PATRE II: REVOLUCAO SEGUNDO PARTE HAHU FORMA EMA SAI ESPERANCA NACAO NIAN

HO : ANTONIO XIMENES 

EIS DEPUTADO ASSEMBLIA CONSTITUANTE

EIS DOCENTE FILOSOFI, SIENCIA POLITICA

I. REVOLUCAO II PARTE NIA OBJETIVO PRINCIPAL MAKA: Prevencao, motivacao e lori Timor oan atu hetan culidade diak hodi hari Timor Leste sai nacao ida forte intermo: Social, cultural, economia, politica, seguranca, etc./hari sociedade nebe ideal, nunee mos forma nacao nee sai ijemplo diak ida mos iha mundo. Ita bele halo ne’e, tamba historia hatudo ona katak, nacao nee kiik e luta ho dificuldades, mai be bele hetan ukun an. Ita nia nacao ho recursus naturais nebe naton hela, e recursus humanos nian mos diak no sei forte ba bebeik.

II. CONDICAO E RECURSOS:1. Iha era democrasia, actividades hot-hotu percisa recursus orcamental. Husi nee, hanoin ba interese commum importante liu interese privado. Nunee, orcamento halao programas husi no. 1-7, hahu ho vitalisa privado, tinan 2008 mai oin nian. Decicao nee foti tamba,preucupacao ho experencia husi nacao sira rico minarai,gas/recursus naturai ho humanos nebe as teb-tebes, mai be povu kiak ba bebeik e la iha stabilidade. Nee hanesan:i.Baje motivacao e prevencao mak la dun forte iha inicio hari estado,ii. Interese individo domina liu;iii. Mentalidade dependent as, etc;2. Revolucao II parte nia forca maka:a. Servicu e halo oracao;b. Tau as interese commum;c. Disiplina e coragen;d. Unidade nacional;e. Hadohk politica spiritualis masturbationem;f. Familiar ho desafio e obstáculos;g. Rona no simu imput;h. Halo pescisa antes foti decicao as;3. Revolucao nia spirito maka:a. Ho Maromak, buat hotu sei sai realidade;b. Ho Rai Lulik Timor ho nia emar rasik, sei hetan dalan;c. La realisa ohin, aban sei bele;d. La bele fo dalan ba:KKN no imoral sira seluk domina ita nia nacao Timor;e.Povu Timorense tengki iha garante moris diak; f.Motivacao save  desenvolvimento e acao radical tuir norma universal maka nia instrumento; g.Hanoin, mundo nee percisa mos ita nia contribuicao.

ACAO PRCATICO MOTIVACAO HAHU HO EDUCAO MAKA

III. STUDANTES:

1. Husi presicundaria:a.Primeru ano-treceru ano pasa ho valor diak/prence criterios tuir mai, hetan premio $1.000; b. Inan/Familia sira nebe ajuda studantes, hetan premiu $500.

2. Husi secundaria:a. Primero ano-trecero ano pasa ho valor diak/prence criteria tuir mai, hetan premio $1.500; b. Inan no Aman/Familia nebe ajuda studantes sira, hetan premio $500.

A.Criterios: a. Matematika, Fisika, Kimia, Biologia, ho computadores, hetan valor: 9,5; b. Tetun, Portugues, Inglesh, ho Bahasa, husi teoria e practica, valor equivalente: 9; c. Religiao e moral, teoria e practica valor equivalente: 9; d. Hakerek easay iha Tetun ho letra 150, horas 1:30 minutos. Titulo Easay sei mai husi orgao Soberanos; valor valido minimum: 90%.

B. Hanoin fundamento husi materias: Ita fo perioridades liu ba materias:a. Matematika, fisika, kimia, biologia ho computadores tamba, liu husi nee maka sei hamosu Teknologia ba: povu, nacao e mundo;b. Ita fo perioridade as ba lian tetun tamba, nia maka sai nudar unificador dialeiticos sira hotu iha Timor/povu Timor 100% kolia tetun,e lian ida nee identidade cultural Timor nia nebe percija e urgente atu desenvolve; c. Ita mos fo perioridade ba lian: Portugues, Inglesh ho Bahasa Indonesia tamba, ho lian sira nee balun maka ita sei aprende uluk: Siencia, teknologia, diplomasia, operacao bancaria, nunee mos facilita Timor oan sira nebe ba scola iha rai liur, liuliu iha Indonesia ho nacao sira nebe lian official Portuges ho Englesh.“Mai be percisa fo atencao katak, hari Nacao husik kiak hahu kedan ho bilingual, la dun diak”;d. Nacao Timor atu sai diak ho Sociedade ida nebe ideal, dalan ida mak husi duni materia: Moral (tau as Nacao no povu nia interese/interese commum) e Religiao (Sadere ba Maromak, buat hotu sei sai realidade). 

3. Studantes Timorese Universidade nian iha nebe deit, ida hetan valor diak/prence criteria tuir mai, hetan premio $2.500 husi vitalisa privado hanesan sira seluk.

C. Criterios equivalentes nian: Semester I: IP=2, 7, Semester II: IP= 3, 7 Semester III-VII: IP= 4, moral diak, no ikus, hakerek easay iha Tetun ho letra 1.500, horas: 1:30 minutos. Titulo easay sei husi Uma Creda; valor valido maximum: 90%, hodi cumpleta criterios.

4. IV. SERVIDORES: a.Orgao Soberanos nian ida nebe prence criteria tuir mai, hetan premio special Gemstones husi 12 nebe kolia iha Biblia nian nee, ida (I);b. Embasador/a nebe consege lori nacao no povu Timor Leste nia naran hodi loby Investores liur nian nebe bele investe orcamento boot ba Nacao, (laos ida be mai buka osan no lori sai osan nian) hetan premio special, gemstone;c. Funcionarios publico ho mestri sira nebe prence kriteria tuir mai hetan premio $1.000;d. Membros F-FDTL ho PNTL, husi ida-idak nian instituicao, sira nian ida nebe prence criterios tuir mai, hetan premio $1.000;e. Administrador distrito e sub distrito nebe prence criterios tuir mai hetan premio $1.500 ba distrito e $1.000 ba sub distrito.

D. CRITERIOS: a. Servi diak liu, e nunee mos fo ijemplo diak ba nacao no povu nebe ukun dadaun, too kategoria nomeru um (1), (ba misa domingo-doming diak liu, nunee tauk no moe ba hahalok corupacao, colucao e nepotism ho hahalok at sira seluk, nunee mos bele hare besik povu kiak nia sentimento domin); b. Cuidado asset Estado nian; c. Halao servicu ho responsabilidade; d. Mestri sira ida nebe hanorin diak no fo ijemplo diak nian ba studantes sira hodi hetan valor diak too nivel nacional numero um (I); e. Iha Spirito fo motivacao.  Programa ida nee nian, Povu, NGO, Jornalista ho uma Creda maka sei husu nia ajuda hodi fo dalan mai. 

5. V. SCOLA hamosu studantes primero lugar too nivel nacional, hetan premio $1.000;

6. VI. UMA KAIN TIMOR nian ida nebe fo ijemplo diak liu to nivel nacional nomero um, hetan premios $3.000 ho premio special, gemstone ida.

E. CRITERIOS:a. Educa lian Materna iha uma no acompanya oan sira nia studos hetan valor primero lugar;b. Uma kain nebe la baku malu/iha spirito respeita malu iha uma kain laran no iha comonidade;c. Educa oan sira hodi familiar ho liafuan: Favor, Obrigado e Desculpa ba malu nian;d. Moris iha Casamento Monogame (katak, iha comitmento moris hanesan: Fen ho lain ida deit);e. Iha spirito servicu hamutuk iha uma kain nian, religiao, adat, no estado/iha spirito moris tuir lei nacao, religiao, e tradicao nian;f. Halao didiak vida spiritual, tuir ida-idak nia religiao/fiar. Ida sarani lori oan sira ba misa domingo-domingo. Iha loron matebian nian, husu misa ba familia sira nebe ba ona mundo seluk;g. Iha spirito ajuda malu nian;h. Intrepreta diak: Direito, dever, no responsabilidade nian iha nia uma kain laran;j. Lori oan sira moris tuir kultura democrasia liur nian nebe maka diak ba: An, religiao e nacao. E diak liu maka moris tuir kultura demokrasia Timor nian;k. Brani dehan ba oan sira, se la tuir familia ho ulun nia lifuan diak, imi nia moris sei sai at;l. Iha programa diak ba oan sira nia foturu;m. Brani infrenta dificuldade. Programa ida nee, Lideranca Comonitarios, Uma creda, Jornalista, ho NGO sei husu nia ajuda.

7. VII.LIAN PONTE ENTEDIMENTO:Funcao lian vital liu iha Ita ema nia moris, mai be ida nebe ema hot-hotu bele kolia maka sai nudar determinante iha nacao ida. Timor iha nia dialetico 32, nunee mos, constituicao da republica define lian 4 maka: Tetun, Portugues, Inglesh ho Bahasa indonesia. Lian sira nee hotu, so tetun deit maka halo nia funcao nudar ponte hodi bele liga entre dialetico hotu iha teritori tomak no Tetun deit maka la dauk desenvolve ho diak, maske lian ida nee importante teb-tebes ba povu nia moris lor-loron nian. Tamba nee, ba individo (politisi/academics)/ instituicao nebe desenvolve tetun too categoria nomeru um (I), hetan premio $2.500 husi Vitalisa privado hanesan ho seluk. Nunee mos, sei hetan atencao special husi ita.

VIII. RESULTADO programa ida nee sei hamosu valor ida diak e forte atu acompanya lalao nacao Timor Leste iha nia desenvolvimento tomak. Nunee mos sei too fo inpacto diak ba nacao sira nebe povu terus tamba autoridades nia hahalok at. Programa ida nee hahu vale husi 12 de Desembro 2012 too konsege realisa nacao no povu nia objetivo ukun an nian. Tamba hau sei iha liur ho tempo naruk, nunee maluk sira nebe representa maka: Dr. Geralado, Eng. Lopes Lubudara ho maluk sira seluk tan maka sei fahe premiu ba maluk sira nebe hetan.

IX.RSPN OBJETIVO E PERIORIDADES STRATEGICOS MAKA:1.Fo motivacao ba Studantes, atu forma an ho cualidade as hodi halao e hamosu buat foun nian ba nacao (scola atu halo buat diak no foun nian ba An, ba Familia, Religiao, Nacao, e Mundo);2. Fo hanoin ba Governantes sira atu:a. Hadia sistema politica educacao hodi atinji cualidade as, nunee mos fo atencao maka as ba lian Tetun;b. Fo atencao as ba studantes nebe hetan valor diak, inclui ida nebe para scola tamba la iha orcamento;c. e, knar hotu fo relatorio diak no cumpleto nian ba povu/fo atencao maka as ba Transparancia;3. Ema halo KKN, la bele hein too ukun hotu maka proseso ba justica;4. Prevene corupcao, colucao e nepotismo iha Timor Leste em special no mundo em geral;5. Pocicao iha Estado, la usa sai projeto moris nian;6. Fo hanoin no obriga maluk sira nebe halo politica destroicao atu labele hola parte iha politica Estado nian. So oan no be ona sira ba oin;7. Cria spirito ajuda malu ou fo liman ba ema nebe percisa liu;8. Estado percisa cria politica motivacao iha lalao nacao nian;9. Defini politica perioridades tuir povu nia moris;10. Ita nia geracao tuan balun, nacao no povu sei percisa sira, nunee fo dalan no suporta sira hodi hakotu sira nia misao;11. Respeita ema nia dignidade, maske ideologia politica la hanesan;12. La bele iha mentalidade, percisa Uma Creda, cuando iha situacao dificil;13. Ba maluk sira nebe muda an husi linha Chatolica, la bele straga strumento/Statua, tamba nee fiar Chatolica nian, no durante luta ukun an, Statua halo nia funcao ida que boot teb-tebes;14. Respeita e cuidado ema nia moris em special no moris em geral;15. Prevene devorce iha uma kain ida-idak Timor nian, tamba nee fo terus ema, liuliu oan sira;16. Fo hanoin ba malu atu simu sagrada familia sai nudar symbol uma kain Timor nian;17. Foti liafuan obrigado, favor no desculpa sai metin iha kultura Timor nian;18. Moris tuir democrasia nia valor ida nebe bele fo beneficio diak ba an rasik no ba familia ida-idak nian. Nunee mos diak liu la bele lori democrasia iha moris uma kain nian. Tamba nee instrumento politico, uma kain nee stutura moris nian;19. Fo motivacao ba familia sai nudar pontes crecimento nacao nian (Familia moris diak, nacao sei Forte), atu dehan tan, nacao Timor Leste tengki hari hahu husi uma kain ida-idak nia laran;20. Fo hanoin ba malu atu hadia, hasai no haforca cultura Timor nian;21.Servicu 8 horas, descansa 8 horas e toba 8 horas, percisa socialisa iha povu nia moris (habitua usa horas ho diak);22. Depois de Ita nia geracao tuan liu, politica semi presidencial ho modelo hanesan agora nee la dun relevante ona ho condicao Timor;23. Coloca figura resistencia sai aset nacao nian;24. Respeita obras e naran historico luta nian nebe hanesan: Fretelin, veteranos, Xanana, Horta, Amo, Sarani/Uma Creda, etc;25. Povu tengki sai nudar observador ba desenvolvimento nacional;26. Tau iha practico, Politica Jesus nebe dehan:a. Ukun ho ijemplo;b. Aifuan nebe at tengki hasai;c. Ai la fo fuan diak tengki tesi;d. Servicu maka as e halo oracao;e. Etica trabalho duro; etc. ho politica FRETELIN nebe dehan: Timor ukun an, povu tengki hetan facilidade Nacao nian ho:Diak, barato, lalais/povu tengki moris diak;27. Rico soin Nacao nian, percisa proseca liu e ho area: Sientifico, diplomatico, seguranca, teknico, economico, e politico;28.Estado percisa halo politica prevencao orcamento nebe halai ba liur libre ho voleme boot;29. Governo percisa fo atencao diak ba companhia nacional, tamba sira importante ba nacao (hari servicu ba ema permanente);30. Orcamento minarai nian percisa investe iha area nebe bele haboot orcamento nee rasik, liuliu iha nacao laran, nunee bele cria servicu ba povu nebe percisa servicu;31. Companhia internacional, simu maka ida nebe investe orcamento iha nacao laran;32. Governanantes iha Timor em special no mundo em geral, atu la bele usa recursus nacao nian, hanesan Militar ho Polisia hodi ba halo funu ho nia populacao nebe expreca nia direito liberdade nebe kolia iha constituicao no declaracao Universal nian;33. Fo hanoin ba malu atu expresa Ita nia direito de liberdade nee ho responsabilidade;34. Prevene negatividades, post misao ONU;35. Maluk sira nebe hetan pasta estado husi resultado reconciliacao, nunee mos maluk sira nebe prepara an iha liur durante 24 anos, nacao no povu percisa maluk sira nia contribuicao, nunee buka haka as an fo maka matenek no experencia diak nian nee iha lalao nacao nian;36. Cultura moe ba hahalok at ho respeita malu percisa kuda iha nacao laran;37. Hametin cultura servicu badinas. Nunee, kiak no terus la bele duni ita hanesan inimigo;38. Resistencia oan sira nebe iha susar laran ho ida kaer responsavel uma kain nian iha direito hetan subcidio (Lei veteranos tengki fo dalan);39. Nacionalismo Timorense percisa tau iha practico;40.Governantes contra Lei, la bele hein to knar hotu;41.Timor oan sira nebe sei lakon, tengki buka tuir;42. Prevene politica orcamento lakon iha governantes nia gaveta laran; 43. Geracao nebe foti decicao ukun an nian, hetan direito absuluta ba honra e moris ho digno tuir Lei. E, Rai Timor ho nia emar sira hotu iha direito ba desenvolvimento, stabilidade e facilidade.  

X. DIREITO, DEVER, E RESPONSABILIDADE, hanesan dalan principal hodi hari nacao no mundo, nunee: Governo nebe forma husi resultado elicao democratico e livre nian iha direito hetan: Suporta, respeita, e proteje. Mai be, iha mos responsabilidade nebe tengki halo maka, hadomi no halao diak nia knar tomak hodi cria condicao ba: 1. Povu atu bele moris iha hakmatek laran, e hetan facilidade nacao nian ho: Barato, lalais, e diak nian; 2. Studantes sira atu bele studa ho diak, no bele respeita Inan, aman, familia ho nai ulun sira; 3. Familia Sira atu hetan  dalan hodi bele acompanha diak oan sira nia studos too hetan foturu ida diak nian; 4. Public services inclui liman kroat ho mestri sira bele hetan facilidade diak atu: i. Prepara studantes hodi hetan premio e hamosu buat diak ruma ba ita rain; ii. Servi diak nacao e povu too baje, etc.

XI. SISTEMA PARTICIPACAO: Progama revolucao nian ida nee, percisa duni participa husi Timor oan hotu nebe iha spirito Timorense. Nee tamba nacao Timor atu sai diak, so ho acao radical tuir cumprecao democrasia nian. Mai be la bele ho interese individo e gropo nian lori tama iha laran. Hot-hotu ho hanoin:1. Tetun importante e urgente atu desenvolve ho diak;2. Politica Motivacao e Prevencao nian, importante liu ba nacao nebe iha tercero mundo;3. Educacao maka save desenvolvimento nian;4. Mondu agora hari ho siencia e tecnologia, no lao iha globalizacao e democratizacao nia linha, nunee recursu humanos mak importante liu hotu;5. nacao Timor percisa baje ida diak e forte hahu agora. Nacao tuan ba oin sei dificil;6. Corupcao, colucao, nepotismo, nunee mos Imoral ho mentalidade at sira seluk, so bele hakotu ho ijemplo diak husi acao radikal nian;7. Timor percisa duni revolucao iha area educao atu forma Timor oan ho diak hodi prevene negatividades sira nebe cuaje atu domina dadaun ona ita nia Nacao.

XII. OPORTUNIDADES: Timor Leste, sei lao duni iha etapa hari estado ho povu nia moris dala ida, e nacao mos inclui kiak liu iha mundo. Mai be, hanoin didiak, hanesan, iha hela dalan diak atu hari estado e halakon kiak. Dalan maka:1.Povu uituan;2.Nacao kiik;3. Recursus naturais e humanos nian é subciente;4.Ukun an liu husi luta naruk;5.Povu moris ona iha ambiente estado ho sistema eropa no Asia;6. Povu moris ho nia kultura maun alin;7.Rai Timor nee rasik iha forca atu forma nia emar sira;8. Geopolitica nebe strategis;9.Nacao Timor iha mahun husi figura: Resistencia, politica no religiao nian;10.Nacao iha hela rough structure;11. Hari nacao iha era siencia e tecnologia;12. etc. Mai be, condicao importante nebe percisa fo atencao liliu maka: a. Plano desenvolvimento nacional interpreta e reflect didiak iha politica perioridades;b. Lori uluk rai Timor ho nia emar sira nia spirito iha desenvolvimento;c. Presidente republica, povu hili husi individo e direitamente, nunee hetan poder politica pererogativo as nian iha nacao laran, ho nee tengki toma responsabilidade maximum nian ba povu nia moris;d. Halao politica eficien e eficas iha proseco politica nacao nian;f. La investe orcamento boot ba makina estado ho assunto politico;g. Tengki brani e hatene usa recursu minimum nebe nacao iha (DR.Mari Alkateri,fo ona ijemplo diak);h. Fo atencao didiak ba servidores sira nebe too baje nian (katuas Xanana fo dadaun ijemplo);j. Lideranca nebe sai nudar save nacao nian, la bele hamosu Paradoks, propaganda e la descuti assunto kiik iha public, e nunee mos la halo descursu controversial ho politica spiritualis masturbationem;k. Desenvovimento sustentavel iha linha profecional maximum lao dala 3, mai be ukun nain sira la bele hamosu hanoin atu ukun tan tinan  5. Husik natureja rasik decide liu husi povu;l. Timor percisa ekipa politica ho teknico nian iha diracao forte ne’e, 2 ;m. Halao politica externa ho modelo Pope Joao Paul II nian;m.Timor percisa Lei pena de morte(Lei tengki haforca,forte hanesan trafic light iha crusamento. Halimar ho Lei hanesan mos ho ema nia vida;n. Uma kain ida-idak Timor nian, tengki hetan atencao special;o. Usa lian nebe ema hot-hotu hatene nee ba  politica decicao as estado nian;p. Figura resistencia sai solucao problema nacao nian, e sai mos imagen diak ba nacao e povu maubere;s. Tau iha practico politica governo decentralisacao;q. Brani foti decicao e toma responsabilidade, maske risca vida rasik;r. Politica fo mandanto e monitorisacao tengki forte;s. paradigma Administracao.  Ho tan hanoin importante liu hotu,5. Iha ida, uluk maun boot Mari hahu ona, mai be concept ho strategia politica falha uituan, nunee la fo resultado diak, e iha ida seluk tan, ita nia maun boot nain rua hotu halao iha sira nia politica de governacao, mai be lalao, dohk uituan husi contiudo.

XIII. OBSTACLOS: Resultado investigacao ho identificao husi dalan spiritual,detecta: 1. Loopholes sai e sei nafatin instrumento diak ba ema nebe: Lalais, matenek, e brani atu hetan oportunidade e halo iregularidades;2. Kilat illegal nebe spalha iha nacao laran dehan too ona 107. Husi total nee, 35 maka at ona;3. Ulun balun proteje ema contra Lei tamba: Familia, kolega no politica percisa malu nian;4. Ema balun hanoin e buka dadaun ricosoin ba oan no be oan husi povu nia terus;5. Governantes sira, tinan 5 nian, balun osan too miliao dolar, enquanto salario fo sai ba public ho montante $5000 ba kraik, sira iha nafatin fatin seguru;6. Figura Xanana ho Partido Fretelin sei iha etapa gerilya politica (pergoso liu);7. Politica no interese individo ho gropo mos domina liu lalao nacao;8. Governantes sira la dun brani halo politica tuir Lei;9. etc.  

XIV. EXPRECAO E DECICAO RADICAL: Percisa, tempo e tengki!

RDTL lao, la dun tuir duni condicao nacao kiik e kiak nian. Ami Politisi em special, lideranca top ho organizacao historicos mos dificil teb-tebes atu hamosu ida nebe diak e seguru nian ba nacao. Nee tamba, interese politica husi ida-idak nian domina liu. Dr. Joao dehan: 1. Ema at hetan fali forca;2. Descursu politica, buka loopholes no hamosu controversial sai domina fali Nacao;3. Hamosu fali descriminacao politica e social, etc. Karik tamba nee maka:a. Orcamento nacao nian cuaje tama barak liu iha linha familia no ema nebe iha dalan;b. Lei halo que sai la tuir tiha nia dalan lolos;c. Timor oan nebe hola parte politica destroicao, facil e brani halao politica. Sr. Jose Gusmao dehan, sira balun agora hetan garantia moris nian boot liu fali ema nebe terus ba ukun an;d. Povu Maubere usa tetun hanesan moris nian, mai be la desenvolve;e.etc. Bajeia ba factos sira nee maka ita dehan:i. Se valor luta ukun an ho democrasia nian la tuir dalan, dehan loron ida povu sei halo los tuir sira nia cuinhecemento rasik,saida deit mak acontece?;ii. Relatorio CHVR ho ONU kona ba maluk sira nebe hola parte politica destroicao, percisa tau iha practico;iii. Restorative justice percisa e urgente;iv. Tetun desenvolve atu hatutan povu maubere nia moris, tamba 100%, hatene nanis;v. Fo consideracao as ba DR. Horta nia parable dehan, odamatan nakloke ba ema hot-hotu atu tama, mai be la bele okupa hotu fatin sira iha uma laran neba.Ne iha strutura as do Estado;vi. Ukun nain ho nia familia mak hetan facilidade boot husi  nacao nian, no knar hotu, consege  rico soin liu husi salario, estado iha dever politica e moral nian, atu foti fali;vii. Sira nebe halakon file nacao nian wanhira knar hotu, percisa hetan kastigo. Tamba nacao selu e Lei garante moris tomak, nunee halao knar ho responbilidade maka nia demand; viii.etc.

Ita nia nacao percisa:Politica motivacao e prevencao nian, desenvolve Tetun ho diak, e political restorative justice, ho political theology nia practico moderno ba mundo nee hahu husi Timor,etc. Mai servi ita nian nacao ho mundo ida nee husi dalan hot-hotu nebe Ita iha. La bele hein too kaer ukun maka halo. Sira percisa agora dadaun. Ita nia inimigo iha oin maka: Ema at no desastera naturesa. Obrigado! Maromak fo bencao ba nacao e povu doben Timor Leste.

Diracao:axis35atlt@yahoo.com/Mb: +61402544312 / 0410082125.

PARTE I : REVOLUCAO SEGUNDO PARTE HAHU FORMA EMA SAI ESPERANCA NACAO NIAN

Ho: Antonio Ximenes
Ex deputado Assembleia Constituante,
Ex docente Filosofia, Siencia Politics

Antonio Ximenes

Ex deputado Assembleia Constituante,

Ex docente Filosofia, Siencia Politics

Dom Bobentura ho Avo sira nebe aswain halo revolta iha Manufahi no fatin sira seluk, ho revolucao iha Portugal, fo duni insfiracao diak ba maun boot sira forma forca politica ho naran Fretelin proclama independencia iha 28 Novembro 1975, ne sai hanesan passo definitivo e firme nian ba rai Timor ho nia emar sira atu halo revolucao, maske tengki infrenta dificuldades.

Maun boot Xanana ho maun boot sira hotu, konsege lidera e halao revolucao too hetan liberdade iha ita nia rain Timor Leste; FRETELIN nia politica ukun rasik an, konsege realisa duni; Katuas Nicolao Lubato, katuas Konis Santana ho maluk sira hotu nia terus no mate iha luta naruk ida nee, la saugate! Atu dehan tan katak, Apodeti, UDT, Kota e Trabalhista nia politica kona ba Integracao mos halo hela condicao diak balun/forma duni Timor oan lubuk ida.  

Santo Padre Joao Paul II visita Timor, iha 12 Outubro 1989 mos konsege fo paso foun ba mundo Cristao halo revolucao ba povu Timor nia terus. Uma creda ho povu halo duni revolucao ba ukun an, balun tan maka liu husi pregrinacao iha Timor tomak. E, rai Timor ho nia emar sira nee rasik halo revolucao atu determina nia vida politica maka realisa iha dia 30 de Agusto 1999.

Spirito ukun rasik an é todan e lulik duni!  Nunee, tempo too ona ba Timor oan nebe iha sentimento reponsabilidade ba nacao, hatutan revolucao nee hodi hari sociedade ida ideal iha Ita rain. Iha era democrasia, globalisacao e tecnologia, educação maka instrumento diak e forte nian.

Revolucao politica, konsege lori ona rai Timor ho nia ema sira too referedum, determina ukun rasik an, hari Estado ida ho sistema politico de direito e democratico, semi presidencialista, lao kleur duni ona. Husi nee Ita bele hanoin dadaun, nacao doben Timor Leste laos foun nafatin, e constituicao republica mos dehan,tempo too ona atu halo amandamen ba nia. Mai be, nafatin!

Nacao iha mundo nebe atu ukun an ho todan teb-tebes, ida maka ita nian. Tamba rai kiik, populacao uituan, geopolitica la fo dalan e ita nia politica interna e externa mos infrenta obstacls. Mai be  nacao nebe antes hetan ukun an, iha ona experencia boot iha lalao estado maka ita duni.

Ho Portugal, tinan 450, ho Indonesia, tinan 24 e ho ONU tinan 12. E, politisi ho teknicos nacao nee mos aprende ona politica e administracao nian husi: Eropa, Africa, Amerika, Australia e Asia. Povu Timor nee rasik mos, 99, 9% intende ona moris iha ambiente estado nian “ukun mos ho asesor international”. Tamba nee ita dala barak dehan, estado maka foun, mai be ema nebe kaer ukun ho povu nee rasik, laos foun. Nunee, la bele usa tan nacao foun sai argumento iha politica do estado.Mai be realidade hatudo, nafatin. E, desastera boot mak nacao nia politica nebe la dun reflecta estado direito husi nacao kiik, kiak, ukun an husi luta naruk, rai rico, etc.

Los duni, iha mos diak nian balun maka, iha ona strutura estado nebe halao nia funcao, 60%, hanesan: 1. Fo atencao dadaun ba povu tercero idade ho veteranos sira; 2. Halao dadaun desenvolvimento intermo: Social, cultural, economia, politica, seguranca,-;3. Timor oan nebe involve an iha revolucao, balun hetan ona honra e direito ba:Presidente, PM, Deputados,etc.  Mai be, cosecuencia la dun diak nian nebe mos lao dadaun maka:a. Governantes fo liu perioridade ba direito e political duty, do que responsabilidade. Hanesan, haka as an executa hotu lalais orcamento nebe parlamento aprova, mai be plano e resultado la dun fo  prioridade. Ijemplo, gasta orcamento too ona 99%, mai be resultado, mercado balun la dun funciona ho diak, etc;b. Forma fali ema nia mentalidade dependent e atu moris tuir vida nacao desenvolvido nian;c. Lei dehan, governantes nia familia la bele kaer projeto estado,  mai be realidade, iha oin no kotuk lao hela;d. Ema nebe involve an iha politica desctroicao, dehan la bele hola parte iha politica estado, mai be contrast mak ita hare;e. Reconciliacao atu hakotu cassu tomak e permanente nian, resultado hodi haluha deit fali casu nebe iha;f. Timor oan nebe hetan pocicao diak no as iha strutura  estado, balun hodi fali ba projeto moris nian;g. Nacao Timor kiak, mai be coloca nia diplomata tuir fali nacao rico nian;h. Tinan 5 knar hotu, relatorio final la dun claro, e files nacao halakon fali;j. etc.

Elicao 2012, candidatos presidente republica iha kedan ema nain 12, e partidos politicos mos 26. Enquanto que, candidatos ho Ami lideranca partido, hot-hotu ida nebe tuir dadaun historia mundo nian. Hatene nacao promotor democrasia iha mundo, hanesan Amerika, candidatos presidente tuir elicao geral, nain 2, e partido nebe troka malu kaer ukun mos 2.

Ita rain nia luan 15,410 km² ho populacao 1,175,880 deit, mai be: a. Ukun kedan ho deputados 65, vise PN nain rua; b. Ulun executivo mos nain rua, maka presidente republica ho primero ministro. Iha tan Vise PM ho nia strutura ida que boot teb-tebes;c. PM nee, partido/coligacao maka hili, mai be hetan knar e poder boot liu fali Presidente nebe povu maka hili direitamente. Presidente mos, symbol e halao knar deputado ho ministro negocio estrangero nian maka cuaje descobre sai liu. Los, nudar constituante ida, sente culpado!“tempo, sei hadia”

Estado hasai orcamento boot ba makina estado no assunto politico, mai be nia resultado, la dun efeta diak ba nacao e povu nia moris. Ijemplo: Primero, Cdt. David Alex bapak kaer iha Baucau, momento neba sei moris hela, informacao dehan, katuas sei moris iha hela terus nia laran, mai be estado la buka tuir. Nunee mos Presidente Nicolao Lobato, cdt. Sabalae ho nia companhero nebe lakon ho matan momos, sira nia ruin too agora la hetan nafatin. Enquanto, nacao Timor ho nacao Indonesia iha relacao diplomatico diak teb-tebes, e nunee mos entre lideranca Timor ho Jendrais ho buisnissman Indonesia nian; Segundo, Estudantes Universidade nian balun hetan cualidade diak, e balun too ona semester 7, mai be tamba hetan dificuldade ba orcamento, sira tengki para. Governo ho parlamento la buka tuir atu hatene sira nia dificuldades?

Hare tan ba oin, ita nia estado liu husi governo, hanesan ba:a. Politica execução orcamento nacao nian, la lao ho diak;b. Controla cualidade projetos sira nebe fo sai ba public,la dun forte;c. Manege e cuidado asetos estado, dohk liu husi nia prosedur;d. Politica ricesa naturais nian la dun lao diak, maske nee mak nudar asalerador desenvolvimento nian; e, e. Sensibilidade iha lalao Estado nian mos, sei percisa liu. Sira nee hotu nia cosecuencia balun maka:i. Orcamento nebe parlamento aprova ho ida nebe mai husi comonidade internacional, cuaje centenas billioens de dolares, mai be nia serculacao/afeta ba nacao e povu kiik nia moris maka 49% deit;ii. Kareta sosa barak teb-tebes e mesak karu no luzu nian, mai be cuaje sai at hotu;iii. Material hodi halo Estrada, nebe mai husi povu Japao la manege ho diak;iv. Strada halo tiha, la kleur at fali ona. Devia, wainhira intrega projecto, controla uluk nia cualidade, se la tuir nia criterios/cualidade la dun diak, la bele aprova. Maske familia, kolega ou donator partido maka halo projeto sira nee.  

Maluk sira, liuliu belun politisi sira, diak liu ita percisa ho cuidado teb-tebes. Tamba nacao sira hanesan Medio Oriente, Africa, America Latina, Asia balun, sira nia recursus naturais e humanos é boot liu ita nian, mai be sira nia nacao e povu kiak ba bebeik e la iha stabilidade. Nunee mos, minarai, gas,- nee ricesa naturesa ida nebe irecovable.

Kona ba projeto nebe governo fo ba ema liur, hare didiak nia resultado, ema lori sai osan mos ho libre los. E at liu tan maka, cualidade la iha garante. Ijemplo balun nebe ita hare hamutuk é, Libanes ida halo porto Hera.  Dehan, ema nee halo projeto liu husi linha ex resistencia. Sira hetan 7m, halo porto ho 2m, seluk fahe malu. Sosa roh ba F-FDTL mos  nunee. Resultado, roh at e porto mos at. Tamba projeto sira nee ho linha veteranos, nunee at mos husik hela!

Estado tengki tau matan diak ba ita nia veteranos sira, nee nungka atu iha argumento.  Governo nia politica fahe fali projeto ba veteranos, nee iha problema! Tamba, veteranus barak?

Diak liu, Estado lao tuir principio constituicao nian, nunee:1. Nacao bele hetan nia objetivo nebe consagra iha Constituicao;2. La halo povu maubere ho mate bian sira hirus;3. e, naran boot veteranos em special, figura  resistencia em geral, ema hotu bele tau matan diak.

Sr. Jose da Silva/Domosu comesa dehan, Timor oan involve luta, ida hetan ona direito ukun an nian, too deit 46%. Dr. Domingos Pereira dehan, ami ex politica otonomia too 70%. Dr. Mario Magno dehan, politica netral 99%.  Los duni, percentagen ida nee, assunto nacional nebe serio teb-tebes e percisa fo atencao special. Mai be compara didiak fali, diak liu foti lian nebe dehan, husi 20 de Maio 2002 mai oin,  ita hot-hotu ho concept ida deit maka, Timor oan nebe hakarak fo contribuicao ba nacao RDTL, tuir ida-idak nia dalan. E, fo atencao as mos ba politica justica e justice social iha nacao laran, hodi nunee la bele hamosu descriminacao iha ita rain.

Assunto importante liu nebe fo preucupacao boot ba ita hotu maka, spirito sagrado husi:1. Constituicao da Republica;2. Democrasia,3. Etica moral,4. Politica,5. Cultura,6.ho historia luta naruk nee nian, ema hadohk tiha ona husi nia corridor. Cosecuencia at nebe iha tan no lao dadaun maka:a. Corupcao, colucao e nepotism as;b. Desigualdades as maka: Povu nebe determina Rai Timor ho nia emar sira nia vida politica iha 30 /8/ 1999, cuaje kiak nafatin;c. Timor oan nebe iha linha luta nian mos, balun moris diak liu ona, mai be balun kiak liu;d. etc.

Conta didiak tiha ona katak, ita percisa teb-tebes e urgente duni atu hatutan revolucao hodi prevene negatividades sira nebe sei haterus nacao RDTL e povu Timor. Karik maluk balun hanoin, tamba sa tengki ho revolucao? reposta dehan, mundo agora nee, lei nebe politisi produce ho moral nebe regiliao halao, la dun funciona diak. Politica no buka loopholes hodi halo iregularidades mak cuaje domina liu nacao. Tan nee, hatutan revolucao maka odamatan diak ba desenvolvimento. Nacao tuan ba oin, sei dificil teb-tebes e povu maubere deit sei terus liu hotu.

Data husi factos sira hotu nebe ita analisa didiak, hatudo momos katak, negatividades nebe ho pontencial boot sei straga nacao no povu nia moris lao doohk liu ona. Ho rasaun sira nee tan, sforco an nebe ita tengki halao iha: Curto praju, medio e longo praju husi linha politica prevencao nian maka:a. Fo perioridade liliu ba area educacao. Atu hadia uluk cualidade educacao husi parte hot-hotu hodi bele:i. Hamosu baje nacao ida diak e forte nebe bele fo mos forca natureza nudar inspirador ba desenvolvimento nacional;ii. Descobre segredo dificuldades nacao e povu nian,iii. Forma Timor oan ho diak atu interpreta didiak: Direito, dever e responsabilidade nian iha ida-idak nia An rasik, iha familia, iha religiao, iha tradicao, iha estado e mundo (importante liu);iv. Desenvolve Tetun ho diak atu bele lori Timor oan sira ba desenvolvimento;v. Hamosu siencia e tecnologia ba nacao;b. Forma Timor oan, liuliu geracao foun atu servi Estado e povu ho:1. Cuinhecemento (teoria e practica),2. Capacidade (politica e tecnica),3. Experencia (interna e externa) ho recursus minum nebe iha, nunee sentimento responsabilidade ba nacao e povu nia moris maka sai as liu ba political rights ho dever nian;c. Constituicao republica, democrasia, politica, kultura ho historia luta naruk nia spirito mos tengki coloca didiak iha nia fatin;d.Percisa hari nacao hahu ho character:Humanista,independent e trabalho duru;e.Forma ema nebe bele iha sentimento e cuinhecemento phisicologia politica hahu nacao tercero mundo nian.

Maluk balun karik iha tan duvidas nebe dehan, bele ga lae? atu fo reposta kedan kedan: Tamba sa la bele? Ita nia proklamtor fila ona, ita nia lideranca maximum, ita nia restorador, ita nia Gendral ho ita nia lidernca boot sira seluk mos idade ba oin dadaun ona. Sira prepara dalan mai ita, kleur liu maka too 2017-2023. Se liu, nee sura fali oin seluk nian!  Nunee, se la hahu agora, bainhira fali? se laos ita, se fali? Timor oan nebe iha sentimento responsabilidade ba nia nacao, no nudar maubere oan, tengki fiar an hatutan e hadia buat nebe maun boot sira hahu ona.

Duvidas kona ba hau nia partido PDC la hetan votus;  Fretelin nebe povu Timor hein nakfera dadaun ba gropo oin-oin; Dehan, maun boot Xanana descansa, CNRT hotu; Dehan, PD hetan nafatin cadeira 8 iha elicao 2012 tamba figura maun boot Horta, maun bt Abilio ho maun bt Lasama,etc. Resposta dehan, nee buat ketak ida.Condicao democrasia nunee duni.“Ne’e la grave”

Hakarak ka lakohi, ita tengki recuinhece katak, DR. Mari team hari estado nia strutura e katuas Xanana ho desenvolvimento. Diak ka at, nee buat seluk ida.Realidade,iha at no diak mos?

 Maioria povu Timor Leste maka la kohi duni, historia ASDT mosu fali/nafatin iha nacao RDTL nia strutura, no ita la kohi duni historia nacao sira rico minarai ho gas, mai be nacao e povu sai kiak ba bebeik nee acontece iha rai Timor Leste. E ita mos la kohi, lideranca cria nafatin propaganda e political paradox iha lalao Nacao nian. Los duni, maun boot sira iha direito atu hetan respeita, povu iha direito atu cuntenti, e nacao iha direito ba desenvolmento. “Absolutely!”.

Acompanya didiak tan nacao nia lalao:KKN ho immoral sira seluk mos lao namas duni ona. Tamba nee, convida kedan maluk sira nebe hadomi nacao RDTL,  mai ita cria uluk condicao nebe ho funcao, fo motivacao e prevencao nian liu husi revolucao educacao. Nunee: 1. Orcamento, PN aprova nia resultado bele afeta too Timor oan nebe percisa duni;2. Politica decentralisacao bele consege nacao nia objetivo;3. Desenvolvimento nebe ema hot-hotu hein, bele realisa;4. Democrasia bele hetan nia coridor lolos iha nacao no povu nia moris, etc.