Iha loron 18/11/2010 Komisariu KAK ho ninia Adijuntus ba hasoru malu ho Prezidenti da Republika Demokratika Timmor Leste. Hafoin de sorumutuk ne'e DR. Aderito de Jesus Soares ba jornalista sira iha Palaciu Prezidenti Ai tarak laran dehan Komisaun KAK remata ona prosesu rekrutamentu ba investigadores sira no hein atu asina kontratu de'it ona. Tuir Aderito katak prosesu estabelecimentu institusaun ne'e maske nune'e publiku ladun interese atu rona razaun husi Komisariu ne'e. importante ida maibe publiku balun hahu so'e viadas hasoru komisaun Anti Korrupsaun.
Maibe DR. Aderito dehan, " Ita hahu daudaun ona primeira faze de investigasaun. Faze investigasaun ida ne'ebe maka ita bolu dehan kompilasaun ka kompila informasaun no analiza kazu sira ne'ebe tama durante ida ne'e. Entaun fulan ida ne'e, Novembru laran ne'e, iha semana oin ba to'o Dezembru laran ita analiza informasaun sira ne'ebe iha. Iha informasaun barak. Ita bo'ot sira hatene informasaun sira ne'e. Ita kompila informasaun sira ne'e no ita anliza daudadun kazu sira ne'e. Nune'e investigasaun ne'e la'o daudaun oras ne'e. Komisariu Aderito apelu ba Publika atu karik bele hatama keixa kona ba kazu foun iha Fulan oin mai. "Husu ba publiku atu hatama keiza kona ba kazu foun ruma bele hatama iha fulan oin mai," apela Komisariu KAK.
Tuir Komisariu KAK katak Komisaun ne'ebe hari'i bazea ba ne'ebe aprova iha Parlamentu ne'e sei la ba ke'e hikas orsamentu ne'e lakon tan ba KKN antes 2009. "Komisaun ne'e sei investiga de'it kazu ne'ebe akontese hahu husi 2009 mai ona," Aderito informa.Wainhira litik husi Jornalista sira kona ba kazu hira maka KAK agora investiga Aderito ho diplomasia dehan nia lakohi mensiona kazu hirak. "Ha'u lakohi halo espekulasaun kona ba kazu hira."
Tuir publiku katak KAK sei hakdasak hela nune'e KKN sei nani ho buras iha komunidade nia leet hodi halakon estadu no povu TL ninia osan. Maibe Aderito hateten katak ema barak ladun tau importansia ba estabelicementu institusional. "Se ha'u maka rekruta rasik ha'u nia staff ne'e oin seluk ona maibe ha'u lakohi ema dehan komisaun halo KKN," Aderito esplika.
Iha prosesu rekrutamentu staff KAK hetaan mos involvimentu husi Fungsaun Publiku.
Iha parte seluk publiku so'e viadas hasoru Komisaun Anti Korrupsaun A. Ximenes da silva estudante UNTL dehan, "Ami hein hela bebe ne'e atu bele hahoris lalais para ita hatene katak sira nia nehan iha duni atu tata laho na'uk osan estadu ninian., se la'e hanesan de'it."
"Se nune'e duni kazu KKN ne'ebe akontese antes ne'e atu lori ba hato'o keixa iha ne'ebe maun Komisariu," hatutan Natalino S. Fereira estudante ida seluk ne'ebe tu'ur iha Natalino nia sorin kuana.
Dezde hari'i KAK sei preokupa hela ho estabelecimentu instituisaun no sei foo tempu ba Korruptor sira atu habokur sira nia bolsu ho povu ninia osan. (TS).
4 comments:
Antes atu moris dt, Aderito deklara ona katak KAK nia nihan so bele tata dt laho sira nebe patrolia kumesa 2009 mai leten, ida ne'e hatudu katak "BEBE" moris mai la kompletu.
Ba humano Abortu bandu duni liu-liu iha Religaun Katolika maibe ba "BEBE" KAK hu sente bele hela karik......
Nacer Frente
Antes atu moris Dr. Aderito declara hodi hateten katak "BEBE" KAK so bele tata "laho" nebe maka kontrola orsamentu estado hodi naok iha deit 2009 ba leten, Ida ne'e hatudu momos katak "BEBE" ne'e moris mai defisiente ka "CACAT".
Tuir Igreja nia fiar katak "BEBE" nudar humano ida iha direitu hodi moris, maibe "BEBE" analogia KAK nian antaun bele abortu karik!!!
Sr. Aderito (keta halo ita bo'ot sai fali Judas Eskariot), KAK nudar mesia hodi salva rai doben Timor...sei karik ita bo'ot sente Mesia ne'e ema tempra oin-oin diak liu ba abortu tiha halo foun fali tanba instituisaun governo (Fariseu sira no escribas) barak maka defisiente tebes lalika ba aumenta tan....
A luta kontinua.......
Deklarasaun Komisariu KAK dehan, komesa kompila ona kazu sira ne'ebe hatama ka keisa husi 2009, siginifika katak kazu sira ne'e simu iha 2009, maibe laos prosesa deit kazu ne'ebe komite husi 2009 mai,... kazu sira simu ona keisa ne'e bele mos mai husi 2000 to'o 2008, sidadaun ka organizasaun ruma foin hatama keisa ne'e ba KAK iha 2009,...
Keta kumpriende sala katak KAK prosesa deit kazu 2009 mai leten.
Los duni, karik KAK tarde uitoan hari strutura, maibe ho razaun fundamental, teknikus, limitasaun no involve orgaun funsaun publiku, buat sira ne'e hotu lori tempu duni.
Timor oan barak duni mak agora fo duni atensaun ba prosesu dezenvolvimentu nasaun joven ne'e, mas barak liu mak hakarak buka kritika deit sem hare ba relidades. Ne'e mos diak ida, ba dezenvolvimentu demokrasia, para enkoraja ema hala'o serbisu ho didiak, maibe keta demais liu, orsida buat hotu la'o la tuir dalan.
Quote husi Tempo Semanal "Tuir Komisariu KAK katak Komisaun ne'ebe hari'i bazea ba ne'ebe aprova iha Parlamentu ne'e sei la ba ke'e hikas orsamentu ne'e lakon tan ba KKN antes 2009. "Komisaun ne'e sei investiga de'it kazu ne'ebe akontese hahu husi 2009 mai ona," Aderito informa."
Kazu akontese hahu, lahanesan ho Keisar ba Kazu....
Tempo semanal, Ita bo'ot bele toma responsabelidade ba publikasaun ne'e ka lae???
Wainhira atu koalia ho Journalista, tengke mos hanoin katak nia koalia ho POVU, neduni tengke Claru, labele rohan2 dt.(informasaun fo ba Povu claro sei hetan responde ida diak)
Realidades maka Fariseu (kaum Farisi) no Escribas barak demais iha Governasaun AMP, faktus hatudu duni katak politika AMP implementa no hatudu iha OGE la'o sabraut los.
KAK hanesan Mesia hodi Salva Timor, no sempre iha problemas ka tentasaun barak maka sei mosu hasoru nia, neduni nia tengke perfeitu wainhira atu moris mai, "perfeitu" maka, Operador tengke iha esperito luta duni ba POVU, Lei tengke forte (Maneira Atuasaun, Pena, etc) Administrasaun tengke forte, transparente, no mos seluk2 tan.
Sei maka lakohi hein Salvador????
Karik so deit "Naok ten sira"
Post a Comment