Saturday 6 November 2010

TImor Leste Lakon Lian Murak Bung Lele

Tempo Semanal, Sabadu 06.11.2010

Iha loron sexta feira loron kraik artista veteranu Timor Leste no daudaun ne'e halo hela mos kna'ar hanesan reporter Radio Timor Leste Helder de Araujo ne'ebe kuinesidu hanesan Bung Lele hakotu iis iha ospital Nasional Guido Valadares Bidau Dili.
Bun Lele moras no hetan tratamentu fase raan too iha Ospital Indonesia. Iha besik loron ikus fulan Junu Jornalista Tempo Semanal halo vizita ida ba Bung Lele iha Ospital Shangla Bali. Ho oin Midar Bung Lele ne'ebe iha momentu ne'eba ha'u rekobera hikas ninia saude dehan, "hahu di'ak uitoan no ha'u hakarak fila ona ba Timor."
Tempu ruma antes ema so'e rumores katak Bung Lele Mate ona. Ho kamera filme hela Bung Lele Jornalista Tempo Semanal ne'ebe akompana hela vizita Konsul Timor Leste iha Bali ne'e dehan, "ha'u hakarak mai check belun Lele afinal ema hotar de'it. Husu bo'ot ema hotar ne'e maka heto'ok vida ne'e sei duru liu tan."
Bun Lele ne'ebe tu'ur hela iha iha ninia kama leten ho hamnasa dehan, "ne'e katak ha'u nia fans sira hadomi duni ha'u."
Iha ninia moris wainhira bung Lele sa'e palku leten ho ninia dansa ema sira ne'ebe marka Prezenca sei hanmasa no balun tenta dansa ho nia. Nune'e mos wainhira nia lori programa radio iha RTL ho lian bo'ot no kmanek halo rona nain RTL sira sempre gosta.
Tempo Semanal sei upload Video ikus Bung Lele ninian iha Ospital Shangla Bali wainhira Jornal ne'e vizita ba fatin refere. Tempo Semanal ninia Staff tomak ulun hateke ba rai no laran susar tan lakon belun di'ak Bung Lele. Ami hein nain Maromak sei haraik graca ba Belun Lele.

10 comments:

Anonymous said...

Descansa em Paz Bung Lele...

Cornelio said...

Descnas em Paz Bung Lele

iwan said...

ami nia condolens ba bung lele nebe husik hela iha rai doben ida ne'e ho laran taridu ami hato'o dencansa em paz bung lele adeuuuus

Anonymous said...

Mamy Lele,,,,ami triste rona 1 ne mb la iha bt 1,ami so bele hatoo dt ami nia liafuan ktk 'we love you'. Ami nia oracao sei hamutuk ho ita atu bele descansa ho paz,,,,,domin,,,,,no hakmatek iha Aman nia sorin.......i love you....

Anonymous said...

Bung Lele,
Hau nian belun diak, Hau rona lian katak ita husik ona rai ita moris nian, hau nia laran taridu tebes hodi hanoin buat nebe mak ita halo hamutuk. Saudades tebes no hau reza ba Nai Maromak atu tyulin ita no loke odomatan bo'ot lalehan nian ba simu ita bo'ot.
Bung Lele you will be missed. We love you ....

Lu

Anonymous said...

Sorry to hear about the loss of Bung Lele.

Our sincere condolences to all his family and friends

Friends from Darwin

Anonymous said...

Deskansa em paz...

Anonymous said...

ami reja ba bung Lele atu bele descansa ho Paz iha Aman Maromak Nia Sorin,,,,,Amen

Anonymous said...

Descansa ho Paz, belun diak bung Lele

Anonymous said...

Ho laran dodok no tristi ha'u hato'o ha'u-nia kondolensia ba familia Bung Lele nian, Grasa maromak nian sei tulun nafatin imi "HANAWA HO HAKMATEK BA BUNG LELE"