaun ida ke ha’u atu hateten durante dez anus ona la iha kompetisaun. Depois ita kompara ho fatin selu-seluk iha asean nian, ita hetaan tiket ba mai baratu faan baratu.”

Louranco ninia intensaun hakarak hanehan folin no fornese kondisaun aviuan ida kee diak liu aviaun ne’e iha ona.

“Tan ba ida ne’e maka ha’u hakarak hatama tan Batavia mai para atu halo kompetisaun iha ne’e ba route Bali. Ko’alia kona ba kompetisaun kerdizer ke folin baratu. Kuandu Folin baratu ema kiik sira ne’ebe ke osan naton de’it mos isra bele sa’e aviaun,” dehan Lourenco.

Nia hatutan, “Liu tan estudante sira ne’ebe maka eskola iha Surabaya, iha Yogja no iha Jakarta sira bele hetaan fasilidade tan ba iha kompetisaun presu tun i depois sira nia aman ho inan sira ne’ebe maka durante ida ne’e sai husi ne’e ba kupang ho oras sanolu resin rua, depois sa’e fali aviaun ba Surabaya ne’eba presu hanesan hela de’it. Tan ba ida ne’e maka hodiseik ami loke ho presu US$232.00 (Duzentus i trinta dois Dollar ), ba mai. Ha’u sente katak osan ida ne’ebe maka sosa bilete iha ne’e ba iha Bali hanesan de’it ho osan ne’ebe maka sira uza iha ne’e ba kupang fila mai.”

Lourenco mos esplika katak hafoin de Prezidenti da Republika DR. Jose Ramos Horta inaugura Bou Batavia ohin tuku 10.30 OTL hahu aban aviaun ne’e sei halo kedan operasaun husi Bali mai Dili. “Semana ida dala hitu. Semo lor-loron. Nia ohin komesa inaugura. Komesa aban nia semo regularmente. Nia sai husi Bali sete oras dader oras Bali ninian no iha Timor tuku walu. Nia tun iha ne’e nove kuarenta. Depoius nia sai fali iha ne’e dez i vinte. Nia too fali iha Bali Onze oras. Aviaun ne’e sei lori pasajeiru 142 no aviaun ne’ebe maka ami uza Air Bus 320 ho Air Bus 319,” esplika Lourenco Oliviera.

Dezde 2002 aviaun Indonesia ida de’it maka opera entre Dili bali ho presu ne’ebe karun tebes no dala barak ona hamosu deskontentamentu ba pasajeiru sira inklui Prezidenti Horta rasik tan ba folin ho kondisaun aviaun ne’ebe uza entre Bali ho Dili. Nune'e Lourenco garantia sira nia kompania sei uza, "aviaun ne'ebe foun, ne'e aviaun Air buss, foun,  la'os boeing sira ne'ebe tuan." (TS).

Kazu UNPOL Tiru Arlindo Tua Ana Laran, Deputado CNRT Kondena UNPOL La Profesional no Tempu Ona UNMIT Husik Hela TL

Excluxivu Tempo Semanal-Dili, 26.12.2010

Komandante UNPOL,
Komisariu Luis Carilho
 foo prenda ba labarik oan sira
 iha orfanato Bidau 

Kazu Tua Ana Laran destroi maka’as imajen UNPOL , UNMIT, GNR no Polisia Portugal iha komunidade ho reprezentante Povu timor Leste ninia matan.



Tuir testamunia membru UNPOL husi Portugal ne’e mos hodi kasteti baku vitima ne’ebe kanek agora baixa hela iha Ospital Guido Valadares. “ONU ne’e organizasaun Mundial ne’ebe sempre kritika PNTL halo violensia hasoru populasaun maibe atuasaun ida ne’e grave liu fali PNTL sira nian balun, “ Martinho da cruz dehan.

GNR ho ekipamentu funu kompletu
hafoin atakes kontra Prezidenti ho PM iha 11/02/2008

Deputado Natalino Dos Santos (Deputado Natalino) Iha dada lia ho Tempo Semanal (TS) konkorda ho Sr. Martinho da Cruz. Hanesan Deputadu Natalino dos Santos husi bankada CNRT ne’ebe marka prezensa iha fatin desturbiu ne’ebe kreia husi Membru UNPO husi Portugal ne’e ho lian maka’as hodi kondena atuasaun membru 

polisia Portugal ne’ebe daudaun ne’e hakna’ar an iha UNPOl ninia bandeira maibe liman fuan katak buti gatilu. Kazu ne’e interesante tan ita hein took bala ne’ebe polisia uza ne’e husi boraixa ou bala orijinal atu oho ema ninian.

TS: Ami Haree Sr. Deputadu ohin iha hotu Tua Ana Laran ne’eba. It abele esplika halo saida iha ne’eba?

Deputadu Natalino: Yeahhh...ha’u iha Tua Ana Laran haree Mala’e GNR sira ho polisia UNPOL husi Portugal tiru labarik sira iha ne’eba maka ha’u ba haree.

TS: Iha 2006 Estadu timor Leste husu apoiu ba ONU ho GNR sira mai atu foo seguransa maibe ikus sai fali hanesan ne’e. Oin sa Sr. Deputadu ninia haree?

Deputadu Natalino: Triste, triste, triste teb-tebes kuandu haree atuasaun UNPOL ninian hatudu katak UNPOL la iha kapasidade i la professional. Ha’u halo komparasaun ho Timor oan mais professional, Timor oan iha kbiit no kapasidade liu embora hanesan nasaun foun no instituisaun Polisia mos foun mas sira nia atuasaun mas professional duke UNPOL sira. Nune’e ha’u triste teb-tebes ohin haree mala’e UNPOL ida ne’ebe ninia atuasaun atu mantein Lei ho Ordem karik ema ruma ka joven ruma mak halo krime. Sira mak sei halo kapturasaun no prosesa ema ne’e tuir lei maibe sira hola desizaun fali hno kilat. I ha’u sente triste liu ho sira nia atusaun ohin. Nune’e tempu to’o ona tuir evidensia no faktus katak UNPOL iha Timor la halo buat ida. So ke bele kreia konfuzaun de’it. I tuir observasaun ha’u bele konsidera katak sira hakarak uza Timor ne’e hanesan fali projeitu ba sira nia an. Maibe Timor oan nia polisia pronto ona i sebele karik entrega ona ba Polisia Timor sira rasik atu ka’er sira ninia instituisaun atu asegura no proteje seguransa iha sira nia rain.

TS: Maibe Sr. Deputadu presiza konsidera katak UNPOL sira ne’e mai husi Portugal, nasaun ne’ebe iha relasaun belun especial ho TL ne’e Ga?

Deputadu Natalino: Sim....exatamente, tanente Fernando Raimundo Baptista.

TS: Sr. Deputadu karik ita boot la hanoin katak orsida ita boot ninia belun portuges sira la sente sokadu ho ita boot ninia deklarasaun ne’e?

Deputado Natalino: Ha’u sente la sokadu, tan ba ha’u reprezenta povu atu ko’alia ba atuasaun sira ne’e. Ne’e la’os refere ba estadu RDTL ho Estadu Portugal. I normalmente nasaun rua ne’e nasaun soberanu hotu. I kuandu elementus sira ne’e mai atu proteje povu iha ne’e, ema sira ne’e tenke professional i haruka membru UNPOL sira ne’ebe hatudu atetude sira hanesan ohin ne’e mai para atu estraga no mai halo violensia ne’e la serve atu mai iha ne’e. Ida ne’e la iha relasaun entre Portugal ho Timor. Ha’u nu’udar reperzentante povu kestiona tan ba povu ida ne’e sai vitima tan fali. Nune’e ha’u husu Polisia sira ne’e (suspeitu husi UNPOL) ita entrega ba UNPOL atu trata asuntus ida ne’e. I tenke halo tuir prosedimentu iha rai ida ne’e nian. Nia tenke responsibiliza ba ninia hahalok ne’ebe halo hodi rezulta Timor oan ida kanek, ho tiru.

TS: Bele klarifika tan dala ida. Mai sou menus se maka tiru, joven Tiru oan ne’e?

Deputado Natalino: Aaahhh....polisia UNPOL husi Portugal naran hanesan hau temi iha Leten. Tenente Fernando Rai Mundo Baptista (tuir Fontes TS iha UNMIT: Ofisiais ne’e daudaun hala’o hela ninia kna’ar hanesan membru UNPOL ne’ebe koloka iha PNTL distritu Dili, hodi apoiu Polisia tranzitu Dili).

TS: Ami haree ida ne’ebe Vitima ne’e mos seguransa sivil ida?

Deputado Natalino: Sim labariuk ne’e seguransa ba uma ida besik nia hela ba. (Vitima ne’e membru husi kompania seguransa sivil, Apac Security). Labarik ne’e seguransa ba uma ne’ebe mala’e ne’e aluga ba. Labarik ne’e agora iha Ospital Nasional Guido Valadares. Triste teb-tebes ba atuasaun UNPOl nian. Ha’u konsidera katak UNPOL ne’e la profesional i diak liu hapara ona sira nia misaun i Timor oan rasik bele kaer ona seguransa iha rai ida ne’e. Tan ba Timor oan rasik mas Profesional no diak liu.

TS: Ita boot konsidera atetude UNPOl ne’e hanesan sa ida?

Deputadu Natalino: Ne’e Krime. Apa lagi Polisia. Karik haree katak se iha sidadaun ruma halo Krime, tuir lei ho ordem nia atu ba halo atuasaun hodi kaer ema ne’e ho metodu profesional. La’os hola desizaun ho kilat musan. Ida ne’e krime no sei fo impaktu boot teb-tebes ba misaun UNPOL nian.

TS: Saida maka ita boot husu ba UNPOL atu halo?

Deputado Natalino: Ha’u husu ba UNPOL atu prosesa lalais. Ha’u ohin ko’alia ona ho komandante UNPOL, hanesan reprezentante povu ha’u rekere kedas atu prosesu ne’e ba too Tribunal atu para ema ne’ebe maka tiru simu nia responsabilidade ba aktus ninian ne’e.

TS: Maibe tuir akordu entre Timor Leste ho ONU katak UNPOL sira halo sala labele prosesa tuir lei Timor ninian sr Deputado?

Deputado Natalino: Ida ne’e maka hau triste teb-tebes tan ne’e hau bele dehan sira mai iha ne’e la’os atu proteje povu. Estadu Ida ne’e, estadu de direitu no demokratika. Sidadaun se de’it no boot se deit maka iha rai Ida ne’e tenke hakruuk ba lei ne’ebe iha nasaun ne’e. (TS)

Konfrontasaun Mala'e Ho Timor Tua Ana Laran, Arlindo Simu Bala UNPOL

Tempo Semanal Breaking News Dili-26.12.2010

Iha loro kraik Domingo (26/12) mosu tuda malu iha Tuana Laran. Membru SPU GNR tiru dalan neen ne’ebe deskonfia kona joven ida agora lori ona ba Ospital nasional Guido Valadares.

“Problema ne’e foufoun mosu entre ema sidadaun portages ida servisu iha ONU distritu Dili ho ninia seguransa ida naran Arlindo. Suspeitu ne’e naran FB husi Portugal. Wainhira GNR halo atuasaun jovens sira tuda fali GNR maka sira tiru kona ema ida naran Arlindo nia kelen no evakua ona ba ospital,” dehan fonts Tempo Semanal (tuku 16.10) iha fatin akontesimentu.

Maibe iha parte seluk komunidade informa ba jornal ne’e katak problema ne’e mosu entre GNR ho jovens sira.

“Jovens sira maka problema ho GNR. Jovens sira tuda GNR nune’e mala’e sira tiru bala neen kona jovens ida kanek ne’ebe kanek kala grave lori ona ba Ospital,” dehan Senhora Imaculada ne’ebe hamriik besik dalan ninin katedral ninia sorin.

Imaculada hatutan, “Mala’e sira mai iha ne’e ninia misaun atu aijuda Timor oan maibe sira mai atu defende ninia maluk hodi tiru fali jovens sira entaun di’ak liu sira ba ona.”

Too notisia ne’e tun jornal ne’e seidauk konfirma ho parte kompetente kona ba konfrontasaun Tua ana Laran ne’ebe jovens sira lori fatuk tuda no GNR tiru kilat joven ida tama ospital.(TS)

Arte Marsiais Hamosu Desturbiu, Horta Husu F-FDTL Monta postu Iha Ermera

Tempo Semanal-Ermera, 24.12.2010
Prezidenti da republika DR. Jose Ramos Horta husu Falintil-Forcas de Defeza Timor Leste (F-FDTL) atu monta postu permanente ida, iha Ermera hodi kombate mafia ho kriminozu sira.



Jackie Chan demonstra arte iha stadium Dili
(27/06/08) ne'ebe konvida grupu arte marsiais hotu
iha nasaun ne'e ba hola fatin. (File TS).

Deklarasaun ne’e prezidenti da Republika hasai hafoin konfrontasaun grupu arte marsiais iha distritu refere mak rezuta ema mate no kanek. “Esatdu labele tolera kualker atetude grupu ne’ebe provoka violensia no krime iha komunidade nia laran,” dehan Ramos Horta.

Grupu arte marsiais sira sempre baku malu iha nasaun ne'e dezde nasaun ne'e ukun rasik ninia an.

Tuir informasaun husi autoridade seguransa ninian ne’ebe jornal ne’e asesu dekreta katak grupu ida husi Kolimau maka baku malu ho grupu Korka iha fatin ne’ebe. Estadu halo ona esforsu hodi regula grupu arte marsiais sira ninia atividade no iha fulan ruma kotuk Prezidenti da Republika rasik ba partisipa iha Dialogu ida ho arte marsiais sira iha Ermera.

Xefe de Estadu akresenta katak konfrontasaun grupu arte marsiais sira iha Ermera hanesan, “krime organizadus.” Nune’e duni komandante supremu F-FDTL ne’e sei hato’o pedidu ba komandante F-FDTL, Major Jeneral Taur Matan ruak, atu koloka elementus F-FDTL iha distritu ne’ebe produz Kafe barak liu iha nasaun ne’e, hodi koopera ho membru PNTL para neutraliza situasaun.
Loriadu Nobel da pas ne’e iha loron 10/12/2010 apelu ba joventude sira atu husik tiha violensia. “Hau husu ba imi iha tinan ne'ebé atu mai, imi halo reflesaun, atu soe tiha buat aat ne’e,” dehan Horta.

Nia hatutan, “Ita husu mós ba joven sira, artimarsiais sira ne'ebé, sei oho malu nafatin. Imi oho malu tan ba sá? imi halo kanek malu, taa malu manan saida? Envez hare estuda, buka servisu ruma. Ha'u hatene, susar atu hetan servisu maibé ba estuda la'ós tanba ita servisu. Servisu tanba osan la iha. Maibé hetan osan para sosa tua, droga i depois oho malu.”

Antes de deklrasaun Xefe do Estadu ne’e, iha sorumutuk Ministeiru de Defeza no Seguransa iha sentru konvensaun Merkadu Lama, komandante Jeral PNTL DR. Longuinhos Monteiro iha ninia diskursu sita kona ba kazu refere PNTL husi Unidade Polisia Special halo ona intervensaun.

“Iha kazu Letefoho PNTL atua ona no kaptura ema nain hitu. Halo tiha investigasaun nain rua agora submete hela ba prosesu judiciaru,” dehan Komisariu PNTL, DR. Longuinhos Monteiro.

Nia hatutan katak baku iha loron 16 fulan Dezembru ne’e rezulta, “ema rua mate no halo populasaun husik hela sira nia hela fatin.”

Kazu ne'ebe akontese iha dadersan, mais ou menus tuku hitu, iha suku katraik karaik, fahi luhan ne'e autoridade konsege kaer ona suspeitu hamutuk na'in sanolu no deskonfia membru Korka na'in ida mate, ida kanek todan, na'in rua kanek kaman no uma balun hetan sunu.
Kazu baku malu grupu arte Marsiais iha Distritu ne’e akontese beibeik ona no rezulta ema lakon moris no kanek.

“Grupu kolimau agora fahe ona ba tolu, ida kolimau 2000, Kolimau bua Malus no Kolimau Uma ahi, Iha atuasaun ne'e PNTL sira tiru kanek membru Kolimau ida tan ba ameasa PNTL sira,” esplika DR. Longuinhos.

Eis Prokurador Jeral do Estadu ne'e  hatutan katak dezde fulan Agusto too Dezembru iha mosu krime total 3156 prosesu.

Komandante jeral ne’e informa ba partisipantes sorumutuk ne’e inklui Primeiru Ministru Kay Rala Xanana Gusmao ne’ebe ka’er mos pasta hanesan Ministru da Defeza no Seguransa, Sekretariu do Estadu de Defeza, DR. Julio Tomas pinto, Sekretariu do Estadu de Seguransa, DR. Francisco Guterres no Maijor Jeneral Taur Matan hodi dehan, presiza esforsu atu kombate krime organizadu iha nasaun ne’e. (TS)

Bispo Apelu Respeitu Prezepiu Maibe Jovens balun halo Prezepiu Hanesan Diskoteka

Tempo Semanal-Dili, 24.12.2010

Sura oras de’it ona sinu igreija kristaun lian bolu sarani sira ba celebra loron Nai Jesus Cristu nia moris. Iha dalan ninin bairo sira iha Dili laran hias ho prezeviu. Fatin ne’ebe jovens sarani sira expresa sira nia fiar.

Iha sidade dili laran nakonu ho ema no karreta la’o fatin araska hodi hamosu trafiku iha area kompras fatin hanesan kolmera, audian hahu husi stadium too kruzamentu bemori Bidau akadiruhun no akadiru hun ba loja Jacinto. Komunidade sira prepara aan sosa roupa no vividas. Iha area kampong Alor mos tuir observasaun karreta para fatin araska. Lala’ok sira ne’e hotu mosu tan ba sarani sira tenta sosa roupa foun, sapatu foun, mina morin no vividas ba festeiza loron Natal.


Iha misa Domingo loro kraik Padre celebrante iha Igreija sagrado Korasaun de Jesus Bekora iha ninia omilia halo sarani sira hamnasa tan ba dehan labarik sira mos aproveita momentu ida ne’e hodi tanis ezije faru foun no sapatu foun. Feen sira husu la’e osan atu sosa sasan mundu ninian maibe amo ne’e kestiona, “oin sa ho preparasaun fuan ninian?”

Atu remata misa iha domingu ikus tempu Adventu ninian Padre oan ne’e sani sai apellu husi Bispo Dioseze Dili, Dom Ricardo Alberto da Costa ne’ebe husu atu sarani sira respeita prezepiu. “Labele tuur no toba iha Prezepiu laran. Labele hemu tua la iha Prezepiu. Prezepiu la’os fatin atu halo problema no toka muzika fatin,” dehan iha nota Amo Bispo Ricardo ninian.

Tuir Observasaun iha maioria prezepiu iha Dili laran haktuir duni lia menom eis padre Parko Motael ne’e ninian. Maibe iha fatin balun mos sei abuza hela. Hanesan prezepiu ida iha Audian Bemori entre Otel Audian ho Ailele hun ninian, jovens sira tau lampu piska-piska besik estatua prezepiu ho toka muzika furak hanesan diskoteka. Jovens sira balun tuur iha parte Estrada sorin hodi fihir deit.

Iha prezepiu ida fali besik Ponte Maufelu ninia toka duni muzika maibe tau ses husi prezepiu no jovens sira tuur iha liur maka hemu maibe iha prezepiu ida besik ponte terminal Bekora jovens sira tau kuluna tau besik loos statua minu Jesus, Saun Jose ho Nosa Senhora ninian no foin sa’e sira tuur haleu hela masa jerikan mutin ida iha dalan sorin fali.

Iha Palasiu do Governu ninia oin muzika nain sira prepara hela palku no monta dadaun sira nia ekipamentu hodi anima populasaun no iha Sentru konvensaun eis Merkadu lama MTCI koopera ho komunidade balun loke pazar kalan faan vividas ba vizitante sira hahu husi loron 21/12/2010 too meadu fulan Janeiru 2011. (TS)

Ramos Horta Foo Tan Perdaun ba Dadur Nain Sanolu Resin Rua

Tempo Semanal-Dili, 24.12.2010

Prezidenti da Republika Demokratika de Timor Lese, DR. Jose Ramos Horta hatudu tan ninia neon wain hodi foo indulto ba dadur na’in sanolu resin rua mak kondena ona ho hetaan ona sentenca ba kadeia la liu husi tinan tolu.

Prezidenti Horta esplika iha ninia nota ba imprensa katak, “dadur nain hitu husi sira sanolu resin ne’e, kumpri sira nia sentence liu tinan ida, nune’e duni sira sei liberta imediatamente katak sira sei hetaan indultu total no dadur nain lima sira seluk, hetan reduz ba durasaun kadeia tinan ida, tan ba ne’e sira sei hetan liberdade kondisional.”

Prezidenti da Republika la foo indultu ba ema sira ne’ebe halo violensia todan kontra ema nia moris no feto sira. “Eskluido husi indultu prezidensial individus sira ne’ebe kondena ho krime konsumados kontra ema nia moris no krime violensia sexual,” deklara Loriadu Nobel da Pas ne'e.

Prezidenti Ramos horta espera katak, "indultu ne’e hanesan kondisaun maka propiciar ne’ebe digna liu no umana tebes ba kondenadu sira, hanesan hahalok ida hodi garantia reintegrasaun hikas sira ho ninia familia no sira nia sosiedade ho maneira maka efikas liu.

Xefe do Estadu ne’e sempre foo indultu foo dadur sira loron Natal, aniversariu 20 de Maiu, 20 de agusto aniversariu FALINTIL ninian no dala ruma iha aniversariu deklarasaun unilateral independencia Timor Leste ninian, 28 fulan Novembru.

Prezidenti da Republika hetan kritika maka’as wainhira foo liberdade ba dadur nain eis Militia tim Alfa, Jony Marques, ne’ebe kondendu ba oho Madre, frater no komunidade balun iha Lauten.

Horta mos foo indultu ba Rogeiro Lobato eis Ministru interior ne’ebe hetan kastigu husi tribunal no mos tinan ne’e eis Diplomata dahuluk TL ne’e hetan kritikas barak husi ONU ninia SRSG iha Dili, Amirah Haq hafoin foo liberdade ba grupu vice matebian Alfredo Reinado ninian ho eis Tanente Gastao Salsinha. (TS).

Membru Parlamentu Ho Security Maubere Funu Malu Iha Ospital Dili

Tempo Semanal-Dili, 23.12.2010

Guarda Maubere Security sira treina iha stadiun Dili (PH. File)

Iha kalan (22/12) mosu kazu ida iha Ospital Nasional Guido Valadares Bidau Dili entre membru Parlamentu Nasional ho guarda Seguransa sivil husi Kompania Maubere. Membru Parlamentu Nasional, Deputada Teresa Carvalho husi bankada Pardtidu Demokratiku ne’ebe tama ba Ospital hetaan xamada husi guarda seguransa Maubere security ninian ne’ebe hala’o hela kna’ar iha fatin ne’eba.

Akontesimentu ne'eba sai tiha hanesan teatru ida hodi halo ema barak ba fihir no rona.

Tuir observasaun mosu uluk ho deskute malu depois dudu malu no halo membru ida husi kompania seguransa Maubere ninia hetan kanek uitoan iha nia kakolok tan ba deskonfia liman kukun husi deputada refere. Ema barak maka hakfodak ho lala’ok ne’e hodi ba hamri’ik no doko ulun. “hahalok hamosu desturbiu hanesan ne’e iha ospital bele halo ema moras hakfodak id ala rum abele lori impaktu la diak ba moras sira,” dehan Angelino Xavier komunidade ida ne’ebe hamriik hateke hela haksesuk malu ne’e.

Iha momentu ne’ebe hasai lia fuan kroat ba malu entre parte rua. Desentendimentu ne’e mosu tan ba parte rua la kompriende malu nune’e seguransa ida husi kompania Maubere hasai lia fuan kro’at hodi alega du’un deputada partidu demokratiku halo, “abuzu de poderes hodi hanehan ema ki’ik.”

Lia fuan hanesan dehan husi mane ida ne’ebe dehan ninia naran Manuel dos Reis ne’ebe testamunia mos ba insidenti ne’eba. “Boot sira labele mai dehan tan ba boot ona hodi halo konforme sira nia hakarak wainhira povu kiik tama no sai husi fatin ne’e tenke kumpri regulamentus ne’ebe parlamentu sira mak aprova ka boot sira maka hatuur,” Manuel dehan.

Nia akresenta katak, “ne’e hanesan povu hili boot sira ba depois sira mai abuza fali povu.”

Tensaun entre membru parlamentu nasional ne’e ho seguransa Maubere la’o to’o dader loron (23/12) Kinta no tuir informasaun ne’ebe jornal ne’e hetaan hateten katak parte rua buka hela dalan atu resolve ho meus familiars ninian. (TS)

NATAL

Nos primeiros séculos do Cristianismo, os cristãos celebravam o Dia do Senhor, o Domingo (Dies Domini), e os mistérios da Paixão, Morte e Ressurreição do Senhor Jesus (Páscoa). Só no século IV é que começaram a celebrar o Nascimento de Cristo, isto é Dies Natalis (Natal).

Natal vem do Latim “natalis”; e provém do verbo “nascor.. natus sum = nascer. Em Português, em Bahasa Indonésia e Tetun usa-se a palavra Natal.

Não se conhece exactamente a data do Nascimento de Cristo. Antigamente, em Roma, celebrava-se no dia 25 de Dezembro, o dia do sol invencível “Natalis Solis Invictis”.

Por volta do dia 22 de Dezembro, no hemisfério norte, dá-se o solstício de inverno, isto é, o sol atinge a maior distância angular em relação ao plano que passa pela linha do equador. A partir desse período, os dias começam a crescer e a noite começa a tornar-se pequena. Os romanos celebravam então a festa em honra do Sol, vencedor das trevas.

Os cristãos, vivendo no meio dos pagãos, procuraram cristianizar essa festa, celebrando o nascimento de Nosso Senhor Jesus Cristo, o Sol da justiça, vencedor do pecado, da morte e das trevas espirituais e morais. Assim no século IV ( a partir de 336) os cristãos celebravam o Natal no dia 25 de Dezembro e a Epifania no dia 6 de Janeiro. Pelo contrário na parte oriental do Império, celebrava-se o Natal no dia 6 de Janeiro

Os evangelhos de São Mateus e de São Lucas relatam os acontecimentos que envolvem o nascimento de Jesus Cristo.

São Lucas diz que no tempo do Imperador César Augusto, saiu um edito que obrigava as pessoas a recensearem-se nas suas terras de origem. José, pai adoptivo de Jesus, era de Belém (na Judeia), por isso, foi recensear-se ali, juntamente com Maria, que estava grávida. Foi em Belém, que a Virgem Maria, deu à luz o Menino Jesus. São Lucas refere também que nas redondezas estavam os pastores que guardavam os seus rebanhos e dormiam ao relento. Ora, o dia 25 de Dezembro é inverno, tempo de chuvas e frio. Por isso, os pastores não poderiam estar ao relento. Só poderiam estar assim numa época de bom tempo e de temperaturas amenas. Por causa disso, alguns historiadores pensam que o Nascimento de Jesus ter-se-ia dado na primavera. Permanece, portanto, ainda um enigma o dia verdadeiro do nascimento do Salvador.

São Mateus, fala da chegada do oriente dos Magos para adorarem o Menino, no tempo do rei Herodes. Herodes mandou matar os inocentes, pensando que o Menino Jesus iria ocupar o trono. Herodes morreu no ano IV depois de Cristo. Portanto Cristo teria nascido no ano VI, do calendário actual.

Alguns símbolos do Natal: Presépio, Árvore de natal, Pai Natal, luzes, etc. Falamos só do Presépio, palavra que vem do latim prasepio. Os artistas cristãos representavam o Nascimento de Jesus em pinturas e esculturas e quadros. Mas, no ano de 1223, em Greccio, Itália, São Francisco de Assis, quis celebrar a noite de Natal com uma representação verdadeira. Ele montou um presépio de palha, com uma imagem do Menino Jesus, da Virgem Maria de São José, juntamente com um boi e um jumento e vários animais. Nesse cenário foi celebrada a Missa de natal. O sucesso dessa representação do presépio foi tanta que rapidamente se estendeu por toda a Itália.

Em Timor-Leste, e principalmente na Cidade de Dili, os jovens constroem o presépio nos seus bairros. É um sinal positivo de fé e da vivência dos valores religiosos. Que o Menino Jesus abençoe todas as Crianças e Jovens de Timor-Leste, e os ajude a crescerem na sabedoria, santidade e sáude.

Neste Natal de 2010, tomo a liberdade de apresentar a todos os Leitorres do Jornal Tempo, os meus votos de Boas Festas do Santo Natal.

Porto, 21 de Dezembro de 2010.
Dom Carlos Filipe Ximenes Belo

Time for the UN to Withdraw from East Timor? (via theAtlantic.com)

http://www.theatlantic.com/international/archive/2010/12/time-for-the-un-to-withdraw-from-east-timor/68334/ 

It has been a tough couple of years for the United Nations Police and Security Sector Reform (SSR) projects in East Timor and it is not getting better. A new Crisis Group report examines the record and future of the United Nations Integrated Mission in East Timor (UNMIT) as the UN Security Council prepares to reconsider the mission's mandate in February 2011. As the third largest UN policing mission in the world, it costs more than USD $200 million a year. It is now the longest serving mission in East Timor after being first deployed following the 2006 crisis. This crisis was precipitated and exacerbated by a politicized and dysfunctional security sector, resulting in street fighting between various elements of the military, police and armed civilian groups. Dozens of people were killed and 10% of the country's population displaced.

Much of UNMIT's raison d'etre mandated by the UN Security Council has been to reform, restructure, and rebuild the national police service -- the Policia Nacional de East Timor (PNTL) -- and to assist the government in conducting a broad participatory policy review of the security sector.

The Crisis Group report says that the UN mission in East Timor has failed in these tasks, and virtually all other observers concur with this position. It has neither reformed the Timorese national police service nor produced the required review on how the country's security sector might be overhauled. The national police remains institutionally weak, under resourced, and largely unaccountable to broad civilian authority. Furthermore, there are concerns on behalf of the international community that a blurring of responsibilities between the police and military could pose problems in the future. Crisis Group argues that the the Timorese have elected to chart their own course and that the large UN mission only serves to confuse rather than helps matters. It asserts that the mission's police component should be drawn down dramatically faster than currently intended, its Security Sector Reform unit closed, and that the UN should draw up plans to phase out the mission altogether.

The UN mission has poorly handled its mandate to assist in broader security sector reform and its efforts have been consistently rebuffed by the government. The review of the security sector intended to guide policy development remains unpublished four years later and at this stage its release would be irrelevant. The UN's stated goal of delineating the roles of the police and the army has been rejected by Timorese leaders in favour of bringing the two forces closer together to avoid rivalry. The security sector support unit of the mission should be closed.

While it is easy and at times popular to pour blame on the UN, the Timorese Government has made the decision to go it alone. Enabled by growing political confidence and a massive petro-dollar fueled 450% increase in the national budget over the past three years, the Timorese Government has elected to largely ignore the UN on matters relating to the reform of the security sector. Rather it has merged the police and military under a combined Ministry of Defence and Security, so as to minimize rivalry and build confidence. This sees a greater role for the military in internal affairs and traditionally civilian roles, as well as an ongoing role for paramilitary police units deemed necessary and appropriate by local authorities. Additionally, the government has elected to ignore the UN Independent Special Commission of Inquiry's proposals on accountability for the 2006 violence choosing to dismiss calls for prosecutions, or via Presidential constituional prerogative, pardon those who were convicted.

Leaving should not be too much of a problem for the UN. Any objective review of the situation in East Timor reveals that the Timorese security institutions have been managing security in East Timor for the past three years, and not without some success. Where there have been problems, the presence of a large UN mission has only served to confuse matters, obscuring the fact that in reality Timorese authorities are in charge on the ground, if not yet according to the letter UN-Government agreements. Its time for the international community to let Timorese openly assume total responsibility for their future.

For years, one report after another has suggested that things are amiss in the UN's police reform, and security sector reform initiatives, and the parallel universe of the UN's Obrigado Barracks HQ in Dili. In a quick count, there are at least eighteen reports brimming with criticism since January 2008. The International Crisis Group first raised a red flag on SSR in January 2008 and later with a comprehensive public study of the Timorese national police in December 2009. A former UNMIT staffer filed a September 2008 thesis for York University full of his old employer's failings. In December 2008, the UN itself produced a confidential report, first leaked by Wikileaks, which spoke of "tremendous institutional gaps" in the police service.

The chorus only strengthened the following year. In February 2009, a guest blogger for the Lowy Institute called the SSR effort "lame." In May, the influential Centre for International Cooperation in New York wrote, "The United Nations - despite its mandated role in SSR - has become increasingly sidelined." In June, International Peacekeeping published an article concluding that "the UN mission was not accomplished, and much work remained to be done to build a fully competent national police institution." In August, the Timorese Secretary of State for Defence made a less than kind publicassessment of UN SSR efforts in East Timor. In September, another UNMIT staffer wrote in his MA thesis that the "UN mission has been constrained by a lack of prioritization of SSR, a poor understanding of SSR theory within the UN family and mission leadership as well as the legacy of the UN's past mistakes." In October, the New York-based Conflict Prevention and Peace Forum (CPPF) described the fiction that is UN Police handover to local police. On 29 October a highly respected national NGO wrote a pummeling paper asserting poor UN performance and double standards in the justice and security sector.

The criticism grew louder this year. In January, the Geneva based Centre for the Democratic Control of Armed Forces (DCAF) published a chapter by one respected observer suggesting "it was a lot of talk and no action". In February Janes Defence Weekly wrote a biting commentary, concluding "that handover ceremonies constitute achievements in UN reports to the Security Council, but again the extent of institutional reform achieved remains questionable." In the same month, an influential police reform expert with experience in East Timor, and close ties to the UN Police Division in New York, provided a forensic look into the reasons for police reform failure globally, and East Timor in particular. In May Canada's Security Sector Reform Monitor cast a long shadow over UN SSR efforts with a strong argument asserting that the UN and its SSR efforts have been marginalized. On 18 November, a local NGO was more than a little annoyed with UNMIT SSR gaffes about armed private security. In December a local newspaper suggested that UNPOL was not serious about dealing with prostitution. This same newspaper also a few days earlier reported that the UNMIT Security Sector Sector considered an under performer by a UN watchdog. As well as the ICG report this month, CPPF again weighed in calling UNMIT's SSR work a "disaster."

The UN is intent on wrapping up in East Timor by 2012, and the government wants it out then as well. But the failures in East Timor have broader lessons. The United Nations also has a range of much larger police reform/SSR projects underway in Haiti, Liberia, and South Sudan. These are bigger and much tougher places in comparison to Dili. They have problems that are exponentially larger in scale and degree than that which exists in East Timor. The lesson is that when it comes to something as profoundly difficult as security sector reform, the UN Security Council must keep in mind the limitations of UN peace operations and either scale up their commitment or just get out of the security reform game in post-conflict zones. Half-measure security and police reform is just not worthwhile.

Giving up on UN security reform missions altogether is neither likely nor entirely desirable if you believe the benefits of multilateralism. However, the UN needs to reassess its performance and close the policy versus practice gap in reviewing its operations. Much work has been done in developing a serious police reform and security sector reform doctrine in UN HQ, but that doctrine is not fully implemented on the ground. The United Nations is currently conducting a system-wide review of civilian capacity, expected to be completed by the first quarter of 2011. It will be instructive to see to what extent UN missions from across the world the lessons of far away East Timor.

Image: A United Nations soldier on guard in Dili. By Jewel Samad/AFP/Getty.

This article available online at:

http://www.theatlantic.com/international/archive/2010/12/time-for-the-un-to-withdraw-from-east-timor/68334/

Keon Invade Ona Suku Abani, Halo Atakes Daudaun ba ai Horis No Hahu Asaltu Uma Komunidade

Tempo Semanal- Oekuse, 23.12.2010

Keon mosu iha suku Abani sub-Distritu passabe ne’ebe estraga populasaun nia to’os. Ai han hirak ne’ebe hetaan atakes ne’e maka hanesan Batar, Aifarina forai, no ai horis sira seluk ninia tahan. Komunidade suku Abani hakfodak tebes lanimal fuik ne’e ninia atakes. Hahu husi populsaun ate lider komunitariu sira hahu preokupa ho vezte Keon iha suku refere tan b abele foo impaktu negativu ba populasaun ninia koeleta toos nian.

Hanesan mos komunidade Abani, to’os na’in Merco Ximenes (28), hanoin keon la estraga ai han no ai horis maibe hakfodak wainhira haree ninia batar tahan hahu mihis hodi dehan, ”keon, nia bele estraga ai horis ho ai han ne’ebe ita hakarak kuda hanesan batar aifarina tahan, forai no sel-seluk tan.”

Ho laran taridu Merco dehan, “ha’u nia to’os, karik tinan ne’e la kuileta tanba animal sira ne’e estragu hotu batar ninia tahan, aifarina tahan, forai tahan oinsa ai oan sira ne’e bele moris no buras atu foo isin se karik ita la foti medidas ruma agora.

Ne’e mak hau nudar agrikultor husu ba governu liu husi menisteiriu agrikultura sei bele mai identifika took animal ida ne’e hodi buka meus oin sa hodi prevene tanba keon ne’e mosu kuase tinan 3 ona, maibe kompara ho tinan kotuk 2008, 2009 buat ne’e ladun barak.

Hanesan iha 2008 so iha kota laran deit. Karik bairo ida, mak iha keon ne’e, mak baioro Usapin Aldeia passabe. Iha 2009 aumenta tan ba bairo seluk hanesan bairo Hua’en, Nunkolo, no Pope. Maibe iha momentu ne’eba buat ne’e seidauk halo asaun ka seidauk halo atakasaun ba ai han. Maibe tinan ne’e ha’u hare aumenta ba bebeik no halo atakasaun ba ai han no ai horis ne’ebe moris hanesan temi iha leten,” dehan Merco Ximenes wainhira dada lia ho jornal ne’e kuandu nia hamos hela du’ut no buka hili hamutuk keon ba halo rahun tiha.

Iha fatin seluk, tuir lia na’in Suku Abani, Agustinho Mollo (70), rekuinese katak iha ninia moris tomak foin ba dahuluk iha kazu boot hanesan ne’e agora. “Informasaun ne’e loos tanba keon ne’e mosu duni iha Suku Abani. Tan ba iha hau nia moris kuaze tinan 70 ona maibe hau foin primeira vez hetan keon ne’e moos estraga aihan no ai horis, komparara ho kion ne’ebe uluk nian, so moris iha foho ne’ebe iha fatuk boboot maibe nia ki’ik oan hela no la estragu aihan. Maibe keon ne’ebe foin mosu ne’e nia boot no barak lalais “berkembang biak” no bele estraga aihan,” dehan lia nain refere.

“Hanesan lia nain ha’u husu ba Governu, liu-liu Menisteriu Agrikultura, bele mai halo lalais identifikasaun hodi buka meus oinsa hodi bele prevene se lae tinan oin ba bebeik keon ne’e “tersebar’ tan iha suku seluk tanba hau hare tinan kotuk so iha bairo balun de’it mak iha keon ne’e,” Nia apelu.

Iha tinan ne’e suku Abani nia bairo 14 hetan atakes husi Keon nune’e lia nain tauk keta halo tinan oin keon sira ne’e bele avansa tan basuku seluk ne’ebe baliza ho suku Abani hanesan, suku Malelat Sub-Distritu Passabe, Suku Banafi Sub-Distritu Nitibe no Suku Uitaqueno, Sub-Distritu Oe-silo.

Keon la’os deit estraga ai horis maibe mos tama daudaun populasaun ninia uma. “Ita tein hotu tiha se karik ita seidauk han nia bele tama sanan ka bikan ne’ebe rai iha uma laran ka dapur laran. Ne’e dala ruma hau rasik hare buat ne’e bele halo hau ‘nafsu makan’ laiha,” dehan Mauriso Elo, Xefe Aldeia Haemnanu Suku Abani.

Xefe Suku Abani Grabriel Neca, konfesa katak informasaun ne’e loos konaba keon ne’e animal fuik foun ida ne’ebe mosu iha Abani. Iha Sede Suku Abani ninia oin ai funan hela huun de’it maibe ninia tahan non funan la’ek. “Keon halo atakasaun ba Aihan no ai horis ne’ebe moris tanba ai funan ne’ebe ita kuda, iha ita nia uma oin ne’e moos bele han hotu hanesan ai funan ne’ebe hau kuda iha kantor nia oin agora ita hare nia laiha tahan tanba keon mak han hotu no keon ne’e mosu wainhira iha tempu udan, dader no lokraik no bailoron nia laiha,” dale Grabiel Neca.

“Hau nudar xefe suku, hau iha planu tiha ona atu konfirma ho Agrikultur sira no NGO sira ne’ebe iha kompetente hodi mai haree no halo buat ruma. karik ninia ai morok iha hodi bele prevene ka lae?”

Direitor Agrikultora Distritu Oekuse, Sr. Jose Oqui, dehan ninia parte seidauk simu nune’e nia haktuir katak informasaun ne’e diak no foun ida mai ninia Parte nune’e promote, “hodi haruka ekipa tekniku ida iha tempu badak. Sira bele ba idenfifika lalais fatin ne’ebe halo ataksaun keon. Iha fatin refere karik loloos duni ai han ne’ebe mak nia bele ataka no ba oin saida mak parte agrikultura bele halo hodi hare ba animal refere,” Dehan Jose Oqui.

Nia haktuir katak, “ami iha Distritu dala ruma, ami labele halo prevensaun maibe hato’o tan informasaun ne’e ba nasional hodi sira moos hatene no mai identifika hodi kura no halo prevensaun ne’e oinsa. Maibe iha tempu badak hau sei halo enkontru ho ekipa teknika hodi ba hare no identifika fatin ne’ebe akontese no halo atakasaun ba ai han iha tempu badak.”

Passabe sub-distritu maiz ou menus kilometru rua nolu resin haat husi kapital Distritu enklave Oekuse ne'ebe ninia populasaun maioria moris husi toos.  (TS)