Se Loos Maka Nain ba Manifestasaun 12 de Novembru 1991?

Maluk sira manifestasaun 12 de Novembru 1991 sei sai nafatin debate interesante. Tan ba balun dehan ne'e partidu ida ninian maibe balun fali dehan ne'e movimentu Nasional ida. Iha celebrasaun aniversariu ba tinan 19 joventude Fretilin hi'it sa'e aas bandeira partidu istoriku ne'e iha masa ninia klaran no hakilar Viva Fretilin. Nune'e tuir ema balun du'un Fretilin politiza Loron nasional ba juventude Timor Leste. "Vitimas 12 de Novembro 1991, sira hotu herois nacionais Timor-Leste nian.  Laos herois/heroinas  FRETILIN nian,  CNRM nian, UDT nian ka  grupo ida nian," DR. Constacion Pinto eis sekretariu comite Exekutivu/Frente Cladestina dignifika loron ne'e. (Sani Intervista Kompletu iha Tempo semanal edisaun Tersa (16/11)

Iha Manisfestasaun 12 de Novembru 1991 mosu bandeira lubun ida kahor ho spanduk ne'ebe pinta ho Lider CNRM ninia letratu no kalegrafia kontra okupasaun Militar indonesia.

Maibe Primeiru Vice CE/FC, Jose Manuel Fernandes ne'ebe daudaun ne'e hanesan membru Parlamentu nasional husi bankada Fretilin dehan, "presiza hatene akontecimentu 12 de Novembru ne'e la'os mosu mes mesak maibe antes ida ne'e mosu uluk ona manifestasaun 12 de Oetobru 1989 durante de vizita amo Papa Joao Paulo segundu mai Timor Leste. Interesante atu ita hatene diferenca de opinaun no intrepretasaun entre Sekretariu ho ninia primeiru Vice. "12 de Novembro mai husi acsaun ida uluk, 12 de Outubro 1989, wainhira Santo Padre Joao Paulo II mai visita Timor, Jakarta fiar katak POVO MAUBERE nia oan sira simu tiha ona Integrasi, maibe momento oportuno ida ne’e,  MAUBERE oan sira hatene aproveita hodi estraga tiha diplomacia Jakarta nian," Jose Manuel alias. (Intervista ne'e sei hatuun kompletu iha edisaun semana oin mai).
Via telefone Jose Manuel informa katak, "iha organizasaun ruma maka organiza manisfestasaun ne'e la'os tuur mes mesak mosu."

Iha fatin seluk Segundu Vice CE/FC Donanciano Gomes ne'ebe agora ne'e hanesan komandante komponente Naval F-FDTL durante sai orador iha seminar ida organiza husi sekretariu Estadu Joventude no desportu iha Dili, loron 12 de Novembru 2010 dehan Joventude TL presiza banati tuir espiritu heroizmu 12 de Novembru 1991 atu hametin espiritu Nasionalizmu no patriotizmu.

Maske nune'e Familia vitima barak liu ladun invo;ve iha diskusaun ne'e mas sira prefere ezije justica no buka nafatin rai kuak hakoi fatin sira nia doben mak lakon iha loron ne'eba.