Wednesday 19 December 2012

Eis Ministra Justica RDTL Justica Foo Kastiga


Tempo Semanal - Dili, 19/12/2012

Iha loron 11/12/2012 Tribunal de rekursu Timor Leste liu husi juis nain tolu deside hametin Sentenca kastigu kadeia tinan lima no selu muta ba estadu RDTL ho total montante US$ 4,325.00.



Tuir dokumentus pajinas lima nolu resin walun ne’ebe Tribunal de rekursu dirije ona ba parte relevantes sira, ne’ebe Jornal ne’e konsege asesu juiz koletivu husi tribunal de rekursu decide ona katak Eis Ministra Justica daruak iha Republika Demokratika de Timor Leste hetan kastigu kadeia tinan lima maske too oras ne’e sei livre nafatin.

Maske nune’e Bancada Parlamentar de FRETILIN iha loron 18 Dezembru liu husi sira nia deklarasaun politik hateten Fretilin, “hahu fo’o apresiasaun diak ba ita nia sistema justisa nebe’e hasai ona decisaun ikus hodi fo’o sentensa tinan  5 kadeia ba ex Ministra de Justisa dra Lucia Lobato no selu multa ba Estadu dolar rihun 4, ho respeito tomak ba decisaun tribunal nian.”

Tribunal de Rekursu mos halo tuir hikas fali rekursu ne’ebe mai husi Ministeiru Publiku hodi muda hikas desizaun ne’ebe foti husi Tribunal distrital dili hasoru Diretur Aprovizionamentu Ministeiru Justica Sr. Antonio Freitas ne’ebe nia tribunal primeira instancia foo liberdade ona.

“ami hakarak fo’o sai iha Uma Fukun Povu nian ida ne’e husi lian halerik, lian halerik funsionariu kik hanesan sr Antonio de Araujo Freitas nudar ex xefe aprovisionamentu Ministeriu Justisa nebe’e Tribunal Distrital fo’o sentensa absolvisaun, maibe’e ikus mai iha prosesu rekursu TR hetan fali todan kastigu tinan 5 kadeia no selu multa ba Estadu osan liu rihun 52 dolar amerika,  Sr Pesidente Colegas Deputadus,” dehan Francisco Miranda Branco.

Branco mos kestiona katak, “karik ida ne’e mak ema kik sira nia destinu at tenke simu todan hanesan konsekuensia ba decisaun bo’ot sira nian nebe’e la tuir dalam lei?”

Tuir mai kopia dokumentus kompletu desizaun husi TR ba kazu Eis Ministra Justica bele haree iha okos ne'e.








































































No comments: