Estudante Timor Leste iha Indonesia Halo Seminar Deskute Situasaun Rai Laran

Tempo Semanal - Indonesia, 06/12/2012

Iha loron 02 Fulan Dezembru 2012, iha Auditorium Universidade IST Akprind Yogyakarta,Indonesia, Organizasaun save Lidera Zona Recurso  ou SALAZAR kolabora hamutuk ho Assosiasaun Dos Estudante de Timor-Leste (AETIL) no hetan koperasaun husi UNSLY,AADB.  liu husi komisaun Organizadora Realiza,  Seminario ho tema jeral “Problema rai no Eksploitasaun Mina Ba Dezenvolvemento Timor-Leste”.  Tema ne sai hanesan pontos inportantes ba estudante Timor oan nebe mak oras ne’e dadaun hala’o hela sira nia estudo iha Yogyakarta, Indonesia tan ba sai hanesan obrigatorio atu hodi hatene situasaun aktual ne’ebe oras ne’e lao iha nasaun Timor-Leste.

Iha seminario ne’e, hetan orador husi Timor Leste ne’ebe hala’o kna’ar iha área refere. Orador ne’ebe mak hola parte iha seminario mak hanesan, Jose Marcus Fernando,ST,MPA ne’ebe lori materia problema rai, Ruben da silva Gusmao, ST Media, dada lian kona ba Floating Production Storage and Off loading ho Agostinho G. Ramos, SE ne’ebe mak lori material rekurso Mina ba dezenvolvemento

Seminar ne’e hetan antusiamo husi Timor oan sira, ne’ebe daudaun ne’e eskola hela iha Yogyakarta ho total participante hamutuk  estudantes 200. Ideia Seminar ne’e hanesan parte akedemiko ba estudante Timor oan hodi bele hase’e kuinecemeto iha areia nebe refere.  Nu’uudar estudante iha obrigasaun atu estuda no hatene hodi prepara a’an ba hasoru progreso dezenvolvemento Timor-Leste.

Seminar ne’e ninia objetivu principal maka atu kapasita no hasa’e kuinesimentu ba estudante Timor sira hodi bele participa iha dezenvolvemento nasaun. Rua, considera katak estudante sai un’udar matan dalan  ba desenvolvementu Timor-Leste, nune’e presizo atu involve iha area hotu-hotu.   Datoluk ho intensaun atu motiva estudante  hodi bele identifika no rezolve problema hirak  ne’ebe sai impaktu ba dezenvolvimento nasional.

Orador Sr. Jose marcus fernando, hateten katak Liberdade atu hetan rai sempre akompania ho lei ne’ebe fundamental  atu nune’e bele kaer metin  Dereito ba rai. Nune’e 

mos prosesu tomak ba dezenvolvemento Timor-Leste, sempre la ses husi problema rai ne’ebe mak oras ne’e dadaun nasaun Timor hasoru.  Tan ba ne’e Timor-Leste presiza lei ne’ebe forte hodi kontrola no resolve problema hirak ne’ebe kona ba rai.

                                                                                                                                                                Antes ne’e Xefi komisaun organizador ba seminar ne’e, Natalino O. F. Belo  haktuir  katak, “seminario ne’e hetan suporta maka’as husi maluk estudante Timor oan ne’ebe mak tuir seminar ne’e.

 Tan ba programa ne’e la iha ajudo finanseiro, nune’e mos sai hanesan aktividade ida ne’ebe bele halibur estudante sira hodi buka hanoin Positivo tuir kondisaun ne’ebe oras Timor iha.

Xefe organizasaun Salazar, Ir.Ivo Jovito Boavida Belo, Skom iha nia deskurso hateten katak motivo simples ne’ebe mak organizasaun SALAZAR (save lidera zona recurso) kaer mak " hakarak hasae no aumenta liu tan kapasidade estudante timor leste tomak iha yogyakarta liu husi materia no inofrmasaun ne’ebe mak hato'o, liu liu kona ba ita nia rai laran ka riko soin ita nia rain rasik nian, atu nune’e bele kadi nafatin ita hotu nia hanoin atu bele halo analiza klean liu tan, hodi sai hanesan dalan diak ida ba ita nia dezemvolvimento ita nian rain rasik iha loron tuir mai."

Ir. Cipriano das Neves, iha nia deskurso badak hateten katak liu husi koopreasaun entre organizasaun SALAZAR ho AETIL, hanesan modelo ne’ebe mak inportante atu nune’e estudante sira bele aktivo no kreativo nafatin hodi kria aktividade ne’ebe bele hasa’e kapasidade iha areia academia nian.

Iha apresentasaun husi Ruben Da Silva Gusmao ba participantes sira nia hateten, “proseso produsaun mina ne’ebe esplora presija tebes rekurso umano atu nune’e bele produs mina.”

Nia hatutan katak Rekurso umano ne’ebe mak iha dadaun ne’e tenke prepara a’an no buka esperensia barak iha area refere.

Iha parte seluk orador, Agustinho G. Ramos mos hato’o iha seminar ne’e katak Timor nia Rekurso Naturais, liu-liu iha área mina maibe mos tenke halo investemento iha areia seluk atu nune’e bele ajuda aumenta rendementu nasaun nian husi area seluk.

Fundo Mina rai nebe mak Timor iha, bele fo benefisio ba Timor, bainhira ita uza no utiliza ba areia importante hanesan estrada, infrastrutura, Turismo no seluk tan.

Governu timor leste liu husi Ministeiru competente hatuur