Wednesday 12 December 2012

PNTL Kaer Suspeitu Droga Sidadaun Indonesia ho TL Iha Dili


Tempo Semanal Breaking  News 12/12/2012

Iha loron 11/12/2012 besik loron monu tuir observasaun Tempo Semanal PNTL sira halo pasa de revista derepenti ba kuartu ida iha otel foun ida ne’ebe lokaliza iha kedan oin husi Otel Luz Clarita.

Iha pasa de revista ne’e PNTL sira kaptura ema Timor oan feto ida no mane ida ne’ebe deskonfia uza  hela droga ho modelu sabu-sabu. Suspeitu nain rfeto ne’e tuir informasaun ne’ebe jornal ne’e rekolla halo hela kna’ar iha instituisaun do estadu ida. Suspeitu ne’e feto ne’e ninia naran inisial maka NMDOG no suspeitu mane ne’e ninia naran inisial ASP alias Sakau, Tuir informasaun husi official PNTL ida informa katak, “suspeitu nain rua ne’e ketankap basa tan ba sira uza hela droga sabu-sabu.”

Tuir resultadu investigasaun ba suspeitu nain rua iha leten ne’e, maka sira konfesa katak sasan sira ne’e sira sosa husi trafiku Droga sidadaun Indonesia ho Timor oan balun hela iha Dili laran.

Hafoin de rona tiha informasaun sira ne’e Tempo Semanal nota katak PNTL sira hahau hakat ba Taibese Centro hodi alo operasaun ne’ebe ninia rezultadu kaptura sidadaun Indonesia feto nain rua no man Timor oan ida ho kaptura mos aimoruk droga balun. Sidadaun Indonesia feto nain rua ne’e maka DAL ho SD hamutuk ho suspeitu mane artista Timor oan ida ho naran inisial JFXG.

Tuir informasaun katak feto sidadaun Indonesia ida iha osan rupiah liu milaun atus rua iha banku Indonesia nian rua no wainhira kaptura PNTL mos foti aimoruk droga besik kilo ida no osan liu dollar rihun ida.

“Sira ne’e ami ditangkap basa jadi wainhira pemakai sira uza hela maka maka ami kaer ne’ebe aban ne’e tenke lori on aba julgamentu,” dehan official PNTL ne’ebe husu atu labele publika ninia naran

Daudaun ne’e suspeitu hirak ne’e detein hela iha Sela PNTL kaikoli dili no tuir lei Timor Leste tenke halo keda julgamentu ba suspeitu sira ne’e iha loron tuir mai.

Atividades droga tama sai Timor Leste ho fasil no cirkula livremente iha Timor Leste maske iha fulan tolu ninia laran ne’e PNTL halo kapturasaun ba suspeitu ho provas lubun ruma ona.

Iha parte seluk publiku kestiona kona ba droga sira ne’ebe PNTL kaptura ne’e agora halo estraga iha ne’ebe no total hira I se maka testamunia. “Ami rona husi PGR katak droga ne’ebe kaptura iha fulan Novembru liu ba ne’e apresenta ona autoridade justica maibe ninia totalidade iha Kilo rua liu deit no restu ne’e iha ne’ebe,” dehan ema bo’ot ida iha nasaun ne’e.

Nia hatutan, “Se kaptura kilo neen tenke entrega ba prokuradoria mos kilo neen no depois de julgamentu provas sira ne’e tenke halo rahun ho total ne’ebe hanesan. Atu halo rahun tenke iha verifikador ka monitorizasaun husi ema seluk se lae ema deskonfia autoroidade seguranca ho judiciariu maka halakon tiha droga sira ne’e,”

2 comments:

Unknown said...

se droga duni mak comesa tama ona iha Timor-Leste, ita nia vida sei hanesan iha Brasil. Bandido sira sei oho ema arbiru hodi hola droga.
obrigado

Unknown said...

se droga comesa existe ona iha Timor-Leste, ita nia vida mos sei hanesan Brasil.

Bandido sei oho ema arbiru (aproveita foti osan, telefone, no buat saida deit mak sira bele faan hodi bele hetan osan) hodi bele sosaa droga.
obrigado