Thursday 18 November 2010

Konsellu Dos Ministru Ohin Deskute mos Kona ba Situasaun Estudantes Yogja

Breaking news Tempo Semanal, Dili, 18.11.2010

Ohin Konsellu Dos Ministrus sei tuur hamutuk hikas fila fali hodi haree mos kona ba situasaun estudantes sira iha Yogjakarta ninia situasaun hafoin vulkaun nakfera. Tuir orariu ne'ebe Tempo Semanal hetaan hatudu katak iha segundu parte dehan haree, "Situasaun dos estudantes timorenses em jogjakarta."
Estudantes Timor oan sira iha Yogjakarta rejeita iniciativa Governu atu halo evakuasaun ba sira tan ba tuir sira nia haree atuasaun ne'e tarde. Estudantes sira mos kondena Embaixador TL ninian iha Jakarta pasivu. Embaixador Manuel Serano ba Tempo Semana rekuinese governu ninia frakeza. "Atuasaun governu ninian ne'e tarde," dehan serano.
Governu foin daudaun ne'e liu husi Konsellu Dos Ministrus semana ruma kotuk harii ona ekipa konjunta ida ne'ebe lidera husi Vice Ministru Negosiu Estranjeiru, DR. Calos Alberto ne'ebe hala'o ona vizita ba Yogjakarta ho misaun atu evakua estudantes sira husi Yogjakarta ba Solo ka Timor Leste. Ekipa ne'e to'o hikas ona iha TL iha semana ne'e maibe rejultadu sei konfuzu hela publiku.

Iha parte selek diplomata ne'e dehan maske oin sa mos sira too ona iha Yogja atu buka solusaun ba estudantes sira. Mosu diferenca boot entre Komisaun ho estudantes kona ba fundus US$350,000 hodi evakua estudantes sira. Estudantes ezeji atu fahe. Maibe Embaixador dehan sira nia misaun ba iha Yogjakarta la'os para atu fahe osan.
Tuir estudantes sira Misaun ekipa konjunta ne'ebe lidera husi Vice Ministru Negosiu ne'ebe foin inaugura iha fulan kotuk ne'e falla no sai tuirista ba haree vulkaun Yogya karta no gasta osan povu nia saugate.

1 comment:

Anonymous said...

terima kasih banyak. agora ami kontenti ona tamba simu osan. hitung hitung bele hemu tua ba natal. obrigadduuuu