Friday 11 March 2011

TL La Tama Lista Alerta Tsunami Maibe Populasaun Dili Alertadu

Tempo Semanal-DILI, 11.03.2011

Tsunami iha Japaun (foto Corzia ABC TV)
Maske tuir centru monitorizasaun ba Tsunami ninian la sita Timor Leste iha lista alerta Tsunami nian maibe populasaun Dili sei hakfodak nafatin hafoin haree liu notisia internasional. "Dili keta sa'e karik tuku hira?" dehan Timor oan ida ne'ebe asiste hela notisia tuir televizaun ABC ninian.

Tuir fontes jornal ne'e iha governu ninian informa katak autoridade tenta husu hela informasaun ba centru alerta Tsunami ninian. "Ami simu informasaun katak tsunami sei kona iha filipina iha tempu badak nia laran, depois Indonesia liu-liu parte sulawesi Utara no iha indikasaun kona illa pasifiku ninian, hawai no rai balun tan maibe seidauk temi Timor ninian naran," informa fontes ne'ebe husu atu labele temi nia naran.

Iha parte seluk Timor oan balun hahu preokupa ho ninia belun iha Senday Japaun fatin ne'ebe to'o agora aas tsunami to'o metru sanolu ona ne'e. "Favor bo'ot ida buka hatene to'o katuas Michio Takahachi ninia situasaun aje," dehan belun mana ida.

Wainhira koko telefone ba Takahachi ne'ebe kuinesidu ho Padre Sato lakonsege. Belun ida husi Padre sato ne'e koko fila-fila besik oras rua nia laran maibe la konsege liga ho padre Sato.

Iha minutu balun kotuk dadus ne'ebe foo sai iha media internasional dehan Tsunami mosu iha Senday ne'e hahu ho rai nakadoko ate 8.3 skala rister. Lista alerta ba nasaun lubun ruma ne'ebe hetaan ameasa husi tsunami atu ataka maka hanesan Filipina, Indonesia ninia maka provinsia Ambon, Sulawesi Utara ho papua, nasaun sira iha illa pasifiku, costal Australia, New Zealand, parte balun husi Amerika no Mexiko.

2 comments:

Anonymous said...

karik too ona tenpu atu halo fali planu seluk nebe adekuadu hodi harii sidade nebe dook husi tasi ibun.

Anonymous said...

SE KAPAS MAKA BUAT IDA BOLU NARAN ONDAS BOOT(TSUNAMI)TAMA BA FASE TIHA DILI LARAN IDA BE NAKONU HO FOER BARAK NE'E!!