Iha loron Kuarta (13/10) oras ida liu meudia, Ministru Negosiu Estranjeiru (MNE) Timor Leste DR. Zacarias Albano da Costa to’o hikas iha Dili ho aviaun Merpati husi bali. Hakarak atu hetaan pozisaun husi Ministru Zacarias ninia jornal ne’e mos hakaat ba aeroportu internasional Prezidenti Nicolao Lobato Komoro maibe la konsege hetan informasaun ruma tan ba UNPOL la autoriza jornalista hakbesik ba Ministru Negosiu Estranjeiru Timor Leste ninian. Tuir fontes Jornal ne’e iha MNE dehan Ministru Zacarias sei fila hikas mai TL iha loron 16/10 maibe derepenti Tempo Semanal deteta katak Ministru Zacarias tun daudaun husi aviaun MZ8490. Jornalista Tempo Semanal mos hiit husi parte terminal jeral ba terminal VIP aeroportu ninian. Wainhira to’o iha ne’eba UNPOL ida ne’ebe foo seguranca ba Ministru ne’e ho liman hatudu hodi hateten, “para iha ne’e labele mai tan.” Ministru Negosiu Estranjeiru dada lia hela ho fungsionariu balun husi ministeiru ne’e iha salaun VIP ninian. UNPOL ne’e hakat mai besik ba Jornalista ne’e hodi husu kartu identidade jornalista ne’e ninian. Hafoin haree tiha nia hakat fali ba didin sorin fatin Ministru tuur ba no la kleur sai fali mai ko’alia ho ninia kompaineiru UNPOL ida seluk hodi fihir ba diresaun jornalista ne’e ninian. Lakleur Ministru zacarias mos atu sai ba sa’e kareta. Jornalista Tempo Semanal ne’ebe ninia Alturas lakon ho UNPOL sira ne’e dala lima tenta filme Ministru Zacarias ne’ebe la’o sai daudaun husi salaun VIP atu ba sa’e ninia karreta maibe lakleur UNPOL ida seluk ne’ebe hatais kamija kinur la’o husi salaun laran mai hamriik tenta atu taka lenca kamera Tempo Semanal ninian. Ministru Zacarias la’o ho oin buis hakat liu ba ninia karreta ne’ebe odamatan loke hela kedan ona husi seguranca ida. Hafoin Ministru Zacarias hatu’ur aan tiha karreta official Ministru ninian G003 halai sai husi terminal VIP ninian.
Iha lista akuzasaun Ministeiru Publiku ninian kona ba kazu hariku aan hamutuk no abuzu de poderes, Ministru Zacarias ninia laran iha numeru dois hamutuk ho ema nain haat sira seluk. Partidu PSD ninia sekretariu Jeral Marito Magno dehan jornal ne’e katak hafoin de enkontru komisaun Politika nasional sira husu ona ba Primeiru Ministru atu suspende DR. Zacarias da Costa husi ninia kargu hanesan Ministru Negosiu Estranjeiru nune’e tuir komentariu balun foo parabeins ba partidu ne’e tan sai izemplu hodi hatudu vontade hakarak kolabora ho justica.Dala barak ONU ho komunidade internasional sempre halo kampania atu ajuda liberdade de imprensa maibe dala barak mos hetook aat liu fali maka pesoal ONU ninian falta respeitu ba liberdade de imprensa. Jornalista Tempo Semanal dala lubun ruma ona maka hetan hahalok empata beibeik servisu jornalista ninian. Iha 2005 Jornalista ONU pesoal ONU ninia hadau Kamera jornalista ninian hodi estraga tiha ninia lenca no foti tiha kasete la entrega fali ate ohin loron wainhira filme husi Estrada besik mandarin dili wainhira official justice halo exekusaun ba uma ne’ebe sr. Guy Campos hela ba. Asaun staff UN nian ida ne’e provoka kritikas husi organizasaun media ninian.
2 comments:
Free speech iha nia limites,katak respeita mos ema ida nia direito de privacidade. Ministro dos Negocios estrangeiros Zacarias Albano exerce nia direito de privacidade, lakohi kualia ba media. Hau hein katak media iha Pais democratico ida hanesan Timor respeita mos opcao ida nee.
obrigado
CP
Hau Zacarias la iha dereitu hanesan ita boot koalia, tanba bainhira nia nauk osan, nia gasta osan hodi hadia kareta ba feto ne'ebe nia mak het, ne'e nia haluha tiha povu no nasaun ne'e nia dereitu. tan sa mak nia iha tan dereitu, ne'e so ita boot atu sai pahlawan ida be imi nain 2 mak nauk no het hamutuk.
Post a Comment