Update Breaking News: Natural Desaster in East Timor
Kuaze buat barak maka estraga hodiseik husi dalan ka estrada, uma populasaun balun inklui sasan no animal populsaun nian bee lori," informa lider komunidade ida husi Fatur berliu.
Gill Teofilho de Amaral ninia informasaun ne'e hatudu katak situasaun kuaze atu hanesan ho informasaun husi xefe de postu Sub Distritu Tilomar Joao ninian.
Bain bain iha fulan Agusto tama ona ne'e tempu bai loron nian ona maibe iha tinan ne'e udan hurun nafatin nasaun ne'e no sai aat liu fali iha tempu udan nian
Gill haklaken katak, "Ponta Mota sahe ligasaun estraga atu ba Natar bora mos besik atu kotu."
"Udan hodiseik kalan, hodiseik loron kuaze too lokraik populasaun husi suku balun halai sa'e hotu mai toba iha eskola padre sira nian. Hodiseik kuaze mota sobu komunidade sira nia uma. Iha aldeia fatin tolu maka mota sobu populsaun sira nia uma. Iha aldeia Fatu boe, aldeia Fatubesi no aldeia fatu bote kuaze buat barak maka la aproveita. Populsaun la hetan dezastre maibe sira nia animal barak maka bee kuaze lori."
"Depois ligasaun Estrada Fatuberliu mai Same iha ponte balun kotu. Ponte kiik ida iha Wedau Bere nian kotu total kuaze kareta labele liu. Motorizadas bele liu maibe ema leva de'it i kada motor tenke selu US$5 para populsaun hulan liu ba mai mota. Iha tan fali Ponte ida seluk iha Wedaubere nafatin iha area Tasi matan ne'e mos kotu total no estrada mos balun aat. Kareta labele liu no motorizadas tenke ajuda hulan husi populasaun no kada motor ida tenke selu nafatin US$5."
"Mai fali iha mota kedan iha ponte ida iha ne'eba ne'e kotu kareta publiku labele liu. Mai fali iha Ponte Karau Ulun kotu hotu kedan motor de'it mos liu araska i motor ema hulan de'it no tenke selu US$5."
"Iha parte ida entre estrada Same mai Dili estrada hahu monu kareta hahu araska nune'e mos motor liu dificil."
"Inundasaun ida hodiseik ne'e kuaze afeta komunidade barak nia moris," informa Gill Teofilho de Amaral.
No comments:
Post a Comment