Thursday 6 December 2012

Negosiente TL Habai aan Trotoar Xines Domina Kolmera


Tempo Semanal - Dili, 06/12/2012


Negosiante Timor oan sira ne’ebé 
daudak ne’e fa’an sasan
 iha Estrada Kolmera.
HANESAN tinan baibain, antes tama ba selebrasaun festa natal iha loron 25 Dezembru, situasaun Kapital Dili, liu-liu iha area Kolmera diferensia tebes ho fulan baibain. Negosiante barak mak komesa lori sira nia sasan ba faan iha fatin ne’ebá, balun faan ropa natal no balun fali faan materia natal mak hanesan, lampu natal, kaseti natal no material natal sira seluk.

Kuaze semana ida ona negosiante sira ne'e okupa tomak ‘trotoar’ iha area Kolmera nian hodi faan sira nia sasan. Ambiente iha fatin ne’e tinan tinan sempre akontese nune’e to’o festa natal no ano novu remata. Maibe iha parte seluk pelu kontrariu faan nain husi nasaun seluk sai fali baino hodi fa'an iha fatin proprio hanesan lojas.

 "Ita haree bu'at ne'e ita laran moras haree ba maluk sira ne'e fa'an iha trotoar leten. wainhira ema Indonesia ho xina sira faan iha fatin di'ak," dehan Armando da Costa, populasaun ida ne'ebe hamriik besik liuron ninin hodi fihir ba ema lubun ida ne'ebe habai an hamutuk ho roupa iha liuron sorin seluk.

Nia haktuir katak, "Governu ho estadu devia haree situasaun ida ne'e hodi evita problemas iha tempu oin."

Amibiente iha fatin ne’e halo mós movimentu transporte ‘macet’ tanba ema barak la’o ba mai iha fatin ne’ebá hodi kompras sasan natal nian.

Kolmera komesa nakonu ho ropa tanba hela deit loron rua nulu resin hitu  tama ba loron natal no tinan foun, negosiante kiik sira  ne`ebe faan ropa  tenke buka fatin ne`ebe estratejia hanesan iha loza Kolmera  no Center Covesaun Dili (CCD) Eis Merkado lama nia oin.

Agustino  Soares nudar Fendedores ki`ik iha Kapital Dili ne`ebe tinan-tinan atu tama ba loron natal no tinan foun sempre fa`an ropa iha Loja Kolmera nia oin. Tanba fatin ne`e sai estratejia ba sira hodi fa`an ropa.

“Ami rekonese fatin ne`e sai tarjetu ba ami hodi fa`an ropa ne`ebe ho presu baratu. Tanba tama ba loron bo`ot ema barak sempre sosa ropa hanesan kalsa naruk no faru ho folin dolar sanulu resin deit”  tenik Agustino  ba jornal Tempo Semanal iha loza Kolmera nia oin.

Ho ropa ne’ebe lubun boot  lasente kole maiske loron manas kontinua fa’an ropa iha loza kolmera nia oin. Tanba, loron-loron komunidade sira liu iha ne’e mai sosa ropa tanba ho folin baratu la hanesan ho folin loja nian.  Ne’e duni, kada loron ida bele hetan rendimentu  dolar atus ida (U$ 100)

Nune’e mos vendedores ne’ebe fa`an ropa iha Center Covesaun Dili (CCD) Eis Merkadu Domingos Monis hateten, tuir lolos ropa hirak ne`e, sira fa’an iha Merkadu ou iha uma oin. Maibe hare ba fatin hirak ne’e ladun rame no ema ladun sosa.

No comments: