Tempo Semanal-Metinaro, 01.03.2011
Breaking News
Membru F-FDTL ida deskobre mate iha ninia kuartu laran iha centru instruasaun Nicolao Lobato Metinaro.
Sarjentu F-FDTL Armando natural Bikaren ne’e mate hakuak hela ninian kilat deskonfia tiru aan. Tuir informasaun ne’ebe jornal Tempo Semanal asesu dehan matebian Sarjentu ne’e responsabiliza ba organiza seguransa ba portaun centru treinamentu F-FDTL, Komanadnate Nicolao Lobato Metinaro durante semana ida nia laran, hahu husi loron segunda feira hodiseik ate segunda semana oin.
“Maibe dezde ohin meudia nia ba ninia kuartu hanoin katak ba deskansa, ate lokraik forsa sira ne’ebe servisu hotu ona atu ba joga bimbon maka haree fali lalar hobur maka’as besik janela sarjentu ne’e ninia toba fatin maka sira ba hafuhu husi janela haree nia latan hela,” dehan fontes refere.
Membru F-FDTL ne’ebe tama instituisaun defeza nasional Timor Leste iha tinan rihun rua rua ne’e deskonfia oho aan ho ninia kilat rasik maibe seidauk klaru too rezultadu investigasaun ekipa forensika ninian remata.
Ofisiais F-FDTL ida informa ba Jornal ne’e iha tuku 19.46 OTL katak membru PNTL husi parte forensika ninian agora rekoila hela dadus no halo hela investigasaun ba kazu refere.(TS)
No comments:
Post a Comment