Thursday 18 November 2010

Mota Karau Ulun nia Siak…..!!! Fo ameasa bo’ot ba moris komunidade iha Leo fatisin Suku Kamanasa

Kontribuidor Tempo Semanal Suai, Fatisin, 17 Novembru 2010


Mota Karau ulun hahu ameasa uma populasaun Leo fatisin

Mota Karau Ulun Hola Parte iha Leo (Aldeia) Fatisin, Suku Kamanasa Sub Distritu Suai Vila Distrito Kovalima. Hori uluk hori bein kedas Bei Ala sira bolu Mota ne’e Mota Karau-Ulun Mau K’marak ne’e Siknifika katak: Mota ne’e sempre maran ka laiha wee iha tempo Bai Loro nune’e iha tempo udan wee lahorik iha Mota ne’e to’o semana rua maibe sempre maran lalais deit.


Iha tinan ba tinan Mota Karau Ulun sempre Sa’e no estraga Leo (Bairo Fatisin), iha Tinan 2003 Mota Karau Ulun Sa’e ho nia naruk metro ida ho balun nebe halo aat Ponte ( Dambata) no mos sobu Uma balun iha Leo Fatisin Suku Kamanasa Sub-Distrito Suai Vila Distrito Kovalima no mos hamate animal, no estraga to’os no natar iha partense suku Kamanasa Leo Fatisin nian.


Mota Karau Ulun Sa’e la para, to’o iha Tinan 2010 Fulan Agustus Dia 02, Mota Karau Ulun Sa’e tan dala Ida (1) hodi estraga Leo Fatisin no hola rai no hamenus luan husi Leo fatisin nian hodi fo ameasa bo’ot ba ema fatisin nebe hela besik iha mota ninin ne’e halo moris lahakmatek ta’uk ba atu Mota atu Sa’e hodi sobu sira nia uma.


Iha Dia 02 de agustus ne’e mos mota konsege estraga mos komunidade balun nia To’os ho luan Metru 100 no naruk metro 150 nebe t’os ne’e nakonu ho batar nebe protu ona atu silu ka maibe mota mak aproveita tiha Ai-han sira ne’e. tuir To’os na’in Orlando Amaral hateten katak to’o agora to’o akontesementu ne’e liu ona fulan tolu maibe nia rasik sei dauk hetan ajuda emegensia ruma husi Governu ida ne’e hodi bele troka Ia-han sira nebe mota estraga ona.


Horun(Mota ninin) Mota Karau Ulun taka ho bojong atu prevene Mota Karau Ulun labele ko’a tan rai hodi hamenus luan Leo Fatisin maibe boronjong hirak ne’e la iha funsaun tanba Mota sempre lori bebeik boronjong nebe tau iha mota ninin ne’e. iha fulan agustus 2010 kompanha balun manan tender hodi halo ka tau borojong iha horun(Mota ninin) iha Mota Karau Ulun maibe boronjong sira la hela iha mota ninin ne’e la to’o durasaun tempo nebe naruk. Atu dehan kompanha nebe kaer projeitu ne’e mak laiha tekniku nebe forte ka ita dehan deit Mota Karau Ulun mak Si’ak liu mak sempre sobu bebeik boronjong no hakarak ko’a bebeik horun iha mota ninin karau ulun ne’e?


To’o agora Dia 03 Fulan November 2010 Mota Karau Ulun sei la para ko’a horun ka hola rai iha mota ninin hodi fo ameasa ba uma komunidade nian Sanuluh (10) nebe iha tempo harii uma ne dook husi mota ninin kuaze metro dook husi mota ninin maibe agora hela deit metro balun para uma sira nebe atu sai ona mota nia dalan ka atu tama ona ba mota laran no agora dadaun iha uma Rua(2) mak hetan Ameasa bo’ot atu tama ona atu tama ba Mota laran nebe hela deit haat (4) to’o lima(5) ba leten uma rua (2) ne’e atu tama ona Mota Karau Ulun laran. Ameasa ne’e mosu kedas fulan Augstus liu maibe lider komunitario autoridade local seidauk foti medidas ba kestaun ne’e. Hakerek Nian husu ba Nia nebe kria ita atu ba tempo badak nia laran molok iha atendementu ba ameasas ne’e husu bo’ot mak udan labele tun lai tanba uma Rua nebe Mensiona ne’e hein deit udan tun no mota mai tan dala ida (1) na’in husi Uma ne’e atu lakon ona sira sira nia hela fatin ne’e.


Lia ikus Husi Hakerek na’in ba Artiklu ida ne’e mak atu bele halekar ba Timor tomak no fo hatene ba Na’in ulun sira nebe iha kompotente ba kestaun ne’e atu bele tau matan ba problema ka susar nebe komunidade iha Leo Fatisin Infrenta no mos atu bele hasai sira husi surar nebe sira hasoru. (TS)

2 comments:

yogyakarta2010 said...

belun diak..........sira mak iha rai doben suai......dejastre naturais ne mai bebeik tia ona e nusa mak to'o agora governo lokal nunka mais atu evita problema ida nebe atu estraga ema hotu mak moris ih fatin ida, tamba sekarik mota ne mak aumenta luan hela deit entao rai kamenasa bele muda ba fatin seluk......!!!!! obrigado....


abracos

yogyakarta2010 said...

belun diak..........sira mak iha rai doben suai......dejastre naturais ne mai bebeik tia ona e nusa mak to'o agora governo lokal nunka mais atu evita problema ida nebe atu estraga ema hotu mak moris ih fatin ida, tamba sekarik mota ne mak aumenta luan hela deit entao rai kamenasa bele muda ba fatin seluk......!!!!! obrigado....


abracos