Saturday 1 December 2012

Permatil Realiza Akampamentu Annual Ba Dala Tolu


TEMPO SEMANAL - DILI, 01/12/2012

 ONG PERMASKULTUR TIMOR-LESTE, Permatil realiza acampamentu annual ba dala tolu, hahu husi loron 24-30 fulan Novembru 2012, iha Sub-Distritu Laga Distritu Baucau. Tema husi akopamentu ne’e mak “Naturaza Ida Ba Ita Hotu.

Eventu nee sei partisipa husi ema hamutuk 1300, prefere ho acampamentu Aileu nia sae 100%. Skuteiros no reprezentante Prematil husi distrito 13. Eventu ne’e sei partisipa mos husi volutariu no observador internasional hamutuk ema nain 180, mai husin nasaun hanesan; Australia, New Zealand, Indonesia, Japao, PNG, Portugal, Spainola, Irlandia, Stadus Unidos Amerika, Alamanha. Equipa Filme documentariu husi Australia hamutuk ho Timor oan nain rua sei documenta eventu ida nee.

Preparasaun fatin akampamentu ne’e hamutuk ema atus resin no hetan ajuda husi komunidade lokal ihaTeqinomata, Salari no Sagadate durante fulan 5 nia laran. Acampamento nee exclusivamente konstrui ho material lokal iha suku nee rasik, no hahan hotu sei uza hahan local nebe sosa husi to’os nain sira.

Tema central husi acampamentu Permascout 2012 mak “ Natureza ida Ba ita hotu” no naran acampamentu nee sei uza naran Saudozo Francisco Xavier do Amaral proclamador Independensia Timor-Leste.

Permatil Estabelese iha 1999 tempu badak liu tiha okupasaun Indonesia. Ho Supporta husi Pemakultura Australia no practicinario sira. Pemakultura hanorin ema hodi kuidadu ba rai, kuidadu ba malu no kuidadu ba future. Permakultura halo aprosimasaun holistiku ba Uma, Bee mos, saude, managementu foer, agrikultura, kuda ai, hadiak mota, Aihoris no Animal. Permakultura hanorin ema kona ba kria agrikultura no kultura ne’ebe sustentabel. Pematil kondisiona komunidade Timor-Leste atu hakat liu kiak no hamblaha wainhira hadiak fila fali ambiente. Ankampamentu Permascout aseita atu hasae/hakbiit partisipante sira ho konecementu iha area teknika, kapasidade no ideas nebe sei lori hikas ba implementa iha sira nia komunidade.

Akampamentu nee sei iha atividade 70, 30 workshop, visita suku, exibisaun, performa musikal. Joven nai 25 husi distritu 13 partisipa iha trinamentu hahu husi preparasaun ba acampamentu. Treinamentu nee halo husi liders ativu nain 40 nebe hetan ona treinamentu husi acampamentu Dili no Aileu. Atividade nee supporta husi organizasaun local no internasional hamutuk 20 no sira hotu sei prontu partisipa iha acampamentu minimo.

“Ema mak kria problema natureza no ita ema rasik mak tenki muda ita nia hahalok, hodi nune natureza diak fila fali ba ita nia jerasaun no jerasaun tuir mai” buat hotu sedauk tarde ba ita, mai ita hotu tenque halo asaun atu hadiak no salva ita nia rai ka mundo. Sei iha matenek lokal barak iha mundu inklui iha timor-leste, ne’ebe ita bele uza hodi salva rai ka mundu ne’e husi estragus oi-oin. “Gerasaun futuru depende ba gerasaun agora”




1 comment:

Anonymous said...

Intifada ba informasaun nebe hasai hela deit iha rai doben ida ne, timor oan balun nebe iha rai liur hodi acompanha ba.