Atividade Vulkanik Gunung Berapi foo Impaktu ba ema nia saude

Tuir informasaun ne’ebe Jornal Tempo Semanal simu husi estudante Timor oan ida iha Jogjakarta naran Lily Guterres, eskola iha Akprind Jogyakarta, foti kursu Informatika iha semester dehan sira preokupadu duni ho dezartre vulkaun husi Gunung Merapi. Akontecimentu ne’e mosu iha loron tolu ate hodiseik dader. “Hahu akontese iha tgl 26, 27 no 30 de oetobru. Pois ida paling maka’as ne’e maka iha dadersan loron 30. Ne’e ami sente paniku tan baa mi tauk nia (vulkaniku) fakar tun mai kota laran maibe realidade ninia suar deit maka too iha jogja,” relembra Lily.

Nia haktuir katak maiske nune’e atividade viulkanik ne’e ladun foo impaktu negative ba ninia eskola, “mas kona ba saude iha. Por izemplu suar ne’e maka maka’as, ne’ebe bainhira ami sai ami tenke uza masker. Por izemplu gambar karik hanesan ami nia foto uza masker ne’e. Ne’e para suar merapi ka depu vilkanik nian labele tama iha ami nia inus tan se tama ne’e mak ami sei hetan moras. Hanesan iis boot. Agora daudaun iha besik ema atus lima maka hetan ona moras ne’ebe refere,” nia dehan hodi fo izemplu ba foto sira iha ninia face book.

Maibe husi ema nain atus lima ne’e la iha Timor oan ruma inklui. “Agora daudaun Timor oan ida mos la iha, mudah-mudahan keta kona tan, “ sepera Lily.
Tuir estudante ne’ebe daudaun ne’e hela iha Jln. Mungur, Demanagan Jogjakarta ne’e dehan, “mais ou menus distancia entre foho Vulkanik ba iha fatin ne’ebe estudantes Timor oan sira barak hela ba ba ne’e entre 30 kilometru husi parte sul sidade Jogja no husi parte sul mais ou menus 5o Kilometru.”