Tempo semanal-Dili, 11.02.2011
Maske too oras ne’e seidauk kaer ho liman katak membru governu sira ‘naok’, maibe ikus-ikus nee mosu akuzasaun barak hasoru membru governu sira kona-ba korrupsaun. Ne’e duni, desizaun ne’ebé mak Vise Ministru Negosiu Estranjeiru foti hodi deklara nia riku soin, bele sai hanesan barometru ba membru governu hotu-hotu atu lao tuir. Vise MNE bele sai hanesan ezemplu diak ba membru governu sira seluk. Tanba, husi Primeiru Ministru too Sekretariu Estadu, forma ona governu nee besik tinan haat (4), maibe seidauk iha ema idak mak brani ho konsiensia hakarak deklara riku soin ba publiku. Diferente ho Vise MNE, ne’ebé foin inklina án iha governu AMP fulan hirak deit, maibe la tauk atu loke án ba publiku atu bele hetan asesu ba nia riku soin.
Alberto Pereira Carlos mos dezafia ba membru governu hotu-hotu atu halo mos deklarasaun asset ba publiku atu ema hotu bele hatene no asesu ba riku soin ne’ebé sira iha. “Hau hakarak apela ba membru governu sira seluk atu halo,” tenik nia. Revoga Lei
Atu prevene mosu pembengkakan iha bens ulun nain sira, regulamentu atu deklara riku soin presiza haluan liu tan. Funsaun husi lei nee atu prevene mosu korrupsaun iha insitisaun estadu nia laran.
Tanba ne’e, la taka dalan mos ba Diretur no Xefi Departementu sira atu ‘naok’. Realidade hatudu katak Xefi Departmentu no Diretur instituisaun estadu nian barak mak oras ne’e dadaun riku derepenti, iha kareta barak no uma luxu. Maske iha fulan ida sira simu deit salariu inklui abonu reprezentasaun menus husi US $ 700 kada fulan.
Fontes Tempo nian husi Parlamentu Nasional bankada opozisaun konkorda atu revoga lei deklarsaun riku soin membru governu sira nian. Tuir nia, alein membru governu, iha lei ne’e presiza involve mos Deputadu Parlamentu Nasional no mos diretur sira.
Tuir polling opiniaun ne’ebé mak Tempo Semanal halo iha loron 21/11/2010 liu husi internet respondente 96% konkorda no apoiu atu membru governu sira, hahu husi Ministru, Sekretariu Estadu no ofisiais publiku sira iha nivel diretur atu deklara sai sira nia asset husi respondente hirak nee 4% deit mak rejeita. (TS)
1 comment:
Nee pasu no inisiativa ida nebe diak teb-tebes husi Vice Ministru Negosio Estrangeiro. Nudar mos exemplo ba membro governo sira seluk atu banati tuir.
Ba ita timor oan seidauk tarde atu komesa tamba maski iha alegasaun oin-oin konaba korupsaun maibe ita iha vantagem bot ida katak ita nia nasaun seidauk iha divida externa ka utang luar negeri. Maski ita komesa prosesu harii nasaun murak ida nee ho neneik no hasoru obstakulo oin-oin maibe pelo menos hanesan nasaun no estado soberano ida, ita sei utiliza nafatin kapasidade finanseira husi ita nia rikusoin. Nee dunik hatudu katak ita nia ekonomia no finansas sei iha hela independencia atu maneija no organiza atu lori Timor Leste ba progresso.
Diak liu komesa agora duke nunka. Parabens ba Sr. Vice Ministru N.E. Alberto David.
Post a Comment