Friday 12 November 2010

Aniversariu 12 Novembru Dili Cidade Mate Maibe Kareta Governu Pasiar Tasi Ibun

Eskluxivu TS, 12.11.2010
Iha loron triste no loron nasional ba Juventude nasional Timor leste ne'e tuir observasaun jornal ne'e sidade Dili lakon husi ninia atividade bain. Karik Timor oan sira halo duni exame de konsiencia hodiu hanoin hikas trajedia Santa Cruz ne'ebe to'o to'o ohin ita sei mehi nafatin buka atu hetan fali sira nia restu mortais. Hahu husi audian, akait, kolomera ate kampung aloor loja taka. Interesante tebes negosiante Indonesia sira iha kampung aloor ninia loja taka metin no loke deit leet oan ida atu sira bele sai tama.
Iha parte seluk hahu husi palaciu do Governu nia oin too bidau lecidere juventude sira tuur iha grupu no sira nia motor kareta mos para linea. Tuir dalan ba area branka rai henek leten mamuk no ema lubun oan ida maka okupa hela uma iha tasi ibun rai henek mutin. Liu ba Kritus rei Tempo Semanal konesge hasoru kareta pidru metan Governu nian balun pasiar hela. Hanesan kareta Hi-Luz matrikula 03 119G ne'e ninia bak kotuk nakloke ne'e tula ema nakonu fila husi area Kristu rei ba diresaun area branka.Tuir fali kareta modelu rava ida ho numeru matrikula 02-333G. Kareta land cruiser prado modelu foun ida para hela iha area Kristu rei nian ho numeru matrikula 03-231G. Ikus mai iha 12.15 kareta PNTL ida ho matrikula 02-231G ho pidru metan sa'e mohu halo patroli liu husi area branka ba Kristu Rei. "Kareta PNTL Pidru metan sa'e hotu ne'e halo patroli ka yula hela buat ruma karik," dehan komunidade ida iha area branka ba jornal Tempo Semanal.
Maske tema ba celebrasaun loron juventude nasional TL tinan ne'e  maka “Foinsa’e Soberana ba Luta hasoru Korupsaun, Ignoransia no Disegualidade". Maibe haree ba lala'ok simples ne'ebe deskreve iha leten ne'e hatudu katak Timor Leste hakat tama hela iha krize moral hahu husi ukun nain sira.
Tuir observasaun Tempo Semanal iha prosesu tenderizasaun iha ministeiru balun hatudu pratika KKN liu husi liuron ne'ebe sofistikadu teb-tebes. Interesante tebes oficiais aprovizionamentu iha ministeiru sira ne'e haree liu ba apalidus ema ne'ebe nain husi kompania sira ne'e. Tempo semanal obtein ona dadus husi Ministeiru balun no sei halo nafatin hodi halo komparativu kona ba familias ukun na'in se maka hetan projeitu barak liu durante ninian ukun.

4 comments:

Anonymous said...

Obrigado ba noticias nee maibe se diak liu tan ema nebe hakerek noticias ka halo reportagem nee corize oituan nia tetum. Saida mak vidro tau fali Pidro! Hau hanoin kala error iha hakerek maibe hau lee fali no liafuan nee repete mos hanesan det!

Anonymous said...

Sidade Dili Mate, tanba ema sira hotu ne'e ohin loron goza ne'e .... Osan ho medalia mak lanu ona... Karreta Gov sira ne'e hanesan sira nia aman mak hola...

lucizelma said...

VIVA DEPUTADU FACEBOKER SIRA!!!

Anonymous said...

VIVA DEPUTADU FACEBOOKER SIRA!