Friday 22 October 2010

Ahi Eletricidade Mate Populasaun Bekusi Sandera Staf Servisu Dada Fiu Eletricidade

Tempo Semanal Breaking News Dili, 22.10.2010
Iha lokraik besik rai nakaras (22/10), Populasaun husi Bekusi Karai Dilik hahu refen funsionario nain tolu husi Kompania Juwita ne’ebe manan tender EDTL dada fiu eletricidade iha area ne’eba iha lorkraik ne’e hafoin hodiseik ho ohin ahi eletricidade mate estraga komunidade ninia sasan elektronika hanesan jeleira, televizaun no selu-seluk.
“Ami kaer staf ema nain tolu ho sira nia kareta ida agora sandera hela iha bekusi karaik hodi hein parte kompetente hodi mai resolve problema ne’e,” dehan Nelson da Cruz Marques ba Jornal ne’e iha tuku 19.10 OTL.
Nia esplika razaun sira refen ema nain tolu ne’e tan ba, “sira dada fiu no eletricidade mate hodi estraga hodi ami nia sasan eletronika hanesan jeleira, televizaun no sasan elektronika sira seluk.”
Problema eletricidade mate lakan iha cidade dili halo estraga komunidade sasan barak ona hodi ezije rezignasaun husi sekretariu Estadu Eletricidade, Agua no Urbanizasaun, Januario Pereira. “Se sekretariu Estadu servisu la hatene entaun troka tiha no husu Primeiru Ministru Xanana buka fali ema ne’ebe iha kapacidade atu hadia situasaun ne’e,” dehan Dominigos M.da Silva
Sekretariu Estadu ne’e ninia tilun loro-loron rona lian trata husi komunidade kona ba problema eletricidade no Primeiru Ministru rasik dehan iha ninia governasaun iha Sekretariu Estadu Ahi Mate Permante (AMP).

2 comments:

Anonymous said...

Los duni eletrisidade mate ne'e ninia impaktu ba ita ema nia moris. Povu iha direitu atu ejiji no ejiji nafatin atu governu bele tau matan. Maibe ita nudar konsumidor eletrisidade, ita mos labele halo lei mesak (main hakim sendiri). Ita nasaun ida ne'ebe demokratiku, ita iha lei nebe regula ita. Ita kuandu halo lei mesak, ema dehan ita selvagem. Ita tenki hatudu ita nia atitude tuir lei atu ema dehan ita ne'e ema educado. Biar ita ema la hatene le, la hetene hakerek, maibe ita hetan edukasaun iha ita nia uma laran, husi ita nia inan-aman sira, ita hatudu ita nia hahalok diak, ema dehan ita educado. hau pada prinsipnya la konkorda ho jestaun EdTl nebe sabraut no sabarut liu, maibe ha la konkorda sandra ema trabalhador sira nebe halao hela sira nia knar atu bele sustenta sira nia familia hanersan mos ita.

Unknown said...

Eletrisidade mate ne gestau oinsa maneja gerador e laos fo kulpa fali ba staff sira nebe mak ba halao serviso iha base. Iha EDTL ema ida-idak iha ninian responsablidade. Ita mos husu tok ba ita nia an tamba sa mak ahi mate dala ruma ita povo balun liga ilegal deit mak lori buat ne sai hanesan ne. Wainhira ita hakarak uja eletrisidade ita tengki ba registo para ema iha EDTL bele hatene kwh hira mak persija? se hanesan ne deit gerador atu hola to hira mos at nafatin.

Cidadaun hotu -hotu laiha direito atu ba sandra fali staff ida, ita bele sira bele ijiji imi nia direito tuir regra, laos imi ijiji imi nia direito viola fali ema seluk nia direiro atu halo serkulasaun no serviso. Laiha ema ida nebe ke hakarak main hakim sendiri.