Iha loro kraik (28/11) oras 15.32 rai lakan maka’as derepenti akompania ho rai tarutu maka’as tebes nian ida. Tempo Semanal liu husi dalan Bekora komunidade lubun ida maka joga hela bingo halai fahe malu so’e iha Estrada leten fatun ho ai musan bornal oan ifa ho surat tahan hakerek numeru koor ajul mutin.Liu tiha minute ruma, udan bo'ot bo'ot hahu duni malu tarutu tun husi diresaun Fatu Ahi tutun, tama dili iha oras 15.38. Udan bo’ot ne’e halo kapital nasaun nakonu fali ho wee. Iha dalan ema joven lubun maka joga bola maske bola ne’e lakona alkatraun.
Iha Kruzamentu Katedral ho dalan ba bairo pite ninian hetaan asaltu husi wee mota moloa. Tan ba rai henek sulan tihan ponte maloa nune’e wee mota ne’e naresin tama Estrada. Nune’e mos palasiu Prezidenti Aitarak laran ne’e sai pisina gratuita. “Ne’e pisina hodi nani gratuita ba kareta sira ne’eba,” dehan Ajon juventude ida ne’ebe hamriik iha besik mota Malao husi sorin leste hateke ba diresaun Palasiu Prezidenti.
Estrada Sidade Kapital nasaun ne’ebe mukit ho dranazen ne’e sai fali tan pisina dala ida iha celebrasaun aniversariu bad ala tolu nolu resin lima.
Udan bo’ot ne’e empata mos ceremonia hatuun Bandeira nasional iha palasiu do Governu to’o tuku 17.00 pass ona mos seidauk komesa maske loloos hahu iha oras ida antes. “Udan bo’ot hela ne’ebe ceremonia seidauk bele hahu,” dehan membru do governu ida ne’ebe husu atu labele publika ninia naran.
Nia hatutan, “maibe se udan nafatin maka ita hahu de’it ona iha udan laran.”
Sidade Dili hanesan capital Timor Leste ne’ebe ninia populasaun barak liu fali distritu sira seluk iha nasaun ne’e. Maibe hafoin restaurasaun independensia to’o ohin loron sei hoban ho udan wee kuandu udan turu tan ba kuran planu de urbanizasaun no dranezen. Sidade ne’e hetaan ameasa liu tan husi inundasaun wainhira komunidade no vendedores sira la so’e foer lixu fatin maka prepara ona.
“Ami iha direitu atu fa’an iha ne’e tan ba sasan sira ne’e folin diak,” dehan vendedor kiik oan iha besik dalan ninin Halilaran. (TS)
1 comment:
Iha Timor, ami la hatene tansa iha Ministerio Infra-estruturas ida... Ami bele halimar ho ministeriu ida ne'e. Dalan la iha, manutensaun la iha, kontrolo dalan atu halo presensaun udan nian la iha... Ministru ida ne'e halo saida iha governu? Udan estraga sasan barak ema kiak nian no governu la haree ninia povu.
Post a Comment