Tempo Semanal Edisaun 119

MCC Hakerek ba PM Xanana informa Kanselamentu TL ba Compact
Dili,Tempo,Semanal

Iha loron 20/12/2008 Xefe Exekutivu Milenium Challenge Corporation hakerek ba Governu Timor Leste hodi informa kona decizaun husi Board diretores MCC iha loron 11/12/2008 katak Timor Leste la seleciona ba milenium Challenge Account (MCA) nu'udar nasaun ne'ebe elijibel ba Compact tinan fiscal 2009 nian.

Wainhira kestiona kona ba KKN ne'ebe mosu iha Governu AMP nia laran ho lian diplomasia repezentante MCC iha Timor Leste dehan indikador KKN ne'ebe uza dadaun ne'e mosu iha governu anterior ninian. Maibe Embaisador Danilovich hateten sai kurang esforsu husi parte governantes TL ne'ebe halo nasaun ne'e lakon programa Kompact hanesan nia hakerek dehan, "Konselhu ne'e enfatizar Katak nia sei la aprova compact ida ba nasaun ida ne'ebe seidauk konsege hadia kriteria indikadores Mcc ninian no, partikularmente iha, indikador kontrole
korupsaun nian."

Surat ne'e haruka liu ba palaciu do Governu hafoin iha loron 22/12/2008 hafoin Embaisador Estadu Unidus da Amerika iha Dili, Hans Klemm hakerek surat ida hodi esplika kona ba surat ne'e. "Ho onra ha'u haruka surat ida husi oficial Xefe Exekutivu Millenium Challenge Corporation, Embaisador John J. Danilovich."Ho lian fuan diplomacia John hahi esforsu balun ne'ebe halao ona husi Governu Timor Leste. "Ha'u rekuinese katak governu Timor Leste ho MCC investe ona rekursus signifikante nu'udar esforsu ida atu dezenvolve Compact ida ne'ebe sei beneficia ba cidadaun Timor Leste tomak," nia hateten.Liu tan john dale, "Ha'u aplaus ba progresu husi ita nia Governu no ekipa MCA halo ona iha procesu ne'e."

"Oin sa mos, Board ne'e rekuinese eforsu barak maka halo ona husi ita nia governu hodi hadia lalaok kona ba politika indikador MCC nian no sei suporta ita bo'ot nia esforsu kontinua ba reforma."

Nune'e duni ulu bo'ot husi MCC ne'e fo hatene ba governu AMP katak,"Ha'u kontenti atu informa ba ita katak, atu bele suporta ita nia esforsu ba kontinuasaun reforma ne'e, inklui preparasaun ba elijibilidade Compact, board ne'e seleciona ona Timor Leste sai elijibel ba program asistencia Treshold ba tinan fiscal 2009."Liu husi surat ne'eba embaisador Danilovich informa ba ulun bo'ot Governu Timor leste katak sei iha ekipa MCC ida sei mai vizita Timor Leste iha tempu badak oin mai hodi esplika ho detailyu kona ba program Treshold no sei
resposta kualker pergungas mak governu sei husu karik. "Ekipa MCC ne'e sei hakarak hasoru malu ho individu no grupus oi-oin iha imi nia rai laran ne'ebe reprezenta imi nia governu, emprezarius sira, sosiedade sivil, no doador estranjeiru sira."(**)