 |
| grupu Karnaval husi Brasil la'o besik postu Dili ninian |
"Ha'u hanoin karnaval ne'e la'os kultura Timor ninian. Ne'e Kultura ema estranjeiru ninian. Nune'e duni ema ne'ebe la'o rai sira maka hakarak promove sira nia kultura iha nasaun ne'e ho intensaun atu fakar saugate osan povu Timor Leste ninian ba bolsu balun," dehan Marciano de Araujo B. da costa joventude ida ne'ebe tuur bilan hela iha Merkado lama wainhira iha tasi ibun Palacio nia oin ema danca no kanta rame hela.
Atividade loron rua ne'e mos fakar orsamentu boot ne'ebe tuir observasaun populasaun Timor Leste barak maka sei susar atu asesu ba osan ho numeru boot ne'e iha loron rua nia laran.
"MTCI hanoin ami kontente ho Karnaval ne'e. Populasaun hakilar sasan folin sa'e sira hodi karnaval mai doko fali rai," Marciano espresa ninia deskontentamentu.
 |
| Grupu Karnaval husi Republika Indonesia ninian lori BandeiraMean Ho Mutin iha palacio do Governo |
Tuir Ministeiru Tourizmu Comersiu no Industria atividade ne'e mos hodi promove nasaun ne'e ba nasaun estranjeiru hodi dada turista mai TL.
"Ha'u hakaraka hatene osan hira maka oin gasta ba atividade ne'e no turista hira maka sira konsege lori mai. Maromak tulun turista husi brasil barak entaun kmanek ba ekonomia maibe ita gasta osan besik US$100,000,- maka la hetan lukru ruma entaun MTCI gasta saugate duni," Marciano so'e piadas.Daudaun ne'e komunidade Timor ninian preokupa maka'as ho folin ba necesidades baziku inklui konstrusaun ninian ne'ebe sa'e ba beibeik. Governu Timor Leste fasilita ona emprezariu ho ho hatun taxa de importasaun maibe MTCI falla atu aijuda kontrola presu iha merkadu hodi riva razaun Merkadu libre ba komunidade ninian matan.
Iha tasi ibun feto no mane lubun ruma la'o tuir liuron ho danca no doko aan. Iha fatin sira ne'e polisia halo seguransa metin no dalan balun taka hodi empata trafiku iha dalan boot besik Palasio oin ate Ministeiru Negosiu Estranjeiru ninia diresaun iha bairo dos kokero Dili.
Atividade karnaval ne'e hala'o durante loron rua iha Dili hahu husi loron 04/03/2011 no remata oin kalan iha palacio do governu ninian oin.(TS)
4 comments:
Hau hanoin comentario ida Carnival laos cultura Timor-Leste nian nee mos la los. Ita neebe uluk moris iha tempo 1970's molok Bapak sira tama, mos hatene katak carnaval iha tintinan. Carnaval ema lao uma ba uma canta toka, tau mascara, husu esmola. Iha ema neebe bolu "bobo" neebe tau mascara hatauk labarik sira. Carnaval mos parte ita nia cultura hanesan buat barak, maske iha tempo Indonesio sira la husik karik. Jose Teixeira
sad to see bandeira indonesia in timor leste
time to decolonize from genocidair
and to give justice
BOYCOTT INDONESIA
Karik hau sala, Mais Carnaval laiha buat ida ke prova katak ida ne'e Timor ninian, uluk portuges nian tempu...ita nian avo sira halo dalarama hetan influensia hosi cultura kolonialista sira karik, hanesan mos dansa ne'e hetan influensia hosi kultura liur. Camarada Teixera....ita Timor iha daur no tebe-tebe oioin, hosi distritu ida ba distritu seluk la hanesan, ita bele husu camarada Antero, iha Uatolari...nia halibur tia-tia sira ne'ebe hanonu Timor nian, hananu sira ne'e tuir ema Timor nian aktividade, hananu ba labarik moris, hananu kuda fini, hananu koileta no hananu servisu hamutuk (dada ai ba ponte), hananu ba ema mate. Hau prekoupu uituan, Joven sira agora gosta liu kultura sira ne'ebe lao rai mai to'o Timor...pergunta....se mak iha kbit atu preserva ita nian rasik. Gil Alves???? Nia gosta liu carnaval. Virgilio Smith no ME laiha inisiativa.Camarada sira mak gosta carnaval,ita mate ona. Hare'e ba Java, ema modifika no promove ema nian tradisaun no balun kombina ho buat modernu sira, ate sira halo promosaun makas ba batik....Timor...bainhira???????
Tuir hau nia hatene,, carnaval ne'e kostume ema sira iha kontinental Eropa no Amerika nian,,, maibe tanba Timor hanesan Koloniu Portugal ninian, ita adapta mos kustume ne'e iha tempu ne'eba,,,,maibe la signifika katak ita tenke prezerva kostume ne'e iha tempu ukun a'an nian,,,, sei ita hakarak promove ita kultura rasik, tuir hau nia hanoin,, FEstival Kultura Ramelau,, ne ezemplu diak tebes,,,maibe sei Carnaval mak tinan2 ita selebra,,sei lori impaktu negativu mai ita nia jerasaun...
Post a Comment