Friday 1 October 2010

Aspal Estrada Entre Suai ho Ainaro hela Ruin han Roda Kareta estraga Rins

Tinan sanolu ona Estrada Suai iha kondisaun aat halerik ba nai ulun sira ne’ebe ho p;rado liu iha dalan ne’eba atu hadia maibe ukun nain sira barak mak sira nia pajeru ho prado sira mos tata lisuk alkatraun husik hela ruin de’it ona no kanek ku’ak nakles ba mai. Distancia estrada entre suai ho Ainaro mais ou Menus 66 liu uitoan KM, tetuk liu no ladun iha kruzamentu kompara ho dalan sira seluk iha TL. Maibe presiza lori oras 5 liu minute 27 ho kareta Toyata rava husi ainaro ba too iha suai ne’e bele hateten katak sofer extra ordinariu halai neineik liu tan tauk kareta ninia roda kuak ho esu sira tohar. Ba Rava de’it hanesan ne’e ona satan ho kareta taxi ka sedan sira?
Tuur iha sofer ninia sorin karuk akompania ho kareta ninia tatidik hau dehan, “ne’e destavez rins bele la aproveita kedan.” Bolante dulas ba loos no karuk hodi sei husi Estrada ninia kanek kuak sira ne’ebe la taka ne’e maka halo kareta Rava ne’e halai dolar de’it.
Iha ponte balun mos ninia aikabelak halerik barak liu hodi halo tilun atu diuk sala-sala. Karik ida ne’e maka halo Suai ne’ebe riku ho rekursus naturais ne’e barak liu uza motorizadas hanesan transporte publiku hodi tula pasajeiru entre Suai vila ho sub-distritu balun. Maibe keta mehi atu ba fatu mean ho fatu lulik ne’e kuitadu Motor mos sei la halo belun.
Kareta angunan ho Mikrolet ladun barak maibe motor ne’ebe sai hanesan Ojet bele dehan hadau malu ho atambua tan ba merkadu Suai ninia dalan kuaze taka ho motor ozek. “Motor ne’e di’ak tan ba kuandu iha rai kuaka hau bele fila lalais, ninia ban luar ho dalam mos ladun karun iha loron maka di’ak ha’u bele halo to’o dollar rua nolu,” dehan Abilio motorist ba ojek ida hein hela ninia pasajeiru besik merkadu suai ninian.
Abilio hatutan kareta ladun hala’i ne’e karik problema roda botak lalais i hasai barak liu rendimentu ne’ebe iha. Tan ba ne’e maka iha ne’e ami hakarak liu uza ojek.
Membru do governu no ofisiais husi central ba mai liu husi dalan ne’eba maibe lahatene karik sente no haree maibe dala balun fiunjidu? Bainhira jornal ne’e tenta husu hanoin husi deputadu balun husi Suai mas nia dehan nia hato’o beibeik kestaun ne’e iha Parlamentu ate ema balun dehan deputadu oan ne’e rejionalismu liu. Problema la’os rejionalismu maibe problema ne’e maka dalan aat ne’ebe ministeiru Infrastrutura la tau matan.
Karik Nai ulun sira liu ho kareta prado bele toba tiha i sofer halai ho belucidade maximu mos diak hela tan ba Prado kareta roda boot bee rava la mehi atu duni. Kuitadu tebes ba maluk sira iha Suai.

1 comment:

Malae said...

Ita nia leader sira ne'e la kala isin la moras karik hosi Dili ba Suai ne'e hare'e ba Estrada ida hanesan ne'e.

Karik ba ita Suai ne'e susar no terus mak ida ona tan ba ema ida mos la tau matan ba ita nia Estrada ne'e.

Husu deit maun alin sira ne'ebe halao hela vida OZek karik imi mak kuidadu aan deit ona ba tamba ida ne'e mak ita nia moris.
Abracos