Tempo Semanal-Ermera, 25.11.2010
Iha fulan tolu nia laran Falintil-Forsa de Defeza Timor Leste husi komponente enjenaria aijuda hari'i eskola primaria ida iha suku Fatu Besi, sub-distritu Hatulia Distritu Ermera.
Eskola ne'e remata ona no iha loron 25/11/2010 inagurah ona no xafe entrega husi Sekretariu Estadu de Defeza DR. Julio Tomas Pinto ba sekretariu do Estadu Kultura Sr. Vergilho Smith no foo direitamente ba responsavel eskola refere ne'ebe sasin husi komunidade iha suku resfere.
Iha ninia deskursu DR. Pinto dehan, "F-FDTL la halo ona funu konvensional maibe sei buka aijuda dezenvolve nasaun ne'e."
Orsamentu ba halo eskola ida ne'e mais ou menus ruhin tolu nolu dollar Amerikanu maibe nota katak kualidade diak duni. "Se ida ne'e entrega ba ita nia kompania sira maka halo bele gasta to'o duzentus mill ka duzentus Cinkuenta mill," Informa Julio.
Sekretariu do Estadu ne'e espera katak iha fulan dezembru ne'e ekipa Enjenaria F-FDTL sei bele hetaan tan oportunidade hodi halo eskola no centru saude balun iha fatin seluk iha TL.
Major Jenetral Taur Matan Ruak iha fulan Augusto tinan ne'e denunsia sai F-FDTL ninia prioridade ba nasaun TL maka area rekursu umanus.
Eskola ne'e pronttu ona maibe sei falta hanorin nain sira.
1 comment:
Ajuda governo, mais ho informacao oituan deit, jornalista sempre buka atu hatene liu, oibn sa, se mak halo.
Post a Comment