Tuesday 25 January 2011

RELATORIO FUNDASAUN MAHEIN : LALAIS MAS LADUN LOS

Resposta ba Relatorio “Simples” Fndasaun Mahein Konaba Orsamento Geral Defesa e Siguransa.


Julio Tomas Pinto

Hau kontente tebes hare e le relatorio “simples” oan ida nebe hato’o husi Fundasaun Mahein konaba orsamento Defesa e Siguransa nian nebe publika ona iha jornal nacional. Fundasaun Mahein hanesan fundasaun oan ida nebe hari’i iha 2008 ho objective atu aju hodi aumenta legitimidade no kapasidade sector seguransa Timor nian liu husi partisipasaun sidadaun nian iha desemvolvimento iha legislasaun, politica e prosedemento nebe relevante (to assiste in increasing the legitimacy and capacity of the Timorese security sector through citizen participation in the development of relevant legislation, policies and procedures). Hau mos la questiona konaba direito ema ida-idak nian ou instituasaun ida-ida nian atu hato’o analiza saida deit iha asunto defesa e siguransa tamba ida ne’e direito nebe konsagra tiha ona iha konstituasaun republika Timor Leste nian. Iha resposta ida ne’e hau sei hateten buat ida nebe tutela ba hau nia responsabilidade nudar Secretario de Estado da Defesa e nudar ema ida nebe iha relasaun emosional ho FUNDASAUN MAHEIN para kredibilidade Fundasaun Mahein nebe hetan fundos husi Australia bele iha responsabilidade e tenki mantein ho kuidadu e sustainable.

Fundasaun mahein hanesan instituasaun ida nebe iha inkontro National Priority konaba Defesa e Siguransa ami sempre komvida para akompanha desemvolvimento asunto Defesa e Siguransa tamba ami kategoria sira ba Sociadade Civil nebe bele fo alternative ba asunto Defesa e Siguransa. Hanesan ita hotu hatene katak ita foin iha etapa ida nation Building e state building purtantu invilvimento NGO sira hanesan Fundasaun Mahein bele fo alternative ba seitor Defesa e Siguransa. Iha resposta ida ne’e mos hau sei hare liu dadus la valido nebe fundasaun ne’e uza e mos stake holder sira nebe sira interview hodi sai sira nia referencia ba relatorio ida ne’e. E hau mos uja lia fuan simples tamba iha relatorio ida ne’e laos kategoria ba analiza mas relatorio la iha balansu e pior liu la halo investigasaun klean para suporta argument nebe Fundasaun ne’e hakerek.

Iha relatorio Fundasaun Mahein (pagina tres) hateten hanesan ne’e “dadaun ne’e ro-ahi rua ne’e bele halo deit patrolha husi Dili to’o deit Batugade ka besik batugade, sa tan ro-ahi rua ne’e ida at ona”. Hau hakarak esklarese ba public e mos ba hakerek na’in sira iha Fundasaun Mahein (hau la bele uza analiza tamba relatorio ne’e em termos akademiko laos analiza mas dala ruma besik liu ba kategoria propaganda) katak iha dia 25 koando relatorio ida ne’e sai, hau komfirma kedas ba Chefi Estado Maior General F-FDTL Jeneral Taur Matan Ruak konaba paragaf nebe Fundasaun Mahein hakerek iha nia relatorio e informasaun nebe ami hetan mak ne’e katak ro-ahi rua nebe guverno sosa husi China to’o agora ninia kondisaun diak tebes. Componente Naval sira halo nafatin patrolha rutin nebe planeado tiha ona. Ro-ahi ida husi ro-ahi rua nebe eferese husi Guverno Portgues mak ida avaria hela. Mas dala ida tan ro-ahi nebe ita sosa husi China iha kondisaun diak mesmo lolos iha tinan ida ne’e tenki halo ona manutensaun ki’ik ba ro-ahi rua ne’e. Hau nia persepsaun ba paragraph iha leten ne’e refere bar o-ahi Jaco e Betano tamba ro-ahi rua ne’e mak ita sosa. Hanesan infromasaun mos katak Ro-ahi rua ne’e iha tinan kotuk tenki ba kosta sul hodi kaer roperkador illegal iha areia entre Lore e Ilomar nian.

Iha pagina tres relatorio ida ne’e mos hateten katak “konaba ro-ahi nebe dadaun dodok ona, FM fo sala ba guverno nia tendensia nebe buka atu sosa mak ro-ahi tuan no la halo estudo ruma nebe klean konaba kondisaun jeografika iha Timor Leste”. Hare husi paragraph ida ne’e klaru tebes katak Fundasaun Mahein la halo investigasaun klean mas buka husi internet nebe koalia konaba nasaun seluk karik tamba informasaun ida ne’e sira foti husi internet beritahankam.blogspot.com/…/agus-wijaya-anggaran.pertahanan.html nebe lolos laos koalia konaba Timor Leste mas koalia liu konaba Alusista Indonesia nian. Lia fuan nebe Fundasaun Mahein sira hakerek iha sira nia relatorio ne’e foti husi komentario Andi Widjajanto dosente Relasaun Internacional Universidade Indonesia iha Media Indoensia dia 29 July 2010 nebe koalia konaba trend Indonesia nia nebe gosta sosa sasan uzado ba military Indoensia. Depois de hau buka iha internet hau hakark tau relatorio FM nian ho komentario Andi Wijayanto nia para it abele kompara FM: konaba ro-ahi nebe dadaun dodok ona, FM fo sala ba guverno nia tendensia nebe buka atu sosa mak ro-ahi tuan no la halo estudo ruma nebe klean konaba kondisaun jeografika iha Timor Leste. Andi Wijayanto : Mengenai banyaknya unit senjata Indonesia yang bobrok, Andi menyalahkan tren masa lalu dimana Indonesia cenderung membeli alusista bekas”. Hare husi dadus sira ne’e hau hakarak koalia asuntyo rua nebe importante permeiro ; ema sira nebe hakerek relatorio Fundasaun Mahein halo duni relatorio maibe lahatene saida mak sira hakerek. Guverno sidauk sosa ro-ahi tuan depois de independensia ou depois hari Componente Naval. Foti ema nia komentario konaba sasan tuan mas lahatene katak sira (andi wijayanto) koalia ida ne’e iha kontestu Indonesia nian. Husu Fundasaun Mahein para hare didiak relatorio sira ne’e antes hato’o ba publiku para la hamosu internpretasaun katak Fundasaun Mahein halo propaganda ho data falsu ou la halo investigasaun nebe diak.

Iha relatorio (pagina sinco) Fundasaun Mahein nian sira sita Duputado Arsenio Bano hodi hakerek katak “nia (Arsenio Bano) mos hateten katak iha 2010 PN aprova orsamento ho montante miliaun 7,1 dolar amerikano atu hari baze ne’e maibe to’o iha Dezembro 2010 baze temporario ne’e sidauk hotu. SED Julio Tomas Pinto haktuir katak guverno sei aumenta orsamento miliaun 1,5 dolar Amerikano atu finalize baze temporario nebe tuir Julio sei hotu iha 2011. Konaba ida ne’e hau iha obrigatorio para hato’o lolos factus nebe los ba publiko konaba komentario Fundasaun Mahein nian ne’e. Permeiro seidauk iha plano para atu halo Baze Temporario ba Componente Naval. Iha Programa Forca 2020 hateten katak Componente Naval sei iha Baze rua iha Timor Leste BaZe Compoenente Naval permeiro mak iha Hera e Sigundo Baze Naval mak iha Meti Boot iha Same nian. Depois iha mos ponto apoiu naval nebe iha Oecusi, Com, Atauro e Suai. Purtantu parese intensaun Fundasaun Mahein nian mak Porto Temporario maibe sira lahatene termos BAZE e PORTO Temporario. Maibe la buat ida hau hakarak foti deit sira intensaun ne’e par abele klarfika asunto ida ne’e. Guverno la iha Plano para aumenta tan osamento ba componha LIfees Engeneering maibe guverno re-osamento fali osan miliaun 1,5 dolar Amerikano para sira konpleta prjeto ida ne’e to’o hotu. Iha sistem financa Timor Leste la fo posibilidade ba Carry Over ne’e signifika katak kaondo to’o dia 31 de Desembro mak osan la ezekuta hotu osamento fila fali ba kaiza estado e guverno tenki re-apropria ou re-osamento fali sosan (sisa anggaran) nebe iha para kompleta. Ne;e atu dehan deit katak total osamento nafatin miliaun 7,1 maibe re-osamento ou re-apropria fali osan nebe sidauk ezekuta hotu iha tinan 2011.

Iha relatorio ne’e (pagina 5) mos koalia konaba Kazerna ba Compoenente Naval. Fundasaun Mahein dehan katak “nune mos konstrusaun hela-fatin ba F-FDTL tinan ida liu ba hetan ona alokasaun orsamentomaibe to’o ohin loron la bele realize tan guverno la iha kapasidade atu hari atru hari’i hela fatin hirak ne’e”. Hau hakarak esplika tan ba publiko e Fundasaun Mahein katak kazerna nebe SED aloka osan iha orsamento ratifikativo (fulan julho) prosesu lao nafatin. Iha kompanha ENSUL mak manan tender ida ne’e e konstrusaun ba kazerna ida ne’e mos kompanha ezekuta deit 25 porsentu husi total osamento purtantu agora konstrusaun ba kazwerna komponente naval mos guverno re-orsamentu fali iha 2011. Tamba orsamento kazerna ne’e boot entau Permeiro Ministro e Ministro Defesa e Siguransa husu para hatam iha plano plurianual.

Ikus liu hau hateten asunto rua (2); permeiro; agradese ba isforso Fundasaun Mahein nian nebe ho kbit tomak hakerek relatorio simples ida ne’e, mesmo ho data real ou facto nebe minim tebes. Sigundo; Fundasaun Mahein persiza hadi’a tan ekipa peskiza para depois Fundasaun ida nebe iha ona kredibilidade bele sai fali fatin ba propaganda tamba deit la iha equipa investigasaun nebe diak. Rejultado peskiza persiza halo uluk diskusaun para depois rejultado ida ne’e bele fo kontribusaun konstrutivo ba desemvolvimento seitor defesa e Siguransa iha Timor Leste. Hakarak mos atu dehan katak semak la investiga diak liu lalika koalia (quem nao investiga, nao ten direito para falar). Tamba se la investiga koalia sei la tuir realidade tamba ne’e investiga uluk mak koalia. Obrigado.

1 comment:

Anonymous said...

Sim senhor....hau louva Sr. Julio ninia resposta nebe kapas e kona kedas ba asuntu ne'e. FM hanesan fali bandar judi nebe halo relatoriu arbiru deit. Dasar goblok...