Ekipa Konjunta ba Evakuasaun Estudante TL Merapi ohin ba Yogya, Estudante Dehan Governu atua tarde

Tempo Semanal, 11.11.2010

Governu Timor Leste foo sai ona katak harii ona ekipa konjunta ida kompostu husi Ministeiru Negosiu Estranjeiru, Ministeiru Solidaridade social, Ministeiru Edukasaun, Ministeiru Saude no Ministeiru Finansas atu ba evakua estudante Timor oan tuir kalkulasaun too 1000 ne'ebe eskola iha yogya. Maibe tuir estudante ne'ebe daudaun ne'e hela iha sira nia koos besik fatin refujiadus ninian dehan atuasaun Governu nian ne'e tarde ona tan ba akontesimentu iha kedan loron 26/10 foin maka Governu hakfodak husi ninia mehi naruk. "Hau sente atu evakua estudante ne'e desijaun ida ne'ebe terlambat tiha ona...tan ba estudante barak mak evakua rasik an ona..," informa mahasiswa Institut sience & tecnologi AKPRIND (ISTA) jurusan Teknik Industri Natalino O.F.Belo iha ingtervista eskluxivu ho Tempo Semanal.

Nia argumenta katak, "terlambat tan ba estudante sira buka rasik tiha ona fatin ne'ebe seguru no evakua ona ba malang,surabaya,bandung e bali...iha parte seluk fali... estudante iha jogja mak hela oituan deit ona... pois mai, atu evakua tan ba solo...otomatis solo ne mos kona ba zona merapi nia hotu...tuir los ne'e atendimento guverno nia ba estudante n'ee antes que merapi meletus iha dia 26 fulan kotuk ne'e."

" Mayoria estudante e kolega sira barek mak ba jawa timur..parte surabaya ho malang..e minoria mak bandung e bali..kuaje 25% mak hela iha Yogya."

Tuir estudante ne'e katak ho ekipa konjunta ne'e sei lorii ema barak nune'e osan liu Dollar Amerikanu rihun atus ne'e bele gasta barak tiket aviaun, hotel no perdiem ekipa ne'e ninian no parte balun deskonfia katak ekipa ne'ebe lidera husi vice Ministru Negosiu ne'e la'os atua tarde de'it maibe deskonfia orsamentu ne'e sei habokur konta ema balun ninian.

"Aloksaun orsamento mos la tuir nia dalan ne'e mak orsida estudante sira iha ne'e mos guverno evakua la los hotu ona," dehan Natalino.

Estudante ne'ebe hela fatin ho distancia 5t km husi kampu refujiadus merapi ninian ne'e lamenta, "kuando hanoin didiak estadu timor nungka iha interece ba estundante sira....liu2 mos embaixada iha jakarta ne'eba....sira nungka kedan kontakto e iha reasaun ba problema ne'ebe estudante lewat....liu2 merapi."

Nia foinmak esperiencia lolos katak, "afinal merapi ne'e problema ne'ebe serius tebes tan ba ne'e halai liu fali ba kontextu vida....ne'e dezastre duni."

Hataan kona ba posku ne'ebe vice ministru Negosiu Estranjeiru dehan loke ona iha Yogya ne'e Estudante ne'e ho sinista atu dehan katak Vice Ministru ne'e hahu bosok publiku. "Seidauk..hau haree estundante hotu hatene katak embaixada seidauk iha posko atu kamp pengunsi ba estudante... hau sempre ho kolega sira mak kontactu malu kuandu situasaun atu cuaca, kuando la seguru ami kontactu malu... atu fo informasaun ba malu at ne buka fatin hodi se'es aan," dehan Natalino.

Jornal ne'e haruka ona perguntas lubun ruma ba adedidu edukasaun iha Embaixada Jakarta iha semana kotuk maibe seidauk nafaftin hetan resposta ate agora. Hafoin loron ruma perguntas Tempo Semanal ninia tuir fontes husi Yogya katak adedidu edukasaun to'o ona iha yogya maibe tuir Natalino katak, "hodiseik ami konserta hamutuk iha kampus Universidade UP 45 hodi hein nain ulun sira ne'e...tan ba ami rona dehan sira to'o ona, maibe ami hein kuaze oras 4 nia laran e konsege estudante sira telefone duni ba embaixada katak enkontro batal...tan ba sira seidauk jadi mai. Maibe karik hodi kalan ou ohin dader mak to'o entaun hau seidauk hatene tmb hau mos seidauk rona informaun husi kolega sira."

Atu taka nia lamenta nafatin, "tuir hau nia hanoin governu nia desijaun no tanggapan atas pelajar timor oan iha Yogya ne'e terlambat liu maun... e agora mak sira mai atu evakua estudante hanesan deit...apalagi evakua tan ba solo...solo ne mos merapi kona hotu."

Estudante Timor oan sira sente laran moras ho desizaun ne'ebe tarde husi Governu Timor leste hodi haree governu seluk ba evakua sira nia estudante.  "Hanesan estudante malaysia nia...estadu malaysia to'o mai rasik jemput nia povu ou estudante ho aviao maske que situasaun atau cuaca. Naton ne'eba la seguru....
agora guverno RDTL ne'ebe que hatene katak situasaun ida ne'e la diak ba nia povu nungka seer iha reasaun ba kondisaun ne'ebe estudante hasoru iha momentu ne'eba."

Estudantes sira hahu deskonfia ona katak orsamentu ne'e bo'ot atu ba evakua sira ne'e bele estraga de'it.(Eskluxivu TS).