Friday, 19 November 2010

Iha Posibilidade F-FDTL sai Forca Da Paz ONU ninian Liu Husi Portugal

Tempo Semanal Dili, 19.11.2010

Sekretariu Estadu Defeza Portuges ba asuntus tasi ninian, Marcos Perestrelo, daudaun ne'e vizita hela Nasaun Milenium ne'ebe uluk eis portugal ninia kolanial durantee 450 anus. Iha vizita ida ne'e sekretariu Estadu nain rua ne'e asina akordu de kooperasaun tekniku Militar ne'ebe estabelese entre instituitasaun defeza nasaun rua ne'e.  Ho akordu ida ne'e Portugal sei foo apoiu treinamentu ba sarjentus ho aficiais F-FDTL sira. Tuir Julio Tomas Pinto katak akordu ne'e importante tan ba define mos kona ba Forca De Defeza F-FDTL bele integra iha komponente Forca Portugal ninian wainhira atu sai forca da paz Onu ninian.
Julio Tomas Pinto Sekretariu Estadu de Defeza Timor Leste hateten katak durante de enkontru nia esplika ba ninia omologu ne'e kona ba dezenvolvimentu F-FDTL no Koopearsaun ho nasaun vijinu sira seluk iha rejiaun ne'e inklui Estadu Unidus da Amerika. "Ha'u informa ba nia kona ba sa ida maka ita halo ona iha Defeza durante tinan tolu nia laran, Informa mos ba Sr. Sekretariu Estadu kona ba depois de ita hari'i ita nia Forcas Armadas iha 2001 sa ida maka akontese sa'e mai too 2007 kuandu Governu AMP tama. Ha'u mos hateten ba Sr Sekretariu do Estadu katak kuaze ba Parlamentu Defeza ne'e hanesan asuntu konsensus ida. Debate iha Parlamentu nia laran la iha Problema. Tan ba politiku sira hotu-hotu iha Timor hatene katak Defeza ho Seguranca iha Timor hanesan interese nasional."
"Ha'u informa mos ba nia kona ba kooperasaun Defeza ho nasaun sira selu-seluk. Ha'u dehan ba nia katak alein de portugal aijuda ita nafatin. Ita iha kooperasaun bilateral ho nasaun sira seluk hanesan Australia, Brasil, New Zealand, Malaysia, Estadus Unidus da Amerika i Indonesia agora daudaun. Hau dehan katak ita nia Jeneral Taur Matan Ruak konvida ona panglima Indonesia nian mai vizita iha 2009 i depois ita nia jeneral Taur Matan Ruak mos Vizita ba iha ne'eba, " dehan Julio Pinto.
Ohin mos Sekretariu do Estadu ne'e vizita ba Kuartel jeneral F-FDTL iha tasi tolu hodi hasoru malu ho Major Jeneral Taur matan Ruka, Brigadeiru Jeneral Lere Anan Timur, Koronel Falur ho lideranca F-FDTL sira seluk. Eis Xefe Estadu Maior das Forcas Gerilleiru Falintil ne'e hateten katak, " kooperasaun ne'e ami iha ho portugal ne'e konsentra liu ba areas konseleirus nian. Areas konseleiru nian iha oin rua iha ida permanente. Katak sira mai iha ne'e aijuda sira ba ninia troka mai fali, Ida ida kee defende projeitu de'it. Projeitu ida iha, nia ohin mai to'o fulan rua tolu. To'o projeitu ne'e remata nia fila fali.
Forca de Defeza Portuges sira foo apoiu ba dezenvolvimentu area Defeza Timor leste liu-liu iha treinamentu baziku, rekrutamentu, preparasaun leis no formasaun ba F-FDTL inklui treinamentu no apoiu ba komponente naval. (TS)

2 comments:

Anonymous said...

Tuir Julio Tomas Pinto hateten katak akordu ne'e importante tan ba define mos kona ba " Forca De Defeza F-FDTL bele
integra iha komponente Forca Portugal ninian wainhira atu sai forca da paz Onu ninian."

Ba servisu iha nasaun seluk iha bandeira ONU nia okos mak integra iha Portugal.
Nee hau hanoin nee ita sofre fali ona krize integridade nudar nasaun soberanu.
Diak liu lalika bolu nasaun RDTL maibe TL afilia ba Portugal (Timor Portugues) nebe kuinesidu iha tempu uluk.

Hau nia hanoin se karik Governu hakarak tebes hola parte iha forsa ONU nian, dalan diak mak haruka offisias ka soldadu sira ba eskola ka aprende iha ka husi nasaun seluk nebe involve aan tiha ona iha misaun sira hanesan nee.

Tenke tau iha ulun katak nasaun RDTL laos ona provinsia ida husi Portugal nian iha tasi balun. Se kapasidade seidauk too, hau hanoin lae iha ema ida obriga ita halo kedas knaar sira hanesan nee mesmu ita mos membru ida husi ONU nebe iha dever atu hola parte hodi mantein paz iha mundu raiklaran.

Obrigadu !

Consultora Educacional said...

Somos leitores assíduos do seu Blog. Um abraço, Equipe do site Analista de Suporte.Daienne