Tempo Semanal Edisaun 155

PM Asina Sala Kontratu ho ETO

Silvério : "ne'e la'ós ami nia kulpa"

Dili, Tempo Semanál

Primeiru Ministru (PM) Kay Rala Xanana Gusmão iha senseriedade boot hodi es­tabelese no promove sis­t­e­ma akontabilidade no tr­a­n­sparente ne'ebé di'ak iha je­staun finansas estadu nian liu-liu iha prosesu ejekusaun orsamentu tenderizasaun.

Ma­ibé iha prosesu ida ne'e, Ministeriu Finansas liu husi Dir­esaun Nasional Ap­roviz­io­namentu tau iha ka­uza Pr­i­meiru Ministru ninia kre­di­bi­lidade tanba iha lo­ron 30/03/2009 diresa­un ida ne'e lo­ri PM ba asina sala kontr­a­tu fornesementu ko­m­bu­st­i­v­el ba kareta estadu nian, ta­nba iha dokumentu kontratu ha­kerek Silverio Pereira Ma­ubere husi,

Aitula Fuels ma­i­bé asinatura husi Nilton T. Gusmão dos Santos husi Es­peransa Timor Oan (ETO).

Kauza ida ne'e nia lalaok besik atu hanesan ho alegasaun PM asina ko­n­t­ratu sosa fos ba Zenilda Gusmão nu­dar PM nia oan feto, tanba Nilton Gu­smão mós hanesan PM nia subrinu. Nu­ne'e, asinatura PM iha dokum­en­t­us kontratu fornesementu komb­us­tivel ho kompania ETO, deskonfia mósu falsifikasaun tanba ETO uza ema no kompania seluk nia naran ho­di hetan aprovasaun kontratu forne­s­­ementu kombustivel ba kareta es­tadu husi PM.

Iha kauza ida ne'e mós, PM tau nia an iha risku tanba PM la haree didi'ak antes marka ninia asinatura iha sura tahan leten. Maibé, dala ruma asi­na­tura PM nian ho Nilton Gusmão nian la marka iha oras ho minutu hanesan. Karik PM asina uluk hafoin Nilton Gu­s­mão asina ikus iha oras balu nia la­r­an, tanba se karik PM ho Nilton Gus­mão asina iha oras ida deit no tur se oin ba malu iha meza ida, ne'e PM be­le kansela tanba PM asina kontratu ho Nilton Gusmão maibé iha dokum­e­ntus la hakerek Nilton Gusmão ho nia kompania nia naran maibé ha­kerek fali Silverio Pereira Maubere husi Aitula Fuels. Maibé se PM hatene momoos hela mas la halo inter­ve­ns­aun, entaun PM bele hasoru dala ida tan alegasaun publiku konaba hab­okur familia liu husi tend­er­izasaun.

Nune'e deskonfia prosesu ida ne'e ninia konteudu atu halai ba violasaun Lei Nú. 7/2007, Lei Estatutu dus Ti­t­ulares Orgaun Soberanu artigu 3 konaba Impedimentu Aplikaveis a Sosiedade, se karik Nilton Gusmão nia saham liu husi 10%. Tanba iha lei ne'e esplika klaru katak, ida empre­zas sira ne'ebé nia kapitál kaer husi titulár órgaun soberania liu 10%, hetan impedementu atu partisipa iha konkursu fornesimentu bens no servisu, halo knaar Komérsiu ka Indústria, liu husi kontratu ho estadu ho entidades publikas sira seluk.

rua alínea a), hateten, emprezas sira ne'ebé nia kapitál ho persentajen hanesan, ne'ebé nian feen ka la'en maka sai na'in ka haketak ema ho riku soin nia aman/inan no oan sira ho parentes kolatoral to'o 2 grau ho sira ne'ebé hela ho nia mós hetan impede­mentus. Iha alínea b) hateten, empreza sira ne'ebé nia kapitál/husi titulár órgaun, direta ka indireta husi nia mesak ka hamutuk ho familias ne'ebé refere iha alínea a), nia partisipasaun la ki'ik liu 10%.

Atu hatene Nilton Gusmão nia saham hira, jornalista tenta komfirma ho dir­es­a­un rejistu kompania husi Ministeriu Turismu Komersiu no Industria maibé diresaun ida ne'e la koopera didi'ak ho jornalista hodi fó sai dokumentus rejistu. Hahalok hanesan ne'e hatudu katak go­v­ernu laiha vontade atu kombate pek­adu KKN, maske governu tau nia an ha­nesan fundador anti KKN maibé KKN mó­su hanesan Kulat iha tempu udan.

Iha tinan hirak liuba, kompañia Belak Fuel sai nu'udar kompañia úniku ne'ebé fó asist­énsia fo­r­n­e­sem­entu mina ba tr­a­nsporte Es­tadu ni­an iha rai laran, ma­ibé iha tinan 2007 Go­v­e­rnu Ti­m­or Leste liu husi Min­is­t­ériu Fina­n­sas, Dire­s­aun Nas­i­onál Ser­b­isu De Ap­ro­­vi­zio­na­m­­entu lo­ke fila fali ko­nkursu públiku ba em­prezáriu Timor ne'ebé hakarak konkorre iha projetu ida ne'e.

Konkursu públiku ne'ebé partisipa husi kompañia lubuk ida maibé komp­a­ñia Aitula Fuels ho ETO mak sai ve­ns­edor. Ne'e duni bazeia ba akordu no re­z­u­ltadu konkursu ne'ebé iha hateten, kompañia rua ne'e mak hetan fiar husi go­vernu atu fornese mina ba kareta Es­tadu nian.

Maski agora daudaun kompañia Aitula Fuels ho ETO fornese hela mina ba karreta estadu nian, maibé iha do­k­u­m­entu kontinuasaun kontratu ETO ne'e­bé jornál ne'e hetan, hamósu duvida boot iha públiku liu-liu ba em­prezáriu Timor oan sira tanba surat kontratu ho No 01-06-20­08-C-40110 ne'ebé hakerek Diretór Aitula Fuels Silvério Pereira Mau Bere nia naran ma­ibé ninia asinatura uza fali Nilton Gusmão nian.

Diferensa naran no asina­tura ne'ebé hakerek iha surat kontratu No:RDTL -01-06-20­09­-C-40110 sai mós preok­up­asaun boot ba públiku, liu-liu ba emprezáriu Timor oan sira tanba kestaun ne'e hat­udu katak serbisu apro­vizion­am­entu seidauk profesional, nu­ne'e mós lei aprovizionamentu sei fraku tanba la iha ko­ntrola saun di'ak ba sis­tema serbisu aprovizi­onamentu nian.

Maski ema barak ak­uza katak sistema serb­isu aprovi­ziona­mentu nian la'o la loos, maibé tuir Dir­etór Nasional Apro­vezionamentu Fr­ancisco C. Soares katak, failansu ték­nik­u ne'e normál tan ne'e ba ema ne'­ebé kontra sistema serb­isu aprovi­ziona­me­ntu entaun nia la hat­ene prosesu tékniku admi­ni­st­rasaun.

Responde ba kest­a­un hirak ne'e, Te­rsa-fe­ira,1/09/09 iha edifísiu ko­mpañia Esperansa Timor Oan Sina Rate Ta­i­besi, Dili, Diretór Nilt­on T. Gu­smão dos Santos hateten, konku­rsu públiku hodi fornese mina ba karreta Governu ne'ebé hala'o iha ti­nan 2008 felizmente loke ba pú­b­l­i­ku no iha momentu ne'ebá kompañia lubuk ida mak hola parte mós iha konkursu refere, maibé bazeia ba desizaun no prosedimentu legál husi verifikasaun dokumentu hatudu katak kompañia Aitula Fuels ho Kompañia Esperansa Timor Oan mak manan tanba sira iha fasilidade ne'ebé kompletu atu fornese mina ba karreta governu nian.

Husu kona ba asinatura no naran ne'ebé ha­ke­rek iha surat ko­nt­r­atu nia lar­an ne­'e­bé di­ferente, Nilton ha­kt­uir, "Ha'u hanoin kontratu ne'e hala'o ba ko­mpañia rua, ida ba kompañia Sr Si­lvério nian no ida ba ami, soke naran ne­'e­bé hakerek iha surat ko­n­tratu rua ne'e sai ida de'it, ma­ibé ko­ntratu ne'e ha'u rasik mak asina la'ós ema seluk ne'e duni ha'u hanoin la iha indik­a­s­a­un manipulasaun maibé failansu tékniku de'it tanba ha'u asina fali iha Sr Silvério nia naran" esplika Nilton ho fiar an.

Tuir Nilton katak, surat kontratu ne'ebé Primeiru Ministru (PM) asina iha fulan kotuk liu ba, hanesan estensaun kontratu maibé kontratu 'induk' mak Ministra Finansas Emília Pires asina iha loron 26/05/08.

"Rezultadu konkursu hatudu katak kompañia Esperansa Timor oan no Aitula Fuels mak manan ne'e duni sira mak fornese mina ba karreta go­vernu nian, maibé iha momentu ne'ebá Governu fó períodu durante fulan 6 hanesan 'masa percobaan' mais tanba sira konsege hatudu rezultadu serbisu ne'ebé di'ak entaun Governu kontinua tan sira nia kontratu"

"kontinuasaun husi kontratu ne'ebé governu halo iha altura ne'eba, la'os ba ema ida de'it maibé kontratu ne'e ba ami na'in rua, ne'e duni iha mom­e­ntu ne'eba sira kala hakerek sala naran, mais tanba ha'u mós la repara buat hirak ne'e entaun ha'u mós asina tiha hafoin hare fali katak naran ne'ebé hakerek iha kontratu ne'e la lo­os". ha­s­ara Nilton.

Nilton hatutan, tanba surat kont­ratu iha rua, ne'e duni idak-idak hala'o ninia serbisu rasik, Aitula Fuels hala'o serbisu ho ninia kompañia rasik nune'e mós Esperansa Timor Oan, maibé soke de'it fahe zona serbisu nian.

"Ha'u sente la iha manipulasaun ba asuntu ida ne'e tanba kontestu husi manipulasaun ne'e la klaru". Nilton hatutan Kuandu ita atu ko'alia kona ba manipulasaun, entaun ita halo buat ida ho subar depois ita tenta atu manipula hodi bosok ema, maibé ha'u sente ita la subar buat ruma tanba buat hotu liu husi prosesu hormal no mós kompañia Esperansa Timor Oan nunka halo in­tervensaun iha prosesu tender

"ha'u nunka halo intervensaun ba prosesu tenderizasaun tanba ha'u fiar ha'u nia kapasidade ho kondisaun ba­zeia ba proposta ne'ebé ami hatama" reforsa Nilton hodi defende an husi ak­u­zasaun. Proposta no Bid Security ne'ebé ko­mpañia Esperansa Timor Oan aprez­e­nta iha konkursu ne'e ba tinan 5, maibé ba períodu primeiru Governu fó ko­ntratu fulan 6 tanba Governu hakarak ha­re sira nia proforma serbisu.

"Iha akordu ne'e hateten kuandu ami hatudu rezultadu serbisu ne'ebé di'ak konserteza kada tinan governu sei kontinua ami nia kontratu to'o ti­nan 5, maibé to'o dalan klaran mak go­vernu hare katak ami la hala'o serbisu ho di'ak otomatikamente governu sei hapara ami nia kontratu tanba go­v­e­rnu rasik lakohi ema atu halimar ho kontratu" Nilton konta tuir

Tuir informasaun ne'ebé jornál ne'e hetan husi diretór Kompañia Espera­nsa Timor Oan katak totál orsamentu ne'­ebé sira aprezenta iha konkursu nian kuaze US$8,000,000 ba tinan lima nian, maibé hare ba segundu kontratu ho períodu serbisu 01 Janeiru 2009 to'o 30 Dezembru 2009 (fulan 12) ne'ebé ho orsamentu US$­2,­0­0­0­,­000 sai duvida s ba públiku.

Bainhira jornalista TS hakat ba ed­i­fí­siu kompañia Aitula Fuels besik merkadu Komoro hodi husu kla­ri­f­ikasaun ba kestaun refere, maibé Di­retór kompañia Aitula Fuels Sil­v­ério Pereira Mau Bere hateten, "de­s­paxu ne'ebé hatún husi primeiru Ministru ha'u nia naran de'it mak iha, maibé iha momentu ne'ebá ko­mpañia rua mak manan tender, Kompañia ne'ebé hetan primeiru lugar mak Aitula Fuels no segundu lugar mak kompañia Esp­er­ansa Timor Oan mais bainhira surat de­spaxu ne'e tun mai ha'u nia naran mak iha hotu tan ne'e ha'u ba simu de'it ha'u nian depois ida fali sira apaga tiha Aitula tau fali ETO nia na­ran hafoin sira asina tiha ne'e duni ami sente la iha buat ida" haktuir Si­lvério

Tuir Silvério katak, kestaun ne'e la iha indikasaun manipulasaun maibé falénsia tékniku de'it tanba momentu ne'ebá husi nia parte rasik mak ba hala'o uluk asinatura iha loron 26/03/2009 depois Es­p­e­ransa Timor Oan ba asina iha lo­ron 30/03/09, "ma­ibé antes Nilton atu asina kontratu sira mós telefone ha'u hodi klarifika asuntu ida ne'e mais ha'u hateten ba sira katak la iha buat ida tanba falénsia tékniku" esklarese Silvério

Responde kona ba pergunta ne'ebé dehan katak karik iha uma ruma ne'ebé ma­nipula ita boot nia naran, maibé Silvério konfesa katak, nia parte la hatene kona ba ida ne'e tanba falénsia té­kniku ne'e la'ós husi sira no la'ós sira mak halo maibé ida ne'e mai husi té­kniku sira no sira mak kria.

Valór orsamentu ne'ebé Kompañia Aitula Fuels aprezenta iha konkursu, US$ 2,981,105 ba 13 distritu kada tinan no ba tinan 5 nian kuaze US$ 8 Juta resin.

Maski kompañia rua mak manan iha konkursu refere maibé kada kompañia hala'o ninia atividade tuir zona ne'ebé determina ona tan ne'e kompañia Es­p­e­r­ansa Timor Oan toma konta Distritu, La­utem, Baucau, Viqueque Manatutu, Oe­kusi, inklui Dili no mós kompañia Ai­tula Fuels toma konta Distritu, Aileu, Ai­naro, Same, Suia, Liquisa, Ermera, Ma­l­i­ana no mós Dili. Iha loron 02/09/09 Diretór Ap­r­o­v­i­zionamentu Francisco Burlaco ba jornál TS hateten, loos duni iha falénsia tékniku ba kontratu kompañia Espe­ra­nsa Timor Oan nian ne'ebé hakerek fali Kompañia Aitula nia naran, tan ne'e tuir nia katak la iha indikasaun mani­pu­la­s­aun ba kontratu tanba tuir loloos ko­n­tratu ne'e tau kompañia idak – idak na naran maibé tanba labarik sira hakerek sala tiha hodi tau hotu Aitula nia naran entaun hadi'a fila-fali de'it.

"Kestaun ne'e hanesan falénsia ték­niku de'it tan ne'e la iha impaktu no mós la implika ba prosesu orsamentu tanba naran ne'ebé hakerek sala iha kontratu ne'e ami hadi'a fali no la iha indikasaun manipulasaun" Francisco defende

Responde kona ba akuzasaun ne'­ebé dehan serbisu aprovizionamentu la iha kapasidade, maibé Francisco hateten, ita mós tenke komprende labarik sira tanba iha serbisu barak ne'e duni 'kesalahan' ne'e normál.

"Loos duni problema iha naran, ma­ibé kuantidade la hanesan tanba Aitula labele atu responsabilidade área refere tanba iha kontratu hatudu katak área ne'e Esperansa nian entaun Esp­eransa mak tenke asina tanba falénsia tékniku iha administrasaun normál tan ne'e ema ne'ebé halo ak­u­zasaun nia la hat­ene prosesu tékniku. "hanesan ohin ha'u hateten katak fa­lénsia tékniku ne'e normál tanba ke­s­alahan la'ós de'it iha na­ran maibé be­le mós ba iha kuan­ti­d­ade osan ne'ebé ita hakerek sala"hakotu Francisco.

Iha parte seluk, Emprezáriu Timor oan Rui Castro hateten, Bainhira ema ru­ma hakarak avansa ho kazu ida ne'e, ha'u bele dehan katak kestaun ne'e la'ós failansu admin­istr­asaun,maibé iha relasaun ho Lei tanba implika mós ba konstitusionál, nune'e mós pior liu ba­inhira ko'alia kona ba ema ne'ebe resp­on­savel ba asina kon­tratu ne'e duni la'ós failansu tékniku ta­nba atu asina kontr­atu ruma konserteza ita sei liu husi da­lan rua, ida mak liu husi prosesu normál no ida fali la liu husi prosesu normál (ilegál).

Dokumentu ne'e respons­ab­ilidade másimu iha aproviz­ionam­en­tu, ne'e duni bainhira atu entrega ko­ntratu ruma ba kontrator atu asina tenke fó hanoin ba malu para atu hadi'a se iha buat ruma ne'ebe la loos, la`'ós husik depois monu fali ba públiku nia liman. "Se kontratu ne'e konsege monu iha públiku nia liman signifika katak ema ne'ebe serbisu iha ap­r­ovizionamentu iha intensaun no hanoin aat atu estraga PM ninia Gover­nasaun tanba iha PM nia oin sira haraik an maibé iha kotuk PM hanoin buat seluk sira mós halo buat seluk" esplika Castro hodi defende PM.

"Ha'u hanoin la'ós foin kazu ida ne'e de'it mak akontese maibé iha mós kazu sira seluk ne'ebe envolve mós membru Governu barak". Castro halo kompar­as­aun ba ninia an katak se nia mak tuur iha aprovizionamentu kon­serteza 'tingdakan administrasaun sei la'o ba ema ne'ebe responsabiliza ko­nt­ratu nune'e mós Ministra Finansas tenke uza responsabiliza ba iha diretór jerál Francisco no mós diretór apro­vizionamentu nune'e mós PM tenke husu sira ninia responsabilidade.

"Ba ha'u kestaun ne'e hanesan te­ntativa ida ne'ebe hakarak hafo'er PM ni­nia naran tanba ema ne'ebe PM fó fiar hodi maneja prosesu kontratu la serbisu ho laran tan ne'e sira konsege manipula hodi oferese buat ne'ebe la loos ba PM asina" tenik Castro ho lian makas ba jornalista TS.

Castro hatutan katak, failansu ne'e la'ós husi kompañia tanba kontratu ne'e la'ós Nilton mak prepara tan ne'e buat ne'ebe atu investiga ne'e tenke in­vestiga ema ne'ebe prepara dokum­en­tu,liu-liu diretór ne'ebe respon­sa­biliza ba iha departamentu ne'ebe ag­ora nia asina kontra ba PM. "ko'alia kona ba 'saham' ne'ebe liu husi 10% la iha direitu atu hetan ko­ntratu, maibé Castro argumenta ka­t­ak,kuandu lei ida ne'e mak ita impl­e­m­enta duni en­taun kontratu ne'ebe halo iha governu Fretilín nian ilegál hotu tanba iha te­mpu Governu Fretilín nian Amat Alk­atiri (Belak Fual) mak Fornese kom­bustivel ba karreta Go­v­ernu durante tinan 3, maibe iha tempu ne'eba la iha ema ida kestiona ma­is tanba saida ita tenke kestiona ho Ni­lton nian", Hakotu Castro. (ts)