Thursday, 26 August 2010

Mario Carrascalao resigna an husi kargu VPM,Lasama Apoio

Dili, Forum Haksesuk (FH, 26/08/2010). Presidente Parlamento Nasional (PN),Fernando Lasama de Araujo,apoio Vice PM (VPM) ba asuntu jestaun no Administrasaun estadu nian,Mario Carrascalao,”se la iha kondisaun ba servisu iha equipa governu nian,diak liu resigna an”,dehan Lasama. Haktuir tan Lasama,”se VPM sente ladiak iha governu AMP,ne’ebe lidera husi PM Kay Rala Xanana Gusmao,diak liu resigna an”,defende Lasama.
Lasama de Araujo mos,”apela ba membru governu sira,atu kasu Mario Carrascalao nian,sai hanesan exemplo ida ba sira,se maka sente ladiak iha governu,diak liu sai,do ke hein PM maka hasai husi kargu”,argument Lasama de Araujo.
Deklarasaun Presidente PN,Lasama de Araujo ba FH iha uma Fukun PN,relaciona ho abandon VPM ba asuntu jestaun no administrasaun estadu nian,Mario Carrascalao iha surumutuk Konseilu Ministru,quarta-feira (25/08/2010),ne’e medias sira hotu fo sai iha nia destake ba edisaun quinta-feira (26/08/2010).
Tuir hakerek Suara Timor Lorosae (STL,26/08/2010),”Mario Carrascalao halai KM”.Hakerek tan STL,”STA impede desenvolvimentu(idem)”. Iha Jornal Nacional Diario (JND,26/08/2010),”Mario Carrascalao hato’o sms rejignasaun ba PR Horta”. Tuir Organika IV Governo Konstitucional nian,Vice PM nain 2,co-adjuva ba PM,hierarquiakamente depende ba xefi Governo maka PM Kay Rala Xanana Gusmao. Etikamente la los,se VPM Mario Carrascalao hatou fali ninia resignasaun ba PR Horta,tuir etika lolos hatou resignasaun ba PM Kay Rala Xanana Gusmao!
http://forum-haksesuk.blogspot.com/2010/08/mario-carrascalao-resigna-husi-kargu.html

1 comment:

brini said...

Kuitadu, espetativa aas maibe sistema korrutu la hetan dalan atu realiza nia papel, diakliu rezigna an duke sai deprimidu ho situasaun dodok hanesan ne'e