MI kuran Planeamentu, Montana Diak Raut Osan, Uma ho Rate Lori Todan

Tempo Semanal-Dili, 06.02.2011

Udan Boot dramatikamente ne'ebe monu rai hodi kalan (05/02) halo atakes surpreza ba populasaun balun ninia uma iha Dili laran.

Iha Suku Kamea, aldeia Ailele Hun komunidade sira ninia uma laran hanesan natar no bee mos sobu rate bedois
Bronson ne'ebe Ministeiru Obras Publika entrega ba Kompania Montana diak halo rohon ba rohan la tutan malu mak bee sulin husi parte ne'ebe la iha Bronson .



Komunidade sira lamenta ho servisu husi ministeiru Infra estrutura maibe tarde ona tan ba sira nia sanan balun wee lori ona.

Iha uma kain haat maka afetadu maka'as husi mota sobu hodi kalan iha aldeia ailele hun maibe iha parte seluk iha Dili laran mos agora toba hafuhu rai wainhira udan boot.

Dezenvolvimentu Timor Leste ohin loron la'os haree ba kualidade maibe hateke liu ba valor osan ninian hodi foo sala ba klima. (TS)

The City At A Glance

Dionisio de Jesus Lopes (Fevereiru 2011)

Ó nia hamnasa alegria ne’ebé tun husi lalehan

Hanesan mystériu ida ba ha’u

Ha’u adora no enjivo ba Na’i…

Ha’u hakarak ó oferese ba ha’u

Oinsa ha’u bele hamnasa hanesan ne’e?

Bainhira ha’u nia mágua sei milla tebes

Bainhira vida ne’e nakonu ho udan fatuk

Bainhira vida ne’e nakonu ho hamrook ba rán

Ha’u hakarak hamnasa mídar hanesan ó

Maibé  sidade ne’e sei nakukun ho azúl

Maibé supermi sei fákar iha estrada laran

Ha’u haree hanesan ne’e duni!

Ha’u hakarak atu hamnasa mídar hanesan ó

Maibé jellu fatuk manas sei iha ha’u nia liman laran

Maibé surik sei sona borus hela iha ha’u nia fuan

Maibé ha’u nia liurai bo’ot iha lalehan sei hadér neneik hela

Bainhira lo’os mak sidade ne’e bele sai naroman?

Bainhira lo’os mak hamrook ba rán ne’e para?

Bainhira lo’os mak udan fatuk ne’e para?

Bainhira lo’os mak ha’u nia liurai bo’ot hader lolo'os?

NOTE: Ha'u sei buka hela vokabulariu ne'ebe adekuadu atu traduz nia Titlu ho Ingles ne'e ba Tetum. Karik balun bele ajuda ha'u entaun di'ak liu-tan. Obrigadu barak!

Udan Boot Dalan Monu Ameasa Ligasaun ho Dili

Tempo Semenal-Balibo, 02.02.2011

Ministeiru Infra estrutura ne’ebe tuir ema balun hanaran “Ministeiru Situasaun Emerjensia” tan ba mukit ba planeamentu ne’e agora bele sibuk ona.

Iha loron kuarta no kinta (2-3/2/2011) udan boot hakas distritu bobonaro.  Sub distritu balibo sofre maka’as husi wee udan hodi halo estragus ba Estrada bo`ot parte sub-distritu balibo diresaun mai Dili

Balibo hateke husi Geogle Earth

Admistrador sub-distritu balibo, Paulo Asis husu atu governu tau matan lalais ba problema Estrada ne’e tan b abele hakotu ligasaun entre maliana ho Dili.

“Ha’u husu ba Ministeriu kompentente tenke hadia ho la-ais estrada ida ne`e. Ou ministeriu kompentente tenke loke estrada foun atu nune labele empata transporte tan ba ita hare estrada ne`ebe monu agora ne’e, iha loron ida tan mak udan munu rain nafatin  konserteza transporte sira labele halo operasaun ba mai entre dili ho maliana,” dehan Paulo.

Estrada monu ne’e akontese iha diresaun Suku Balibo ho luan metro rua no ninia naruk metro haat.

Jefren Monis komunidade husi suku Balibo triste ho kondisaun dalan ne’ebe aat ba beibeik no dehan, “dalan ne`ebe agora monu dada-daun ne`e ita nia nai ulun sira tenke hare no tenke loke dalan foun atu nune’e ita labele empede ita nia maluk ne`ebe mak lori tranporte. Tan ba horseik ita nia maluk ida ne`ebe lori motor atu ba dili hetan desastre iha ne`e.”

 Nia hatutan katak importansia ba dalan ne’eba tan ba sai hanesan ligasaun dili, maliana no suai ne`ebe presiza duni atensaun husi Ministeiru kompetente.

Preokupasaun Jefren ninian ne’e rekuinese husi Antonio gonzale, hanesan sofer transporte publiku maka sempre halo viazen ba mai dili maliana. Ha’u sente araska tebes wainhira too iha diresaun dalan  ne`ebe monu. Ne`e duni ami husu ba orgaun ne`ebe responsavel atende ba estrada ida ne`e tenke hadia la-lais no loke Estrada foun atu nune labele atrapalla movimentu transporte publiku ninian. (TS)