Thursday 18 October 2012

AUDITOR TAMA INSTITUISAUN 13 FRETILIN ALEGA GOVERNU AUDITOR KONKALIKON


Tempo semanal-Dili, 18/10/2012

KKN no mal administrasaun I abuzu de poderes buras tebes iha nasau RDTL nune’e buka atu kombate Primeiru ministru V Governu konstitusional dehan ba  parlamentar sira katak daudaun ne’e iha instituisaun do estadu barak maka hetan hela auditoria ba finaceira, sistema no forence.

“Auditoria kona ba sistema sira ne’ebe la’o hela ne’e tan ba ne’e maka ami la’o tiha ho sekretaria do estadu ba fortalecimentu do estadu la’o tuir nafatin hodi foo lembra no hadia aan nafatin. Sira halo, halo iha ministeiru de saude, ministeiru agrikultura, edukasaun, defesa I seguranca, tribunais, infra estrutura, komisaun national elitoral ba to’o presidencia da republika, sira mai parlamentu nasional, ba prokuradoria jeral, ba ministeiru solidaridade social, ba MAIOT uluk, ba ministeiru negosiu estranjeirus. Portantu iha 13 institusoeins ne’ebe auditoria sira ne’e tama tiha ona hodi fo hanoin katak iha ne’e kurije, ida ne’eba la di’ak no ida ne’eba diak ita buka korije. Sira sei halo hela iha tezoru I agora sira buka atu halo mos iha MTCI uluk, atu iha taxa no alfandegas sira tenke halo hodi hadia tiha ita nia sistema sira ne’e hotu. I nos mos atu sei ba BPA agora Banku central. Tan ba esforsu ita nian tenke buka duni korije hahu husi sistema, kuinesimetu kona ba sistema, halo ne’e deliberadamente sira sei rekomenda atu iha kapacitasaun,” esplika PM Xanana iha plenaria parlamentu nasional wainhira debate Orsamentu rektifikativu ne'ebe aloka ba auditoria ninian.

Nia hatutan katak, “Ha’u kompriende katak ita bo’ot sira hanoin katak auditoria externa ne’e ba tinan ida-ida ne’ebe bainbain deloit maka halo maibe mos ami buka halo iha fatin sira ne’ebe ami sente katak difisil tebtebes. Ne’e duni iha auditoria iha tolu. Iha finaceira, iha kona ba sistema ninian la’o di’ak ga la’e. Iha fali forence, forence ne’e dehan to’o ona korrupsaun. Ne’ebe ami halo auditorias husi liur ne’e maka auditoria externa, iha auditoriais iha ita nia instituisoens govermentais haka’as aan. Ha’u hanoin ha’u temi tiha ona auditoria husi sekretariu do estadu seguranca intenrna, la’o di’ak hela. Halo ema barak hirus nia mas la’o. Labele ona maka haruka tiha kazu sira ne’e ba iha KAK.”

Joaquin dos Santos kestiona nafatin kona ba servisu de auditoria externa ba governu uluk ninian. “Governu sinko anus ba kotuk ke auditoria externa halo ne’e iha evidencias ruma ke governu uza ninia kompetencia konstitusional foti ona medidas politika I administrativas. Medidas administrative ne’e kona ba saida no sese de’it. Ne’ebe governu bele esplika mai parlamentu liu-liu mai atan oan deputadu ne’e, governu iha altura depois de resultadu auditoria externa foo ba governu liga ba kompetencias kona ba medidas administrativas ou medidas politika, relsiona mos ba KAK I mos ba ministeiru publiku.

Primeiru Ministru Xanana iha ninia lian katak,“Ami dehan beibeik katak reforma ne’e tenke lori tempu. Reforma ne’e tenke muda mentalidade no muda komportamentus atetudes. Kuandu ita temi boa governasaun ita la temi governu de’it, temi mos relasaun fungsaun publika ho governu.”

Maske Xanana ko’alia ona mos Deputadu Antonino bianco sei litik nafatin tan ba iha orsamentu jeral do estadu 2012 governu hetan osan milaun rua ba deloit atu halo auditoria maibe iha iha orsamentu rektifikativu governu husu tan milaun ida. Nune’e duni bianco husu atu Primeiru ministu esplika kona ba kompania hira mak atu halo auditoria ho kustu ba kada kompania no iha fulan tolu mai ne’e atu halo sa ida de’it.

“Ita dehan atu halo auditoria ba sistema. Ministra ita bo’ot rasik iha plenaria ne’e ha’u akompania dehan harii sistema, ne’e los duni osan barak atu hari sistema maibe ema barbarak mak viola sistema. Porke halo bu’at fora husi sistema. Ne’e ita bo’ot hateten atu foo dadus mai ha’u. Governantes sira maka halo la tuir sistema. Sira maka promote atu foo mos la foo. Ate ke ita deteta hela iha sistema, la presiza auditoria internasional mai, ita  hatene tiha ona katak iha sistema ita haree ema barak maka la tuir sistema. Ke presiza osan milaun ida atu deteta wainhira ita rasik deteta ona? Ministeiru ida-idak iha inspector jeral, Inspektor jeral ida mak tutela husi Primeiru ministru nian, KAK ho sira seluk ke deteta hela ema halo violasaun no ema sese maka halo. Maibe tan bas a maka bu’at sira sei akontese beibeik. Aditoria por auditoria no kustus por kustus ita hasai maibe rekomendasaun? Durante AMP nian esforsau sa los maka halo. Reform aba reforma mas instituisaun fraku

PM xanana dehan se servidor estadu sira komete sala ho konsiente maka, “sei rekomenda atu hetan punisaun ka medidas balun.”

PM dehan auditoria sira ne’ebe sira hala’o sei hala’o nafatin ne’ebe diferente ho auditoria ba kontas jeral do estadu tomak.

PM xanana dehan problema auditoria interna ne’e tan ba kuandu servidor estadu ida ho nivel ki’ik susar atu investiga nivel aas iha instituisaun balun nia laran.

Iha momentu hanesan lider bankada Fretilin dala ida tan kestiona resultadu auditoria ne’ebe la deteta bu’at balun inklui mos dividas estadu ninian hanesan kestaun kredibilidade. “Bahasa karik dehan konkali kon dehan ida ne’e lalika loke eee. Taka de’it para verse Tribunal rekursu ne’ebe assume fungsaun hanesan tribunal das kontas mos labele deteta bu’at ruma iha ne’eba,” deklara aniceto guterres iha plenaria.

Maibe PM xanana hatan ho diplomasia katak Iha UNTL mos hetan ona Auditoria nune’e mos iha EDTL auditoria halo hodi hatudu sai kona ba saida maka sala I hodi nune’e governu bele foti medidas.

No comments: