Deskonfia Eis Vice PM nia oan halakon $1,550,000 PT Humpuss Trading hato’o somasi

Dili, Tempo Semanal

Sertamente fulan ida antes, Eng. Mario Viegas Carrascalao rezigana an husi ninia kargu hanesan Vice Primeiru Ministru, Advogadu Humpuss Trading, Joao Meco & Partners (Advocates-legal consultant-investigation) liu husi surat somasi numeru 035/JMP/VIII/2010 hato’o ona ba Sr.Pedro Miguel S.C.V.Carrascalao iha loron 06/08/2010. “Ami fo avizu no samada de atensaun ba ita bo’ot atu ho lalais fo hikas fali ba PT humpuss Traiding ho total osan US$ 1,550,000,-iha durasaun la tarde liu husi loron sanolu resin haat nia laran, ne’ebe sei hahu sura husi loron ne’ebe surat ne’e ita bo’ot simu,” dehan iha somasi ne’ebe asina husi Advogadu Joao Meco, SH ho Rudy Bangun, SH.

“Karik ita bo’ot la halo tuir ho lalais, ita nia responsabilidade hanesan iha Pontus deklarasaun maka ita bo’ot halo iha loron 05 de Dezembru 2008, maka ami sei foti pasu balun tuir lei sira ne’ebe vigora iha Indonesia (haktuir iha artigu 372 KUHP). Nune’e duni tuir mai, ami sei halo koordenasaun ho departamentu imigrasaun no institusaun sira seluk wainhira ita bo’ot tama iha area jurisdisaun Indonesia ninian,” ameasa iha surat somasi ne’e.

Razaun somasi ne’e ba Pedro carrascalao tan ba tuir deklarasaun husi Director Kompania Zebra Fuel LDA katak osan Gazoel nia folin ne’ebe selu ona husi Governu ba kompania zebra Fuel LDA transfere tiha ona ba Sr. Pedro Carrascalao ninia konta hodi haruka tutan ba Indonesia maibe to’o noticia ne’e hatun advogado Joao Meco, SH informa katak ninia klientes seidauk simu sira nia sasan nia folin doit ruma i hetook susar liu tan sira rona katak osan bo’ot ne’e joga lakon tiha hotu ona iha estranjeiru.
Joao Meco, SH informa katak maski iha ona surat deklarasaun rua maibe Pedro Carrascalao rasik la selu osan centavus ruma i buat ne’e halo advogadu humpuss hirus liu, “seidauk, nia promote iha, mas nia seidauk selu. Nia halo pernayataan atu selu sekian… sekian, nia hanoin habis perkara. Defeza halo somasi ne’e tidak ada sama sekali jawaban dan tidak ada upaya lain. la iha resposta, la iha komunikasi ba ami no la iha informasi i sira seidauk selu.”

Joao Meco, SH informa ba jornal ne’e via telemovel husi Indonesia katak, “Ha’u nia somasi ne’e tan ba Pedro Carrascalao, nia uza osan ne’ebe la’os nia direitu.”
Nia esplika katak, “Iha kompania ka empreza ida iha Timor naran Zebra Fuel, halo importa mina mai Timor Leste. I depois governu selu mina folin ne’e, selu mai rekening empreza ida naran Zebra Fuel. Mas depois Pedro hateten ba Director Zebra Fuel katak nia mak atu haruka osan ba Humpuss Trading. Ternyata setelah nia hetan osan ne’e se la sala Lima belas milliar, nia la kirim ba Humpuss Trading, mas nia uza tiha. I depoiz sira husi Humpuss Trading reklama ba osan lima belas miliar ne’e, nia hateten katak nia joga hotu osan ne’e iha Singapura. Nia hateten katak nia joga hotu tiha ona lima belas miliar ne’e iha Singapora i nia joga fora eh... Ne’ebe nia halo pernyataan nia siap selu. Mas liu ona tempu tinan ida nia la selu. Nune’e duni ha’u hanesan advogadu Humpuss Trading, ha’u halo somasi ba nia, para nia Pedro Carrascalao tenke selesaikan atau selu fila fali osan sira ne’e. Porke ne’e la’os Korrupsi maibe ne’e na’uk. Ne’e troja. Kalau bahasa Indonesia biasanya itu pengelapan dan penipuan. Tan ba nia han osan ida ne’ebe la’os ninia direitu.
Joao Meco, SH dehan, “Ha’u rasik mak ba fo iha Komoro. Ba fo, waktu ba iha yang bersangkutan. Mas too ohin loron la iha resposta no la iha informasaun ka resposta husi pihak Pedro Carrascalao nian atu bele rezolve problema ne’e oin sa...segundu selain ha’u hakerek surat direitamente ba Pedro Carrascalao, ha’u mos hakerek surat ba Sr. Mario Carrascalao nu’udar aman para bele turut membantu, aijuda fo hanoin, nia oan mane Pedro Carrascalao hodi selu fila fali ka atu fo fila fali osan ne’ebe ke nia uza tanba osan ne’e la’os ninian. Mas to’o ohin loron, ami iha pengacara .... la hetan resposta no la hetan informasaun husi nia aman Eng. Mario Viegas Carrascalao kona ba surat ne’ebe ke ha’u haruka. Ne’e duni agora daudauk ha’u sudah menyiapkan somasi kedua dan terakhir. Ha’u hakarak oin sa Pedro Carrascalao selu fila fali osan ne’ebe ke nia uza. Se kuandu ita halo surat sira la resposta, mau tidak mau kazu ne’e tenke ser lori ba hukum,” dehan Joao Meco.
Advogadu ne’e mos informa ba Tempo Semanal katak PT Humpuss buka hela eis laen husi artista famozu ida iha indonesia ne’e. “Ami buka hela nia, ami atu lapor nia ba Polda DKI atu prende nia tan ba nia halo penipuan. Ami buka nia alamat iha Jakarta nia la iha. Agora daudauk ne’e ami haruka ona ema buka iha alamat ne’ebe ke nia subar. Nia iha Jakarta ne’e nia subar an. Ema ne’e la iha tangung jawab i nia subar an. Ha’u husu ba nia angota ka staf sira iha Timor dehan nia ba iha America. Mas ha’u rona mos dehan nia iha Jakarta. Ema ne’e la iha tangung jawab, ema selvazen, ema la iha responsabilidade ne’e mak perusahaan iha Jakarta halo somasi. Ha’u agora dadaun iha dalan ba Dili no ha’u rencananya dalam waktu dekat ha’u tun ba Dili iha semana ida ne’e ou semana oin. Ha’u hanoin iha tangal 26 ne’e ami hatama tan somasi kedua dan terakhir,” dale Joao.
Tuir Meco alega katak, “loloos ne’e Pedro dezvia ona ema nia osan mas se nia nega i pior liu tan kuandu nia alega katak ha’u nia kliente halo ameasa ba nia maka nia asina deklarasaun ne’e hatudu katak Pedro ne’e seorang pengecut nune’e nia la rekuinese ninia hahalok. Buat seluk oin sa maka ema bele ameasa Pedro wainhira nia halo surat deklarasaun rua.”
“Bainhira Pedro dehan nia la uza osan ne’ebe la’os ninia direitu ha’u nia kliente ninian i depois nia halo surat deklarasaun rua ne’ebe promote prontu atu selu fali osan ne’e, entaun signifika katak Pedro ne’e Mistisu ida ne’ebe beik liu iha Timor Leste,” realsa Joao meco.
Bainhira husu karik osan ne’e Joao Meco ninia klientes ninian ho diplomasia Joao hateten, “pedro bele nega ha’u nia kliente mas nia tenke akui katak nia uza ema seluk nia osan.”

Surat deklarasaun ne’ebe Joao Meco refere ba ne’e maka halo iha loron 8 fulan Novembru 2008 iha Jakarta ne’ebe testamunia husi Yoseph Yamato no Sugeng Pribadi. No surat ida seluk halo iha 13/02/2009 iha Hotel Esplanada, Pantai Kelapa iha PT. Petro Java nia advodagodu Eusebio Guterres ho Nina Veneranda Lemos nia oin. Iha print out husi konta bankaria Zebra ninia iha BNU hatudu katak, osan US$1,500,000,- tranfere tiha ona ba konta ida iha BNU ho iha naran Pedro M. Carrascalao/(la kontinua) iha loron 15 de Setembru 2008. Maibe Pedro dehan, “Uluk ha’u ba hasoru Humpuss Trading sira hatudu provas katak, Zebra Fuel haruka ona osan mai iha ha’u nia konta, mais konta ida ne’e konta join rekening (Pedro ho Carlo) atu halo bisnis seluk no osan ne’e husi BNU, la’os banku Mandiri. Tanba iha kontratu (kontratu sosa no fornecimentu Gazoel ba EDTL) ne’e dehan banku Mandiri, no ami iha surat ida katak bainhira osan tama la bele book kecuali iha asinatura rua entre ami nain tolu,” Pedro argument.

Pedro foo esplika katak tuir planu konta konjunta iha ANZ ne’e atu hala’o fali bisnis seluk maibe ironia osan ne’ebe husi estadu Timor Leste ne’e ninia paradeiru ate agora lahatene. “
Mais agora nia halo bisnis ho ha’u no osan ne’ebe haruka mai ne’e husi konta bankaria seluk, maski naran Zebra Fuel nafatin maibe husi banku seluk, tan ne’e mak nia dehan osan ne’e ha’u entrega ona ba Pedro depois nia fase liman, entaun ida ne’e labele.
Maibe antes atu esplika kestaun ne’e Pedro sei hamriik husi nia tuur fatin ba foti dokumentu tahan haat hodi esplika kontratu entre Governu Timor Leste liu husi Ministeiru Financas ho Zebra Fuel Lda hodi fornese gazoel ho total tonelada 5,000,- metric diesel ba EDTL iha loron 10 fulan Juniu ne’ebe asina husi Primeiru Ministru ho Director Zebral Fuel. Quantia Gazoel hamutuk litru 5,900,000,- ho folin kada litru iha momentu ne’eba US$1.32 (Dolar ida centavus tolu nolu resin rua) nune’e total folin hamutuk US$7,788,000,- ne’ebe sei selu ba rekening Zebra Fuel LDA iha banku Mandiri ninian.
Hamutuk ho surat somasi ne’ebe haruka ba Pedro Carrascalao iha loron 06/08/2010 PT Humpus mos haruka surat deklarasaun rua ne’ebe asina husi Pedro Miguel Carrascalao iha loron 07/11/2008 ne’ebe taka meterai ho karimbadu testamunia husi Ferry Humato no Sugend Pribadi. Iha surat refere Pedro ne’ebe iha momentu ne’eba sei uza nafatin KTP Indonesia ho numeru 09.5305.220269.0131 hela iha diresaun Jl. Batu 1 NO. 11, RT 011/01 Pejaten Timur, Pasar Mingu ne’e hakerek, “dekreta loos duni katak ha’u simu ona transfer osan husi Zebra Fuel LDA ho total US$1,550,000,- (Satu juta lima ratus lima puluh ribu dollar Amerika ) maka ha’u foin dezkobre osan hirak ne’e selu husi Governu Republika Demokratika de Timor Leste hodi sosa HSD (High Speed Diesel) husi Zebra fuel LDA, ne’ebe HSD ne’e fornese husi PT Humpuss Trading hanesan haktuir iha PO no. 001/ZF-PJL/08, loron 17 fulan Julio 2008.”
Hafoin oan husi eis Governador ba eis Provinsia Indonesia 27, Timor Timur durante periodu rua ne’e promote ba kompania Indonesia. “Tuir mai ha’u deklara katak ha’u iha kbi’it hodi fo hikas fali osan ne’ebe ha’u simu ona ne’e ba PT Humpus Trading ba iha banku Mandiri, Cabang MH Thanmrin Jakarta, A/C No. 103-0099613768, ho tempu ne’ebe kleur liu maka iha loron 05 fulan Dezembru 2008,” Pedro Promete.
Maibe ate Janeiru osan la mosu nune’e duni iha loron 13/02/2009 iha advogado Petro Java nain rua nia oin iha hotel Esplanada Dili, dala ida tan Pedro rasik hakerek ho liman surat deklarasaun ida seluk antes ninia pai sa’e ba Vice PM. Iha surat ne’e nia hakerek dehan, “Ha’u prontu atu halo pagamentu ho dalan INSTALMENT.” Iha ne’e pagamentu sei halo iha loron 30/30/2009, 30/07/2009, 30/12/2009 no ikus sei halo tan iha 22/02/2010. “Ho ida ne’e hatudu ha’u nia prontu iha leten ho valor $1,000,000 ha’u sei halo la ho obrigasaun ka presaun husi see see de’it.”

Pedro Carascalao Sadik Humpuss Lori ba Tribunal

Maski PT Humpuss ameasa atu fo sai tan somasi ba dala ikus kontra Pedro Carrascalao, maibe Pedro la preokupa ho somasi nee no nia (Pedro) kontinua dudu Diretur Zebra Fuel, Carlos Alberto V. de Oliveira atu toma responsabilidade hodi hasoru malu ho PT humpuss iha Indonezia.
“Kestaun ne’e iha balu ne’ebe loos no balu konfuzaun hela purke loloos ne’e iha asuntu rua ne’ebe difrente, tanba momentu ne’eba ha’u tuir tender mina EDTL mais ha’u lakon no Kompania Pualaka mak manan, ne’e duni ha’u fo hatene ba hau nia partner Petrijava Indonesia iha Jakarta katak ita lakon tan ne’e agora ita labele halo buat ida”, dehan Pedro ba jornal nee foin lalais nee.

Nia hateten tan katak, “liu tiha loron balu diretor Kompainia Zebra Fuel Carlos mosu mai ho kontratu 7 milons ital no dehan Primeiru Ministru mak fo entaun nia dehan, Pedro ita boot nia kontaktu iha Jakarta sei iha ou lae…?, entaun ha’u dehan sei iha, depois nia hatudu kontratu no ha’u hakfodak ita boot bele hetan kontratu boot ho 7 milaun ital."

"Kebetulan ha’u iha patner entaun hau memperkenalkan antara pertamina Zebra Fuel ho hau nia kolega Petrojava iha Jakarta no bainhira sira koinesemalu entaun prontu sira mak planu buat sira ne’e no ha’u la partisipa tanba ha’u hanesan dalan de’it. i depois mina ne’e atu mai ha’u la iha ne’e tanba ha’u iha Bali hela no ida ne’e la’os ona ha’u nia asuntu mais Zebra Fuel ho ema ne’ebe mak fornese, maibe mina ne’e Humpuss Trading mak fo ou seluk mak fo ha’u la hatene purke ha’u hatene mak Petrojawa ho Zebra Fuel."

"Maibe bainhira mina to’o sira telephone bebeik ba ha’u hodi dehan, Pedro favor ida hare bainhira mak osan ne’e bele tama, entaun ha’u fo hatene Zebra Fuel foin mak ha’u koinese ne’e duni diak liu imi loke konta ida iha Banku Mandiri tanba iha kontratu ne’e Banku Mandiri depis ita halo surat katak, bainhira osan husi kontratu ida ne’e tama ba konta banku no osan ne’e bele foti bainhira ha’u, Carlos ho Ferry husi Petrojawa asina mak bele foti no tenke hetan asinatura rua husi ema nain tolu ne’e mais se asinatura la iha entaun osan labele sai maibe prontu ida ne’e kestaun seluk."

"Nune’e mos iha momentu ruma Carlos mai hasoru ha’u no dehan, “maun ha’u iha osan atu halo bisnis, entaun ha’u husu ba nia, ita boot hakarak halo bisnis saida..?, maibe nia responde ha’u hakarak sosa roo no sosa ida ne’e ida ne’eba, ne’e duni ha’u fo hatene ba nia, se ita hakarak loke bisnis hamutuk entaun ita tenke loke ‘rekenin bersama’ atu nune’e ita hotu-hotu bele responsabiliza."

"Ne’e duni ami nain rua ba loke konta iha ANZ no iha ne’eba rezistu ha’u nia naran ho Carlos nia naran, depois nia haruka osan kuaze US$ 1,550.000.00 ba iha ami nia konta ne’ebe osan ne’e mai husi konta BNU ne’e duni ha’u mos la preokupa tanba ha’u hatene katak kontratu mina nian ne’e ba Mandiri no ami mos halo surat ona katak osan iha ne’eba ne’e labele book."

"Momentu osan tama iha ANZ ne’e ha’u la iha ne’e tanba ha’u iha Jarkarta hela no osan ne’e haruka ba tanba ami atu halo bisnis ida, maibe ikus fali ha’u komesa simu email katak PT. Humpuss buka ha’u, maibe ha’u dehan kona ba saida,..?, sira telephone ona Gabinete Primeriu Ministru no dehan Primeiru Ministru rasik koalia ona ho sira katak osan iha ona Pedro, maibe ha’u hakfodak hanusa mak ida ne’e bele akontese."

"Tanba hakarak atu halo klarifikasaun loloos, entaun ha’u ba buka PT. Humpuss Trading nia numeru kontaktu iha internet no ha’u konsege telephone ba sira hodi husu se mak diretor iha ne’eba…?, maibe sira hatan Bapak Yudi, entaun ha’u responde, bele koalia ho nia..?, ne’e duni nia (Bapak Yudy) koalia kedan ho ha’u tanba ‘kebetulan’ sira buka hela ha’u, ne’e duni iha momentu ne’eba ha’u esplika, ‘Bapak kayanya ini ada kesalapahaman’, tanba ha’u rona PT. Humpuss Trading buka hela ha’u no ha’u hanoin la loos karik se dehan ha’u kaer imi nia osan, maibe sira responde, “ami iha bukti tanba transferensia ne’e tama iha ita boot nia naran”, ne’e duni ha’u dehan ba sira se hanesan ne’e agora ha’u iha Singapura hela ne’e duni ha’u fila ba Jakarta mak ha’u ba hasoru ita boot iha ita boot nia kantor atu nune’e ha’u bele hatene loloos."
"Liu tiha semana ida sira haruka email mai ha’u hodi dehan, “ita boot jadi mai ou lae no ha’u responde sim…jadi, ne’e duni iha loron 7 November 2008 ha’u ba hasoru sira tanba hakarak hatene ninia prosesu ne’e oinsa mak bele tama iha ha’u nia konta bankaria."
"To’o tiha ne’eba sira hatudu dukumentus ida katak, osan ne’e tama iha Zebra Fuel nian konta bankaria mai ha’u nia, maibe ha’u esplika ba sira, “kestaun ne’e iha asuntu rua ne’e duni imi keta kahur malu, tanba ita boot hare iha kontratu ne’e uza rekenin banku Mandiri maibe ida ne’e rekenin BNU” .
"Rona tiha esplikasaun sira komesa baku meza no koalia lian makas hanesan fali amesa katak, ami lakohi rona historia no rona alasan-alasan lain pokonya Pedro harus bertanggunjawab’, maibe ha’u responde, ‘saya bertanggunjawab bagaimana’ tanba ha’u la hatene osan ne’e mai husi imi nian ha’u la hetene no ida ne’e entre imi ho Humpuss la’os ho ha’u.Maibe, sira responde, ‘pokonya kita tidak mau tau kamu dengan Zebra ou dengan siapa, yang penting permasalahan ini pokoknya kamu harus bertanggun jawab."
"Koalia hotu tiha Bapak Yudi hamrik no entrega ha’u ba ninia preman sira no ema sira ne’e dehan agora ita boot tenke entrega ita boot nia asset-aset, maibe ha’u hakfodak eipa..,ha’u mai iha ne’e hakarak atu hatene loloos problema ne’e saida, la’os mai para responsabiliza fali buat sira ne’e, maibe sira la preokupa no dehan pokonya ita boot la sai husi fatin ida ne’e se bainhira Zebra Fuel ne’e la mai."
“Maibe ha’u dehan, hanusa ita boot sira la ba Timor de’it hodi hasoru nia mais tanbasa tenke ameasa fali ha’u, no iha ne’eba sira mos komesa hatudu surat ida ne’ebe kompletu ho sira nia kop (logo) hodi dehan kalau anda tidak bertanggunjawab anda tidak akan keluar dari tempat ini, entaun ha’u sente ameasadu neduni prontu diak liu ha’u asina surat ida ne’e pelemenus ha’u bele sai husi ne’e hodi ba hasoru Carlos iha Timor para koalia kona ba asuntu ida ne’e."
“Tanba sente ameasadu no hakarak atu sai husi fatin ne’eba entaun ha’u asina surat ne’ebe sira hatudu ne’e no surat ne’e sira rasik mak halo.”
"Bainhira ha’u fila mai Timor ha’u buka Carlos hodi dehan ba nia, “ita boot tenke ba hasoru ema sira ne’e tanba asuntu ne’e ita boot ho sira mais hanusa tenke ha’u mak ba asina. Se ita boot halo buat ida ne’ebe la loos ita boot mak tenke responsabiliza la bele fo fali mai ha’u.Ne’e duni ha’u dehan ba Calor diak liu agora sira mak mai Timor atu ita bele klarifika, maibe momentu ne’eba Carlos hateten, labele.. sira labele mai ne’e, tanba se sira mai iha ne’e entaun problema ne’e boot, mais ha’u responde problema ne’e ita boot nian la’os ha’u nian ne’e duni ita boot mak tenke ba klarifika.Maibe, nia (Carlos) dehan, entaun ita nain rua ba hamutuk, maibe ha’u lakohi no ha’u sei la ba tan iha ne’eba, tanba ha’u lakohi sira haruka tan atu asina buat ruma, ne’e duni se hakarak hasoru malu entaun mai Timor de’it depois mak ita ba koalia iha Primeiru Ministru ou se nia oin mos ha’u prontu tanba ida ne’e la’os ha’u nia sala mais atu ba iha ne’eba deskulpa ha’u sei la ba."
"Mais agora nia halo bisnis ho ha’u no osan ne’ebe haruka mai ne’e husi konta bankaria seluk, maski naran Zebra Fuel nafatin maibe husi banku seluk, tan ne’e mak nia dehan osan ne’e ha’u entrega ona ba Pedro depois nia fase liman entaun ida ne’e labele."

Konfirma kona ba karta somasi alinea 5 ne’ebe dehan, iha loron 23 Dezembru 2008 kompania Zebra Fuel transfere ona osanmentu transaksaun sosa no faan mina (HSD) ho valor US$. 1,550,000.00 ba ita boot nia konta bankaria, maibe Pedro responde, "ida ne’e mak agora sai kestaun boot, tanba lolos ne’e tenke tama iha Banku Mandiri mais ida ne’e BNU."
"Loos duni naran nafatin sira nian, maibe tama iha banku seluk no atu uza ba atividade seluk tanba uluk ha’u dehan ba Carlos se imi hakarak halo negosiu entaun ita loke rekenin foun hamutuk, ne’e duni ami loke iha ANZ no iha rezistu ho ha’u ho Carlos nia naran, depois ho rekenin ida ne’e mak osan husi BNU transfere mai iha ne’e, la’os husi rekenin iha kontratu ne’e no la’os ba ha’u nia rekenin privadu."
Hataan ba pergunta ne’ebe dehan, entaun osan ho valor US$. 1,550.000.00 ne’e la’os atu selu ba mina, maibe Pedro responde, "sin..osan ne’e la’os atu selu ba mina, maibe atu halo negosiu seluk no nia rasik seidauk selu mina ida mak konfuzaun hela, tan ne’e mak ha’u fo hatene ba Zebra katak, ita boot tenke klarifika ba iha ne’eba tanba husi Gabinete Primeiru Ministru feks ba sira kona ba ida ne’e no ida ne’e mak agora PT. Humpuss kaer hela tanba sira hare ha’u nia naran."
"Ha’u hakarak esplika ba sira mais sira lakohi rona no ida ne’e asuntu seluk, la’os hanesan iha kontratu ne’ebe iha tanba numeru konta bankaria la hanesan iha kontratu ne’e."
"Kazu ne’e kleur ona, ne’e duni iha meadu tinan 2009 problema ne’e mosu ha’u hakarak lori ba Tribunal tanba ha’u hatene ha’u lahalo sala buat ida atu nune’e tribunal mak bele deside se mak sala no se mak loos.
Husu kona ba bainhira mak atu lori ba Tribunal, maibe Pedro esklarese, “ita kuandu simu somasi mak sente ita sala, ita tenke responsabiliza maibe se kunadu ita la sala entaun husik hela ba no se sira hakarak lori ba tribunal bele lori tanba ha’u mos bele defende ha’u nia an”.Pedro sadik
Entaun osan ne’ebe dehan atu transfere ba PT Humpuss ne’e la loos ka oinsa..? Pedro hataan, "sin..ne’e la loos no to’o ohin loron ha’u seidauk asina buat ida, tanba ida ne’e asuntu seluk."
"Zebra la’os de’it lohi PT. Humpuss, maibe nia lohi mos ha’u, tanba nia uza dadus ne’ebe hodi transfere osan mai ha’u ne’e lohi fali PT Humpuss”, akuza Pedro
Pedro mos husu ba Jornalista Tempo Semanal atu ba Banku BNU hodi husu klarifikasaun, loos ka lae numeru konta ida ne’e transfere osan mai iha numeru konta ida ne’e, tanba numeru ida ne’e ha’u ho Carlos ninia konta para atu halo bisnis seluk.
"Maibe, agora nia uza fali kestaun ida ne’e dehan, “ha’u mak tenke responsabiliza no ha’u mak tenke selu fali ema nia osan, entaun ida ne’e hanesan fali ita boot haruka ha’u ba joga karta mais ha’u lakon no osan ne’ebe ita boot fo ne’e ita boot simu husi ema maibe ne’e ita boot mak hatene” Pedro fo ezemplu hodi mantein akuza nafatin Carlos hodi responsabiliza kona ba asuntu ida ne’e.
"Iha somasi dehan nia transfere osan mai ha’u, maibe osan ne’e tama iha konta bankaria ami nain rua nian para atu halo bisnis seluk, la’os ba konta bankaria ne’ebe iha kontratu ne’e, soke relatoriu husi Zebra Fuel ba PT. Humpuss dehan katak ha’u selu tiha ona ba Pedro tan ne’e imi buka de’it Pedro."
"Ho razaun hirak ne’e ha’u ba hasoru Humpuss atu klarifika, maibe sira la rona no ameasa hodi dehan, “anda tidak boleh keluar dari tempat ini sebelum Zebra datang, maibe ha’u dehan ne’e la’os hanesan ne’e tanba imi main hakim sendiri."
“Ha’u hateten ona ba Carlos katak, favor ida ita boot ba klarifika kestaun ida ne’e maibe saida mak akontese nia halo surat ida tan ba PT Humpuss katak nia transfere ona osan mai ha’u, tan ne’e ha’u husu ba Carlos favor ida hatudu provas se nia transfere ona mai ha’u.”
"Iha karta somasi dehan, osan ne’e transfere iha tanggal, 23 Desember 2008, maibe ida ne’e nia haruka iha loron 15 Setembru no osan ida ne’e la’os tama ha’u nia konta bankaria maibe tama iha konta ne’ebe ami nain rua loke hamutuk ne’e duni iha buat balu la loos ona."
"Surat pernyataan ne’e la’os ha’u mak halo, maibe sira (Humpuss) mak halo no ida ne’e tuir loloos iha ‘kop surat Humpuss nian’ maibe ne’e kop surat la iha no ida ne’e mak surat ne’ebe sira fo ba ha’u para ha’u asina tanba se ha’u la asina hodi fo garantia ba sira entaun ha’u labele sai husi ne’eba. Pedro rekoinse katak, asinatura ne’e ninian duni tanba moentu ne’eba nia iha presaun nia laran, maibe tuir nia hatene surat ne’e iha kop surat Humpuss nian, tan ne’e nia deskonfia iha ema balu manipula fali surat ida ne’e."
Hataan ba pergunta ne’ebe hateten, momentu ita boot asina surat ne’e ita boot lee ka lae, maibe Pedro responde ha’u hare lalais de’it no la iha ona konsentrasi tanba sira ameasa ha’u ne’e duni ha’u hanoin de’it mak ha’u nia vida.
Nia rekoinese “ha’u hakerak surat ida iha tinan 2009 tanba Carlos rasik hatudu mai ha’u katak nia atu hetan osan U$. 50 Juta, ne’e duni nia husu ba ha’u atu halo surat ida ne’e para atu uza hodi trata ninia asuntu kona ba problema ida ne’e.  Maibe, surat ne’ebe ha’u halo ne’e, ha’u rasik la hatene, surat ne’e ba se, osan ne’e mai husi ne’ebe no atu selu ba se”, hateten nia.

Eusebio Sei Loke Pedro Nia Bosok

DRA. Nina Veneranda Lemos ho DR. Eusebio Guterres Advogadu, husi Petro Java rekuinese katak sira iha duni prezensa kuandu Pedro Carrascalao hakerek surat loron 13/02/2009 ne’e para atu selu ninia tusan ba kompania PT Humpuss Trading. “Ami ne’e advogadu ba Petro Java. Ami halo mediasaun ho nia. Halo mediasaun ho nia, ami dehan hanesan ne’e, Pedro o hanesan Timor oan ami lakohi atu hatama o iha kadeia. Tan ba o nia aman atu sa’e daudaun ba Vice Primeiru Ministru,” hasaran tuir Eusebio iha ninia intervista exkluxivu ho Jornal ne’e.
Nia haktuir, “Onestumente ami hakarak nia pai sa’e. Se ami hakarak hatama o agora, o nia pai mos la sa’e i o mos hela hotu. I Pedro dehan nia hakarak buka dalan terbaik no nia hakarak reinstall. Nia dehan ninia osan atu tama daudaun Bank Mandiri. “Ha’u halo tender ba pengadaan sira ne’e hau nia osan atu tama daudaun iha Bank Mandiri i ha’u komesa bele reinstall. Tan ida ne’e mak selu ho instal ne’e. Nia labele dehan fali Carlito fo sa ida ga ne’e. Ida ne’e ami la hatene. Nia dehan ida ne’e, ne’e buatus. Se nia halo Carlito hanesan tertulis tenke iha maibe ida tertulis la iha. Nia hateten iha ami nia oin ida, ok lah ha’u install. Satu juta sekian hau install. La’os lunas, ha’u install mas sisanya ha’u halo lunas. Nia la konsege selu ne’e nia...!!! Nia maka halo rasik pernyataan i Carlito bele saksi ba nia la iha problema.”
“Ami nia pozisaun ne’e ami halo negosiasi ho nia. Ami negosiasi ho nia para nia bele selu osan ne’e. Devolve ema nia osan ne’e. Ami la ameasa nia. Instrumentu la iha atu ameasa nia”, haktuir advogadu nee.
Nia haktuir, “surat ne’e halo iha esplenada, Nia ne’e beik la halimar. Ne’e kan statement ka pernyataan sangup memabyar gitu lho. Ne’ebe nia lalika dehan halo ba se… halo ba se fali. Loh ne’e ba Petro Java ga. Surat ne’e nia halo tiha ami kirim ba ne’eba ga. Nia kompriende fali ne’e. Pedro ne’e beik la halimar. Ne’e maka ha’u nia lia fuan ne’e badak de’it katak Pedro ne’e idiot”, duun nia.
Husu kona ba kontratu ne’ebe Pedro Carrascalao entrega ba jornal ne’e Eusebio hatan dehan, “ kontratu ne’e ha’u la preokupa tan Primeiru Ministru bele fo single source ba se de’it tan ba momentu ne’eba mina husi Pualaka ne’e seidauk tama.
Wainhira husu kona ba karik sira iha ona print out husi banku osan ne’ebe tranfere husi rekening BNU ne’e ba se nia naran Eusebio dale, nia iha ona print out rekening ho Pedro Miguel S. V. Carasscalao nia naran. Iha print out, iha atas nama pedro carrascalao la atas nama kompania. “
Konfirma karik advogadu hatene ona se los maka uza osan US$1,550,000 husi Humpuss Trading Eusebio ho certeza dehan, “osan ne’e Pedro maka uza. Se mak uza fali. Carlito ne’e ema inocente. Mas ida fali ne’e halo pengelapan ho penipuan. Ha’u pernah hatudu liman ba nia matan hodi dehan ba nia katak, hee Pedro o ne’e terlibat iha pengelapan dan penipuan, ha’u hateten ba o. Tan ba ida ne’e maka ha’u lakohi paksa o. O cukup halo de’it pernyataan mengembalikan ema nia osan duke o tama kadeia i o nia aman mos atu sae ba Vice Primeiru Ministru. Ha’u dehan ba nia, ha’u gosta o nia aman sa’e. Tan ba o nia aman atu kreia boa governasaun. Ha’u gosta ida ne’e. Mas maka ne’e o lakohi sibuk. Ok, ami lori o ba ona i o nia aman hotu habis. I o nia keluarga nia riwayat hotu habis.”
Eusebio hatutan liu tan Pedro husu sira, “eipa lalika halo hanesan ne’e pa. Ha’u katuas mos haruka ha’u tangun jawab i la buat ida. Mas agora ha’u selu. Sekian juta liu ne’e ha’u selu i Carlito selu sekian ribu. Ha’u selu satu juta. Depois ha’u halo instalment. Agora kedas ha’u halo statement”, haktuir Eusebio.
Hahalok hanesan nee tuir Eusebio katak, “Ne’e krime, pernyataan ne’e krime. Ne’e jelas. O menyatakan diri o sangup maibe o la memenuhi ne’e krime. Tan ba ida ne’e o maka halo pernyataan, ne’e la’os akordu. O maka nain deklara depois o la memenuhi fali. Ne’e krime. Ne’e krime murni de’it tan ba Pengelapan tiha, penipuan tan i agora pernyataan palsu tan. Pernyataan ne’ebe nia nunka laksanakan. Nia menyatakan sangup tiha mas la laksanakan ne’e kan berarti palsu”, na duun.
Liutan advogadu nee hateten, “Humpuss group nunka kondena Carlos, Humpuss kondena maka Pedro. Humpuss group haruka Pedro halo pernyataan ne’e imi haree took. Petro Java ne’e ninia suporta mak Humpuss Group.
Kuandu rona fali Pedro dehan nia hakerek surat ne’e maibe nia rasik la hatene advogado ne’e ho hamnasa troza ko’alia, “ ne’e maka ha’u dehan agora daudaun ne’e nia idiot tiha ona.”
Tuir Eusebio katak, “sira presiza Pedro selu fali osan, sira la presiza Pedro mate. “Ema presiza ema nia osan, ema la presiza nia atu tama kadeia ka nia atu mate. Tan ba bainhira ita keixa ona ba krime maka nia tama kadeia de’it ona i osan lakon. Tan ba ida ne’e maka buat ne’e budu too ohin loron”, dale Eusebio.
“Ami hakarak hateten ba nia katak nia hanesan Timor oan ida nia tenke hanoin rai ida ne’e. Tan ba iha parte ida ema hakarak dada investor tama mai o hakarak halo mate investor. Tan ba ema nia osan cash o han ne’e. Ne’e la’os osan nia bunga. Ema hatama minyak mai nia folin US$1,550,000 maka o han fali. Ne’e hatudu katak nia ema korruptor. Nia han ema nia osan hodi halo ema investor hanoin Timor ne’e risku. Ne’e maka hau dehan ema hanesan ne’e nasionalismu la iha”, duun Eusebio.
“Ami rua Nina momentu ne’eba lakohi fo surat tan ba ami rua hanoin husik ba Carasscalao sa’e ba para bele kreia boa governasaun. Se maka ami rua halo iha momentu ne’eba nia hela kedas. Naton ne’eba nia la sa’e. Tan ba nia oan korrupsi no nauk osan, klaru ne’e. Tan ba de’it nia aman atu sa’e (Vice PM) ha’u haruka nia print out (Konta bankaria) sai mai, nia print out de’it mai, halo nusa fali. Ne’e maka ha’u dehan nia idiot. Ha’u sai advogadu selama Timor independencia ne’e, ema ida maka terlibat ne’e nia nunka print out nia rekening sai mai. Kecuali Jaksa maka ba haruka banku hasai mai bele. Mas nia ne’e la iha, nia ba print out mai fo hau didiak. Movimentu osan ne’e ha’u hatene persis, nia foti tangal hira hatene persis”, haktuir Eusebio.
Tuir Eusebio “aksaun sira agora ne’e hanesan primeira faze maibe se karik Pedro sei kontinua ho ninia pozisaun maka, “dokumentus sira iha ha’u ne’e sei fo sai hotu. Ha’u angap nia ne’e la vale. Ha’u iha dever atu defende de’it ha’u nia kliente nia osan, ne’e maka vale. Ha’u ladun fo tangapan ba nia. Osan ne’e ha’u angap vale tan ba kuandu ema mai investe, ema sei fo netik servisu ruma ba povu Timor oan sira la’os hare fali Pedro Carrascalao”, hakotu Eusebio. (ts)