PNTL Kaer Suspeitu Droga Sidadaun Indonesia ho TL Iha Dili

Tempo Semanal Breaking  News 12/12/2012

Iha loron 11/12/2012 besik loron monu tuir observasaun Tempo Semanal PNTL sira halo pasa de revista derepenti ba kuartu ida iha otel foun ida ne’ebe lokaliza iha kedan oin husi Otel Luz Clarita.

Iha pasa de revista ne’e PNTL sira kaptura ema Timor oan feto ida no mane ida ne’ebe deskonfia uza  hela droga ho modelu sabu-sabu. Suspeitu nain rfeto ne’e tuir informasaun ne’ebe jornal ne’e rekolla halo hela kna’ar iha instituisaun do estadu ida. Suspeitu ne’e feto ne’e ninia naran inisial maka NMDOG no suspeitu mane ne’e ninia naran inisial ASP alias Sakau, Tuir informasaun husi official PNTL ida informa katak, “suspeitu nain rua ne’e ketankap basa tan ba sira uza hela droga sabu-sabu.”

Tuir resultadu investigasaun ba suspeitu nain rua iha leten ne’e, maka sira konfesa katak sasan sira ne’e sira sosa husi trafiku Droga sidadaun Indonesia ho Timor oan balun hela iha Dili laran.

Hafoin de rona tiha informasaun sira ne’e Tempo Semanal nota katak PNTL sira hahau hakat ba Taibese Centro hodi alo operasaun ne’ebe ninia rezultadu kaptura sidadaun Indonesia feto nain rua no man Timor oan ida ho kaptura mos aimoruk droga balun. Sidadaun Indonesia feto nain rua ne’e maka DAL ho SD hamutuk ho suspeitu mane artista Timor oan ida ho naran inisial JFXG.

Tuir informasaun katak feto sidadaun Indonesia ida iha osan rupiah liu milaun atus rua iha banku Indonesia nian rua no wainhira kaptura PNTL mos foti aimoruk droga besik kilo ida no osan liu dollar rihun ida.

“Sira ne’e ami ditangkap basa jadi wainhira pemakai sira uza hela maka maka ami kaer ne’ebe aban ne’e tenke lori on aba julgamentu,” dehan official PNTL ne’ebe husu atu labele publika ninia naran

Daudaun ne’e suspeitu hirak ne’e detein hela iha Sela PNTL kaikoli dili no tuir lei Timor Leste tenke halo keda julgamentu ba suspeitu sira ne’e iha loron tuir mai.

Atividades droga tama sai Timor Leste ho fasil no cirkula livremente iha Timor Leste maske iha fulan tolu ninia laran ne’e PNTL halo kapturasaun ba suspeitu ho provas lubun ruma ona.

Iha parte seluk publiku kestiona kona ba droga sira ne’ebe PNTL kaptura ne’e agora halo estraga iha ne’ebe no total hira I se maka testamunia. “Ami rona husi PGR katak droga ne’ebe kaptura iha fulan Novembru liu ba ne’e apresenta ona autoridade justica maibe ninia totalidade iha Kilo rua liu deit no restu ne’e iha ne’ebe,” dehan ema bo’ot ida iha nasaun ne’e.

Nia hatutan, “Se kaptura kilo neen tenke entrega ba prokuradoria mos kilo neen no depois de julgamentu provas sira ne’e tenke halo rahun ho total ne’ebe hanesan. Atu halo rahun tenke iha verifikador ka monitorizasaun husi ema seluk se lae ema deskonfia autoroidade seguranca ho judiciariu maka halakon tiha droga sira ne’e,”

PM Xanana Rekuinese TL Fatin Transit Droga Ba Indonesia ho Australia

Tempo Semanal - Dili, 19/11/2012

Primeiru Ministru RDTL, Kay Rala Xanana gusmao dehan nasaun Timor Leste dadaun ne'e ema estranjeiru sira uza sai hanesan fatin ba transit  droga husi Afrika no Amerika Latin hodi liu ba nasaun vijinus sira hanesan Indonesia ho Australia.

Antes Aviaun Merpati ne'ebe lori Primeiru Ministu ho ninia komitiva too hikas iha Dili kalan ida antes (18/11) mais ou menus tuku 19:00 Oras Timor Leste ninian ajencia seguranca nasaun ne'e kaptura ona ema sidadaun Indonesia nain rua ho inisial EP ho HH.



Xanana dehan lia hirak ne'e iha Aeroportu Nicolao Lobato Dili, hafoin fila husi ninia vizita durante loron sanolu ba Indonesia ho Haiti.

Wainhira to'o iha aeroportu Dili Xananaa hakat liu sala de entrada hodi haree ho matan suspeitu EP ne'ebe ninia fu'uk naruk maibe oin taka metin ona ho hena metan. Minutu ruma ho mane Indonesia ne'e PM hakat liu fali ba sala de viajen ne'ebe iha kuartu ida feto Indonesia ho naran HH sulan hela hamutuk ho kokaine liu Kilo lima.

EP mana Indonesia ida ne'ebe moris iha Java maibe durante tempu barak ninia laran hela iha Bali. Nia mai ho aviaun liu husi Denpasar Bali iha loron 31/10/2012 hela loron ruma iha Dili depois liu kedan ba Singapora hodi hala'o viajen ba Kolombia.

Kolombia hanesan ema hotu hatene katak nasaun ne'e produz droga maka'as tebes. Iha loron 13/11/2012 EP to'o hikas iha dili hodi ba hela iha Hotel ida iha Kolomera. Dezde momentu ne'eba kedan parte intelijen hahu deteta ona EP ho ninia komunikasaun tomak.

Tuir informasaun ne'ebe jornal ne'ebe obtein husi ofisial bo'ot ida iha kuatel PNTL dehan katak ajencia seguranca nasaun ne'e halo kedan kapturasaun ba sidadaun Indonesia ne'e wainhira hetan ona evidencia forte iha loron 18/11/2012 hafoin hetan tan kurir feto Indonesia ida ne'ebe ho ninia naran inisial HH.

HH mai ho aviaun Batavia air iha loron sabadu. Hafoin tun iha Dili nia mos ba hela iha hotel hanesan ho suspeitu mana EP ne'ebe ninia fuuk naruk. Ohin HH kaptura husi PNTL hamutuk ai moruk Kokaina liu kilo lima.

Aimoruk hirak ne'e halo pakote didiak no uza sistema klandestinu ne'ebe diak atu hanesan ho sistema ne'ebe uluk Timor oan sira uza iha nasaun ne'e hasoru TNI.

Ema balun kestiona kona ba autenticidade ba trafiku droga liu husi Timor Leste maibe tuir jornalista senior ida ne'ebe uluk involve iha halo filmajen ba trafiku droga entre pakeistaun ho dimarka nia dehan, "iha momentu ne'eba ema sira ne'e exporta droga liu husi aviaun maibe tau iha karpetu ninia laran."

Problemas droga mai husi Kolombia ka afrika tama to'o iha Timor Leste hamosu duvidas tan ba kestaun ne'e liu husi aeroportu internasional bobo'ot ne'ebe maka iha kapacidade hodi deteta bagazen sira maka tama husi ex-Ray.

Maibe tuir trafiku droga ida ne'ebe kaptura iha loron 20/10/2012 iha aeroportu kamera Tempo Semanal konsege kaptura duni katak suspeitu refere ba klaim ninia bagazen ne'ebe mai husi Singapora hafoin to'o loron rua suspeitu ne'e hela iha Hotel Central Dili.

Autoridade Timor Leste Timor servisu hamutuk ho BNN husi Indonesia hahu kaptura suspeitu trafiku drogas liu husi Timor Leste ba Indonesia liu ona ema nain sanolu inklui sidadaun afrika do sul nain rua ho eupeia balun iha Teritori Timor Leste no Indonesia rasik.

Maske Nune'e situasaun trafiku droga hakarak nafatin uza aeroportu Timor Leste sai hanesan fatin furak hodi transit ba lala'ok importa no exporta droga ninian.